傳統智慧

睇番我於07年10月21日的網誌, 我發覺傳統智慧的確有參考價值. 當日係星期日, 而07年10月19日星期五恆生指數收市報29,465.05點. 其實, 呢d傳統智慧同巴菲特的名句有異曲同工之處, 投資致勝之道在於: 在別人恐懼的時候你要變得貪心; 在別人貪心的時候你要變得恐懼.

以下係當日網誌的內容 (註: 筆者現時又回復100%持股):

http://mrmarketofhk.blogspot.com/2007/10/3_21.html

今次牛市3期的徵兆(現象)

1. 城 市 論 壇 以股市為主題
http://www.rthk.org.hk/rthk/tv/city_forum/20071007.html

2. 新聞透視 (唔係財經透視)以全民皆股為主題

http://www.youtube.com/watch?v=rTkWyfxE4T0&feature=PlayList&p=8498214E155537FD&index=0

3. 少年股神出現在報紙頭版
http://www1.appledaily.atnext.com/template/apple/art_main.cfm?iss_id=20071019&sec_id=4104&subsec_id=11866&art_id=10311054

4. 股神沽857自嘲賣 得 太 快
http://www1.appledaily.atnext.com/template/apple/art_main.cfm?iss_id=20071020&sec_id=15307&subsec_id=15320&art_id=10314543

今次牛市3期可以持續幾耐, 1年, 2年, 我唔知, 不過見到以上的徵兆(現象), 我更加堅信現時增持現金至30%係正確的做法.

回應Bandy: 增持現金至30%係指07年10月21日當日的情況, 現時唔計投入20萬於匯豐ELI, 我已經回復100%持股. 筆者今日重溫當日的網誌的目的係想講, 根據傳統智慧, 股市到了出現以上呢D現象, 就算個市繼續升, 都應該驚, 都應該有一絲的恐懼之感. 相反, 到了今時今日, 個市即使大跌, 也無需要太恐慌.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

好股票要像心愛的古董一樣珍藏

星期五美國道指下跌194.65點, 匯豐於美國ADR股價下跌3.27%, 原因係繼凱雷資本無力償債後, 美國第5大投資銀行貝爾斯登宣布面對流動資金不足的問題, 股價一度跌超過50%,收市亦跌47.37%, 貝爾斯登過去52週股價最高係159.36美元, 昨晚最低跌到26.85美元, 跌幅係83.15%, 一間美國第5大投資銀行的股價可以跌到咁, 驚唔驚.

雖然, 貝爾斯登係美國第5大投資銀行, 但其實佢只係2線的投資銀行, 佢現時的市值只有35.4273億美元, 相等於276.33億港元, 本地銀行東亞市值係657.58億港元, 係貝爾斯登的2.38倍. 現時美國以市值計最大的投資銀行係Goldman Sachs, 市值619.7711億美元, 第2大係Morgan Stanley, 市值436.8859億美元, 第3大係Merrill Lynch, 市值421.6149億美元, 第4大係Lehman Brothers, 市值216.9947億美元. 以前仲有一間出名的投資銀行Salomon Brothers, 係美國債券市場的翹楚, 於1997年被Travelers收購, 與旗下的Smith Barney合併為Salomon Smith Barney. 1998年Travelers與Citicorp 合併成為今日的Citigroup.

講番現時的股市, 從報紙或電視或收音機, 可以見到或聽到財經專家的口吻已經同去年年尾唔同晒, 現時的股民的心態也唔同左, 對後市不再寄予厚望, 甚至有輸少當贏的心態. 事實上, 目前仍然持有股票的人, 唔少人帳面上同之前的高峰比較, 唔見左相當一大部分, 筆者也唔例外. 不過, 筆者認為唔好灰心和失望, 優秀企業的股票應該像心愛的古董一樣珍藏, 繼續持有, 不斷收集. 最重要係檢視手上的持股, 是否盈利前景美好的企業, 否則, 就要趁市況低迷時期, 優化股票組合, 換馬至優質股. 只要手上持股全部係能夠不斷為股東賺取盈利, 就唔使擔心, 做一個輕鬆和安心的股票收藏家和股東. 現時筆者差不多係100%持股, 無意減低持股比例, 對匯豐更加係由始至今, 一片丹心, 不過,我從來無懷疑過自己係天真及傻, 我真係從未失去起初的信心和信念.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

加碼買入#3328交行

今日用埋僅有的資金買左4000股#3328交行, 持股增加至13,000股. 現時仲有20萬資金被綁在匯豐ELI, 要睇4月份匯豐股價會否高過128.7, 否則就要視乎匯豐股價來決定有無得收取年息15%, 高過122.8就有息收.

另外, 綜合網上報導, 平安保險正向國家外匯管理局申請40億歐元的外匯額度，市場傳聞平保將以20億歐元的作價收購富通集團旗下從事資產管理業務的子公司富通基金（Fortis Investments). 根據富通2006年報，旗下富通基金在2006年管理資產達到1210億歐元, 有分析員估計現時總管理資產 可能高達2400億歐元, 估計一年收益率大約有0.072%至到0.113%, 即係每年賺1.728至2.712億歐元, 以20億歐元的收購價的投資回報率有8.64%至13.56%. 目前富通基金在國內經營合資的海富通基金管理公司, 令到平保可以藉著收購涉足國內基金市場.


台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

市場先生私人強積金(13-Mar-08)

今日收到銀行月供股票的交易通知單, 由今個月開始, 月供銀碼增加至15,000蚊, 所以每隻股票買到的股數都多左. 由於近期股市下跌唔少, 所以個私人強積金組合以今日收市價計, 有10.16%的帳面虧損, 不過, 月供股票係長期的計劃, 股價下跌其實係好事, 唔信? 幾年後, 甚至十幾年後就可以見到功效.

另外, 雖然今日股市大跌, 恆生指數全日收市跌1,121.12點, 但唔會影響和改變我繼續保持接近100%持股的狀況, 也唔會改變繼續月供15,000蚊股票的做法.

另外, 最近有關2628中國人壽的新聞包括:

1. 中國人壽將率先採用與美林公司共同編制的美林BookMark持有到期債券指數作為債券投資業績考核的基準。原因係中國人壽債券投資的主要目標之一是匹配未來公司資產負債現金流，而不是像基金公司等其他機構投資者那樣，以頻繁地進行二級市場操作賺取差價為目的。

2. 中國人壽未來的投資重點將會係債券、基礎設施、銀行股權等, 今年在港口、電力、公路等基礎設施方面會有幾個投資計劃逐步落實.

3. 中國人壽投資中國農業銀行、國開行、徽商銀行的工作在進行中。

4. 盡管08年A股市場將可能保持劇烈震盪的格局, 中國人壽沒有大量減持A股。

5. 中國人壽一直關注對外投資事宜。次貸危機確實使很多海外並購的機會乍現, 但目前還不能對次貸的風險做出明確的判斷，在這種情況下不能輕易出手. 不過, 第二季度之後可能係中國人壽進行海外收購的好時機，國壽的海外並購目標包括美國、歐洲的銀行、保險公司、基金管理公司或者信托投資公司。

從緊的貨幣政策對中資銀行的影響

總理溫家寶在第十一屆全國人大一次會議上提到今年要實行從緊的貨幣政策。 到底從緊的貨幣政策對中資銀行有什麼影響呢? 目前中國商業銀行80％左右的收入是來自于信貸利息收入, 呢種收入結構唔健康, 從緊的貨幣政策提供機遇俾國內銀行去調整收入結構, 即係迫國內銀行想辦法去增加非利息收入. 另外, 銀行靠信貸的高速增長來維持利潤的增加係幾危險的, 美國次按風暴就係前車可鑑, 從緊的貨幣政策有利銀行強化信貸風險管理.

不過從緊的貨幣政策對銀行也有沖擊. 銀行的流動性無可避免會被收緊, 需知道唔少企業係靠新借貸去還舊債, 或者靠A銀行的貸款去還B銀行的債. 從緊的貨幣政策會令到一些企業出現流動資金不足或者未能及時得到供給, 咁會增加銀行的信用風險 (credit risk), 撥備也會相應增加.

另外, 從緊的貨幣政策通常意味銀行要購買央行票據, 結果係銀行低收益的資產比例增加, 對銀行的盈利有負面影響.

不過, 我仍然認為金融股, 包括中資金融股係長線投資的好對象, 我的股票組合, 95%係金融股.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

買入2000股中國人壽

最近股市下跌, 尤其是中資金融股股價表現疲弱, 不過我自己目前就幾乎係100%持股, 無資金加碼, 昨天問細妹儲夠錢未, 佢地話都儲左一些, 我俾永久組合(5, 945, 2318, 3328, 2628, 3968)佢地選一隻, 結果選左2628中國人壽. 所以, 今日我幫佢地以27.75買左2000股.

如果你問我, 中資金融股包括中國人壽股價會唔會再下跌, 如果下跌, 會跌到幾多, 老實講, 我唔知, 股價短期的走勢我唔識估. 匯豐公佈業績之前, 幾乎間間大行都睇淡, 里昂的目標價甚至低到得80蚊, 現在次按的影響已經無晒嗎? 當然唔係, 連巴菲特都話美國經濟可能已經進入衰退, 但最近匯豐股價好強勢, 股市短期的走勢點樣去估?

所以, 我認為有閑錢, 股市下跌, 就買些優質股, 然後放埋一邊, 唔使理會佢, 幾年後, 甚至十幾廿年後, 相信有可觀的回報.

另外, 中銀月供股票應該今朝買貨, 希望今次買到好價錢.

今晚睇一個電視新聞講到現時美國的豪宅因為價錢下跌唔少之後, 對外國人的吸引力大增, 新聞當中有對歐洲夫婦話佢地買左間豪宅, 因為樓價由之前的三百幾萬美元平左足足一百萬美元, 另外歐元對美元又升值左唔少, 佢地覺得現時美國的豪宅好抵買, 現在唔買將來實後悔. 我唔知呢種情況現時有幾普遍.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

中國債市與通脹逆勢而行

一般來講, 如果市場預期利率上升, 會提高債券的殖息率的要求, 債券的價格就要下跌, 因為票面利率(coupon)是固定的. 不過,利率並非唯一影響債券價格的因素, 如果資金因為某些原因而湧入債券市場, 即使預期未來利率會上升, 債券的價格一樣會上升(即係殖息率會下跌).

根據報導, 踏入08年, 在中國通貨膨脹率大幅上升以及預期今年人行仍會加息的同時，中國國債卻出現了價格上升、收益率下降的情況, 中國財政部發行的基準7年期債券的收益率從2007年底的4.37%跌到了4.01%。原因之一係人行採取措施減緩貸款增長, 國內銀行資金缺乏投資渠道而大量買進國內債券。

06年底, 2628國壽債券資產佔總投資資產52.1%, 其中大部分係歸類為持有至到期日和可供出售, 即係債券價格升跌唔影響盈利(損益表). 但人壽保險公司每期收到的新保費要投資, 或者係現有債券到期再投資, 就會受到目前債券殖息率高低的影響. 換句話說, 銀行同保險公司爭相購買債券, 而影響債券殖息率下跌, 對保險公司的淨投資收益率有負面影響.

另外, 最近多左人講現時係熊市, 投資應該保守d, 減持一些股票. 現時我幾乎回復100%持股, 對我來講, 通常係股價越跌我越有興趣買股票, 股市越低迷我越安心持有股票.


台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

筆者的第2本書

承蒙出版商的支持, 筆者的第2本書將會於短期內發行上市. 無論係出書也好, 寫BLOG也好, 都係一種渠道去分享筆者的經歷和見聞, 無論做對買賣還是做錯買賣, 無論賺左錢, 還是蝕左錢, 都可以分享, 投資需要不斷學習和改善, 最重要係最終能夠到達財務自由的目的地, 而且唔影響到生活和健康, 歡迎大家指教.




台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

人壽保險股的估值方法

見到網友無名士有以下的留言:

"請注意, 新加坡的投資公司, 即淡馬錫, 功能是為公幣搵投資出路, 為公幣進行資產增值.
至於金管局, 角色類似中央銀行, 負責監管金融機構及貨幣發行, 在新加坡, 具相同角色的機構為新加坡金融管理局.
即使98年香港政府入市買股票, 以及去年買港交所股份, 都是以政府的名義, 同金管局無關.
所以兩者不可以相提並論. 這是金融常識"

首先, 我多謝該網友的指教. 照我所知, 新加坡政府設立新加坡金融管理局、新加坡貨幣發行局和新加坡政府投資公司來執行金融監管、貨幣發行和管理外匯儲備的職能. 而從香港金管局的網頁睇到金管局有以下主要的職能:

1. 維持港元匯價穩定
2. 透過穩健投資策略，管理外匯基金（即香港的官方儲備）
3. 促進香港銀行體系穩健
4. 發展香港金融市場基礎設施，使貨幣暢順流通

換句話說, 香港金管局係做埋管理和投資外匯基金的工作, 其實, 一直以來, 都有學者提出, 香港應該成立類似新加坡政府投資公司的機構代替金管局去管理外匯基金.

以上只係筆者有限的金融知識, 有錯歡迎指正.


另外, 回應網友Kelvin K 有關評估中資金融股的合理價格. 首先講人壽保險股, 我會用以下的方程式去計人壽保險股的估值:

最新每股內含價值 + 一年新業務價值(每股) x 一個倍數 = 每股合理股價

呢個倍數係幾多先合理, 我認為可以用類似PEG的概念, 設立一個叫做NBMG (New business multiplier to Growth ratio). 即係話, 一間人壽保險公司的一年新業務價值增長越勁, 值得更高的倍數.

至於2628國壽值幾多倍, 因為手上只有2004至2006年 3年的數據, 似乎唔足夠去定呢個倍數.

從歷史的數據去睇, 以945為例, 從我手上的資料, 呢個倍數大約係14至17倍. 而2628大約係四十幾至五十幾倍. 註: 係指歷史數據, 唔係指945或2628值唔值呢個倍數.

最後回應無名士: 同意3968現價並非好平, 所以分段買入或者月供係可行的做法.

另外, 以後大家留言最好唔用Anonymous 的身份, 起碼都改個名.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

如果

如果金管局好似新加坡政府投資公司咁注資受次按影響的美國金融集團, 今時今日一定被政客大肆批評. 睇網上報導有人計過新加坡國有投資機構淡馬錫前一排注資花旗集團68億美元和瑞士銀行97億美元，兩者股價已分別再挫跌17%與44%. 另外, 阿布達比投資局去年11月投入75億美元買下花旗集團4.9%股權，從那時至最近，花旗股價已經跌左28%。商品大王羅杰斯表示，美國銀行股可能會進一步下滑, 呢d國家主權基金回本的希望渺茫。

筆者係一個樂觀的投資者, 我相信4,5年後, 美國金融集團的股價比現時上升一倍的機會比繼續下跌大好多. 如果現時筆者手上仲有現金, 我會趁今日跌市買金融股, 例如3328和3968. 不過現時筆者已經無乜多餘現金, 所以, 現在可以做的, 就係繼續持有手上所有金融股, 繼續月供金融股, 繼續利用以股代息增持匯豐. 然後, 一切如常地工作和生活.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

平保融資的目的

從目前見到的蛛絲馬跡睇來, 平保今次巨額融資的目的之一係有收購目標, 而收購目標係在歐洲, 而其中最大可能係英國保誠集團. 平保的常務副總經理兼首席保險業務執行官梁家駒以前係保誠集團大中華區執行總裁, 對保誠可謂知己知彼. 事實上, 在國內, 平保面臨的競爭也越來越大. 目前有多家國內銀行遞交了參股保險公司的申請或者表達了參股保險公司的意願. 其中建行計劃以12億元收購幸福人壽保險51%的股權；交行也計劃收購中國人壽集團有意轉讓的中保康聯人壽50%股權，北京銀行則計劃收購中國太保集團手上的太平洋安泰人壽50%股權。而招商銀行也有意收購與其同屬「招商局系」的信諾人壽身50%股權。

另外, 在電視新聞睇到, 為舒緩國內通貨膨脹的壓力, 相信未來人民幣升值的空間會增加, 升值的步伐會加快. 現時台幣也升值唔少, 台股向10000點進發, 連商品大王羅傑斯也睇好台股. 最近外資保險資金紛紛投資台灣房地產市場. 而有些台資工廠商因為國內勞動法將工廠搬遷去越南.

另外, 筆者今日再將月供股票的金額進一步提高至15,000蚊, 包括2318, 2628, 3328, 3968, 945各3,000蚊. 以後每個月可以支配的零用錢又少左.

利益申報: 筆者仍然持有13,000股2628和8,500股2318, 以及一些月供股票累積的碎股.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

平保再融資方案投票結果

我有個表哥在美國經營物業貸款生意, 不過我從來無請教佢呢方面的知識, 到底美國人如何面對負資產物業, 會唔會斷供, 選擇破產, 讓銀行收回物業, 還是繼續供款, 始終美國人的文化同香港人唔同, 有機會我都會同美國藉的同事了解多d呢方面的情況.

我每年都會收到幾張美國寄來的美金支票, 每次我都會去某銀行入票, 通常佢地的做法係買左我張支票, 收我150蚊左右的手續費(呢d就成為銀行的非利息收入), 然後結算完之後轉回港元存入我戶口 (銀行又賺一筆外匯轉換差價), 另外, 銀行一方面會盡快去結算收錢, 另一方面會盡量拖遲入錢落我戶口, 假設銀行提早一日收錢, 拖延一日入錢落我戶口, 期間將呢d錢於同業市場拆放, 又賺一筆利息收入.

今晚在網上睇到報導, 直至18時22分，平保A股8,000名股東代表持56億股參與A股增發投票(包括現場投票結果和網上投票結果)，結果顯示：92%贊成，6.22%反對，其餘為棄權票；分離交易可轉債的投票比例93.1958%贊成，5.6191%反對，1.1851%棄權。根據分析，平保再融資方案估計最終會獲通過。


另外, 網上睇到有關2008年1月北京壽險保費收入排行榜. 1月份整個北京市壽險保費收入為65.89億人民幣, 較去年同期增加50.22%, 排名第一係2318平保, 保費收入有8.9638億人民幣, 2628國壽只係排第三位, 保費收入有6.0242億人民幣.


台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

負資產與銀主盤

舉例, 你以200萬買左一個物業, 付出60萬做首期, 問銀行借70%即係140萬做按揭. 假設之後樓價跌左50%, 得番100萬市值, 你係唔係一定會選擇斷供, 讓銀行收返個物業變做銀主盤, 問題就可以解決呢? 未必, 因為你仍然需要地方住, 問題只係租還是繼續供按揭貸款. 不過, 如果你又失業, 物業又成為負資產, 咁可能會選擇一了百了, 斷供由得銀行收番個物業. 所以一般來講, 業主會否斷供以致按揭物業成為銀主盤, 同業主是否仍然有工作收入的關係大過個物業是否成為負資產. 換句話說, 銀行的按揭斷供率同就業情況的關係大過樓價下跌. 所以, 未來美國的就業情況對銀行按揭貸款的斷供率和壞帳影響至大.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

歡呼喜樂吧, 固執的匯豐股東!

今晚見到匯豐出07年度全年業績:
1. 未扣除貸款減值及其他信貸風險準備之營業收益淨額為789.93 億美元，較2006 年增加136.27億美元，或21%。
2. 2007 年的貸款減值及其他信貸風險準備為172.42 億美元，較2006 年增加66.69 億美元。(筆者: 減值準備1,345.04億港元, 差不多可以買起2間#23東亞銀行)
3. 營業收益淨額上升13%，達到617.51 億美元
4. 股東應佔利潤上升21%，達到191.33 億美元
5. 每股盈利上升17.9%，達到1.65 美元, 或相等於12.87港元 (筆者: 今日收市價119.3計算, 市盈率9.27倍, 真係好平)
6. 2007 年第四次股息每股0.39 美元, 2007 年全年派發股息每股合共0.90 美元，比2006 年增加11.1%
(筆者: 連續15年，每年派息增長10%或以上)
7. 於2007 年12 月31 日的資產總值達23,540 億美元，比去年同期增加4,940 億美元，或27%。 (筆者: 一般來講, 銀行的盈利同資產總值成正比例的關係)
8. 平均股東權益總額回報率15.9%, 去年同期為15.7%
9. 每股資產淨值上升至83.59 港元 (筆者: 里昂早前俾匯豐的目標價係80蚊, 比每股資產淨值仲要低, 有本事就沽到80蚊吧)
10. 第一級資本比率維持強勁, 有9.3% (筆者: 管理層已經宣佈08年頭3季季度息係0.18美元, 比07年增加5.88%, 顯示管理層有信心累進式的派息政策可以持續下去)

11. 集團出售英國總部的收益，仍未計入２００７年業績內，(筆者: 絕對係想預留盈利空間予０８年度業績)

12. 在法國, 集團接獲一項現金收購建議, 目標是7間以非匯豐品牌經營的法國地區銀行, 作價31億美元. 整個過程希望於08年中完成.


如果你係好似筆者咁固執的匯豐股東, 就歡呼喜樂地等待收股息吧,筆者已經打算繼續以股代息, 預計可以收到超過420股, 換股價越低越好.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

平安保險傳奇

最近睇緊一本有關平安保險的書, 當中提到平保董事長馬明哲的出身係一名司機, 能夠從一名司機成為一間市值超過4500億的中國第2大保險集團的董事長, 馬明哲的確唔簡單. 於是在網上搜查馬明哲的資料, 得到以下的結果:

只有初中原始學歷的馬明哲首先是在廣東省湛江市八甲水電廠做工人，然後在當時的廣東湛江地委工交政治部擔任通訊員。馬明哲命運的轉機，發生在1983年他的一次平常的工作調動中。1983年夏，馬明哲被調動到深圳市蛇口工業區工作，就職于該地的勞動人事處。由于會開車，馬明哲就被選中擔任當時的蛇口工業區總經理袁庚的專職司機，並兼任蛇口工業區勞動人事處車隊的隊長。由于早年喪父，馬明哲一直是由守寡的許姓母親撫養長大的。單親家庭培養了他忍耐和少言寡語的性格。而作為一個領導的司機而言，這樣的性格恰恰是最合適的。不久，馬明哲就贏得了袁庚的賞識和信任。在袁庚身邊工作了兩年之後，由于精明能幹他被安排到蛇口工業區社會保險公司工作。1987年9月，時任蛇口社會保險公司副經理的馬明哲授命全面負責籌備平安保險公司，那時他的經驗也僅限于在蛇口工業區社會保險公司工作過幾年。1988年3月，由中國工商銀行和深圳蛇口工業區招商局分別出資51%和49%的平安保險在深圳正式成立。當年的馬明哲年僅32歲，作為招商局的股東代表出任平安保險董事總經理，後被任命為副董事長。

另外, 書中提到一個友邦的公關失敗的例子, 以至後來被平保搶去上海保險市場的領先地位.

1995年，一位老上海拿出解放前投保上海友邦的壽險保單，要求友邦給予賠付。然而，友邦基于法律原因不肯理賠，友邦認為，現在的友邦與解放前的友邦沒有法律上的繼承關系, 現在的友邦上海公司和1931年的友邦是不是同一個公司。不管法理如何，從情緒上，上海人認定友邦在賴賬。當時幾乎上海所有的媒體都投入到對這一事件的報道中了。1996年結束的時候，友邦的老大位置被平安上海一舉超過。在整個市場規模以百分之二、三十的速度增長時，友邦的保費收入卻跌到3.8億元，市場份額更是大跌至13％。1997年，其市場份額進一步下跌，僅佔8％。反觀平安保險，上海壽險的保費收入由1995年的2.7億元猛增到1996年9.5億元，市場佔有率達到了33％。

信用, 聲譽和形象對保險公司非常重要, 友邦當時的處理手法絕對係不明智, 未能將壞事變好事, 失去一次大好的宣傳機會, 結果因小失大.

另外想講下, 今日返完教會去食午飯, 電視直播緊沈殿霞的追思會, 鄧光榮在台上公開要求鄭少秋上台交代，當時我打個大突, 心想, 唔好0係呢d場合要人公開交代家事啦. 跟住鏡頭見到鄭少秋上台, 當時我心想, 欣宜應該陪住秋官上台, 估唔到欣宜真係識得陪住秋官上台, 仲講左非常得體的說話, 佢話今日的追思會是為紀念她的母親，不希望讓一些是非，影響到追思會. 我認為呢件事欣宜處理得非常非常之好, 非常得體和恰當.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

人身保險產品

以銷售渠道分類, 人身保險產品可被分為個人保險, 銀行保險, 團體保險.

以功能分類, 人身保險產品可被分為風險型, 儲蓄型, 投資型.

風險型包括健康險, 意外險, 定期壽險.

儲蓄型包括終身壽險, 兩全壽險, 分紅險, 萬能險. 兩全壽險即係死亡保险加生存保险, 如果投保人在保險期內身故, 受益人可以領取死亡賠償金, 如果投保人期滿仍健在, 也可領取生存保險金.

投資型主要包括投資連結險.

另外, 今日去西環剪頭髮, 然後乘坐電車慢慢由西環駛往銅鑼灣, 感覺好輕鬆柔閑. 途中見到uright的門市部, 大大隻字寫住"50蚊3件", 有d仲寫住"10蚊1件", 在車上睇唔清楚賣緊什麼衫褲, 難以想像在現時所謂負利率的通貨膨脹時期, d衫可以賣咁平. 另一方面, 我經過上環人民幣找換店見到, 現時100百港元只能換到90.7人民幣, 相信會越換越少, 所以你的資產組合應該持有多一些人民幣資產, 例如賺取人民幣盈利的國內銀行保險股.

另外, 想回應無名士: 多謝你的支持. 我寫網誌的目的係分享自己的經歷和所見所聞, 坦白講, 在十幾年的投資過程中, 我都難免犯過一些錯誤, 可以預見, 未來也會繼續有失誤, 但我會盡力去避免犯重複的錯誤和至命的錯誤. 我仍然在學習中和處於改善階段.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

一些回應 (20080229)

回應無名士: 我在好早之前已經賣晒2356大新銀行, 賣出價大約係18蚊左右. 今日大新銀行收13.58, 我反而覺得幾抵買, 不過目前我已經接近100%持股, 唔計持有20萬的匯豐ELI和日常生活所需, 我已經無乜多餘的現金可以買股票了.

回應ngkf: 我會專注金融股, 因為從自己過往的經驗和事實證明, 我投資金融股的成績最好, 我唔想捨易取難, 並非因為我認為中國電力股唔值得投資.

回應MingsonLam : 我的財富靠每個月將工作收入的一部分儲蓄起來, 然後投資於股票, 沒有神蹟奇事, 也無股神借我1000萬. 我相信只要有恆心, 堅持長期不斷的儲蓄和投資, 總可以累積到一些的財富.

回應rr: 你無記錯, 我曾經持有22,000股#3328交行, 現時持股反而比以前少, 我的確有些失落. 其實唔止#3328, 以前我持有10,000股2318平保, 現在只有8,500股. 不過, 匯豐, 招行和中國人壽的股數就比以前多. 交行和平保係我非常喜愛的公司, 無論如何, 持股不增反減, 我的確唔開心, 亦需要自我檢討和總結教訓. 不過唔係我唔敢加碼買入, 而係我已經無錢再買了. 我有20萬資金被匯豐ELI綁住. 現時只好靠月供股票去慢慢增持交行和平保. 另外, 中國人壽1月份保費收入307億元人民幣, 較07年同期的230億元，增長33.48%, 同市場之前預期差不多, 我認為表現唔錯.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

3月3 日

3月3 日除左係匯豐公佈07年度全年業績之外, 也是2318平保約31.2億限售流通股於A股市場解禁的日子, 相當於現時已流通A股的約3.8倍, 當中包括20 家戰略投資者的3.45億股, 和50 家國內限售流通股股東持有的27.77 億股. 有分析預計, 其中有機會於市場上拋售的包括戰略投資者的2.2 億股, 和41家國內限售流通股股東持有的約10 億股.

另外, 中國人壽旗下中國人壽資產管理表示，國壽資產將研究擴大境外投資。 繼上月，平安保險首家獲准將境外投資比例上調為15%之後, 中國人壽透露已經向保監會遞交了申請，希望將境外投資的額度提高至年末資產的15%。據透露，目前中國人壽境外投資比例佔其上年末總資產大約5%, 而去年底為止, 中國人壽資產管理公司管理的資產超過1萬億元。中國人壽表示, 資產管理公司投資的特點，首先是要進行風險匹配，而不是簡單的追求高收益。風險上的匹配包括期限、收益上的匹配，如果期限不匹配的話，容易產生流動性風險，如果收益上不匹配會產生利差損。所以, 其資產是以資產戰略配置為主，強調戰略配置和長期持有，而不是根據市場的變化，頻繁地買賣。

所以, 大家記住, 保險公司的投資重點, 係資產與負債的配對, 唔好將焦點過份集中在股市的表現上.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

為投機組合結案

有網友問之前的投機組合成員716勝獅貨櫃情況如何, 當日整左個excel file就係為了方便跟進. 現在為投機組合結案, 成績如下:




通常, 投機對我來講只係考眼光和尋求一些刺激, 投入的金錢也只會係很小的數目, 所以, 我唔會寄予厚望和太上心.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

投資組合最新情況

投資組合的最新情況如下, 有得有失, 有時間再分享感受和學到的功課. (註: 並不包括月供股票組合).




台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

全國壽險首月保費增八成

網上報導, 2008年1月，全國保費收入同比增長62%，達到1064億元。其中，壽險保費收入比去年同期增長高達77.87%，產險增幅也達到31.39%。 當中有13個省市的保費收入同比增速超過了全國平均水準（62%）。其中，天津和重慶兩地的保費收入同比增幅超過了100%，而廣東地區的保費收入同比增幅也有90%以上。

另外, 睇到新聞, 國內銀行提供的理財產品越來越多. 今年以來，包括交通銀行、深圳發展銀行、中國銀行、民生銀行等推出的一共16款與商品價格掛鈎的理財產品，掛鈎目標包括國際農產品價格、混合貴金屬甚至能源，投資幣種則有人民幣、美元、歐元、港幣等多種類型。以深圳發展銀行推出的最新款“聚財寶”飛越計畫2008年1號為例，投資目標橫跨衣食住行概念，掛鈎目標包括標普高盛棉花超額報酬指數、標普高盛豬肉超額報酬指數、標普高盛銅超額報酬指數和標普高盛玉米超額報酬指數等世界著名商品指數。

另外, 今日睇生果報財經版, 以前曾經幾欣賞的黃國英俾我的感覺係已經變成一個意志消沉的淡友, 佢專欄的標題係"低買比高沽危險", 以我微少的身家, 持有1811股匯豐, 一股未沽過都未覺得危險. 相反, 見到沈大師內文提到"匯控長線吸納此其時", 今次我認同沈大師.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

婚姻課程之姻上加恩

今日臨收工, 老細send左一堆文件話要同新加坡同事開會, 我問老細可唔可以聽朝先討論, 因為要趕住去參加教會的婚姻課程, 感謝主, 老細話, "乜你咁認真, 咁formal, 要上course架?" 我答係呀, 好重要架, 主要係俾女朋友學習做一個好老婆, 我就學習做一個好老公.於是老細就俾我走先.

今晚講者係我地教會的主任何牧師和師母, 以前都風聞牧師和師母係教會圈中的模範夫妻的典範, 聽過上一次之後, 果然百聞不如一見, 學左好多野. 可惜今晚師母,身體不適缺席, 剩下牧師唱獨腳戲, 仍然都係咁精彩, 笑左成晚, 好似睇黃子華棟篤笑. 今晚學左兩句話, 丈夫要愛妻子, 妻子要敬重丈夫. 祝何師母身體早日康復.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

人壽保險公司的另類ROE

評估一間銀行值幾多倍P/B, 好多時會用ROE, 因為ROE可以睇到間銀行運用股東資金的效率. 而人壽保險公司可以用另類的ROE去睇經營效率, 用以下的計法:

另類ROE = NB / ((EV1 + EV2) /2)

NB = 一年新業務價值(每股)
EV1 = 當年內含值 (每股)
EV2 = 之前一年內含值(每股)

以2628中國人壽為例, 06年每股新業務價值係0.370815828人民幣, 06年底每股內含值係6.438736934人民幣, 05年底每股內含值係2.128811059人民幣, 計到 06年另類ROE = 8.66%.

05年每股新業務價值係0.1399044人民幣, 05年底每股內含值係2.128811059人民幣, 04年底每股內含值係1.682682473人民幣, 計到 05年另類ROE = 7.34%.

可以睇到 中國人壽的經營效率係提升左. 期待07年全年業績的公佈.


台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

調整月供股票金額

今日利用中銀網站, 將月供股票的總金額上調至12,500蚊, 所以從3月份開始, 3328, 3968, 2318, 2628, 945每一隻股票都係月供2,500蚊.

呢個月供股票計劃係為將來組織的家庭未雨綢繆, 也是我送給未來老婆仔的一份心意. 我用實際行動去證明自己係一個有計劃, 有耐性,有恆心,有毅力,有責任, 有承擔的人, 我有決心和誠意去做一個可以依靠的好老公. 我相信只要持之以恆, 十幾廿年後, 呢個月供股票的組合的市值會係幾百萬.

投資股票唔一定需要深奧的理論和高超的技巧(因為我都唔識), 即使簡簡單單的定期月供股票, 只要堅持一段長時間, 不要受市場的情緒影響, 最終都會有可觀的回報.






台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

2318平保融資規模與用途

馬明哲等平保管理層團隊拜訪各大基金公司解釋再融資用途, 主要的訊息包括, 第一, 融資規模, 最終的再融資額可能包含約800億元的增發A股和約400億元的分離交易可轉債. 第二, 融資用途. 平保管理層向基金公司透露所籌資金的一個重要用途是收購境內外優良資產，並且表示將選擇與平保主營業務相關、具有良好成長性和能帶來協同效應的項目。平保將目前被低估的境外金融服務企業分為兩類：一是受次貸衝擊很大的企業，二是受次貸牽連但本身並無太大問題的公司。平保未透露收購項目的淨資產收益率，但表示收購項目的內部收益率不低于15%。另外一個融資用途係用於充實資本金, 平保解釋, 旗下養老金公司在全國鋪設網點需要相當大規模的資本金支持，並且著重提升企業年金業務是平保未來的增長亮點。

對於有評論批評平保無透露具體收購目標, 我認為批評的人真係太天真, 如果平保講左要買邊間公司, 市場人士一定會推高收購目標的股價, 到時平保就要出高d價錢, 損害左股東的利益. 另外, 有傳聞摩根大通和高盛等投資銀行可能加入平保收購團隊, 預期將有大行出報告給予平保融資計劃正面評價, 以表示善意和誠意.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

婚禮攝影

昨天請左一日假, 又搞掂多一樣野, 就係book左婚禮攝影.

今日睇生果報財經版金手指專欄, 內文提到"美證監最鍾意嘅手段係迫你妥協投降，跟住要你封嘴，佢就出一份鍾意寫乜就乜調查報告。最緊要繞過司法制度，達到「做咗嘢」嘅政治目的，用輿論行私刑。美證監用呢啲手段，已經好多年。花旗國家政女皇Martha Stewart當年因為唔肯妥協投降，雖然證監原本想砌佢「內幕交易」，點知就連起訴都唔夠證據。之後夾硬告佢「阻擾調查程序」，最後都要坐監做人辦。好多特區硬膠，例如余若薇、田北俊等等，都叫李國寶辭職、辭職、再辭職。而呢啲硬膠，全因中晒「殖民地自卑毒」，跟咗帶頭要處李國寶私刑嘅pied piper David Webb。而David Webb自己，就當美證監份調查報告係聖經。我講畀大家知，花旗國政府係一個可以為咗達到政治目的，乜嘢報告都可以寫出嚟。求其寫啲嘢，跟住要外國高官下台，你估係第一次咩？不如就去問吓有家歸不得，駐守伊拉克嘅美軍小士兵。David Webb作為港交所嘅董事，年年都會提供股票貼士。最驚係輸錢，有人入稟美國法院，要告佢。雖然冇牴觸香港或英國法例，最怕佢好似「NatWest 3」三位英國銀行家，Webb返祖家度假時，被引導去花旗國受審。到時就真係報應。恒隆主席陳啓宗可能以前因為同美證監交過手，知道群情洶湧時佢哋可以幾咁無賴。關於李國寶佢一矢中的咁話：「賠錢送賊」。完全冇錯。" 原文可以睇 金手指孫柏文的 BLOG http://phatdat.blogspot.com/

今次我就非常認同孫柏文的觀點. 孫柏文係在美國讀書回流的所謂"番書仔", 其實筆者都有唔少呢d同事, 而且同筆者最0岩傾最friend的通常係呢d中文麻麻地的"番書仔", 我喜歡佢地待人接物夠率直.

另外, 睇到網上報導, 2008年的A股市場將有13家銀行股的“大小非”解禁, 總市值將超過五千億元, 包括民生銀行、工商銀行、交通銀行、寧波銀行、南京銀行、興業銀行、北京銀行、中國銀行、中信銀行、深發展A、浦發銀行、華夏銀行和招商銀行. 解禁股份第一個高潮是在2月份, 包括興業銀行33億股、招行23.6億股，解禁市值大約2200億元。第二個高潮是在5月份，包括浦發銀行3.17億股和交通銀行132.43億股，二者市值約1800億元. 2月和5月總共佔全年解禁股份的62.6%。 銀行股的“大小非”解禁加上市場傳言浦發銀行正在籌劃融資融資400億元, 的確對中資銀行股的股價有壓力, 事實上, 國內銀行在政策允許混業經營, 的確需要更多的資金去發展業務和收購. (註: 現時筆者持有交通銀行, 招商銀行和中國銀行, 不過, 大小非解禁的新聞唔會影響我繼續持有中資銀行股的決定).

另外, 隨著中國平安、中國太保已披露今年1月份的壽險保費數據, 業內預期，中國人壽今年1月保費收入同比也有30%左右的增長，即保費收入在300億元左右。 熱切期待中國人壽的1月保費數據公佈.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

次按風暴高清面目

内容簡介

很多評論次按的文章，焦點全部都是集中在次按的某一方面，對於極為複雜及受到多方面影響的次按問題，無疑只是瞎子摸象。有些報章上的評論更加是存有偏見。作者曾經深入研究次按問題，而且住在美國北加州，那裡是多處次按重災區所在地，因此對次按災情掌握了第一手資料。

內容除了包括了各式各樣的次按訊息，行內人提供的資料，以及在美國視察所得的實際市況等等，相信是對次按危機最全面的評論和描述。書中集中討論次按的前因後果和傳聞，希望讀者能通過這本書的內容，對美國次按危機有更深入、更正確的全面性了解，以及明白次按的本質。

國內分紅險翻身有望

據網上報導, 07年由於國內股市火爆, 傳統分紅險遇上退保潮, 07年上半年分紅險的平均退保率高達30.26%, 遲d中國人壽出07年業績報告要特別留意退保率, 因為國壽以賣傳統保險為主. 不過, 07年火爆的投連險其實對保險公司提供的利潤唔高, 主要只能增加左保費規模, 而且因為競爭激烈, 手續費一再下跌, 利潤微薄. 踏入08年國內股市表現每況愈下, 打擊投連險的同時, 卻為分紅險提供大翻身的機會, 一般來講, 農曆新年前後係國內居民保險消費的黃金時段, 所以最近保險公司紛紛推出分紅險的改良品, 增加產品的競爭力. 這個情況對中國人壽和中國平安係有利的, 因為從保費結構來睇，中國人壽的分紅險佔了70%以上，而中國平安佔的比例也比較高.

利益申報: 筆者現時持有8,500股2318平保和13,000股中國人壽.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

3988中行

網友Holder 認為應該開始收集價錢甚平的中行(3988), 問我意見.

一直以來, 中行股價表現較其他國有銀行例如939建行, 1398工行, 甚至3328交行和3968招行差, 原因係中行持有相對較多的外匯資產, 以致人民幣越升值, 對中行以人民幣計算的資產和盈利越不利. 另外, 市場對 中行持有次按相關資產亦相當憂慮.

不過一個銀仔有兩面, 中行持有較多外匯資產的影響未必全是負面的, 次按也未必只係帶來損失, 可能也帶來機會. 自人民幣匯改以來，由于市場普遍預期人民幣會升值，以致國內企業和居民持有外匯債務的意願遠超過持有外匯資產，但銀行外匯存款減少的同時外匯貸款卻在增長, 目前，國內外匯貸款需求旺盛，中行境內新近發行的一年期美元貸款利率個別情況達到倫敦同業拆借+500-600個基點，遠高于國際市場美元貸款利率水平。此外，中行的外匯貸款市場佔有率超過30%, 係國內最大的外匯銀行。中國銀行董事長肖鋼表示, 去年中行境內外匯存款和外匯貸款額的增長均超過國內同業，估計這種情況將持續一段時間, 中行將大大受益, 而且可以補足人民幣貸款業務可能收縮給盈利帶來的影響.

另一方面，目前國際市場受次按危機影響造成巨大的全球信貸緊縮，但同時也使得目前國際市場的貸款收益率大大提高，這為中國銀行提供了非常好的業務機會。 肖鋼表示, 中行在二零零八年要大力拓展海外業務，去年該行在香港、倫敦和紐約這三大全球金融中心設立了銀團貸款中心，這樣就可以利用中國銀行集團資源整合過去海外機構分散的銀行貸款。他透露，在二零零八年，中國銀行將有更多的機會成為銀團貸款的牽頭行，而不僅僅是參與行。肖鋼表示，今年中國銀行的海外銀團貸款會有很大的發展。並且中國銀行在海外市場也將有非常好的發展。

去年保監會同意將中銀集團保險在內地設立的全資子公司中銀保險作為中資保險機構監管。在變身中資保險公司後，中銀保險去年完成12家內地分公司的籌建，保費收入增長3倍多。另外, 中行計劃今年通過自設或入股境內壽險公司的方式進入壽險業務。 而今年1月份，中行收購中銀國際基金管理公司83.5%的股權，成為中銀基金的直接控股股東。至此，中行成為同時擁有銀行、基金、証券及保險公司的金融控股集團。

利益申報: 筆者現時持有11,000股3988中行.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

國內銀行新錢途

筆者最初投入金融市場係炒外匯margin, 當年炒賣外匯比炒股票更流行. 不幸地, 筆者炒外匯margin幾乎輸晒畢業頭幾年的儲蓄, 後來才轉買股票, 事實上, 之後本港買賣股票的人數越來越多, 相反炒賣外匯margin的人數越來越少. 今時今日有些財經演員也是從外匯分析轉行至股票分析.

睇網上報導, 隨著民生銀行推出名為「易富通」的外匯保證金交易業務(即係外匯margin槓桿式炒賣)之後, 現時國內可進行外匯保證金交易的銀行增加到3家，另外兩家係交通銀行和中國銀行. 民生銀行的外匯保證金交易的槓桿倍數是30倍，即係5000美元的保證金最多可以做15萬美元的position。

交通銀行自從2006年11月率先推出了外匯保證金交易業務「滿金寶」, 槓桿倍數有5倍、10倍、15倍、20倍、30倍. 中國銀行近期已將外匯保證金業務「保證金外匯寶」的試點擴大到南京、深圳等地.

有預測國內將於年內全面開放外匯保證金交易業務. 外匯保證金交易業務對銀行絕對係一條大財路, 而且風險極小. 舉例, 有客要買contract value 係1000萬美元的long EUR/ short USD 的position, 銀行從 counterparty 拿到的價係1.4653, 銀行會markup 大約5至7點子(只係舉例, 實際每間銀行可能唔同), 即係以1.4658至 1.4660的價賣俾個客, 無驚無險就賺左5至7點子, 將會對非利息收入貢獻良多.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

中國養老保險平保第一

今日係人生第一次去左睇結婚展覽, 雖然星期五連續工作左20小時, 身體幾疲倦, 不過仍然好有心機去參觀各個攤位, 最後終於定左影婚紗相和租婚紗禮服的公司, 俾左定金. 不過, 仲未搵到婚禮當日的攝影公司.

另外, 今晚在網上睇左, 中國保監會的官方網站發布了《2007年1－12月養老保險公司企業年金業務情況表》. 其中07年全年企業年金繳費85.5461億人民幣,平保旗下的 平安養老保險公司佔左48.8728億人民幣, 高達57.13%; 受托管理資產規模達到84.0101億人民幣, 平安養老保險公司佔左49.826億人民幣, 高達59.31%; 投資管理資產總額79.7369億人民幣, 平安養老保險公司佔左50.495億人民幣, 高達63.327%; 由此睇到, 平安養老保險公司在企業年金繳費、受托管理資產、投資管理資產三項指標大幅領先同業對手. 最近平保公佈平安養老險１月份累計原保險保費收入有５．２億元. 據世界銀行預測，到2010年，中國企業年金市場規模將達到1萬億元。其中上海地區的企業年金市場發展極為迅速, 2007年上海整個市場年金規模較2006年增長近5倍, 年金規模由2006年的5000多萬元迅速攀升至近3億元，平安養老上海公司市場份額就超過八成.

利益申報: 筆者現時持有8,500股2318平保

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

市場先生私人強積金(16-Feb-08)

今年有人工加, 所以由2月開始, 增加市場先生私人強積金每月的供款至11,000蚊, 供款的分配係: 3328和3968各2500蚊, 2318, 2628, 945各2000蚊. 月供股票係長期計劃, 會不理市況繼續供下去.

現時大陸人民幣一年期定期存款利率係4.14%，扣除5%的利息稅後都有3.93%回報率, 對分紅險的影響好大, 尤其是保費收入70%以上為分紅險的中國人壽, 所以國壽2007年保費增速大幅落後同業平均水平. 為了提升分紅險的吸引力, 最近唔少保險公司公佈對客戶派發特別現金紅利.

分紅險的收益主要來自保單的三差益, 包括死差益,費差益和利差益. 死差益是指因預定死亡率同實際死亡率之間的差異給壽險經營帶來的利益, 費差益是指保險公司實際的營運管理費用低於預計的營運管理費用時所產生的盈餘, 利差益是指保險公司實際的投資收益高於預計的投資收益時所產生的盈餘. 三差益中死差益和費差益占比較小，利差益則佔絕大部分。分紅險多數投資於大額協議存款、債券之類固定收益工具以及貨幣市場工具，投資基金和股票的比重較少，所以一般來講投資收益率較低, 而加息週期對分紅險的投資收益有正面幫助, 現時分紅險資金在“國十條”的政策保障下可以投資在基礎設施建設上，而這種收益是長期的.通常保險公司會將三差益的70%以分紅派俾客戶，餘下30%自己袋. 而分紅方式有多種形式, 例如現金領取、累積生息,抵繳保險費, 和保額分紅等等.


另外, 睇番945宏利的業績, 撇除外匯影響後全年純利增長14%, 全年保費及存款收入就增長近百分之7, 錄得約694億加元, 創紀錄新高.

另外, 2318平保近日公佈，2008年1月份旗下保險公司共實現原保險保費收入145.19億元，較2007年同期97.23億元增長49.33%。 平保旗下有中國平安人壽保險股份、中國平安財產保險股份、平安健康保險股份及平安養老保險股份，1月保險保費收入分別為108.2億元、31.77億元、271萬元和5.19億元。相比07年1月,平安人壽、平安財險及平安健康險的保費收入,分別為75億7,371萬元、21億4,920萬元及6萬元,平安養老險當期沒有收入.

所以我從來唔擔心平保股價下跌, 我只會因為手上持有太少平保股票而覺得失落.




台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

945宏利公佈07年度業績

永久組合成員, 由買入到現在仍然只買不賣的945宏利今晚公佈07年度業績. 2007全年盈利43.02億加元(新歷史記錄), 比上年同期增加8%, 每股盈利2.78加元, 比上年同期增加11%, 每股盈利增加幅度比總盈利多相信係回購股份的效果. Return on common shareholders' equity繼續改善至18.4%, 同樣係新歷史記錄. 單計第4季盈利有11.44億加元(新歷史記錄), 比上年同期增加4%, 第4季每股盈利0.75加元, 比上年同期增加7%, 第4季的return on common shareholders' equity 更加達到新歷史記錄的20.5 %. 宏利同時宣佈派發第4季股息每股0.24加元, 即係全年派息每股0.92加元, 比06年的0.75加元增加22.7%.

不枉我持有宏利接近6年時間, 無論期間環球經濟發生什麼事, 我仍然對宏利不離不棄. 投資賺錢其中一個最基本而且簡單的方法, 就係buy and hold 優秀企業的股票, 呢個方法好過跟住財經演員的指揮棒, 追高殺低.

利益申報: 筆者持有2,000股945宏利.

另外, 回應網友示風的問題, 筆者的資產分佈, 除了股票組合和適量港元存款之外, 仲有香港的自住物業, 珠海的自用物業, 和人民幣存款(存於大陸的工行).

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

買情人節禮物

今日放左半日假, 做左兩件事, 就係買情人節禮物和BOOK情人節晚餐.

另外, 想回應有網友問筆者對中資金融股咁有信心, 係唔係筆者認為中資金融股唔受現時美國次按以及經濟放緩影響. 我喜歡金融股, 無論係中資, 本地, 歐美或者全球性的銀行保險等金融集團, 我對金融股的信心唔係因為我以為佢地可以對某些經濟環節免疫, 換句話說, 我買中資金融股, 唔係因為我以為中資金融股唔受美國次按影響. 事實上, 我一向預左無論什麼資金或地區的金融公司, 都會不斷遇到不同種類的經濟或者經營上的問題, 過去一百年, 全球發生左幾多野? 亞洲金融風暴, 石油危機, 戰爭, 天災, 經濟衰退, 阿根廷貨幣危機, 印尼俄羅斯的國債問題, WorldCom巨額會計欺詐, 安隆（Enron)破產倒閉, 等等. 唔使水晶球都知道, 未來仲有唔同種類的事情會發生, 導至銀行有壞帳, 保險公司有巨額賠償, 如果要擔心, 咁永遠唔使買金融股.

此外, 有網友問筆者最新的投資組合情況, 目前我重組緊組合, 遲d會公開.

今晚要寫情人卡, 唔多寫了.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

匯豐ELI最新情況

筆者寫BLOG的目的係分享投資的經歷與過程, 所以, 無論成功與失敗, 無論賺錢與虧損, 無論決策英明或者愚蠢, 無論決定正確還是犯錯, 都唔介意同大家分享.

筆者於12月5日買左匯豐ELI, 當日匯豐的收市價係131.3, 因為2個月之後, 即係2月5日,匯豐的收市價低過131.3的98%, 即係低過128.674, 所以筆者收到2.55%利息, 即係5100蚊之後, 合約自動續多2個月, 期間, 如果匯豐股價低過122.7655, 那一日就無息收. 即係話, 由2月5日到今日為止, 都無息收. 匯豐今日收市價110.3, 比當日131.3下跌16%, 當日筆者估計匯豐會牛皮, 並無預期匯豐股價會趺咁多.

現時筆者覺得有d失落, 唔係因為匯豐股價大跌, 匯豐已經佔筆者的投資組合很大比例, 所以即使我當日無買匯豐ELI, 我都唔會買用那廿萬買匯豐的股票(當然, 筆者會繼續靠以股代息增持匯豐), 我失落係因為我無錢再增持中資金融股, 如果我當日無買匯豐ELI, 現時我會有多廿萬增持中資金融股. 2318平保於12月5日收市價係89.2, 今日收54.05, 下跌左39.4%, 2628中國人壽於12月5日收市價係44.2, 今日收28.4, 下跌左35.7%.

另外, 我雖然於股市較高位減持部分股票套現左30%現金, 算係做得正確, 以致我可以趁最近中資金融股股價大幅調整而有現金增持. 不過, 我同樣在高位買左2319和1886, 雖然只係用左小部分套現左的現金, 不過, 如果我專注於中資金融股, 效果會更好, 總結經驗, 我浪費左高位套現的其中55萬現金, 即係話, 如果我無買匯豐ELI, 無買2319和1886, 我現時有多55萬的子彈可以用來增持2318, 2628, 3328, 和3968. 我唔係話蒙牛唔好, 但同中資金融股比, 我對中資金融股更加喜歡.

今次的教訓, 以後要專注和集中資金投資於自己最有信心的公司和行業, 對於我來講, 就係金融業.

另外, 見到網上報導, 高盛調低內地保險股的評級, 其中將平安保險的評級從「買進」調低至「中性」，Ｈ股目標價從１１８港元降至６０港元，而且還將該股從地區買進名單中刪除。高盛認為，中國平安近期發佈公告，計劃增發１２億股Ａ股以及多達４１２億元人民幣的Ａ股債券，而且有３１億股的非流通Ａ股將於３月３日解禁上市流通，接近其目前流通Ａ股的４倍。此外，中國平安較中國人壽和中國財險面臨更大的資本開支壓力，表現在平安的農村和城鎮擴張計劃、發展銀行業務以及正在進行的辦公集中化項目。(筆者唔明點解發展業務, 集中back office 會係負面的消息).

高盛同時調低中國人壽Ｈ股的目標價逾３６％，由52降至３３．２０港元，維持中性評級。(咁當初又set到個目標價咁高?)

高盛又調低多家中資銀行股目標價21%至31%，主要因應目前經濟環境轉差，美國經濟或步向衰退，加上中國通貨膨脹較高，預期內地今年度國內生產總值(GDP)增長將有所放緩。高盛預期，不少內地銀行2008年度的中間收入增長或將放緩，且不良貸款比率或上升，故調低多間中資銀行股的目標價，其中包括中信銀行（0998）及招商銀行（3968）等，兩者目標價分別由原來6.81元降至5港元，及由39.3元降至31.15元。

　然而，在眾多在港上市中資銀行H股中，高盛仍然看好工商銀行（1398）、交通銀行（3328）及建設銀行（0939）等大型銀行，並料它們將受惠淨利息收入穩步上升，及上年度已作出較大額的不良貸款撥備，故持續給予相關股份「買入」評級，但將其目標價分別下調22%至6元、23%至11.2元及27%至6.85元。

大行的報告, 從來唔會影響到我的投資決定, 我的固執就有可能影響到自己的投資決定, 不過衰係自己手, 技不如人, 心咁情願. 我會繼續持有手上的永久組合, 全部係金融股, 包括5, 945, 2318, 2628, 3328, 3968, 股價越跌, 只會趁機會繼續增持, 一股都唔會沽出.

　
台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

收利是

今年相信係筆者最後一年仲有資格收利是, 今日返工共收了10封利是, 已經包括開工利是. 同以前筆者年青的時候比較, 利是數目大幅減少, 以前單單在公司收到的利是都超過90封. 明年應該輪到自己要派利是俾同事.

今日係鼠年首個交易日, 結果收「黑盤」, 恆生指數全日收市跌853.35, 報22,616.11 點. 我今日都買番少少貨祝賀開工大吉, 以8.81買左4,000股#3328交行. 目前個股市無乜好講, 仍然持有手上全部的股票, 無任何改變, 也無意沽出任何一股.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

放煙花賀新年

今個農曆新年筆者和家人在珠海渡過. 一家人團聚在一起過新年的確係人生最大的樂事. 這幾天筆者完全無睇新聞和財經. 晚晚和家人一起放煙花. 我買了多花款的煙花, 最勁的一種係好似餅乾合咁四四方方, 可以連續放幾十發上高空, 然後爆出五花十色的光芒,配合強勁的爆炸聲, 非常剌激和壯觀, 很有新年氣氛. 每一晚, 都有其他人同時在放煙花和燒炮丈, 去出名的酒樓食飯要排隊接近1小時, 有些酒樓要加收15%服務費, 珠海人消費力都唔差. 今次旅程利用工行的自助存款機存左萬幾蚊人民幣, 然後在香港用網上銀行轉做一年定期. 另外, 今次在珠海買了一套北京奧運紀念章, 支持國家舉辦奧運.


台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

捐錢賑災

支持BLOGGER紅猴和隨笈的呼籲, 大家捐錢賑災, 為國內災民伸出援手:

香港世界宣明會 http://www.worldvision.org.hk/enews/reliefncs080201.html
樂施會 http://www.oxfam.org.hk/public/contents/press?item_id=68260&revision_id=68627
香港紅十字會 http://www.redcross.org.hk/home.cfm?Mid=2165&FMid=106&SMid=110&popup=0&langid=2

提早拜年

今晚睇網上報導, 中國人壽新聞發言人兼發展改革部總經理劉廷安透露，中國人壽去年實現的投資收益遠遠高於10%左右的全行業平均投資收益率，不過具體的收益率在公告發佈前不便對外透露。 根據報導, 去年央行數次加息，中國人壽因勢利導，在下半年加大了固定收益類產品的資產配置比例。去年上半年，中國人壽在固定收益類的比例為52%，下半年則高於這個比例。

期望平保,國壽公佈的07年全年業績令各位股東滿意.

明天會上珠海過年, 在此祝大家一本萬利, 財源廣進, 龍馬精神, 萬事勝意!!!



台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

中國人壽就媒體有關其業績數據的報導作澄清

今晚在網上睇到報導, 中國人壽於2月3日發布澄清公告，稱近日注意到部分媒體的報道涉及公司2007年度淨利潤等部分經營業績數據，報道中涉及的相關數據不真實、不准確。公告稱，截至本公告發布之日，公司2007年年度報告正在編制之中，且公司並未授權任何機構或個人對外披露有關公司2007年年度的經營業績數據。部分媒體的報道中涉及的相關數據不真實、不准確。公司將根據相關要求在規定時間內披露2007年年度業績。

相信中國人壽的通告係針對最近有分析員預測2007年第四季度可能出現淨虧損的報導. 我都相信第四季度出現虧損的機會微乎其微, 我相信管理層傾向維持可持續的盈利增長, 相信相當部分的Unrealized Gain安置在資產負債表中的Reserve之中, 以及透過調節準備金提取的金額, 為將來的利潤留下較大的buffer.

另外, 有人擔心國內A股波動對中國人壽業績的影響, 睇番06年的年報, 06年度中國人壽的投資資產中，債權型投資佔52.1%, 定期存款佔25.6%, 現金佔7.31%, 呢d固定收益類產品和銀行存款已經佔左85%, 股權型投資只佔13.9%, 其中超過65%係長棍投資, 股價波動唔會影響損益表的盈利.

利益申報, 筆者現持有13,000股中國人壽, 期待來緊公佈的07年全年業績.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

中國各保險公司因雪災賠款預計超35億元

在網上睇到報導, 中國保監會公佈截至1月31日，各保險公司共接到報案50.5萬件，預計賠款35.19億元，已預付賠款3.5億元。受災最嚴重的湖南、湖北、貴州、廣西、江西、安徽六省區發生賠案22.98萬件，預計賠款17.6億，分別佔總量的45.5％、49.8％。從報案數量看，車險報案43.35萬件，佔總報案數的85.8％，從估計賠款金額來看，電力保險損失10.5億元。

有保險股投資者見到天災發生, 會好憂慮, 擔心手上的保險股股價下跌. 其實, 做保險生意遇到事故要賠償係好正常的經營運作. 換個身份, 當你係保單持有人, 如果無索償機會, 你都唔會, 也唔需要買保險. 當天災發生後, 有災民收到保險公司的賠償, 其他無買保險的災民就會明白, 保險的重要性和需要性, 呢d訊息會一傳十, 十傳百, 而且非常有說服力, 對保險業的發展係好正面的.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

工商銀行網上戶口

我以前在珠海的工商銀行開了一個活期戶口, 即係紅簿仔, 附設一張提款卡, 內地工行叫做靈通卡. 原來可以自己在工商銀行的網頁登記註冊, 我現在可以在香港上網管理我個工商銀行戶口, 今晚試左將錢由活期戶口轉去定期戶口, 存一年定期, 有4.14%,扣除5%利息稅, 仍然有3.933%回報, 再加上未來一年人民幣的升值, 回報應該幾可觀, 缺點係帶錢上大陸有金額限制,帶太多錢 也有風險, 將來帶回香港亦唔方便. 不過, 我和家人每年都會上大陸渡假或旅遊, 點都需要使用人民幣, 就讓d人民幣一直存在大陸的工商銀行.以後上珠海都會存d人民幣, 然後返香港在網上轉做定期.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

投資要有自己的睇法

昨日天未光已經要返工, 做到天黑晒才回家, 連續工作十幾小時, 每一蚊工資都係好辛苦賺返來, 所以運用呢d錢投資要好謹慎, 我承認有時自己投資的時候都會輕率左, 需要不斷改善. 昨日太忙, 所以即使2318平保股價最低做過53.5, 2628中國人壽股價最低做過27.5, 我無時間加碼買入.

在我做版主的NEWSGROUP, 網友winner問, 佢現在有月供宏利, 林sir在 ezone (1 Feb)說應該賣出945, 問我認唔認同林sir.

林sir的書我有睇, 佢在電台的訪問我都有聽, 也從林sir身上學習左唔少野. 今次港台訪問中, 林sir講對945宏利的睇法, 認為07年進度差, 因為北美市場已經成熟, 新保單增加唔夠舊保單到期的減少, 以致資產總值倒退, 林太已經在07年年中以260幾蚊賣晒945, 用60幾蚊換馬至941.

我對林sir的睇法無特別意見, 我仍然會繼續持有手上2,000股945宏利, 也會繼續月供1,500蚊945宏利, 耐心等待2月14宏利公佈07年第4季度以及全年業績. 我非常欣賞東尼, 也從東尼身上學左好多野, 東尼的好多睇法我也認同, 但當日東尼20幾蚊沽晒2318平保, 我就唔認同, 沙士期間東尼沽683嘉里建設, 我一樣唔認同. 別人優勝的地方可以學習, 別人成功的投資心得和方法, 可以學習,但投資要有自己的睇法, 自己的睇法可以錯, 但唔可以無左獨立思考, 唔需要害怕犯錯 (當然, 要避免至命的錯誤), 犯左錯咪檢討經驗, 學習教訓, 修正方法和策略, 再來過, 有邊個人永不犯錯? 最偉大的投資者之一巴菲特都曾經在投資過程中犯過錯. 但唔好盲目跟從, 人地買乜, 你就買乜; 人地沽, 你就跟住沽; 人地唔買返, 你就一世都唔敢再買返, 無晒自己的思想和睇法, 他朝一日, 人地退休唔再沾手股市, 你係唔係又要退出股市?

所以我認為投資的過程可以係: 向別人學習--> 獨立思考 --> 實踐(出手投資) --> 自我檢討 --> 修正策略

(以上言論無意針對別人, 純粹講自己的睇法, 筆者自己仍然在學習和檢討的過程中)

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

繼續買入平保

今日繼續加碼買入2318平保, 以54.4買入2000股, 另外, 以27.55買多1000股2628中國人壽, 現金水平下跌至輕微低於6.5%, 扣除買左匯豐ELI被綁的資金, 現時手上現金所剩唔係太多, 只夠買多2手國壽, 要繼續儲錢. 明天要返非常早班, 所以唔多寫了.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

增持平安保險

今日分別以58.25和57.55共增持了2000股平安保險. 現金水平進一步下降至輕微低於10%.

睇網上報導, 中國平安、中國太保以及中國人保三家公司因暴雪而支出的理賠金額已超過了1.4億元。 截至1月29日，平安人壽重慶、湖南等十三家分公司接報案18,752 件，已結案件14,416件，已給付理賠金約5,277萬元；平安財險方面，江蘇、湖南、湖北等12個機構標的因雪災受損嚴重，其中電力案件最為嚴重，截至1月28日，非電力案件接報案超過600筆.

另外, 中國保監會二十九日發出緊急通知，要求各保險公司簡化受災地區保險理賠服務程序、提高理賠效率，讓受災群眾盡早得到保險賠款、盡快恢複生產生活。 據報導，一月下旬以來，中國南方十幾個省份持續出現雨雪、凝凍等惡劣天氣。災情導致鐵路、公路、民航等交通運輸大範圍受阻，電力線路、設備等嚴重損毀，部分房屋損壞，一些牲畜被凍死、農作物遭受凍害。面對災情，中國人保、中國人壽、中國平安、中國太保等公司均迅速啟動應急預案，全天候處理受災報案，查勘定損不分晝夜隨時待命。

　　據了解，人保現已實行三千元以下小額案件現場決賠，並向遇災遇險客戶免費提供油、水、防凍液和施救服務；為保証案件查勘及時到位，平安已將全部行政用車列為備用車輛，並開展了“鮮花探視”等理賠特別服務；太保則把雪災賠案置于公司優先處理地位，對提供完整索賠資料的案件第一時間進行賠付，一些暫不能提供完整索賠資料的，也及時進行理賠款預付。



台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

換新銀紙

今日換左2千蚊十蚊銀紙, 可惜全部係梁錦松和曾俊華的簽名, 我想要唐英年簽名的十蚊紙. 主要係自己收藏. 另外換左2千蚊一百蚊紙, 雖然我未結婚, 但每年都會派利是比兩個妹, 和我家姐兩個仔, 我封的利是全部係一百蚊一封, 最細的妹我每年都俾10封, 其餘3個一人一封, 我承認我有d偏心.

另外, 今晚在網上睇到報導, 截至2007年三季度末，中國各發卡機構累計發行銀行卡約14.5億張，發卡機構達到了158家。目前銀聯卡的特約商戶已達到68萬戶，聯網POS機具108萬台，ATM取款機11.4萬台。二00七年中國銀聯境內實現銀行卡跨行交易三十九點八億筆，總金額為三點二二萬億元，同比分別增長百分之四十點八八和百分之七十八點四二，銀聯跨行交易清算系統平均每天處理的交易達到一千四百多萬筆，金額超過一百億元，這表明，中國已經成為世界上銀行卡產業發展最快、潛力最大的國家之一。

此外, 有報道中國人壽與招商銀行在北京簽訂了全面戰略合作協議。按照雙方此次簽訂的協議，除目前已全面開展的銀行兼業代理業務以外，雙方還將在合作開發集合年金計劃、捆綁進行企業年金市場拓展、合作發行聯名信用卡、合作開發兼具銀行、保險與財富管理功能的金融產品等方面進行有益的探索。中國人壽總裁楊超透露，中國人壽正在積極推進國際頂級金融保險集團建設，“主業特強，適度多元”的業務布局已基本建立。加強與業內外知名企業的戰略合作，是中國人壽總體發展戰略的重要組成部分。

最後想講, 如果平保股價跌穿60蚊, 我有興趣加碼買入.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

為家人組合買交行

今日為家人組合買5000股交通銀行, 買入價9.06. 買完之後可以收埋一邊唔使理.

交通銀行最近的新聞係行長李軍證實，該行擬收購中國人壽旗下中保康聯人壽保險的百分之五十一股權的交易，已向監管部門上報方案。若獲批，中保康聯將成為內地首家銀行控股保險公司。根據資料顯示，中保康聯于2000年6月16日成立于上海，由中國人壽與澳大利亞聯邦銀行共同組建而成，股權占比為51︰49，是一家中資控股的合資人壽保險公司。提供的保險保障產品，包括分紅保險、外匯保險、人壽保險、年金保險、健康保險和意外傷害保險等數十种保險產品。係全國第一家獲准經營外匯保險業務的公司，而且率先推出留學生外匯保險。

除了力爭成為內資銀行入股保險公司的首例，交行還創下大型國有商業銀行參股農村商業銀行的第一例。交行近日入股常熟農村商業銀行10%股權, 成為其第一大股東. 常熟農商行亦計劃今年上市，募集資金50億元人民幣幣.

另外, 今晚在網上見到報導引述花旗集團研究報告指,匯豐可能有意收購法國興業銀行. 報告認為匯控將成為法興有力的競購者之一, 匯豐目前市值約為法興的３﹒３倍，收購對匯豐的商譽╱資本影響相對較小。 而且收購興業銀行能與匯豐現有的法國業務有良好整合, 匯豐在2000年收購了法國商業信貸銀行(Credit Commercial de France,CCF).

台灣yahoo: http://tw.myblog.yahoo.com/mr-market/
香港yahoo: http://hk.myblog.yahoo.com/mr-market/
新浪Sina: http://graham_choi2003.mysinablog.com/

印度同事

我的印度下屬就快離開香港回去印度. 前一排請佢去西貢食海鮮大餐. 點了幾道菜, 包括美極煎大蝦碌, 椒 鹽賴尿蝦, 豉椒炒聖子王, 龍蝦伊面, 和姜汁芥蘭. 一邊食, 佢一路贊不絕口, 又話中國茶好飲. 期間佢講d印度人的生活習慣. 原來印度人好保守. 女朋友通常係經長輩介紹. 如果覺得ok, 可以約會去街. 不過如果兩個人單獨去街, 就幾乎已經等於定左親, 因為隔離倫舍的人見到你地拍拖就會認定你地會結婚, 如果之後你唔同個女仔結婚, 咁個女仔會好慘, 人地會認定個女仔有問題, 以後個女仔好難嫁得出. 所以印度男女好少去街拍拖, 相睇完ok, 就會好快結婚, 然後才拍拖, 慢慢互相了解. 另外, 個印度同事講佢在香港工作學習了一樣野, 就係要實話實說, 因為你講左ok, 做得到, 會做, 老細就預左你會做, 坐係度等結果. 佢話原來有d印度同事心想a就講b, 佢地乜都答ok, 其實個心從一開始已經無想過會真係幫你做, 佢只不過要應付左你, 為左甩身,先至答左ok, 然後走左, 當無左件事.

台灣yahoo: http://tw.myblog.yahoo.com/mr-market/
香港yahoo: http://hk.myblog.yahoo.com/mr-market/
新浪Sina: http://graham_choi2003.mysinablog.com/

匯豐會減少派息嗎?

匯豐會減少派息嗎? 這是最近多人關心和經常問的問題. 匯豐一直實行累進式以及穩定可持續性的派息政策. 舉例, 如果有一年盈利大升100%, 那一年的派息唔會因此增加100%, 可能只會增加20%派息, 相反, 如果有一年盈利下跌50%, 那一年的派息也唔會減少50%, 但派息增長率可能會減少, 例如係改為增加10%派息. 事實上, 從過去10年的派息記錄睇到, 即使發生亞洲金融風暴, 911, 沙士呢d重大事件, 匯豐的派息仍然平穩地增長. 而且每年的派息有接近40%又以"以股代息"的形式回流到公司的資本帳. 所以我睇唔到匯豐銀行有減少派息的需要. 不過, 我只係一個平凡的小股東, 並非先知, 也無內幕消息, 純粹自己估計, 最終會如何, 睇3月3日公佈的業績吧.




台灣yahoo: http://tw.myblog.yahoo.com/mr-market/
香港yahoo: http://hk.myblog.yahoo.com/mr-market/

里昂報告

里昂發表研究報告，維持匯控<0005.HK>「沽售」評級，目標價由110元下調至80元。有人問我驚唔驚, 有人勸我快d沽晒d匯豐. 我知呢d朋友係出於善意. 不過, 我唔會受大行的分析報告影響. 我買匯豐的時候, 已經預左未來的日子, 匯豐(以及其他金融集團)會經歷各樣的風暴, 也已經預左管理層在經營過程中會有失誤或過失. 我相信次按風暴最終會雨過天晴, 但未來又會有第2種風暴, 但像匯豐這樣優秀的公司, 風暴過後, 盈利水平會回復和重拾增長. 所以我無打算沽出手上任何一股匯豐.

另外, 想講下自己如何應付像1月22日那樣的大跌市. 我昨日去機鐵九龍站商場「圓方」The Grand Cinema睇左伊莉莎白 - 輝煌年代The Golden Age. 間戲院d位好正, 音響都好勁, 成張椅震晒, 戲中伊莉莎白一世面前西班牙無敵艦隊的來犯, 毫不畏懼, 親身上前線激勵軍隊士氣. 面對股市大跌不要自亂陣腳, 要淡定. 如果手上仍然有現金, 就要有勇氣買優質股; 如果手上無晒現金, 可以優化組合換馬, 趁優質股和次優股都大跌的同時, 沽出質素較差的換入質素最好的股票; 如果手上無現金而且持股全部係最優秀的公司, 咁就乜都唔需要做, 繼續如常生活過日子.

以我自己的情況為例, 因為我手上仍然有資金, 屬於第1種情況, 所以於1月21日和22日我趁股市大跌, 運用資金增持左2628中國人壽和3968招商銀行. 至於手上原有持股, 就繼續持有, 無任何改變.

台灣yahoo: http://tw.myblog.yahoo.com/mr-market/
香港yahoo: http://hk.myblog.yahoo.com/mr-market/

法興

今晚睇到最熱門的新聞, 係法國興業銀行一名交易員違反規例，秘密進行期指買賣，令銀行損失高達72億美元(約562億港元). 一睇到呢段新聞我第一時間諗到2樣野. 第1, 期指買賣係零和遊戲, 法興蝕72億美元的同時, 即係法興的對手賺左72億美元, 如果係最近飽受次按大幅減值的金融集團賺到呢72億美元, 簡直係天降甘霖. 第2樣想到的係, 法興的內部監控做得真差, 有無執行 segregation of duty? 有無maker and checker 的程序? 通常呢d大行會有一個叫product control的部門, 每日trader做過的所有transactions, 都會傳送俾product control verify, 然後出一份報告俾trader和有關management過目, 所有異常的交易或者profit and loss 銀碼太大都應該逃唔過監控, 時差最多只係1日. 不過內部監控程序好貴, 前線賺100蚊, 可能要使廿, 三十蚊做監控, 不過呢d錢唔可以節省, 除左出事公司有大額損失外, 聲譽和客戶信心的無形損失代價更大

台灣yahoo: http://tw.myblog.yahoo.com/mr-market/
香港yahoo: http://hk.myblog.yahoo.com/mr-market/

中國人壽

今日大市迅速大幅回升, 所以我暫停加碼買入金融股的行動, 當然, 也唔會沽. 今日的升勢都幾誇張. 市值1萬3千7百幾億的匯豐可以一日升11.3%, 941中國移動今日升10.47%, 2628中國人壽更加升15.76%, 939建設銀行仲勁升16.06%. 入市十幾年都好少見呢d場面.

講返主題, 2007年中國人壽的保費收入錄得1966億元, 比去年增長6.94％, 市場估計2007年全國壽險保費預期增長為21%, 即係話中國人壽大幅跑輸同業. 其中在5至8月甚至出現單月保費負增長.

目前中國的壽險市場主要有四大類產品：包括傳統壽險、分紅險、萬能險和投資連接保險。2007年投連險受股市推動而火紅, 截至去年11月, 主攻投連險的外資壽險公司保費比去年同期增長71.47%, 市場份額也從去年初的4.67%上升至7.97%。目前, 中國人壽的產品仍然集中在傳統險和分紅險上, 而傳統銀保產品的保費占中國人壽總保費收入大約三分之一左右。由於銀行保險產品和銀行定期存款比較相似, 07年以來經過幾次加息後令到銀保產品的吸引力大降.

不過，投連險的銷售隨著07年第四季度國內股市大幅波動而出現逆轉。相反, 中國人壽的保費增長速度止跌回升，07年11月單月同比增速已接近30%。

近年來中國人壽轉向高內涵價值的期繳型長期壽險業務, 而傳統壽險保單客戶的保證回報率只係2.5％, 現時存人民幣5年定期利率係5.76%, 保險公司仲可以免俾利息稅, 的確賺到笑.

台灣yahoo: http://tw.myblog.yahoo.com/mr-market/
香港yahoo: http://hk.myblog.yahoo.com/mr-market/

繼續買金融股

今日恆生指數全日收市跌2,061.23或8.65%, 報21,757.63. 從最高位31,958點計,恆生指數跌左 31.9%, 唔少一線大藍籌由最高位計跌幅也超過30%, 匯豐和中國移動都跌左接近32%, 中國人壽跌左48.7%, 建設銀行跌左44.5%, 以跌幅計已經算災情嚴重了.

熟悉我的朋友會知道面對呢d大跌市我會點做. 今次仍然唔例外. 今日繼續運用手上的資金買金融股, 分別以28.8買入4手中國人壽, 不過收市價只有27.6, 即日已經唔見左4.2%, 證明我的確係凡人一個; 另外以25.3買入4手3968招商銀行. 現金水平下降至略低於13%. 未來會繼續加碼買入金融股, 名單包括: 945, 2318, 2628, 3328, 3968. 邊隻跌得多就加邊隻, 直至現金水平降至0%.


台灣yahoo: http://tw.myblog.yahoo.com/mr-market/
香港yahoo: http://hk.myblog.yahoo.com/mr-market/

買入中國人壽

今日以32.85買入4手中國人壽, 現金水平降至大約17%. 會繼續越跌越買, 對象仍然以金融股優先, 直到現金水平降至0%. 一向認為現金水平應該同股價成反比例. 當股價過份高時, 應該增加現金水平, 當股價大跌時, 就唔好恐懼增持.

今日匯豐股價繼續下跌, 相信有唔少以前對匯豐充滿信心的人開始, 或者已經動搖, 甚至崩塌. 記得(只憑記憶), 2000年時, 匯豐股價最高升至120蚊左右, 一年多以後,. 發生911事件, 匯豐股價最低跌到68.25, 之後回升到大約98蚊. 到了03年發生沙士之後, 匯豐股價跌穿80蚊, 之後股價升到07年10月的歷史高位153.5, 到了今日收市價係113.6.

無意再多講, 只講一句, 手上的匯豐仍然一股都無沽到, 一切盡在不言中.

另外想強調, 筆者只係一個普通小投資者, 也是凡人一個, 無可避免會犯錯, 能夠做的, 只係盡量將犯錯的影響, 控制在"唔會對未來財務自由的目標做成不能補救"的範圍之內. 當然, 我有自己的判斷和立場, 也有自己的堅持和固執. 畢竟, 人生和投資, 都係一個永久的學習, 和不斷自我完善的過程.

台灣yahoo: http://tw.myblog.yahoo.com/mr-market/
香港yahoo: http://hk.myblog.yahoo.com/mr-market/

銀行的派息能力

銀行的派息能力要睇一級資本充足比率. 銀行的資本分為一級資本和二級資本. 一級資本包括普通股資本和保留盈利; 二級資本包括長期次級債務，一般呆壞賬準備金, 和資產重估儲備. 最近花旗集團要減少派息因為佢的一級資本充足比率由07年9月底的7.32%進一步減至7.16%, 低過集團自己設定的7.5%目標水平, 僅僅高過聯儲局認定的6%可接受水平.

睇匯豐07年上半年的業績報告, 07年6月30日止, 匯豐有一級資本973.44億美元, 比06年同期增加18.51%; 風險加權資產有10,415.4億美元, 比06年同期增加19.32%, 所以一級資本充足比率係9.346%, 06年同期則為9.41%. 另外留意到有個有趣的數字, 計算06年第4次股息加上07年第1次股息, 共有40%的股息係以"以股代息"的形式派出, 比對 05年第4次股息加上06年第1次股息, 只有34.26%的股息係以"以股代息"的形式派出, 顯示選擇以股代息的比例增加左. 密切留意3月3 日匯豐公佈07年度全年業績.

台灣yahoo: http://tw.myblog.yahoo.com/mr-market/
香港yahoo: http://hk.myblog.yahoo.com/mr-market/

搞掂酒席啦

聽已婚的朋友講, 結婚最重要的一個項目就係酒席, 酒席場地和日子一旦決定, 其餘細節都係向住呢個中心去進行. 對場地和日子, 未來老婆有要求, 我當然要完全滿足佢, 都花了唔少時間去選擇酒席場地, 每一個目標都親自視察過,終於今日一錘定音, 俾左3成定金, 拿下未來老婆滿意的場地, 日子係佢喜歡的好日. 下一步要想一些具創意的小玩意, 在婚宴上俾老婆仔一個驚喜, 心情越來越興奮和緊張. 不過未來工作方面, 可以預見幾困難, 兩個印度籍下屬好快會離職, 少左兩個得力助手, 以後自己要親力親為, 不過我公司的user好多都以為自己係行業精英或天之驕子, 好難服侍, 可以預見未來唔容易做. 面對印度籍同事好快會離開, 有d傷感, 因為佢地工作態度非常好, technical又掂, 同其他國家的印度籍同事, 又能同聲同氣, 順利好多. 以後呢d事就要我自己親自出馬.

台灣yahoo: http://tw.myblog.yahoo.com/mr-market/
香港yahoo: http://hk.myblog.yahoo.com/mr-market/

中國保險業

中國保監會官員估計，截至2007年底，中國保險業總資產已達3萬億元人民幣，中國保險業資產在一年內增加了1.1萬億元。

平安保險表現如何呢? 去年平保總實現保費收入1007.3億元，其中平安人壽實現保費收入791.8億元，比2006年的689.9億元增長了14.8％；平安財險實現保費收入214.5億元，比2006年的168.6億元增長了27.2％, 平安養老保險保費收入1億元。平保旗下的平安資產截至2007年6月30日的資產規模已經超過3600億元人民幣, 主要是來自集團自有的非公募資產, 另外有8個投資連接保險賬戶，管理規模約達400億元，佔據整個投連險市場份額的70%左右.平安資產的投連從推出到現在有7年的歷史, 經歷過近年國內證券市場的熊市和牛市，仍然能夠為投保人帶來穩定增長的回報, 其中進取型賬戶年化回報21％至23%，平衡型賬戶年化回報15％至16%，穩健型賬戶年化回報8％至11%。 資產配置與風險管理是平保的強項所在.

至於中國人壽, 按中國會計準則，2007年全年未經審核累計原保險保費收入約1966億元，較上年同期的1838億元，增長了7%。 據報導, 去年保費增長速度較快的保險公司主要靠推出投連產品。在投連險熱銷的情況下，去年中國人壽的產品仍然集中在傳統險和分紅險，並無推出投連險, 所以去年國壽的增速遠遠低於同業其他主要競爭對手，甚至低於業內的平均增速. 不過中國人壽也有強項, 就係農村保險業務. 截至2007年9月，中國人壽縣域保險業務總保費達到871.69億元，同比增長19.42%，縣域機構的營銷員人數達到46.12萬人，其中，農村網點的營銷員人數達到27.98萬人。小額保險是為農村和城市低收入人群提供的一種簡易保險，是一種市場化的金融扶貧手段, 受到國策的支持. 保監會副主席李克穆16日表示，要促進小額保險健康發展，爭取對小額保險合理的稅收優惠政策，進一步推動對農村低收入人群的保費補貼政策。

中國人壽管理層日前透露，去年盈利將遠超預期目標，並預計今年會更佳, 公司追求盈利的穩定持續增長，預計2008年保費收入增長率將維持2007年水平. 另外, 中國人壽獲多家美國金融機構邀請入股成戰略性股東，目前正在審慎評估投資的可能性。記得以前經常傳出中國人壽要引入戰略性股東, 而家反而被 邀請成為人地的戰略性股東, 世事變化真快.

台灣yahoo: http://tw.myblog.yahoo.com/mr-market/
香港yahoo: http://hk.myblog.yahoo.com/mr-market/

實際行動撐匯豐

今晚在網上睇到泰晤士報報導匯豐主席葛霖(Stephen Green)表示, 一旦中國取消對外資公司在上海證交所上市的限制, 就會提出申請. 可以預見, 匯豐將會係非常受國內股民的歡迎和支持.

另外, 見到報導恆生今年對本地接近八千名員工的加薪幅度由2%-12%不等, 好有興趣知道今年在歐美資大行打工的員工有無薪加.

已經收到匯豐07年第3次季度息以股代息的股票, 共有181股, 現時共持有18111股, 好快3月份匯豐會公佈全年業績以及第4次季度股息. 如果你持有的匯豐係自己名, 你可以在computershare網頁check到自己的持股.

匯豐股價最高位153.5, 以近期低位114.2計, 帳面上唔見左超過71萬, 即使以今日收市價118.4計, 帳面上唔見左超過63萬, 仍然以實際行動撐匯豐, 因為信心唔係靠把口講, 耐力也唔係靠把口講, 真金白銀的血汗錢已經表明一切.



台灣yahoo: http://tw.myblog.yahoo.com/mr-market/
香港yahoo: http://hk.myblog.yahoo.com/mr-market/

投資中國的政策風險

買國內企業其中一個大的風險就係政策風險. 中央以穩定大局為先, 往往會推出行政手段干預市場. 根據報導, 國家發展改革委於1月16日公布了《關於對部分重要商品及服務實行臨時價格干預措施的實施辦法》，規定對包括成品糧及糧食製品、食用植物油、豬肉和牛羊肉及其製品、牛奶、雞蛋、液化石油氣等在內的重要商品實行臨時價格干預措施，提價需要申報政府批准。

較早之前, 國務院會議已經通過主要針對城市公用事業和能源的價格管制：規定成品油、天然氣、電力供氣、供水、供暖、城市公交、學費、住宿費收費、醫療服務價格不得上漲，尿素、磷肥等化肥價格漲價也需政府批準.

所以今日蒙牛和匯源股價都下跌, 現時飲食組合帳面上虧損19.23%.

當初買蒙牛正值股價因原奶價上升而調整, 因為認為蒙牛可以將產品加價所以認為對業績影響不大, 事實上前一排蒙牛的產品也真的提左價, 股價最高於1月3日升到30蚊, 比我的持貨成本升左5%左右. 不過我無沽出, 因為當初買入並非短線炒作. 現時也無意因為今次的價格管制而賤賣, 會繼續持有等待業績公佈.

今日原本打算運用手上的現金買入一些因為呢幾日股價大跌而開始變得吸引的股票, 不過今日大市反彈所以買唔到. 總結過去的經驗, 自己成績最好, 最有信心的投資始終係金融股, 所以未來會將手上的現金重新投入金融股身上,而對象不會限於本地和國內的金融股, 美國的金融股都會考慮. 當然, 投資的核心仍然係一股都未沽過的匯豐和宏利.

最後想講下, 從中央的角度, 有些行業阿爺為左民生和民心的穩定, 可以犧牲企業的利益, 但有些行業如果無錢賺, 阿爺會好驚好擔心, 保險業關係到人民的保障, 如果保險公司無錢賺, 邊有能力保障市民? 邊有實力同外資保險公司競爭? 所以平保國壽的錢途阿爺一定會關照住. 至於銀行業, 阿爺都想佢有錢賺, 不過唔係最重要, 最重要係穩定, 賺唔到大錢唔緊要, 至緊要唔好有大量壞帳, 所以阿爺一再出手收緊銀行的銀根, 限制銀行的貸款增長, 所以相信今年銀行的業績只會平穩, 當然, 非利息收益, 如果間銀行有本事賺, 賺多多阿爺應該唔會阻止.

台灣yahoo: http://tw.myblog.yahoo.com/mr-market/
香港yahoo: http://hk.myblog.yahoo.com/mr-market/

無需恐慌, 繼續月供

我唔反對當股價升得太過份時減持部分股票, 增持現金. 至於什麼股票在什麼價位算係股價過高, 就見仁見智, 我有自己的判斷, 之前也沽左部分股票, 增持現金至大約30%. 之後用左部分現金還清珠海物業的貸款. 再用左部分建立食品飲品組合, 現時現金水平大約係20%(其中小部分買左匯豐ELI).

當初選擇飲食股的原意是為了避開國內宏觀調控, 所以選擇同經濟週期關係無咁密切的飲食股. 不過現時飲食股同樣跟隨大市下跌, 現時組合的市值仍然比成本下跌左13.36%. 至於匯豐和宏利就一股都未沽過, 因為從來都無覺得佢地有股價過高的情況. 雖然今日匯豐和宏利股價繼續下跌, 甚至有恐慌性沽售的味道, 不過, 無損我繼續做股東的興致.

持有股票需要耐性, 同樣地, 持有現金也需要耐性. 不過, 有d股票開始有吸引力, 我隨時會動用現金出手買貨.

想在股壇長期生存, 一定要抵受得住大跌市. 另外, 一向認為月供股票係長遠的計劃, 當然會繼續下去.



台灣yahoo: http://tw.myblog.yahoo.com/mr-market/
香港yahoo: http://hk.myblog.yahoo.com/mr-market/

樂觀是股市生存之道

我是一個樂觀的投資者, 所以我有勇氣於歷次股市逆境中, 包括98年亞洲金融風暴, 01年911恐怖襲擊, 03年沙士風暴, 投資股票. 現時匯豐正處於次按風暴之中, 人心惶惶, 不過, 對我來講, 無論匯豐股價係150蚊, 120蚊, 甚至80蚊, 我都係繼續做股東, 匯豐仍然開門做生意為股東賺取盈利. 投資股票唔需要望住報價機而隨著股價升跌而悲喜交替. 投資股票可以好沉悶而長久.

另外, 心態也決定你是否一個快樂的投資者. 同樣持有80%股票, 20%現金, 在股價上升的情況下, 想法負面的人會唔開心, 因為有20%係現金無得升值, 賺少左, 而想法正面的人仍然開心, 因為仲有80%係股票. 如果股價下跌, 想法負面的人會唔開心, 因為有80%係股票在減值, 而想法正面的人仍然安然, 因為仲有20%現金可以買減價貨品. 我係一個心態正面的投資者, 況且仲有現金在手, 有什麼好憂慮?

今晚花旗公佈業績, 在網上睇到要撥備181億美元，第四季虧損98.3億美元, 值得留意的是, 到12月31日為止, 花旗的direct subprime mortgage exposure由第3季的546億美元大幅減至373億美元. 花旗新CEO上場, 盡量撥備係必然的, 因為錯在前朝, 而將來大幅回撥, 功在己身, 唔勁撥備先笨. 雖知道, 撥備唔等於損失, 將來有機會回撥.

台灣yahoo: http://tw.myblog.yahoo.com/mr-market/
香港yahoo: http://hk.myblog.yahoo.com/mr-market/

珠海樓

星期日生果報財經版的其中一個標題係"珠海樓升值濳力高", 睇下內文, 在我屋宛附近的海怡灣畔呎價1062, 吉大區, 拱北區分別係呎價1072和1220. 珠海樓價去年平均升超過30%, 我於02年買的單位, 當時呎價只係250港元, 現時已經升值到接近640元人民幣平方尺. 新年會同家人上去渡假, 順便去澳門玩一下.

註: 此文並非推薦大家買珠海樓, 事實上, 6百幾蚊一尺我覺得唔平, 2百幾蚊一尺買來自用就ok.

台灣YAHOO: http://tw.myblog.yahoo.com/mr-market/
BLOGSPOT: http://mrmarketofhk.blogspot.com/

給細妹的生日禮物

每年最細的妹妹生日我都會問佢要什麼禮物, 因為我個人比較實際, 直接問佢買d佢鍾意的禮物好過我自己亂咁買. 不過我個妹好乖, 佢唔係年年都需要我買野俾佢, 如果佢想唔到要乜, 佢會話無野需要唔使買.

今年的生日禮物佢要一部Sony Ericsson W580i手提電話, 所以今日下午我買左俾佢.




Sony Ericsson W580i 時尚街頭風格 音樂隨身聽

2.5G 中階音樂滑蓋機
Sony Ericsson再度發表旗下當紅的 Walkman 手機 W580i，輕薄的滑蓋機身散發濃濃的都會時尚品味，也帶給消費者全方位的 Walkman 手機音樂完整新體驗。W580i 附512MB M2記憶卡，最高可儲存達 470 首歌曲，並具備 200 萬畫素照相功能，此外，還提供有多款遊戲及好玩的運動與娛樂功能。

支援TrackID
W580i 除了音樂功能之外，更在背後融入了具有時尚感的浮雕設計，使得 Walkman 手機的外型有了新風貌。與多款最新的 Walkman 手機相同，同樣具備 TrackID 音樂辨識功能。如果聽到一段不知道歌名的音樂，只需透過麥克風或手機的 FM 收音機將音樂錄下幾秒鐘，TrackID 音樂辨識功能會將這段音樂傳送至 Gracenote Mobile MusicID 資料庫，就能快速識別這首歌的曲名、演唱者及專輯，並將資訊傳回使用者的 Walkman 手機中。

隨機附贈 512MB 記憶卡
W660i Walkman 手機附贈的 512MB Memory Stick Micro ( M2) 記憶卡，可儲存最多達 470 首完整的歌曲（eAAC+ 格式）。隨著收藏的音樂逐漸增加，也可視需要擴充記憶卡容量，例如 1GB Memory Stick Micro (M2) 記憶卡最多可儲存 1,000 首歌曲。

可選購音樂配件 MPS-70 與 MPS-75
使用者還可選購音樂配件，讓W580i更有味道。兩組選購的時尚音響配備組：可攜式喇叭 MPS-70 與 MPS-75，立刻讓 W580i 搖身一變成為派對焦點。如果認為音量還是勁道不足，藍牙音樂接收器 MBR-100 能讓使用者透過家用音響就可播放手機音樂，W580i 則做為選歌與調整音量的遙控器。無論是參加派對或只是漫步街頭，W580i Walkman 手機都可展獨具風格的外觀與音色。

Sony Ericsson W580i 功能特色:
◎ 支援 EDGE 以及 GSM 850/900/1800/1900 網路
◎ 支援 2 吋 26 萬色 TFT 螢幕、解析度 240x320 pixels
◎ 內建 Walkman Player 2.0 音樂播放器
◎ 支援飛航模式
◎ 支援 TrackID 音樂錄製服務
◎ 支援 RSS 功能
◎ 支援 RDS FM 音機
◎ 內建 200 萬畫素 CMOS 相機
◎ 支援相片部落格
◎ 支援 JAVA MIDP 2.0
◎ 支援 USB 2.0 傳輸
◎ 支援藍牙 2.0 傳輸
◎ 支援 A2DP 立體藍芽聲耳機
◎ 內建 12MB 動態記憶體
◎ 隨機附贈 512MB M2 記憶卡；最高可支援至 2GB

中國移動通話費暴利時代終結麼?

筆者每年都有幾次會珠海自置物業渡假, 通常會逗留4,5天. 每當一到珠海, 筆者馬上會換上大陸卡, 目前中國移動共有3大品牌卡：全球通、神州行、和 動感地带。而筆者用的是神州行卡. 它的特色是零月租, 採用預付費卡 形式，用户可以買卡進行冲值，用量多少就扣多少通話費, 對筆者來講的好處是不用按月支付固定的月費. 但神州行卡也有唔好的地方, 就是收費比較高, 包括通話收费0.6元/1分鍾，漫游0.8元/1分鍾，信息费網内0.15元/條，網外0.2元/條。雖然神州行卡全國通行, 但不同城市買到的是當地的神州行卡, 如果你在深圳買深圳神州行卡, 然後去珠海用, 這樣的話, 每一分通話你要支出0.6的基本通話收费, 還要給0.8元/1分鍾的漫游費. 筆者每次到珠海都會沖值300元人民幣左右, 4,5天後通常都所剩無幾, 我覺得國內電話費真係幾費, 我在香港每月流動電話費也只是150至190港元左右, 而且已經包括一些即時視像新聞的附加項目. 由此可見, 國內電話通話費收費很高, 事實上, 目前國內通訊支出佔人均GDP的比重為6.2%,遠高於歐洲、日本等國家，甚至是資費已經較貴的南韓的兩倍。根據報導, 國家發改委和資訊產業部擬於1月中下旬在北京舉行“降低移動電話國內漫遊通話費上限標準”聽證會。預計未來漫遊通話費的下調將是漸進的過程, 但有很大的下調空間. 2005年中國移動年漫遊費收入大約為490億元人民幣，近兩年，中國移動年收入增長率均在20%以上 , 如果完全取消漫遊費，預計中國移動每年就會因此減少幾百億元的營業收入. 值得關注的是, 多年來消費者以及社會組織集體對國內高 得不合理的通訊收費的不滿, 如果這次漫遊通話費的下調甚至取消只係第一波, 那麼未來國內電信產業結構重整帶來的風險不容忽視, 全業務綜合經營包括移動電話通訊, 固網電話通訊, 專線通信, 寬帶通信等等相信係未來的方向. 目前中國移動“一家獨大的局面有何影響, 大家拭目以待.

台灣yahoo: http://tw.myblog.yahoo.com/mr-market/
香港yahoo: http://hk.myblog.yahoo.com/mr-market/

匯豐仍然是我財務自由的指望和依靠

今時今日持有匯豐可能會被笑係傻仔. 不過正如沙士期間我買地產股被笑係傻仔一樣, 我唔介意, 有人話匯豐07年業績會見紅, 有人話匯豐07年會減少派息, 甚至唔派息, 有人話匯豐最壞情況仲未見. 對我來講, 這些事情我通通都唔擔心, 目前我比較關心手上持有幾多股匯豐, 因為匯豐仍然是我財務自由的指望和依靠. 沙士期間持有物業仿佛前景一片灰暗, 但幾年後的今日, 已經係另一番景象, 持有物業的人雄心勃勃. 所以話, 笑到最後才是笑得最好, 繼續做一個無憂無慮的長線投資者.

台灣yahoo: http://tw.myblog.yahoo.com/mr-market/
香港yahoo: http://hk.myblog.yahoo.com/mr-market/

通宵工作或至癌

通常每朝我都會拿2份免費報紙, 分別係頭條日報和都市日報. 不過我比較喜歡睇頭條日報, 因為都市日報俾我的觀感係幾悶. 坐車的時候, 打開頭條日報來睇. 其中講到最近國際醫學研究發現熬夜通宵會擾亂生理時鐘、干擾身體製造抑制癌細胞的荷爾蒙，增加患癌症風險. 而夜間工作時需要燈，這些人造光會影響人體分泌抑壓腫瘤荷爾蒙「褪黑素」，導致女性有較高機會患乳癌，男性可能會患上前列腺癌。世衛的國際癌症研究署計劃將夜間時段通宵工作，列為可能致癌的因素之一. 睇完之後我有d驚, 近幾年自從上網玩newsgroup和寫BLOG之後, 自己的確比以前夜左睡覺, 有時2,3點先上床睡, 第2朝又要一早起身返工. 命仔緊要, 以後要早d睡, 萬大事睡完再算.

另外, 見到女星黎姿的弟弟甦醒的消息, 我唔識黎姿, 也未見到佢真人. 自從佢弟弟因為交通意外受傷入院之後, 從報章的報導, 知道黎姿好疼愛佢細佬, 我對愛護細佬妹的人一向有好感, 和諧社會需要從和諧家庭做起, 一個溫暖的家是非常重要和寶貴的. 我祝福黎姿的弟弟早日康復.

另外, 見到生果財經講, 美銀去年8月斥資20億美元入股的美國最大房屋按揭貸款機構Countrywide最近股價繼續下跌, 美銀帳面上已經損失70%. 馬上想起平保之前以18.1億歐元入股富通4.18%股權, 原來截至2008年1月4日，平安帳面上已經產生1.20億歐元的虧損. 不過這次投資只佔平安目前總資產約6500億元人民幣的3%, 而且應該屬於長棍性質.

最後, 提醒大家, 也提醒自己, 要早d睡覺.

台灣yahoo: http://tw.myblog.yahoo.com/mr-market/
香港yahoo: http://hk.myblog.yahoo.com/mr-market/

#626大眾金融公佈全年業績

今日投機組合的大眾金融公佈截至07年12月底止全年業績，錄得純利6.65億元，按年增長34%，每股盈利60.8仙. 期內利息收入19.2億元，按年增加32.9%。淨利息收入按年增10%至10億元。非利息收入增加89.2%至約3.92億元；營業支出增加38.8%至約4.312億元. 今日大眾金融收5.59, 相等於07年歷史市盈率9.19倍. 到目前為止, 3隻投機股, 2勝1負.

我發覺自從投入股市十幾年來, 有個現象, 就係自己無論投資或投機金融股, 好少失手, 所以一直以來, 我夠膽大大注買落去, 始終係金融股, 即使現時弱過藥煲的匯豐, 我對佢未來的盈利前景仍然係充滿信心.




台灣yahoo: http://tw.myblog.yahoo.com/mr-market/
香港yahoo: http://hk.myblog.yahoo.com/mr-market/

通貨膨脹

踏入08年, 好多東西都加價了. 今日睇新聞, 內地供港活豬數量近日又再減少，今日只有3671隻，令批發價大幅上升三成多。有零售商表示，新鮮豬肉將會加至四十多元一斤。另外, 內地暫停向本港供應麵粉近一星期後已恢復向本港供應麵粉，但要徵收百分之二十五關稅, 一袋五十磅的入口價格原為五十元，加稅後變成七十元, 粉麵製造業總商會表示，成本將會轉嫁給消費者. 我今日去餐廳食中午飯, 叫左碟"餐肉腸仔"飯, 發覺餐肉同以前一樣, 都係3塊, 不過比以前薄好多, 大約只係以前一半咁厚, 煎完之後, 可能太薄, 成塊卷起來, d汁流失晒, 好乾, 好咸, d腸仔明顯換左第2隻牌子, 雖然仍然有2條, 不過好難食, 同樣係好咸. 食完口乾左成大半日, 以後都係唔叫餐肉腸仔飯.

網友阿苦留言話 "無抵押貸款有點像次按本質，經濟好人們不用借，經濟差時有借冇還，高危產品。". 我就認為經濟好唔好都有人需要借錢. 不過經濟好的時候, 借仔還錢的機會大d, 經濟唔好時, 借仔有時有心都無力還. 另外,無抵押貸款雖然風險, 但利率高, 計掂條數 , 一樣係賺錢的生意. 正如, 保險公司打開門做生意, 20年歲的客受你買人壽保險, 50歲的客一樣接受你買人壽保險, 提高保費補償風險就可以了. 無人會質疑保險公司受50歲的客人買壽險係做蝕本生意. 次按的問題係因為"銀行以20年歲的保費賣俾有50歲風險的客人, 另外, 有重病的人一樣以健康的人的風險對待", 回報與風險不相配, 加上市況逆轉, 結果出事了.

台灣yahoo: http://tw.myblog.yahoo.com/mr-market/
香港yahoo: http://hk.myblog.yahoo.com/mr-market/

混業加創意, 平保有錢途

根據報導, 平保於2007年12月28日宣佈在上海推出國內首創的無抵押貸款的信用保證保險產品, 名為"平安易貸", 係專門針對國內普通居民急需用錢, 但因為缺少擔保或抵押而借唔到錢而設計的保險產品. 有穩定工作和收入的中國公民, 只要成功向平安產險投保, 就可以向深圳平安銀行取得小額貸款, 貸款額最低為１萬元. 平安產險將按照客戶的不同情況及貸款期限收取一定比例的保費, 一般打工仔12個月貸款的保險收費率為20%, 平安銀行則對貸款收取正常的利率, 以一年期貸款為例, 客戶要俾的利率為7.47%, 平保實際共賺利率為27.47%。根據報導, "平安易貸"業務已經獲准在江蘇、浙江、廣東、四川 四省, 以及深圳、寧波, 上海三市開展，上海為第一個試點站。平保亦計劃同更多商業銀行合作, 將平安易貸業務開展到國內更多地區.

今次顯示平保能夠善用綜合金融平臺, 設計配合市場需求的產品, 創新的構思和敏銳的市場觸覺, 令人贊賞. 事實上, 小額消費信貸在國內才剛剛起步，而通過運用信用保證保險工具向普通居民提供無抵押短期貸款更是一項創新的業務, 極具發展潛力和增長空間.

台灣yahoo: http://tw.myblog.yahoo.com/mr-market/
香港yahoo: http://hk.myblog.yahoo.com/mr-market/

買了OSIM uSqeez美腿魔法師

我和家人都很喜歡做腳底按摩. 不過最近新聞報導, 做腳底按摩可能感染皮膚病. 所以同家人商量之後, 決定買一部OSIM uSqeez美腿魔法師, 就是台灣女星林志玲做代言人的那一部. 今晚食完飯, 和兩個妹妹去家裡附近的OSIM 門市部試一試OSIM uSqeez的效果, 大家都覺得不錯, 而且用恆生銀行credit card有優惠, 只需2533港元. 加上個售票員服務態度非常好, 所以就買下來, 下星期三送貨到家. 以後晚上可以在家裡用uSqeez美腿魔法師按按腳才上床, 希望對早點進入睡眠有幫助.







台灣yahoo: http://tw.myblog.yahoo.com/mr-market
香港yahoo: http://hk.myblog.yahoo.com/mr-market

同阿媽慶祝生日

我的家庭有個良好的習慣, 就係無論邊個成員生日, 無論係年齡最大的婆婆, 還是年齡只有8歲, 我家姐的細仔, 都係一視同仁, 全家人都會出街食晚餐慶祝生日, 有時係去酒樓食, 有時去酒店食自助餐, 邊個生日就邊個話事, 連我家姐最細的仔都可以自己選擇想食乜, 我認為呢個做法非常好, 每一個家庭成員, 尤其是小朋友, 都可以感受到自己被重視, 都感受到在我的家庭裡, 每一個成員都係最要的.

今晚一家人去尖沙咀東某酒店的酒樓食飯, 選左一個1880蚊全包宴. 食物的份量好夠, 因為我地只有10個人, 食到一大半我已經好飽. 我家姐兩個仔好食得, 大仔一個人食左大部分的小籠包, 細仔就食左3個壽包. 今晚有我非常鍾意食的美極豉油煎大蝦碌. 可惜隻蝦有d乾, 蝦的鮮味唔夠, 相信係雪藏蝦, 溶雪之後流失左部分水份和蝦汁. 不過, 無論食物水準如何, 最重要係一家人能夠開開心心, 團聚一起食飯.

在此, 祝阿媽身體健康, 生日快樂.

http://hk.myblog.yahoo.com/mr-market

http://tw.myblog.yahoo.com/mr-market/

鑽石的誘惑(女性理財篇)

之前買的求婚介子大左2個碼(係指個圈, 唔係指粒鑽石), 要拿去工場改細, 昨晚拿返, 所以現時隻介子在我手上. 望住隻介子, 我發覺原來鑽石真係幾靚, 難怪d女仔咁喜歡鑽石, 果然有佢的魅力, 所以前一排在報紙睇到城中富豪話, 想"tum"女仔開心好容易, 帶佢去自己的金鋪(指富豪的金鋪)俾佢選d鑽飾就搞掂. 最近, 越來越明白點解我個大妹以前咁難儲到錢, 市場上真係有好多吸引到女仔使錢的商品, 除左鑽飾之外, 仲有手袋, 高跟鞋, 皮靴, 化妝品, 護膚品, 衣服, 做facial等等, 一條披肩的價錢係超過一千蚊, 手袋就更加唔使講, 一出去商場, 就要面對好多好多的誘惑.

一直以來我都勸個大妹要儲蓄, 錢唔係唔好使, 但使錢的同時點都要儲番些少. 不過, 佢見到銀行戶口有錢, 使錢又會鬆手d, 曾經有推銷員上門sell化妝品, 講完一大輪之後, 佢就買左一大堆化妝品. 而且每年都要去日本shpooing和台灣食野. 最後我想到的辦法就係當佢儲夠幾萬蚊時就幫佢買股票, 然後提貨轉名, 放入保險箱, 昨日買的匯豐就係幫佢買的. 幾年來, 都逼到佢儲到一些股票. 以下就係佢的組合. 希望將來佢退休的時候, 個股票組合可以提供一些生活保障.

我兩個妹都有成為長線投資者的條件, 就係佢地完全唔理股價, 無論股價大升或大跌, 佢地都無反應, 每隔一段時間儲夠一些錢, 我話幫佢買股票, 佢地永遠無話唔同意, 信晒我. 唯一的限制係, 只可以幫佢買匯豐, 宏利, 或者交行, 唔可以買其他, 我當然唔會反對.

為家人組合買匯豐

雖然近期生果報的金手指話等待匯豐先減派息 再 發 盈 警 , 目標價見112.5元, 另外, 里昂維持給予匯豐控股(0005)沽售評級，目標價110港元. 雖然咁多人睇淡匯豐, 不過今日我仍然趁匯豐股價下跌, 以129.9為家人的組合買左3手匯豐. 按我一貫的風格, 如果匯豐.股價再跌我會再為家人的組合加碼買入. 市場的言論不足恐懼, 股價下跌也不足畏懼, 只要係優質股票, 只要價錢抵買, 而手上有錢, 打電話俾經紀幫你買入, 然後繼續如常地工作生活, 仍然可以做一個輕鬆的投資者.

中國人壽長短棍的疑問

之前林sir(林森池)在香港電台講到中國人壽的長短棍, 聽完以及睇完隨笈兄記錄的重點之後, 我對林sir所講有些保留和疑問.

以下引述隨笈兄的記錄:

----------------------------------------------------------------------------------
http://hk.myblog.yahoo.com/Chui-Cup/article?mid=2994

1. 中國人壽十大股票投資 95% 放在長棍。因為假如放入損益賬，市價波動會令盈利波動好大。例如有一千億股票投資，10%的波動係講緊 100億咁緊要。放入 capital reserve，市價波動只影響儲備數量。
2. Capital reserve 上升，會令淨值資產上升，內涵價值 (EV)也會上升。
3. 發行新股、派息後盈利滾存、長棍投資升值都會令 capital reserve上升，從而令淨值資產上升。
4. EV 會包含埋新舊保單的估值。
5. 股價的波動，例如 1000 億投資，10% 波動是 100 億，相對內涵價值 2000 億來講，只是小數目。
6. 假如中國人壽盈利唔夠，長棍可以變短棍買賣增加盈利。中國人壽亦可做 sell and buy back，賣了的盈利入賬，再買入的成本可以計入下一年。買貴的那一手股票會入 capital reserve，假如股價跌了，只需資產減值，而不用入損益賬。

------------------------------------------------------------------------

林sir所講的長棍, 即係指可供出售金融資產(available for sale), mark to market 的升值不會計入損益表, 只會計入資產負債表的capital reserve. 而短棍係指交易性金融資產(hold for trading), 升值會直接計入損益表, 影響盈利.

我對林sir所講的將長棍變短棍sell 出, 釋放出隱藏的利潤, 然後 馬上buy back又將佢加入長棍, 我對呢種做法的可行性有保留.

因為長短棍的分類有嚴謹的程序和條件.可供出售金融資產應該係長線投資, 如果你將部分可供出售金融資產賣出穫利, 然後馬上買回, 咁會有2個問題產生, 第一, 你好難再說服auditor 之前歸類為可供出售金融資產真係長線投資, 唔單止馬上買回的那一批證券難以再被歸類為可供出售金融資產, 連其他未賣的可供出售金融資產極有可能要被重新評審, 是否仍然合適被歸類為可供出售金融資產.

總結, 一旦沽出部分長棍再買回, 新買的難以再被歸類為長棍, 現有未沽出的長棍亦會被質疑, 長棍的定類是否仍然合適.

蒙牛最新跟進與08年初步佈局

昨晚倒數完返到家2點幾才睡覺, 今朝一早要返工, 都幾疲倦.

08年初步的佈局大致仍然繼承07年下半年的部署, 就係65%持有匯豐和宏利保險, 15%持有食品飲料組合+中資金融股組合, 20%持有現金.

因為偶然會小注投機一下 (最近就出手一些怡情小注考眼光), 所以手上的現金有時會波動, 但大致會保持在20%的水平.

至於月供股票, 會仍然繼續, 供款分配仍然不變, 分別係#3328交行和#3968招行各2500蚊, #945宏利, #2318平保, #2628國壽各1500蚊. 如果08年有得加人工, 會考慮增加月供金額.

蒙牛係我07年下半年減持30%股票組合之後, 重新部署的出擊主力. 最近蒙牛都有些新聞, 包括產品加價, 例如原價2.3元的蒙牛250毫升純牛奶價格加到2.5元至2.6元, 原價2.5元的250毫升蒙牛高鈣奶、高鈣低脂奶價格加到2.8元至2.9元. 另外, 蒙牛總裁楊文俊宣布，蒙牛將在2008年上半年在海外建立研發中心。楊總如此說, “如果我們在海外有研發中心，我們就能隨時知道對手的動向，就能更快的投入市場，做到絕對領先。” 數據顯示，目前全球乳品市場差距很大，中國人均飲奶量 25公斤/人，印度100公斤/人，而歐美發達國家人均飲奶量300公斤/人。楊文俊表示，從戰略性思考出發，海外研發中心將長期指導蒙牛未來的方向。 贊成者認為中國乳品企業應該走國際化道路，產品國際化、研發國際化, 蒙牛應該整合國外先進技術、人才、信息，提高產品的科技含量。 不過也有反對的意見, 認為歐美的市場增長率只有1%-2%，而中國的市場增長率高達20%-30%，蒙牛應該把精力放在國內市場, 以及如東南亞等欠發達的國家。蒙牛的另一則新聞, 係 於12月18日，蒙牛宣佈正式終止與達能集團於一年前宣佈的「建立酸奶合資公司」計劃。 06年12月18日，達能、蒙牛共同宣佈，投資7.48億元人民幣，在內蒙古的呼和浩特、北京和安徽的馬鞍山成立共三家合資公司，致力於酸奶產品的生產、研發與銷售。合資公司中蒙牛控股51%，達能持股49%。其中，蒙牛主要以生產設備、廠房、物業方式出資，達能則以現金出資。07年3月27日，達能旗下知名酸奶品牌「碧悠」的使用權正式從光明交由蒙牛，蒙牛馬鞍山基地生產出第一批「碧悠」產品。合資計劃終止後, 蒙牛在未來一段時間仍將為達能部分代工生產「碧悠」品牌酸奶，但規模料將逐漸減少. 而蒙牛自己的酸奶業務仍是以「蒙牛」品牌系列為主. 據AC尼爾森統計資料顯示,中國酸奶市場已連續數年增長速度超過30%, 目前中國酸奶只佔整個乳品市場份額的15%左右,市場潛力巨大. 以銷量計，蒙牛已佔據中國酸奶市場的第一位。

國泰君安預計蒙牛07年的毛利率受下半年產品加價比較遲，預計07年全年毛利率為23.4%，但仍高於06年全年；而08年後，隨著產品的提價，以及產品組合的持續提升，毛利率仍將逐年提升，預計08-09年分別為24.5%和25.0%。盈利方面, 國泰君安預計蒙牛07-09年每股收益分別為人民幣0.645元，0.906元和1.228元，06-09年每股收益複合增長率為31.8%。 而BNP百富勤預測蒙牛07-09年每股盈利為人民幣0.677元, 0.869元和1.188 元.

到目前為止, 食品飲料組合仍然有帳面上的虧損.

Happy New Year!!!

明天雖然係公眾假期, 但我要返工, 所以唔多寫了. 在此祝大家在新的一年, 身體健康, 事事順利, 豐盛美滿.

保險股"小非"解禁, 機構投資者投鼠忌器

睇大陸網頁不時會見到一些名詞和字眼, 初次見到真係一頭霧水, 唔明講乜. 今次見到大陸網上新聞, 講保險股"小非"解禁. 查一查才知道"小非解禁"係乜野意思.

＜小非＞就是小部分非流通股，股改之前就有承諾，非流通股在股改結束以後一年之內是不會在二級市場上拋售的，一年以後也不是大規模的拋售，而是有限度的拋售一小部分，為的是不對二級市場造成大的衝擊． "小非解禁"，就是部分限售股票解除禁止，允許上市流通。

段新聞係講不久即將發生的中國人壽與中國平安「小非」解禁。 按兩家公司披露數據，2008年1月9日與3月1日，將分別有6億中國人壽限售流通股與31億中國平安限售流通股被推向市場。按兩間公司現時股價推算，屆時Ａ股市場將由此擴容近3500億元。 值得一提的是中國平安，對照其現時8.05億Ａ股流通盤，「小非」解禁相當於向市場投放相當於4個「平安」。而按目前平安月均不到300億元的成交量，若「小非」股東選擇套現，則需要至少一年方可完成交易。 從近兩日中國太保上市，另兩隻保險股齊跌，不難發現，固定板塊配置比例下的機構投資者對保險股的持有存在替代效應。而上述突忽如來的情景，自然讓共同基金的持有者顯得投鼠忌器起來。

我記得之前在珠海睇一些財經雜誌都有提到08年係非流通股解禁期, 到時A股供應量將會發生變化, 對炒供求為主的國內A股影響不容小覷.

當然, 買股最重要係睇基本因素, 睇經營狀況和盈利前景, 如果因為技術因素而引致股價下跌, 只會係提供買入優質股的好機會.

給媽媽買生日禮物

阿媽今個月生日, 我最實際, 問阿媽要什麼生日禮物, 佢話要對波鞋, 因為佢要去街, 耍太極拳, 跳劍舞和扇舞, 出外旅行等等, 經常要著波鞋, 係時候要換對新鞋. 於是食完早餐之後同阿媽去"馬拉松"鞋店, 試左兩對NIKE跑鞋阿媽都唔滿意, 主要係鞋頭太窄, 逼住唔舒服, 個售票員好識做, 馬上推薦另一對NIKE, 話鞋頭夠闊, 氣墊夠強夠大, 一定好著. 阿媽一試, 走幾步路, 果然係好舒服, 而且健步如飛, 於是馬上俾錢, 阿媽著住新鞋回家, 我就繼續去街睇樓. 20分鐘後, 阿媽打電話來話對鞋好正, 佢好滿意, 幾百蚊就令到阿媽咁開心, 超值!

事實上, 每次出糧或買野俾阿媽, 買野俾阿妹, 買野俾婆婆, 買野俾大家姐, 買野俾大家姐兩個小朋友, 見到佢地開心滿足, 我就覺得係自己最大的成功. 將來, 如果能夠令到老婆講佢好幸福, 咁就係我最大的成就.

投資相關保險

我很喜歡聽香港電台的e線金融網財經節目, 尤其喜歡聽一些國內的嘉賓講野, 水準好高, 本地的嘉賓我鍾意徐老闆和林森池. 網友隨笈兄好有心機, 將林森池於 e線金融網 節目講的內容重點錄記下來, 大家有興趣可以去以下的網址睇睇:

http://hk.myblog.yahoo.com/Chui-Cup/article?mid=3597&prev=3598&next=3555

今次林森池講有投資性成份的保單, 於是我在網上搜查有投資性成份保險的資料, 同大家分享下.

國內有投資性成份的保險有幾種, 分別有投連險, 萬能險和分紅險.

分紅險，表現形式通常為“保障+分紅”，雖然其保障部分的資金預定利率也大多在2％~2.5%左右，但由於允許保險公司每年向投保者派發可浮動的“紅利”，包括現金分紅、保額分紅等形式. 按照中國保監會的規定，保險公司應將分紅險在每一個會計年度末可分配盈餘的70％分配給分紅保單持有人。分紅保險的紅利主要來自三個方面，分別是費差益、死差益和利差益，也就是業界常說的“三差分紅”，此外還有退保差益等微弱因素的影響。其中，費差益指保險公司實際費用率小於預定費用率產生的盈餘，死差益指實際死亡率小於預定死亡率產生的盈餘，利差益指實際投資回報率大於預定利率產生的盈餘。

投連險指的是除了具有保險保障外，保單的現金價值直接與保險公司的投資收益掛鉤的壽險產品。簡單來說，投保人繳付的保費分別放入保障賬戶和投資賬戶中，除保險公司收取的一部分費用和基本保障費用外，其餘大部分資金全部用來投資。

萬能保險是指包含保險保障功能並至少在一個投資賬戶擁有一定資產價值的人身保險產品。萬能保險除了同傳統壽險一樣給予保戶生命保障外，還可以讓客戶直接參與由保險公司為投保人建立的投資帳戶內資金的投資活動，將保單的價值與保險公司獨立運作的投保人投資帳戶資金的業績聯系起來。大部分保費用來購買由保險公司設立的投資賬戶單位，由投資專家負責賬戶內資金的調動和投資決策，將保戶的資金投入到各種投資工具上。對投資賬戶中的資產價值進行核算，並確保投保人在享有帳戶餘額的本金和一定利息保障前提下，借助專家理財進行投資運作的一種理財方式。

分紅險、萬能險、投連險的共性是兼具保障和投資理財功能，將保單的價值與保險公司運營和投資的業績聯系起來。不同的是，它們的側重點各不相同。分紅險不設單獨的投資賬戶，每年的分紅具有不確定性；投連險設置了幾個不同風格的投資賬戶，客戶自由選擇，可能享有較高回報的同時也承擔較高的風險；而萬能保險設有單獨的投資賬戶，同時具有保底利率的功能


分紅險、萬能險、投連險的區別


投資收益：

分紅險：在投資收益上設有最低保證利率，有無分紅看公司的經營狀況。

萬能險：設有最低收益保障，實際收益與保險公司投資帳戶收益相關。

投連險：投連險的實際收益與客戶選擇的投資帳戶收益直接掛鉤，保險公司不承諾投資回報，客戶承擔全部投資風險。

產品特色：

分紅險：具保障功能，保險公司每月公布一次分紅狀況。

萬能險：具保障功能，繳費靈活，可一次性繳費，也可若幹次繳費。透明度高，保險公司每季度公布一次收益狀況。

投連險：具保障功能，設有多個投資帳戶，每個帳戶的投資組合不同，收益率也不同，客戶可自由選擇投資帳戶。透明度高，保險公司每月公布一次投資收益情況。

股神拒入股金融機構

今日睇生果報財經版有小標題寫住"股神拒入股金融機構", 巴菲特接受CNBC訪問時表示, 近日有金融機構邀請佢入股, 但被佢婉拒, 因為價錢未到令佢溜口水的地步. 巴菲特仲估計大型金融機構未來數年都難以錄得創記錄的盈利. 不過, 其實巴菲特早一排已經選擇性地增持左一些金融股. 另一邊箱, 英 國 億 萬 富 豪 劉 易 斯則不斷增持貝 爾 斯 登, 先後於 9 月 斥 資 8.6 億 美 元 購 入 貝 爾 斯 登 7% 股 份 ， 並 於 本 月 初 增 持 至 8% ， 本 月 6 日 至 21 日 再 以 89.08 至 110 美 元 吸 納 ， 持股增加 至 9.57% ， 合 共 花 費 11.9 億 美 元 , 每 股 平 均 成 本 為 101.7 美 元. 以 貝 爾 斯 登 周 一 的 收 市 價 88.8 美 元 計 算 ， 劉 易 斯 股 權 現 值 9.86 億 美 元 ， 賬 面 計 暫 時 損 手 2 億 美 元 。 自 劉 易 斯 於 9 月 公 開 宣 佈 吸 納 貝 爾 斯 登 後 ， 後 者 股 價 迄 今 累 挫 17% 。 有錢佬買股喜歡越跌越買, 又一例子, 今次成功與否, 就要時間去證明.

另外, 見到1398工行增持349工銀亞洲股權至71%, 我在本書都有講過, 相信最終工銀亞洲會被母公司私有化.

今晚將最近品題過的3隻投機股整理一下, 以後會用呢個模式, 比較有系統地跟進.

最後補充一下, 投機要適可宜止, 最好限在整體組合的10%以內. 大大注始終係可以永久投資的股票. 仍然認為現時並非一筆過投入大量新資金的好時候, 以前買落的優質股繼續持有則無問題, 分段定期或月供收集優質股也無問題. 現時保留部分現金是合適的做法.

NCAV

網友Sing ar Sing在"價值投資"newsgroup問股價低過NCAV的股票值唔值得買.

呢個係好值得研究和討論的題目.

NCAV 全名係Net Current Asset Value,在Balance Sheet, 大家會見到 Non-current Asset, Current Asset, Non-current Liabilities, Current Liabilities. 而 NCAV = Current Asset - Non-current Liabilities - Current Liabilities. 係完全唔計Non-current Asset.

NCAV投資法係價值投資之父Benjamin Graham提出的, 做法係買入一籃子股價係3分之2或以下NCAV的股票, 記住, Graham唔係買一隻, 而係買好多隻, 因為個別公司可能有本身的問題(即係有非系統性風險), 而買入一大堆公司可以分散風險, 另外, 專買平野的Graham唔係買股價謹謹低過NCAV, 而係要有1/3或以上折讓的股票.

根據研究, 由1970至1983 13年間, 每年在年初買入一個用NCAV投資法的組合, 持有到年尾, 回報率係29.4%, 跑贏回報只有11.5%的S&P 500 指數.

另外, 多謝網友"強烈熱帶風暴"提供了以下(股價＜每股流動資產淨值的６６％)的股票名單, 大家有興趣可以進一步研究NCAV投資法, 歡迎交流和討論.

0022.HK 茂盛控股有限公司
0074.HK 長城科技股份有限公司 - H股
0211.HK 大凌集團有限公司
0244.HK 先施
0279.HK 民豐控股有限公司
0313.HK 德信集團控股有限公司
0350.HK 經緯紡織機械股份
0409.HK 四通控股
0412.HK 漢基控股
0420.HK 福田實業
0431.HK 大中華實業
0495.HK 百利大有限公司
0588.HK 北京北辰實業股份
0770.HK 滬光國際上海發展投資有限公司
1000.HK 北青傳媒
1001.HK 萬順昌集團有限公司
1122.HK 慶鈴汽車股份
1189.HK 永安旅遊
1202.HK 成都普天電纜股份
1218.HK 永義國際
3399.HK 南粵物流
8049.HK 吉林長龍藥業
8067.HK 長春達興藥業股份
8080.HK 北亞策略
8088.HK 亞科資本
8106.HK 浙大蘭德
8109.HK 科瑞控股
8110.HK 第一電訊
8188.HK 牡丹汽車


我手上剛好有1122.HK 慶鈴汽車的財務報告, 慶鈴有流動資產48.5164億人民幣, 有流動負債10.88771億人民幣, 無任何非流動負債, 所以慶鈴有NCAV 37.62869億人民幣, 相等候每股NCAV 1.5159人民幣, 以Graham的標準, 1.01人民幣的股價就買得過, 係唔係好嚴謹?

P.S. 以上名單並非股票推薦, 筆者也未有時間逐隻去搵資料計算NCAV.

今年聖誕

今年聖誕市道真係好好, 我昨天下午因為可以放早, 所以5點幾去IFC的city'super 行0下, 嘩, 成間city'super逼滿人, 有唔少係一大班人買食物飲料開party. 晚上, 在路上見到唔少教會團體在唱聖詩佈佳音, 在一些大商場見到人頭湧湧, 開心的人好多.

我就去左某個酒廊食自助餐, 有女歌手駐場唱歌, 佢個樣有d似黎瑞恩, 歌聲幾甜而且好入咪, 幾好聽, 我點左一首"終生美麗"送俾女友. 個男琴師肥肥地, 帶住聖誕老人的帽之後, 有d似公司的DBA, 尤其是側面的眼神勁似. 之後仲有聖誕老人出場派禮物和同食客影相. 成晚食到好飽, 不過其實唔係食左好多野, 而家自己比以前的食量細左好多. 加上, 而家身邊多左個人喝住我, 唔俾食太多.

Merry Christmas

祝大家聖誕快樂, 身體健康, 迎接一個豐盛的2008新年!

亞洲周刊選出本年度風雲人物

亞洲周刊選出「中國股民」為本年度風雲人物。根據中國證券登記結算公司的統計﹐截止今年十二月十七日﹐滬深兩市包括A股帳戶﹑B股帳戶和封閉式基金帳戶在內的證券投資帳戶總數達到一億三千七百五十九萬戶﹐較二零零六年底的七千八百五十四萬戶增長了七成五. 上證指數在今年十月十六日達到創紀錄的六千一百二十四點﹐較二零零六年底上漲了一點二八倍. 今年國內新上市公司不斷增多﹐中國建設銀行﹑中石油等大盤國企股也回歸A股上市﹐全年上市公司在市場上募集資金超過六千四百億元人民幣﹐融資規模係世界第一. 今年國內股市總市值與GDP比率從四成二上升至逾百分之百. 如果有一日時代周刊選出「中國股民」為年度風雲人物, 我會好驚.

另外在網上睇到中國社科院金融所金融市場研究室尹中立的一個研究報告指出, 從最近十多年國內股市的歷史看，每當M1的增長速度比M2的增長速度低時(多謝網友Heji 提醒, 係指增速而唔係金額)，尤其是二者差距超過5個百分點時，股市就會見底，一輪新的牛市將會開展；而當M1的增長速度比M2的增長速度高5個百分點時，牛市行情會結束，熊市會到來。 M1和M2都係貨幣供應量的范疇, M1和M2的差異係M1不包括國民儲蓄存款和企業定期存款. 所以呢個研究報告其實指出, 當儲蓄存款和企業定期存款不斷增加，股市可能見底；而儲蓄存款和企業定期存款不斷減少，股市可能見頂。 要睇住國內A股的走勢而行動的網友, 或者買左A50中國基金(2823.HK)的網友, 以後可以多D留意國內M1和M2的數據公佈.


最近, 國內又再加息, 一年定期由3.87%調高至4.14%, 扣除5%利息稅之後仍然有3.933%, 在香港存人民幣定期好似1%都無, 點解唔上大陸開戶口? 來緊農曆新年會同家人上珠海渡假, 到時會再去工商銀行存定期.

再講539冠華國際

首先想講下統一食品的"紅燒牛肉面". 之前買了一些"紅燒牛肉面"放在公司, 開OT的時候就沖滾水來食. 以前我覺得統一的紅燒牛肉面唔夠味, 面的質地唔夠彈性. 今日中午起身之後, 唔想出街食飯, 我打算清左家中2碗統一的"紅燒牛肉面". 不過今次我唔係將滾水沖落碗面度, 而係好似煮公仔面咁, 將面, 湯包, 牛肉包, 倒晒落個煲度, 再加凍水,然後煮到佢滾, 再倒落隻碗來食. 發覺味道完全唔同晒, 好香好入味, d面又有彈性.

講番539冠華. 大圍行業面對的困難之前已經講過. 本身的問題係高借貸, 高存貨和高應收帳. 截至2007年9月30日止, 冠華有長期銀行貸款10.37億元, 短期(指1年內)銀行貸款9.05億元. 手上現金有2.1億元. 睇來管理層要積極減債. 冠華已經出售九龍長裕街10號利行工業大廈多個單位, 預期可以套回款項淨額約2.35億元, 將負債比率降至60%. 管理層預料08年資本開支約2-2.5億元, 營運資金算係足夠. 而冠華近年經營現金流有1億幾元, 分別係07年1.22億, 06年1.4億, 05年1.74億, 07年度融資成本有6,299.5萬 (比實際利息支出少, 因為有部分利息支出資本化左). 呢盤生意幾難做, 經營所得的現金扣除利息支出和課稅,再俾埋股東股息, 差不多無剩, 而相當部分的經營所得去左存貨和應收帳. 不過, 相信現價2.25的冠華仍然具有投機的價值.

開估

有唔少網友估中左, 而且解釋好合理. 根據個嘉賓講, 當產品C推出市場後, 3隻牌子的市場佔有率係: 牌子B增長左, 大過50%少少, 而牌子A和C就平分左剩下的份額, 即係話贏家係中價的牌子B, 輸家係最平價的牌子A, 理由唔少網友都講中左. 我回想自己購物的經驗, 我也是傾向買中等價的產品, 避開最平和最貴. 個嘉賓其實主要想講, 如果你想賣一件產品, 唔好單單俾個客睇0個一件產品, 要俾埋其他兩件, 一件平和一件貴, 咁賣出的機會大好多.

另外, 我今日趁食中午飯的時間, 睇左539過去5年的業績報告. 以下係539過去5年的派息, 每股盈利和營業額. 各方面每年都有增長. 539面對的問題除了一些大圍的包括同業競爭, 原料成本上升, 勞工成本上升, 政府環保要求提高, 歐美市場需求減弱, 人民幣升值等等, 資本開支大, 負債比率高也是問題. 下次再繼續講539.

最後想講, 今晚check網上銀行, 見到永久組合的宏利07年第3季度的股息已經過左數, 有HKD2,837.35.

冠華539.HK公佈中期業績

最近自己在股市裡無乜好做, 趁近排的業績公佈期, 就留意一些剛公佈業績的公司. 今日有間工業股#539冠華公佈中期業績, 比預期好, 派息也增加左. 以前都有留意到冠華, 通常在一些低pe, 高派息之選的名單中會見到539, 現價2.22, 預期pe唔夠4.5倍, 息率超過7%. 遲d有時間會睇埋539過去幾年的業績深入研究, 有時一d唔起眼的公司有能有唔錯的回報.

2007年12月19日 01:15:11 p.m. HKT, AAFN
冠華<0539.HK>中期純利1.75億增11.8%，派息8仙

冠華國際<0539.HK>公布，截至今年9月底止中期業績，錄得純利1.75億元，按年增長11.8%，每股盈利26.4仙，中期息8仙，可以股代息。去年同期派息7.2仙。

期內營業額21.66億元，按年增加19%。(wr)

消費心理

今日睇生果報新聞版, 有則報導講美國近年出現左一班新人類, 叫做"freegans"不消費者, 佢地有正當職業, 有d仲係公司老闆. 佢地主張零(或不)消費, 到街頭垃圾堆執食物, 衣服和日常用品. 佢地認為只要不消費, 一切問題, 包括物質的貪婪, 人與人之間的競爭和比較帶來的冷漠, 各種社會和環境的問題等等, 都可以迎刃而解.

我認為不要浪費係正確的, 值得鼓勵和推廣, 但極端到零消費就走火入魔, 零消費一樣會引來其他可能更嚴重的問題. 如果無人買面包, 買衣服, 咁呢班freegans就唔再能夠在垃圾堆執到食物和衣服, 因為無晒生產商. 如果垃圾堆再執唔到食物和衣服, 咁呢班freegans係唔係要俾錢去買呢 還是佢地會自己生產?

講開消費, 我之前在珠海睇左一個節目, 個嘉賓講消費心理, 佢舉個真實的例子, 某種產品市場上主要有兩隻牌子, 牌子A主攻低檔市場, 產品賣1500蚊, 牌子B主攻高檔市場, 產品賣3000蚊, 兩隻牌子的市場佔有率大約各佔50%. 現在有新的競爭者加入呢個產品的市場, 牌子C的產品賣5000蚊. 個嘉賓問, 大家估下加入牌子C之後, 3個牌子的市場佔有率分佈會係點, 邊隻牌子的顧客會流失多d去牌子C.

我當時第一個反應係覺得牌子B會流失多d顧客, 因為買牌子A的顧客係貪平的, 唔會轉去買貴價的牌子C, 相反牌子B的顧客應該係追求高質素, 而家有更高級的產品, 應該會有興趣買牌子C. 事實係點呢 下次開估.

市場先生私人強積金(16-Dec-07)

12月市況好波動, 不過唔會影響我月供股票的計劃, 仍然繼續進行, 無任何改變.不過因為資料太長, 所以只能展示最近4個月的買貨詳情, 和截至12月16日的總結.

求婚之歌

這首求婚之歌是改編自古巨基的"愛得太遲". 歌詞的水準如何並不太重要, 重要的是我用了很多時間和心機去寫, 絕對是誠意十足之作, 而更重要的是, 我成功了. 在此祝福天下有情人, 要"愛得及時".

愛得及時 (改編自「愛得太遲」)

我過去 只懂跟 股票共對,
返到屋企以後 只可獨對,
而終於醒覺到 世上竟然有 正野如你;

日日跌 見匯控 都好想買,
卻無眼 看出我多了皺紋,
而我的孤獨感 是越來越覺 要脫離單身;

最好彩是 發覺未太遲,
真心真意 不可缺鑽石介子,
忘我地壯膽 心震震真實誠懇,
望你能睇到 我有食力也有大志;

最寶貴是 求婚要及時 在這一秒 一起創造這歷史,
從此刻開始 我倆永遠互相依,
要跪要扒要怎麼也好 只等你說聲你願意;

我也覺我體溫仿似下降 看了症 得到是定要及時,
從天黑到天光 但從來未睏 因有著你;

日夜做 儲的錢都應該夠 俾晒你 請跟我一起到白頭,
而家我開了口 在心裡面 已等了很久;

決心不移 愛得堅持 我很想到 你嫁我那好日子,
唔盲目我識揀 正正正一早已知 幸福唔會錯過 只等你說聲鍾意;

愛你兩個字 講出要及時 真心真意 今晚就是好日子,
如何也願意 為我最愛的"芝芝",
要抱要吻要怎麼也好 請要相信一切是真意;

相擁我所愛無論幾多秒,
千千秒 即使相擁萬萬秒,
都嫌少 只求把我溶掉;

多少誓盟 多少有情人 互相鼓勵 都是愛意萬分,
日日在發奮 想起那天都興奮,
今晚共同過 你永遠也很吸引;

縱不信運 我是個好人 理想對象 愛於心裡永是真,
來日別操心　一切有我令你開心,
世界有幾多東西發生　我都要等到你應允.


古巨基的"愛得太遲"MTV

http://www.youtube.com/watch?v=23wnn49gbZM

銀行見紅事件

今日睇生果報財經版, 內容講到任總在北京透露, 有個別銀行因為持有次按有關的投資, 今年業績可能見紅. 印象中自我畢業出來工作, 很少本地銀行業績有虧損, 盈利倒退已經令投資者失望兼不滿. 即使97/98年亞洲金融風暴咁惡劣的形勢, 也只得1間本地銀行業績見紅, 就是華人銀行. 華人銀行於02年初被中信嘉華銀行收購左. 可能一不離二, 市場人士估計今次最有機會見紅的銀行就係中信嘉華銀行. 不過, 即使中信嘉華銀行業績真係有虧損, 唔等於母公司中信國金(#183)業績會有虧損, 因為中信國金仲有其他業務有盈利貢獻, 例如中信銀行(#998).

今日大市雖然下跌, 但也有逆市奇葩, 包括#321德永佳連續2日大升, 信星集團1170股價上升18.31%. 但如果睇返過去一年的股價, 今年整個上半年德永佳股價只是在大約5.2至5.6徘徊, 最近的股價也是每況愈下, 直至到公佈令人驚喜的業績, 股價才有突然的上升. 信星也是差不多, 整個下半年股價都是每況愈下, 當日信星無左個大客戶, 市場的反應好似永不返生咁, 結果管理層默默耕耘, 終於令到業績反彈. 所以有時手上持股股價表現偶有不濟, 唔使太憂心或者不安, 最重要係未來業績和盈利有無機會好番, 有盈利就有希望，　公司有錢途，　股東才有運行. 我的飲品組合2319蒙牛和1886匯源股價也是上上落落, 有時升, 有時跌, 我都無理佢, 一切按既定的策略辦事, 就係"越跌越買, 唔跌唔買, 只賺不止蝕".

最後想講, 現時都有一些以歷史數據計，　低pe, 幾好dividend yield　的工業股，　例如４２０，　５３９，　１２２３等，其中４２０和５３９好快公佈業績，不過買呢ｄ股，　真係睇好唔好彩．

再講ELI

以下係引述博客隨笈的網誌, 希望隨笈兄唔介意. 講到林森池對ELI 的睇法.

"林 sir 對 ELI 的評價是負面的，因為滙控由 $145 升至 $152 的話，買ELI人士無法獲取股票，喪失資本增值既機會。假如滙控跌至 $133，買ELI的人就要被迫在 $140 買入滙控，雖然收取較高利息，但無法補償以 $140 買入滙控的資本損失。所以變相在大市跌時承擔風險，在升市時損失機會。"

我買ELI之前已經好清楚ELI的優點和缺點, 所以我唔會反對林 sir 的觀點.

但對我來講, 唔係買ELI好還是直接買股票好的考慮, 唔係買ELI回報高d還是直接買股票回報高d的問題. 因為買ELI呢筆錢我係唔會用來買股票, 呢筆錢係我今年下半年減持30%股票組合套回現金的一部分, 如果我唔買ELI, 也只會存於銀行, 即係話, 即使股市大升, 都同呢筆錢無關. 所以對呢筆錢來講, 要考慮的係買ELI好還是存定期於銀行好.

至於話, 如果匯豐股價未來2年都低過128.674, 資金會被綁2年, 如果未來2年股價都低過122.766, 咁回報只有2.55%. 凡事作最壞的打算和預備係好既, 但唔應該當最壞的事情一定會發生而去行事. 舉例, 如果你坐飛機去旅行, 預防萬一, 你會買保險, 咁做好正確, 但你唔會當正不幸的事一定會發生, 否則, 你就應該取消旅行, 甚至嚴重d講, 乜都唔使做.

今次我已經等一個好的定價才出手買匯豐ELI.

以下再引述博客隨笈的網誌, 佢講中我的想法.

"當然，相信市場先生清楚明白這些事情，他買入兩月一期的 ELI，是因為他估計滙控會在短期內牛皮，希望參予 ELI 合約可獲取較大利息回報，而他參予的 ELI 所設定的下跌買入價位是他認為可接受的水平。"

最後想講, 每個人都有自己獨特的背景, 情況, 目的, 理據, 唔好用一把尺度天下事, 當然, 呢個同樣係提醒自己, 要常常檢討, 向別人學習, 因為自己的盲點 可能自己唔覺. 互相分享和交流, 達至共羸.

內需股係避難所

面對內地通脹升溫，中央可能加大宏調力度, 內需股成為避難所. 當中食品飲品股係我所睇好的, 2319蒙牛和1886匯源果汁今日都逆市造好. 之前都講過, 如果議價能力極低的奶農都可以提價, 咁幾乎壟斷國內液體奶市場的伊利和蒙牛無理由唔可以加價.

1升裝純牛奶再漲0.6 今年累計漲幅高達67%

2007年12月12日 10:36:57 　
來源： 重慶商報

大坪某超市，市民選購桶裝食用油
記者 歐陽祖兵

缺貨近一月的伊利1升裝純牛奶上周末重返我市各大超市，價格卻從此前的5.9元/升變為6.5元！記者昨日從我市各大超市證實，伊利、蒙牛1升裝純牛奶貨源吃緊，目前市場上僅有的一批伊利1升裝純牛奶價格再次上漲，今年來累計漲幅達67%。
伊利1升裝純牛奶曾經降至3.9元
記者昨日在新世紀、家樂福、好又多等超市看到，前不久斷貨的伊利1升裝純牛奶再次亮相，售價6.5元。而在重客隆等超市及不少副食店均沒有看見此款牛奶出售。重大附近一家副食店老板告訴記者，伊利1升裝純牛奶已經缺貨一個月，斷貨前的售價為5.9元/升。
據了解，純牛奶在今年夏天興起漲價大潮，此前伊利1升裝純牛奶最低曾賣過3.9元的促銷價，今年夏天售價漲到5.1元時仍時常以4.1元的促銷價銷售。11月開始，奶源緊張、物價上漲使我市純牛奶價格“突飛猛進”，伊利1升裝的純牛奶恢復到5.1元的原價後迅速調至5.3元/升，11月下旬陡然調至5.9元，而在距離上次漲價僅十天左右，昨日伊利1升裝純牛奶價格再次上漲0.6元/升，漲至6.5元。今年來，此款牛奶累計漲幅高達67%！
同時，貨源相對充足的伊利250毫升純牛奶價格也在今年“一路高歌猛進”，8月20日從2元/盒漲至2.1元，此後漲至2.3元，11月下旬，又從2.3元漲至2.5元，累計達25%。
蒙牛1升裝牛奶昨日漲至6.3元
據悉，今年來價格幾度“變臉”的牛奶品牌遠不止伊利一家。國內另一大牛奶品牌蒙牛，1升裝純牛奶在今年夏天為4.2元左右的促銷價，後漲為5.2元，11月初陡然漲至5.9元後再漲0.1元~0.4元/升不等，至昨日在新世紀等超市，蒙牛1升裝純牛奶仍然斷貨，家樂福則賣到了6.3元。
蒙牛250毫升裝純牛奶從上半年的2元/盒累計漲至2.5元。我市本土品牌天友牛奶的250毫升純牛奶，也從年初的每盒1.8元累計漲至2.3元/盒。
對于牛奶價格的不斷上漲，家樂福、新世紀等超市相關負責人稱，此次價格上調是因內蒙古等地進入冬天，奶牛產奶量急劇下降，同時部分廠家反映鐵路運費有所提升，所以市面上1升裝純牛奶吃緊，為滿足市民傳統需求而少量上市的伊利1升裝純牛奶不得不提高價格。

以下係仍然虧損緊的食品飲品股組合最新情況:

匯豐ELI

最近我第一次買匯豐ELI, 條款係咁:
1. 每2個月為1期
2. 頭一期的派息係本金的2.55%
3. 以12月5日收市價定價: 當日收131.3
4. 定價的98%為"贖回啟動價": 131.3 x 98% = 128.674
5. 定價的93.5%為"計息參考價": 131.3 x 93.5% = 122.766
6. 2個月期滿, 可以收取本金的2.55%, 以20萬為例, 2個月期滿可以收取利息5,100
7. 如果2個月期滿日, 匯豐股價高過128.674, 贖回機制會被啟動, 就可以拿回本金, 交易合約完結
8. 如果2個月期滿日, 匯豐股價低過128.674, 合約會自動續多1期(2個月),
9. 由第2期開始, 利息逐日計, 1期的利息係本金的2.5%, 如果匯豐股價高過122.766, 個日才有息收, 如果日日有息收, 第2期滿可以收取利息5,000
10. 第2期期滿日, 如果匯豐股價高過128.674, 就拿回本金, 交易合約完結
11. 如果第2期期滿日, 匯豐股價仍然低過128.674, 合約會自動續多1期(又多2個月), 如此類推. 如果2年期滿仍然未啟動贖回機制, 就要以122.766接貨, 到時20萬本金會被換成1629股匯豐.

買ELI因為股價唔係得上升和下趺兩種走勢, 股價可以在一個波幅裡上落牛皮. 事實上過去52週, 匯豐股價大部分時間徘徊在130至145之間.

如果匯豐股價上升, 兩個月後我收2個月年息15.3%, 然後取回本金做其他打算, 手上18111股匯豐也有得益.

如果匯豐股價下跌, 只要唔跌低過122.766, 我繼續收年息15%. 最壞情況係2年後要以122.766接貨, 但我接得開心.

如果匯豐股價牛皮, 我繼續收年息15%.

另外, 再見到國內牛奶加價的新聞:

盒裝牛奶兩月漲兩次價
南方報業網 (2007-12-11 14:59)

　　業內人士稱成本上升，本地牛奶或很快提價

　　盒裝牛奶上月中旬剛漲價，本月中旬又再次漲價，250毫升裝的牛奶再漲一成，1升裝的牛奶價格也小幅上漲。昨日廣州市牛奶協會理事長王丁棉向記者透露，隨著成本壓力的不斷加大，本地牛奶可能在未來兩三周內有動作，不過由于春節銷售淡季的原因，漲幅不會很大。

　　“牛奶是不是又漲價了？上周還是12.5元，現在就要13.6元。”昨天中午，好又多南洲店顧客指著250毫升半打裝的伊利牛奶問。該店牛奶促銷人員介紹，上周末盒裝牛奶再次調價，伊利和蒙牛250毫升和1升裝的牛奶分別漲價0.2－0.3元不等。“牛奶上個月已經調過一次價，1升裝的漲價最明顯，像伊利以前常常做特價，只要4.8元左右，上個月調到5.7元，現在6元，也沒有促銷了。”

　　盒裝牛奶最近調價動作頻頻，但是本地牛奶雖然從8月初就表示要漲價以來，似乎還沒有什麼動作。對此，廣東省奶業協會副會長王丁棉昨天對記者說：“本地牛奶，想漲卻不好漲。”據介紹，往年這個時候，本地乳品企業都已經簽訂好來年的收購奶合同，但是今年直到現在仍然遲遲沒有簽訂。今年的平均收購價在3300－3400元／噸，但是奶農們開出明年的收購價在4000元／噸。而另一方面，進口奶粉的價格也一直在漲，普通進口奶粉價格已經漲至2.9萬元／噸，“很快就會超過3萬元／噸。”王丁棉預計。

　　“這輪漲價完全是被市場逼出來的。”王丁棉說預計最近兩三周內本地奶業價格會有調整，因為明年成本大幅上漲已成定局，而且原材料價格也不會有明顯調整。不過由于接下來是牛奶生產旺季，同時又是銷售淡季，王丁棉預計本地牛奶漲幅暫時不會很明顯，“估計春節前後都不會有大幅度提價。”

講講買樓

網友Ivan想我講多d買樓的睇法. 其實我自己對買樓的經驗唔多. 到目前為止, 我只係買過3次樓, 香港2次, 國內1次. 最失敗的經驗, 係97年2月我買入人生第1個物業, 下場係蝕左34.5%本金, 未計交易費用, 經紀俑金, 供樓利息, 和機會成本. 不過, 其餘2次買樓都係成功之作, 包括在03年沙士事件之後買入現時住緊的物業, 和國內珠海的物業. 珠海的物業的買入價係2百幾蚊港元1平方尺, 即使近期國內樓價被打壓, 相信都好難買到咁平.

不過, 無論如何, 我對樓市的經驗和知識都係非常有限, 而家要睇多d樓盤, 了解多d. 大致來講, 我傾向買大型屋宛, 我比較喜歡主人房要夠大, 放到6尺床, 客廳和飯廳都好重要, 可以同另一半好好享受美食, 然後好舒服地坐在sofa上欣賞電視節目或睇碟. 地點也是考慮的因素, 是否接近對方家, 自己家, 對方工作地點, 自己工作地點, 教會, 朋友, 娛樂,購物, 街市(尤其是我的至愛:海鮮) 等. 仲有實用率, 會所設施, 物業管理, 發展商, 樓齡, 景觀, 坐向, 交通, 物業的升值潛力等等.

另外, 今日買左一本投資週刊, 內文講到一間挪威基金 DnB Asset 最近增持了一些股票, 其中一隻引起我的興趣, 就係716勝獅貨櫃, 睇返聯交所資料, 最近分別有瑞士銀行於10月29日，以每股$3.739，增持勝獅貨櫃<0716.HK>38萬股，其持股量已由6.98%增至7.04%; 主席張允中於10月23日，以每股平均價$4.041，增持公司112.8萬股，其持股量由43.56%增至43.72%. 而716勝獅於10月份以股價$4.24，先舊後新配售9168萬股，集資淨額3.79億元.

睇716的業績報告, 負債比率都幾高, 於06年度, 債務淨額與股東資金比率高達112%, 06年勝獅的淨利有2,131.8萬美元, 但財務費用高達1,773.2萬美元. 07年上半年營業額較去年同期上升181.6%, 股東淨利上升50%, EPS上升49.4%. 管理層表示, 未來數年有大量新貨櫃船交付, 加上舊貨櫃的更換估計於08年開始加快, 市場對新貨櫃有強勁需求. 證券行估計07年勝獅業績有90%以上的增長, 08和09也有超過15%的盈利增長, 716勝獅的投機主題係業績反彈.

睇樓

本來無打算呢個時候買樓, 因為覺得現時樓價高得唔合理, 九龍市區4百幾萬買到的單位, 主人房係放唔落張6尺床, 不過, 有自己物業會增加"家"的感覺, 而且可以隨自己意願去裝修部置, 自己物業才會捨得落本去做. 更加重要, 係滿足身邊的另一半. 今日去左睇樓, 一個某地鐵附近的屋院, 從地鐵站出來行10分鐘就到達. 睇左6個單位, 最好的一個係19樓望山景, 景觀算係開楊, 業主清理晒屋裡的東西, 油左油, 地版打左"立", 感覺幾"企理". 另外一個夠高, 33樓, 望對面商業大夏的天台, 呢間個業主剛住完, 無執過, 有d亂. 其他4個層數太低, 俾其他樓擋住晒, 房內幾暗下, 要好早開燈. 最大問題係主人房太細. 所以要繼續睇其他樓盤.

任重道遠

首先, 對祝福我的朋友講句, 衷心感謝.

成家立室係人生最重要的事情之一, 記得牧師講過, 單人匹馬走得快, 但要走得遠, 就要結伴同行, 因為可以互相扶持. 面前仍然有好多關要過, 未來退休生活的計劃和預算, 難度也提高不少.

今日收到匯豐以股代息的信, 確認今次可以換到181股. 2001年9月份, 我投入39萬幾買入5,200股匯豐, 平均價76蚊, 至到今日, 我一共投入154萬8千蚊在匯豐股票上, 計入將會收到的181股, 一共持有18,111股匯豐. 我用過去幾年的數據計過, 如果次次都以股代息, 平均每年持股可以增加4.437%, 舉例, 如果你現時持有10,000股, 每次都選擇以股代息, 1年後, 手上的股數會增加到10,443股, 2年後股數會增加到10,906股, 以複式增長. 我估計15年後, 即使期間我唔再投入任何新資金, 到時手上匯豐持股會超過3萬4千7百股, 呢個係我未來退休資產的一個重要部分. 目前我比較關心手上有幾多股匯豐, 到退休的時候我會關心可以收到幾多股息, 所以我可以從容面對目前匯豐股價的疲弱表現.

今晚買了今生最重要的一件東西

呢樣野有觀賞價值, 也有實用價值, 更加有記念價值, 也是人生大事不可缺少的一件東西, 呢件東西有證書, 有唔少評分的項目: shape and cut, craft weight, colour grade, clarity grade, cut grade, polish, symmetry, 等等. 用左整晚的時間去挑選, 買完之後, 心情好興奮,即使匯豐股價於美市下跌, 心情仍然大好. 因為同呢件大事相比, 錢財係身外之物, 路過之客.

降低標準遲早要付出代價

今時今日次按問題的惡果係源於當日降低標準種下的禍根. 投資也是一樣. 當市場的主流意見由絕對估值法(例如:自由現金流貼現模型)慢慢轉移到相對估值法(例如: 國內A股同業trade緊60倍pe,呢隻股現價只係 40倍pe, 所以仍然抵買), 代表標準已經降低左, 代表某程度對市場現況的妥協. 投資股票賺錢的金科玉律, 第1係選擇好公司, 第2係等待好價錢才進場. 如果偏離好公司加好價錢的原則, 最終可能要付出沈重的代價. 當手上有現金的時候, 尤其是當呢d現金係來至沽出穫利貨的時候, 就比較容易降低標準. 堅守原則唔容易, 筆者有時也做唔到, 只能不斷提醒自己.

最後想講, 市場預期聯儲局今個月會減息, 起碼減0.25, 甚至有可能減半厘, 除左本地地產股會受惠之外, 本地銀行股相信也會得益. 大眾銀行626現價4.35, 預期08年市盈率大約8.5倍, 預期息率5.3%, P/B 0.86倍.

珠海見聞 (4)

在珠海期間我每日差不多睡到中午12點才起身, 然後就開電視, 大陸的電視節目好吸引我, 因為有好多頻道, 好多種類的節目, 通常我會睇到3點幾, 覺得實在太肚餓了才出街食飯. 睇到一個節目, 個嘉賓對住一班大學生演講, 佢話國內A股今年餘下日子都無運行, 唔會有起色, 因為國內銀行第3季已經幾乎用晒全年的貸款額度, 無乜錢再借俾國內企業, 而近年國內有唔少企業用d資金來炒股, 係支持之前A股升勢的部分原因, 現在企業借唔到錢, 一來A股少左來至企業資金的投入, 更甚係有d國內企業要沽貨套現, 呢個情況要去到明年, 銀行開始用新一年的貸款額度才有起色. 此外, 國內雖然有很多股民開左戶口, 但唔少散戶其實自己唔敢入市買股票, 佢地會買基金, 覺得放心d, 而國內基金的發行係受到政府控制的, 股市太熱, 中央可以暫停批準新的基金上市, 於是又少左一批入市的資金.

另外, 想講下買股心態. 買完股票之後股價下跌, 坐艇的滋味雖然唔好受, 但很多人都忍受到, 大不了安慰自己, 一日未賣, 都未可言勝負. 相比之下, 持有現金而股市大升, 更難頂, 因為睇住人地賺大錢而自己卻持有現金, 有d傻仔的感覺. 現時我就持有20%的現金, 不過, 我唔想因而降低自己的標準.