星期四, 12月 20, 2007

開估

有唔少網友估中左, 而且解釋好合理. 根據個嘉賓講, 當產品C推出市場後, 3隻牌子的市場佔有率係: 牌子B增長左, 大過50%少少, 而牌子A和C就平分左剩下的份額, 即係話贏家係中價的牌子B, 輸家係最平價的牌子A, 理由唔少網友都講中左. 我回想自己購物的經驗, 我也是傾向買中等價的產品, 避開最平和最貴. 個嘉賓其實主要想講, 如果你想賣一件產品, 唔好單單俾個客睇0個一件產品, 要俾埋其他兩件, 一件平和一件貴, 咁賣出的機會大好多.

另外, 我今日趁食中午飯的時間, 睇左539過去5年的業績報告. 以下係539過去5年的派息, 每股盈利和營業額. 各方面每年都有增長. 539面對的問題除了一些大圍的包括同業競爭, 原料成本上升, 勞工成本上升, 政府環保要求提高, 歐美市場需求減弱, 人民幣升值等等, 資本開支大, 負債比率高也是問題. 下次再繼續講539.

最後想講, 今晚check網上銀行, 見到永久組合的宏利07年第3季度的股息已經過左數, 有HKD2,837.35.

8 則留言:

  1. 不過其實係問少了product type. 我有個assumption 係luxary product. 其實所講既東東係乜? 電視機? 手錶?

    回覆刪除
  2. 八達通
    點解八達通公司經常不負責任?
    1. 多扣車費,可以自在該卡入閘時自行過數給卡主;
    2. 現時每張八達通都要收取按金,此費用是政府強迫香港市民支持八達通公司的的成立,八達通公司應盡快支付多年來卡主的利息及退還按金給所有持卡人。
    3.
    給各參考及一起研究。
    2007年12月21日

    回覆刪除
  3. 以前曾任職廣告公司, 綜合各本港和內地的市場研究報告所得 :

    - 影音產品 , 或任何一般人需要睇一輪說明書, 或要先上堂 (例如學車) 至會用既產品反而較多出現 A 打贏 B 的格局, 如果 A 既價錢只比 B 貴四成或以內.

    - 錶, 體育用品, 時裝 (手機可以當係時裝既一種) 等 trendy items : B 類中價產品, 隨著高檔同類產品 A 既出現, 除左令 B 既市佔率擴大外, 也可令 B 類產品較易提價. 例子 : 近年李寧 (2331) 因 nike / adidas 等出現, 逼佢更著重產品設計和推廣方式因而成功提價. 高檔品牌錶響內地陸續出現也刺激非做錶既名牌, 例如 monc blanc, tiffany 等加入做中價 fashion 錶和攻入內地市場, 結果內地整體的中價錶市場個餅大增.

    - 至於先生跟開既乳品類 , 果汁或食品 ; 高檔品令同類中檔品無論市佔率和提價能力都有所提昇的現象, 則不明顯, 只是高檔品的出現令整個餅做大左.

    以 hk 既麵食為例, 較高價, 定位為可作送禮用的壽桃牌飽魚麵出現後, 同牌子和相近中,低價位的麵食市場份額並無明顯多左或少左, 不過整體香港的麵食市場個餅係大左. 然而這是我三年前可接觸到的非公開資料, 而家重係唔係咁, 唔知.

    回覆刪除
  4. 請問先生,你應為398,1386,2368 点睇!
    那隻会好些?
    請給意見!


    mill

    回覆刪除
  5. 有興趣想討論一下若牌子C 不是賣5000蚊,反而是賣500蚊,比牌子A 還要平。那市場分佈會係點?

    回覆刪除
  6. 如果一定要在398,1386,2368 之中選一隻, 我會選398. 貴價表今日賣唔出, 明天仍然值錢, 時尚的鞋今日賣唔出, 明天可能已經唔興.

    回覆刪除
  7. 先生thank you very much!



    mill

    回覆刪除