回應網友Ringo 有關東尼的質疑

睇完以下東尼對中人壽財務報表上的數字的質疑之後, 我反而質疑東尼到底出了什麼問題, 連咁唔小心的錯誤都會犯?

"中人壽今年的盈利每況愈下，財務報表上的數字混亂得叫投資者側目。今年8月發表中期報告時，中人壽還說首六個月的盈利是160億元人民幣，到了10月發表季度報告，盈利只有23億元。奇怪的事情發生了：季度報告說今年首3季的盈利總計121億元人民幣。頭半年賺160億、第3季賺23億，加起來卻只有121億？這是甚麼數學？不要指望香港證監會或港交所會問中人壽發生了甚麼事情。這個問題太過政治敏感，更何況在祖國的法庭裏，面對中國人壽廣泛的網絡，區區證監會、港交所（388）又能做甚麼？"

首先, 東尼所指的, 中人壽8月發表中期報告的首6個月盈利160億(準確d係158.38億)人民幣, 是根據香港財務報告準則制定. 當期報告清楚指出香港財務報告準則與中國企業會計準則的差異, 以及因為這些差異計算出來的盈利分別. 當中包括以下的項目:

1. 遞延佣金、手續費和業務及管理費: 66.8億元.

在中國企業會計準則下，佣金支出、手續費支出和業務及管理費全部計入保單獲取當期的利潤表中, 因此中國企業會計準則下的盈利要扣66.8億元 ==> 158.38 - 66.8 = 91.58億元

2. 保險合同和投資合同保費收入、給付及準備金: 1.72億元.

在中國企業會計準則下，長期保險合同分為壽險合同和長期健康險合同，並將當期收到的保費收入和支付的給付確認在當期利潤表中, 因此中國企業會計準則下的盈利要加上1.72億元 ==> 91.58 + 1.72 = 93.3 億元.

3. 聯營企業準則差異導致的影響: 1.53億元

聯營企業中國人壽財產保險股份有限公司在中國企業會計準則與香港財務報告準則下存在差異, 因此中國企業會計準則下的盈利要扣1.53億元 ==> 93.3 - 1.53 = 91.77 億元

4. 沖回固定資產評估增減值及其相關的折舊費用: 0.43億元

中國企業會計準則下的盈利要扣0.43億元 ==> 91.77 - 0.43 = 91.34 億元

5. 遞延所得稅影響: 16.38億元

中國企業會計準則下的盈利要加上16.38億元 ==> 91.34 + 16.38 = 107.72 億元

所以, 中國企業會計準則下的中期盈利是 107.72億元人民幣.

10月發表的第3季度財務報告, 是根據中國企業會計準則的, 當季盈利有23.39億元, 所以, 用中國企業會計準則計算的頭3季盈利總數為: 107.72 + 23.39 = 131.11 億元人民幣.

東尼, 這是什麼數學? 這是簡單的數學, 香港證監會或港交所會無問中人壽發生了甚麼事情, 不是因為這個問題太過政治敏感, 而係因為根本無問題需要質疑. 中人壽同樣有在美國上市, 難道美國監管當局也是因為政治敏感問題而無出聲?

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

回應網友alyeung2000的私人留言

網友alyeung2000對筆者有以下的留言:

"Many people sold 100% of their stocks when HSI was over 30,000.

AND, they still have 100% cash today. You? 0% cash today.

You think you are smart? Many are indeed smarter than you."

網友alyeung2000係以私人留言的方式, 相信係顧及筆者的面子, 首先多謝alyeung2000兄手下留情. 不過筆者想公開回應, 希望alyeung2000兄唔會介意我將你私人的留言公開出來.

首先, 筆者絕對唔會否認股票市場上有好多好多的人比筆者smart, 財經知識和見識比筆者更優勝. 不過, 筆者想講, 即使時光倒流至去年恆指在30,000點樓上, 筆者也唔會沽清手上的持股, 將現金水平增加至100%, 因為匯豐和宏利佔筆者的股票組合接近70%, 而筆者從來都唔覺得宏利, 尤其是匯豐的股價試過高得過份, 所以筆者沽到盡都係沽30%股票, 仍然會保留匯豐和宏利一股不沽.

今日港股幾乎全面下跌, 恆指以接近全日最低位收市，收市報２１０８４點，重挫１１５２點或５﹒１８％；國指也下瀉８５４點或７﹒１８％，收市報１１０３７ 點. 不過, 筆者仍然持有全部股票組合, 一股也無沽過. 當然, 筆者也沒有資金增持, 因為已經係100%持股 (唔計20萬匯豐ELI). 月尾出左糧另計.

另外想講, 雖然個人覺得I-Bank 唔係好的投資對象, 因為盈利太波動, 賺大錢就益管理層, 蝕大錢就累股東. 但如果JPMorgan Chase 可以用2.03蚊的賤價收購Bear Stearns , 又唔錯bor. Jamie Dimon 果然係福將.


最後回應Keith : 我無意借貸買股票, 因為自己就來成家立室, 要顧及未來老婆的感受, 唔想令佢太擔心.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

一些回應 (20080229)

回應無名士: 我在好早之前已經賣晒2356大新銀行, 賣出價大約係18蚊左右. 今日大新銀行收13.58, 我反而覺得幾抵買, 不過目前我已經接近100%持股, 唔計持有20萬的匯豐ELI和日常生活所需, 我已經無乜多餘的現金可以買股票了.

回應ngkf: 我會專注金融股, 因為從自己過往的經驗和事實證明, 我投資金融股的成績最好, 我唔想捨易取難, 並非因為我認為中國電力股唔值得投資.

回應MingsonLam : 我的財富靠每個月將工作收入的一部分儲蓄起來, 然後投資於股票, 沒有神蹟奇事, 也無股神借我1000萬. 我相信只要有恆心, 堅持長期不斷的儲蓄和投資, 總可以累積到一些的財富.

回應rr: 你無記錯, 我曾經持有22,000股#3328交行, 現時持股反而比以前少, 我的確有些失落. 其實唔止#3328, 以前我持有10,000股2318平保, 現在只有8,500股. 不過, 匯豐, 招行和中國人壽的股數就比以前多. 交行和平保係我非常喜愛的公司, 無論如何, 持股不增反減, 我的確唔開心, 亦需要自我檢討和總結教訓. 不過唔係我唔敢加碼買入, 而係我已經無錢再買了. 我有20萬資金被匯豐ELI綁住. 現時只好靠月供股票去慢慢增持交行和平保. 另外, 中國人壽1月份保費收入307億元人民幣, 較07年同期的230億元，增長33.48%, 同市場之前預期差不多, 我認為表現唔錯.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

一些回應(20071028)

小興-kk: 你認為在那些價錢可以考慮呢?
wind : 個市跌幾多，先生才會出手買貨？

市場先生: 以2319為例, 估計未來3年盈利有30%複式增長, 以08預期市盈率30倍計, 最高可接受的入場費27.87, 買些少打底先, 然後越跌越買.

小興-kk: 為什麼先生你會突然留意這些股份呢?

市場先生: 我每次去珠海渡假, 一定會去酒樓食飯, 有時趕時間就食大家樂, 行書店和超市, 和睇電影節目, 大陸的節目很多選擇, 水準都好高. 無論電視廣告, 去超市, 都提醒我匯源果汁, 蒙牛, 康師傅的飲料和即食面, 好多人買架, 包括我都有買. 所以引起我的興趣去研究食品飲料股.

一些回應 (20070919)

To Investor: 我已經沽出部分有10%利潤或以上的投機組合, 將會沽埋其餘的投機組合, 然後只會保留核心投資組合和月供股票計劃. 每月儲蓄的新資金將唔會投入股市. 沙士期間, 恆生指數最低跌至8300點左右, 那時我係100%持有股票, 0%現金. 事實上, 由01年911事件之後到現在, 大部分時間我都係100%持股, 從newsgroup時代已經認識我的人會知道, 我是一個不喜歡持有現金的人. 不過, 現時我已經慢慢增加現金水平, 目前大約係22%現金, 78%股票. 對我來講, 投資與投機的分別, 在於心態多於對象. 一般來講, 投機係指一年內會沽出的買貨行動. 至於對象, 投資的對象可以投機, 但投機的對象就唔可以投資.

To 投G新人: 想於股市裡賺大錢, 耐性是非常重要的因素. 如果你將時光倒流, 回望過去5年, 會發覺有唔少可以一筆過大手買入作長線投資的好機會, 想想當時你對買股票抱有什麼態度, 要從歷史中學習, 一定有所得益.

To 下山人: 仍然認為接近6蚊或以下的#183, 投機無問題.

To Seventeenli17: 我本身無持有#2888, 佢的特色係專攻新興市場, 係一間非本土業務比重大過本土業務好多的英資銀行. 有機會的話(指股價大跌)我有興趣買入.

To WigginsL 月供股票應該係中銀最抵, 2萬蚊或以下, 幾多隻股票費用都係50蚊, 而且收股息唔使費用.

一些回應 (20070902)

回應Eddie: 長線投資的最佳時機係大部分人無興趣買股票的時候, 因為那時即使優質藍籌股價錢都會好平, 可以一筆過大手買入, 然後擺埋一邊, 唔使理佢, 長線持有. 現時股市牛氣沖天, 幾乎全民皆有買股票, 絕對唔係長線投資的好時機, 因為市況一旦逆轉, 即使最優質的藍籌股股價都可能下跌50%. 所以我認為現時只宜月供股票, 和短線投機.

回應kevin: 分析股票的入門書, 林深池的平民資本家係好的選擇, 書中的例子夠晒地道, 有親切感, 而且文字淺白.

另外, 見到newsgroup有關持有匯豐是否好的投資選擇的討論. 我唔知其他人的情況, 只能從自己的實際情況和觀點去講. 正如打仗一樣, 不能孤注一擲只顧進攻, 也要作好戰事失利時退守的預備, 而且三軍未動, 糧草先行, 不論是進攻或者防守, 糧草都是好重要的. 如果投資是一場長期的戰爭, 匯豐就是我的糧草, 就是我大後方強而有力的支援. 以下係過去10年匯豐每股的派息記錄, 每年都超過10%的增長. 有人埋怨匯豐股價近來無增長, 對我來講, 如果匯豐盈利有增長, 派息有增長, 股價無增長對我並非壞事, 因為我靠以股代息可以換更多的股數, 增加收息的基礎. 以我個人的例子, 靠以股代息我手上匯豐的股數平均每年以4.5%的幅度增加, 無乜野值得我擔憂.