買國內企業其中一個大的風險就係政策風險. 中央以穩定大局為先, 往往會推出行政手段干預市場. 根據報導, 國家發展改革委於1月16日公布了《關於對部分重要商品及服務實行臨時價格干預措施的實施辦法》，規定對包括成品糧及糧食製品、食用植物油、豬肉和牛羊肉及其製品、牛奶、雞蛋、液化石油氣等在內的重要商品實行臨時價格干預措施，提價需要申報政府批准。
較早之前, 國務院會議已經通過主要針對城市公用事業和能源的價格管制：規定成品油、天然氣、電力供氣、供水、供暖、城市公交、學費、住宿費收費、醫療服務價格不得上漲，尿素、磷肥等化肥價格漲價也需政府批準.
所以今日蒙牛和匯源股價都下跌, 現時飲食組合帳面上虧損19.23%.
當初買蒙牛正值股價因原奶價上升而調整, 因為認為蒙牛可以將產品加價所以認為對業績影響不大, 事實上前一排蒙牛的產品也真的提左價, 股價最高於1月3日升到30蚊, 比我的持貨成本升左5%左右. 不過我無沽出, 因為當初買入並非短線炒作. 現時也無意因為今次的價格管制而賤賣, 會繼續持有等待業績公佈.
今日原本打算運用手上的現金買入一些因為呢幾日股價大跌而開始變得吸引的股票, 不過今日大市反彈所以買唔到. 總結過去的經驗, 自己成績最好, 最有信心的投資始終係金融股, 所以未來會將手上的現金重新投入金融股身上,而對象不會限於本地和國內的金融股, 美國的金融股都會考慮. 當然, 投資的核心仍然係一股都未沽過的匯豐和宏利.
最後想講下, 從中央的角度, 有些行業阿爺為左民生和民心的穩定, 可以犧牲企業的利益, 但有些行業如果無錢賺, 阿爺會好驚好擔心, 保險業關係到人民的保障, 如果保險公司無錢賺, 邊有能力保障市民? 邊有實力同外資保險公司競爭? 所以平保國壽的錢途阿爺一定會關照住. 至於銀行業, 阿爺都想佢有錢賺, 不過唔係最重要, 最重要係穩定, 賺唔到大錢唔緊要, 至緊要唔好有大量壞帳, 所以阿爺一再出手收緊銀行的銀根, 限制銀行的貸款增長, 所以相信今年銀行的業績只會平穩, 當然, 非利息收益, 如果間銀行有本事賺, 賺多多阿爺應該唔會阻止.
台灣yahoo: http://tw.myblog.yahoo.com/mr-market/
香港yahoo: http://hk.myblog.yahoo.com/mr-market/
下一站，牛津
2 年前
先生, 你認為1886同2319的價錢是平定貴? 你會唔會再趁低吸納他們? 過了業績期之後你會有什麼措施?
回覆刪除小興-kk
There are some really safe and cheap US financials now, including those that are held by Buffett's Berkshire Hathaway. BRK itself is at a good price as well.
回覆刪除回應小興-kk : 我會等1886同2319公佈業績先, 目前會繼續持有. 至於加唔加碼, 要睇我買唔買到心中想買的金融股, 因為資金有限, 如果買左金融股, 就無錢再買飲食股, 如果買唔到金融股, 就會考慮飲食股.
回覆刪除回應another value investor : 我都有興趣買美國金融股.
其實在經營逆風時, 才可以看出企業的真正能力. 若果企業有能有限制之下生存, 甚出現奇蹟. 我相信那是真正優質股
回覆刪除