里昂發表研究報告，維持匯控<0005.HK>「沽售」評級，目標價由110元下調至80元。有人問我驚唔驚, 有人勸我快d沽晒d匯豐. 我知呢d朋友係出於善意. 不過, 我唔會受大行的分析報告影響. 我買匯豐的時候, 已經預左未來的日子, 匯豐(以及其他金融集團)會經歷各樣的風暴, 也已經預左管理層在經營過程中會有失誤或過失. 我相信次按風暴最終會雨過天晴, 但未來又會有第2種風暴, 但像匯豐這樣優秀的公司, 風暴過後, 盈利水平會回復和重拾增長. 所以我無打算沽出手上任何一股匯豐.
另外, 想講下自己如何應付像1月22日那樣的大跌市. 我昨日去機鐵九龍站商場「圓方」The Grand Cinema睇左伊莉莎白 - 輝煌年代The Golden Age. 間戲院d位好正, 音響都好勁, 成張椅震晒, 戲中伊莉莎白一世面前西班牙無敵艦隊的來犯, 毫不畏懼, 親身上前線激勵軍隊士氣. 面對股市大跌不要自亂陣腳, 要淡定. 如果手上仍然有現金, 就要有勇氣買優質股; 如果手上無晒現金, 可以優化組合換馬, 趁優質股和次優股都大跌的同時, 沽出質素較差的換入質素最好的股票; 如果手上無現金而且持股全部係最優秀的公司, 咁就乜都唔需要做, 繼續如常生活過日子.
以我自己的情況為例, 因為我手上仍然有資金, 屬於第1種情況, 所以於1月21日和22日我趁股市大跌, 運用資金增持左2628中國人壽和3968招商銀行. 至於手上原有持股, 就繼續持有, 無任何改變.
台灣yahoo: http://tw.myblog.yahoo.com/mr-market/
香港yahoo: http://hk.myblog.yahoo.com/mr-market/
下一站，牛津
2 年前
今日有財演話中資金融股08年業績有保留，可考慮趁高減持,我依然相信中資金融股未來增長會相當強勁,唔怕佢冇錢賺,只怕佢唔夠穩健,建行雖然有次按,但金額好少,交行風險管理做得仲好,我會繼續持有兩行,唔打算沽
回覆刪除財演講既"保留"即係乜野意思呢？講左等於無講過。
回覆刪除但有一點好肯定的是︰一個地方的金融糟糕，經濟不會好得那裏去。對了，作為因行業需要關係而負債高的金融機構，作風保守些是好事。
中資金融業應趁美國金融業震盪擴展海外的影響力，伺機進行長線戰略投資。咁樣就唔怕比人話貨(股價)不對辦(業績)了。
對我來講, 每次優質金融股股價大跌都係買入機會. 我從來唔驚優質金融股股價大跌, 如果真係要驚, 股價大升就有可能值得驚.
回覆刪除講真，大行報告真係不可盡信。當年聯想買IBM，大行個個唱淡，兩年後既今日，又個個唱好，想點？
回覆刪除要清楚自己既股票發生乜事，唔好受噪音影響。
回應大口仔 : 絕對同意
回覆刪除連日來的跌市跌得最多的是金融股, 對於你的言論及你的組合都是很大的打擊, 但你確實能保持自己的心態確實是令人佩服.
回覆刪除其實市場可以是很不理性, 所有分析員都認同的事實都可以是錯的, 歐洲的大跌市十個分析員十個都説鐵定是次按或是經濟衰退熱錢流走, 原來卻是法興的魔鬼分析員的手尾, 諗落真是可笑.
一份大行報告其實賣幾百元.要養咁多高人工既人當然仲要其他方法搵錢.
回覆刪除利豐前兩年都比大行唱淡.
人壽04年仲比人話分分鐘比美國佬告到破產
回應飛毛腿 , ngkf: 分析員好多時係"解釋員", 為已發生的事解釋原因, 有時需要一些聯想和創意. 我都認識一些分析員, 我欣賞佢地的自信和presentation skill.
回覆刪除