昨日天未光已經要返工, 做到天黑晒才回家, 連續工作十幾小時, 每一蚊工資都係好辛苦賺返來, 所以運用呢d錢投資要好謹慎, 我承認有時自己投資的時候都會輕率左, 需要不斷改善. 昨日太忙, 所以即使2318平保股價最低做過53.5, 2628中國人壽股價最低做過27.5, 我無時間加碼買入.
在我做版主的NEWSGROUP, 網友winner問, 佢現在有月供宏利, 林sir在 ezone (1 Feb)說應該賣出945, 問我認唔認同林sir.
林sir的書我有睇, 佢在電台的訪問我都有聽, 也從林sir身上學習左唔少野. 今次港台訪問中, 林sir講對945宏利的睇法, 認為07年進度差, 因為北美市場已經成熟, 新保單增加唔夠舊保單到期的減少, 以致資產總值倒退, 林太已經在07年年中以260幾蚊賣晒945, 用60幾蚊換馬至941.
我對林sir的睇法無特別意見, 我仍然會繼續持有手上2,000股945宏利, 也會繼續月供1,500蚊945宏利, 耐心等待2月14宏利公佈07年第4季度以及全年業績. 我非常欣賞東尼, 也從東尼身上學左好多野, 東尼的好多睇法我也認同, 但當日東尼20幾蚊沽晒2318平保, 我就唔認同, 沙士期間東尼沽683嘉里建設, 我一樣唔認同. 別人優勝的地方可以學習, 別人成功的投資心得和方法, 可以學習,但投資要有自己的睇法, 自己的睇法可以錯, 但唔可以無左獨立思考, 唔需要害怕犯錯 (當然, 要避免至命的錯誤), 犯左錯咪檢討經驗, 學習教訓, 修正方法和策略, 再來過, 有邊個人永不犯錯? 最偉大的投資者之一巴菲特都曾經在投資過程中犯過錯. 但唔好盲目跟從, 人地買乜, 你就買乜; 人地沽, 你就跟住沽; 人地唔買返, 你就一世都唔敢再買返, 無晒自己的思想和睇法, 他朝一日, 人地退休唔再沾手股市, 你係唔係又要退出股市?
所以我認為投資的過程可以係: 向別人學習--> 獨立思考 --> 實踐(出手投資) --> 自我檢討 --> 修正策略
(以上言論無意針對別人, 純粹講自己的睇法, 筆者自己仍然在學習和檢討的過程中)
台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/
下一站，牛津
2 年前
我最近都有沽宏利（未拆細前買，290元左右沽出），我沽出的理由主要是那25%利息稅。雖然宏利表現不差也有加息，但每當我想到我每收的1元利息時要分2毫半給加拿大政府時，心裏縂是不高興（可能有點不理性）！至於所得的錢，主要是買了中人壽和匯丰。
回覆刪除對所說投資的過程可以係: 向別人學習--> 獨立思考 --> 實踐(出手投資) --> 自我檢討 --> 修正策略非常有同感。
以我為例，最近入市的時間就拿捏得不好（主要在39元至31元間買了6手中人壽），白白的令自己買少兩手中人壽！這是要自我檢討的地方但我仍高興建倉的目的已達到！
回應肥魚爸爸: 如果買到最低位, 通常只係幸運而已, 好的股票可以分段買入, 我最近都有加碼買入2628和2318.
回覆刪除想在最低位入貨可以說是我揮之不去的心魔。我記得我39元入貨時想低過40元的中人壽很平呀！於是中人壽跌多一兩元我又買一手直至買完所有子彈。這裏基本問題應是哪一個价位我認爲是平宜（這是事前的估計，不應事後抱怨）。
回覆刪除想請教先生是如何決定30多塊錢是你心中的入市价位呢？
大口仔都有月供宏利3000大元一個月，我對宏利未來發展充滿信心。
回覆刪除投資當然要有自己既睇法，唔可以麻木跟進人地既選擇。如果連人地既投資理由你都睇唔明，點解要買？
我好想知你唔同意林sir 意見(關於宏利)既原因。
回覆刪除絕對同意不能只做二仔底死跟。巴菲特、東尼都老......過幾年都退休,仲可以跟幾耐?
市場先生你好
回覆刪除昨天出席一個霸菱基金經理的講座
提到新興市場之中韓國有著相當的優勢
而且估值也偏低及落後
加上巴菲特也看好韓國
不知市場先生對此有什麼評價或意見?
同意先生所言。
回覆刪除我也不認為要沽出宏利，因為基本因素沒有改變，甚至因為加元升值，並會在未來兩三年都維持現水平，為宏利的基本因素增加正面影響。
當年巴菲特被問及沒有在97年高峰時沽出可口可樂，現時仍未返回當時水平，對此事有沒有後悔，他只是平心靜氣地答，不會沽出此股。
事實上，巴菲特、東尼、彼得林治、Philip Fisher 等價值投資者所看的，都是當基本因素有變，才會考慮沽出。既然如此，我也看不出有沽售宏利的理由，宏利在新興市場增長依然強勁。
回應肥魚爸爸 : 我相信2628有意隱藏一些盈利, 期待來緊公佈的全年業績.
回覆刪除回應隨笈 : 我睇左945 06年的年報, 各方面都表現唔差. 等緊07年全年業績.
回應日月ko: 我喜歡去韓國旅行, 公司也有韓國同事, 不過對韓國股市無認識, 除左samsung, 佢係值得尊敬的企業.
回應ET仔 :絕對同意, 所以我繼續持有945.