踏入08年, 好多東西都加價了. 今日睇新聞, 內地供港活豬數量近日又再減少，今日只有3671隻，令批發價大幅上升三成多。有零售商表示，新鮮豬肉將會加至四十多元一斤。另外, 內地暫停向本港供應麵粉近一星期後已恢復向本港供應麵粉，但要徵收百分之二十五關稅, 一袋五十磅的入口價格原為五十元，加稅後變成七十元, 粉麵製造業總商會表示，成本將會轉嫁給消費者. 我今日去餐廳食中午飯, 叫左碟"餐肉腸仔"飯, 發覺餐肉同以前一樣, 都係3塊, 不過比以前薄好多, 大約只係以前一半咁厚, 煎完之後, 可能太薄, 成塊卷起來, d汁流失晒, 好乾, 好咸, d腸仔明顯換左第2隻牌子, 雖然仍然有2條, 不過好難食, 同樣係好咸. 食完口乾左成大半日, 以後都係唔叫餐肉腸仔飯.
網友阿苦留言話 "無抵押貸款有點像次按本質，經濟好人們不用借，經濟差時有借冇還，高危產品。". 我就認為經濟好唔好都有人需要借錢. 不過經濟好的時候, 借仔還錢的機會大d, 經濟唔好時, 借仔有時有心都無力還. 另外,無抵押貸款雖然風險, 但利率高, 計掂條數 , 一樣係賺錢的生意. 正如, 保險公司打開門做生意, 20年歲的客受你買人壽保險, 50歲的客一樣接受你買人壽保險, 提高保費補償風險就可以了. 無人會質疑保險公司受50歲的客人買壽險係做蝕本生意. 次按的問題係因為"銀行以20年歲的保費賣俾有50歲風險的客人, 另外, 有重病的人一樣以健康的人的風險對待", 回報與風險不相配, 加上市況逆轉, 結果出事了.
台灣yahoo: http://tw.myblog.yahoo.com/mr-market/
香港yahoo: http://hk.myblog.yahoo.com/mr-market/
下一站，牛津
2 年前
Recent experience:
回覆刪除扒玉之王: set lunch $ 28 -> $ 31, up 11%
蒸肉并: 溥了1/3
Agree!
回覆刪除Find that the price of most products in supermarket are higher than before.
Inflation seem appears suddenly.
Money is not money. Woo..Woo!!!
呢個現象都超碼有成年,而且有惡化象
回覆刪除雞蛋由大蛋變細蛋
回煱肉有時大部份係得荀無肉
叉燒好明顯又係薄了
除了奶茶個ｄ本身高margin 無變
美心燒肉由7月68元一斤上升到12月80元一斤升了17％
餐肉腸仔我本身都好少叫，一來無益，二來一貴就會有假嘢.茶餐廳ｄ貨你又唔知來源．．．
我同意先生的睇法．我覺得經濟好反而多人借到,經濟唔好反而少人借到錢．經濟好時要金融機構要保持業績會亂借.97時有個同事借了5份稅貸成年半人工銀行完全唔問佢有冇借其他公司稅貸(反而當年恆生有問).
經濟唔好時佢地仲小心．計過風險．買埋保險．你唔得銀行根本唔會借好多比你．安信兄弟都唔會幫你．
反而經濟好做ARM個ｄ就有涯得著,唔好就死．香港01-03都見好多.美國就等著噍．佢地等錢使要賤賣好貨就要汁好貨買
粉麵可能係政治考慮.同意否?
回覆刪除無記錯香港活猪批發係平過大陸本身批發價
回應: 其實中央好照顧香港, 否則好多野會比現在貴好多.
回覆刪除