星期日, 12月 09, 2007

睇樓

本來無打算呢個時候買樓, 因為覺得現時樓價高得唔合理, 九龍市區4百幾萬買到的單位, 主人房係放唔落張6尺床, 不過, 有自己物業會增加"家"的感覺, 而且可以隨自己意願去裝修部置, 自己物業才會捨得落本去做. 更加重要, 係滿足身邊的另一半. 今日去左睇樓, 一個某地鐵附近的屋院, 從地鐵站出來行10分鐘就到達. 睇左6個單位, 最好的一個係19樓望山景, 景觀算係開楊, 業主清理晒屋裡的東西, 油左油, 地版打左"立", 感覺幾"企理". 另外一個夠高, 33樓, 望對面商業大夏的天台, 呢間個業主剛住完, 無執過, 有d亂. 其他4個層數太低, 俾其他樓擋住晒, 房內幾暗下, 要好早開燈. 最大問題係主人房太細. 所以要繼續睇其他樓盤.

6 則留言:

  1. 先生,我近排都有諗緊買樓.
    你係買咩類型單位,一房,兩房? 新樓定舊樓?

    我諗緊德福會唔會舊, 唔係幾好...

    我其實有好多問題, 你分享多點心得啦!

    回覆刪除
  2. 未知先生看哪一區,或許你不想透露,但可給你一些參考資料:

    將軍澳區:長期供不應求,多年來跑贏大市,我有親戚在哪邊做,由小角色做到變管理層,都係靠這區,佢話未來仲有得升,但長遠持平,一定唔夠毫宅咁保值。

    九龍東,新樓一定貴,因為一手盤太少,但二手盤有大量,唔保值,加上啟德一發展,大量樓盤落成,絕對供過於求。

    九龍中,情況跟九龍東一樣。

    九龍西 (特別油尖旺),有西九龍塊空地,新樓沿沿不絕,但勝在市中心地段,就算求其一個二手樓盤,只要在2000年買,都沒有貶過值,如果是大型屋苑地段,二手樓近年更升了2-3成,而且交投好、校網靚,置業理想地段。

    九龍西 (長沙灣、荔枝角、美孚),新樓繼續起,需求不及油尖旺,但因此二手樓比較便宜,大型屋苑較保值,但升值能力不及油尖旺一般。

    希望幫到你。

    回覆刪除
  3. 先生講o既地方應該係西九荔枝角.
    我之前住果區. 空氣唔好, 留意車o既嘈音. 呢家prefer 沙田區. 有火車站ok 的

    回覆刪除
  4. 清靜好住,社區環境佳兼價格合理,為什麼不考慮褕景灣?

    回覆刪除
  5. I also planning to get marry with my gf at the end of next yr. But I hv bought a house 1 month ago.The reason is similar as u.
    It can't deny that the price is raising sharply.
    Hope u can fulfil yr house-owner wish finally.

    (willing to share my experience with u)

    回覆刪除