另外, 想對所有參加筆者有獎遊戲的網友講, 筆者下星期會陸續送出獎品, 希望大家不會介意等待多幾天, 因為對上這個星期筆者私事的確比較繁忙.
此外, 見到有關雷曼兄弟的新聞, 包括傳聞聯邦政府不會動用政府資金救助困境中的雷曼兄弟, 中 投公司, 美國銀行以及私人股本集團 JC Flowers 可能聯手組成財團, 收購雷曼兄弟, 有興趣的收購者還包括英國的巴克萊銀行. 無論雷曼兄弟最終會否被收購, 被誰收購, 筆者因著私人的感情和意願, 希望雷曼兄弟仍然可以保留原有的品牌繼續經營下去, 希望Lehman Brothers呢個名不會消失.
今日收到中銀的月供股票交易單, 所以順便更新一下. 到目前為止, 月供股票組合仍然錄得帳面虧損, 不過其實是好事, 因為表示筆者可以買到的價錢越來越平, 同樣的金錢可以買到的股數越來越多. 筆者有信心, 十年, 廿年後, 月供組合的企業為股東賺取的盈利會比目前多好多.
最後, 想講下, 平保入股富通集團錄得100億元浮虧(於Balance sheet上), 招來惡評如潮, 不過其實當日平保是以大約1.1倍的帳面值入股富通集團, 筆者對金融業都有些少認識, 但老實講, 可能筆者孤陋寡聞, 富通集團對筆者來講算是名不經傳的金融機構, 筆者是因為當年349工銀亞洲收購富通集團旗下的華比富通銀行才知道有這間比利時的金融集團. 但即使如此, 1.1倍的帳面值也唔可以話好貴, 當然, 事後帳面值會否下跌, 引致P/B上升卻是後話. 但相比招行以大約3倍帳面值收購永隆銀行, 富通集團同永隆銀行比較, 即使富通集團再平凡, 也不會輸給永隆銀行, 所以筆者始終認為招行的出價是太高. 現時2356大新銀行(在筆者眼中, 大新銀行同永隆銀行的級數差不多)的股價只是trade緊1.1倍帳面值. 如果永隆銀行以後仍然維持上市地位, 仍然有market price(當然, 招行收購永隆銀行之後,應該會撤銷後者的上市地位, 所以筆者只是講如果), 以目前的市況, 筆者相信永隆銀行應該會trade緊1.5倍P/B, 招行對永隆銀行的投資會錄得幾多浮虧? 所以好多時, 投資於上市公司和非上市公司(或者收購上市公司而之後撤銷上市地位), 因為上市公司有報價, 而股價會隨著市況波動, 所以感覺上, 投資於上市公司的風險好似大好多. 如果富通集團不是上市公司, 沒有報價, 大家會否對平保的入股有不同的感覺?
台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/
渣打唔算係你的私人強積金? 好奇一問, 點解你唔月供埋渣打呢? 謝謝
回覆刪除我同意你的看法，股價下跌，你以同樣的定額供款買入更多的股數。
回覆刪除招行收購永隆的作價肯定偏貴，等於可口可樂入股匯源。特別是經濟及股市在收購時並不與昔日同日而語。
好好奇先生点解会选择交行作月供计划？可能因为我依家都系度每月用空闲钱扫交行所以更想知道其他人对交行有乜想法。我个blog有一两篇关于我点解买交行的文章，如先生得闲可以望两眼，比D意见。
回覆刪除回初哥：
回覆刪除這個問題我可以代答﹐因為中銀係無得月供渣打的。（我知是因為我本來也想月供這隻股票的）
回Michael Cheng:
回覆刪除我都想經中銀月供渣打, 不過無(都唔明點解中銀咁少CHOICE). 但係因為中銀無得供而唔將渣打放入月供PLAN, 又好似好奇怪 (匯豐有得月供渣打, 都係$50一隻股), 所以我想問市場先生係唔係有其他原因選擇在市場一手一手咁買.
P.S.我由今個月開始在中銀月供2628, 11月開始會在HSBC月供渣打.
Hi Mr Market
回覆刪除Just wonder what's yr point of view on the dividend tax imposed to H-shares. Will it affect yr monthly investing portfolio ?
回應Michael Cheng : 多謝你代答初哥的問題.
回覆刪除回應羊太: 月供計劃要選擇盈利長遠穩定而有增長的公司, 交行正是這樣的公司.
回應Investor : 10%股息稅唔會影響我的月供計劃. 香港的稅制是簡單而低, 所以本地投資者唔慣俾股息稅, 其實同其他國家比, 10%算少.
你好!我係新手~想在中銀月供股票~但係睇過中銀個網站~月供股票的選擇就只有HSBC#5~同埋其他指數基金~1.想請問分行係咪會有詳細的LIST?因為睇到市場先生你的組合有好多唔同股票~2.現時中銀的收費係咪改左?因為我見到佢係6個月就收一次~每個月按交易金額黎收費~$1500就收$25~3.同埋之前睇過話中銀會用市場正價黎賣出碎股~但係睇番佢網上條款就話會比市價低D黎賣?? 唔好意思~可能比較多問題~但懇請市場先生為我抽空解答一下!!!萬分感謝!
回覆刪除