其實匯豐一早已經講左頭3季的股息將會同樣是0.18美元, 結果無改變. 除息日是11月19日, 派息日是09年1月14日. 市場估計第4季的派息維持同07年同期一樣, 即是派0.39美元, 如果真係如此, 全年派息每股達0.93美元, 比去年輕微增加3.3%, 漸增式派息政策可以持續, 筆者估計機會幾大.
另外, 今日見到有報導施老板認為政府應中斷銀行用錢炒賣期貨及外幣, 限制銷售衍生及結構性產品等，逼令銀行不再不務正業，轉而借錢給中小企。銀行注重非利息收入是脫離基本步，銀行應發揮社會功能，而政府應加強監管限制如衍生工具等業務，令銀行把錢重回借貸服務。
筆者一向欣賞施老板的觀點, 不過今次就不完全認同. 銀行要兼顧非利息收入無可厚非, 因為傳統借貸業務受經濟影響好大, 如果銀行單靠利息收入, 盈利會唔穩定. 另外, 銀行參與衍生工具等業務也有其必要性, 因為銀行需要工具對沖利率, 外匯, 信用等風險. 仲有, 未來經濟轉壞是意料之中, 貸款風險無可避免上升, 銀行收緊信貸屬正常做法, 需知道銀行的資金, 大部分都是市民的存款, 要銀行門戶大開, 其實是對市民的存款不負責任.
最後想講前一排因為持有華盛頓互惠銀行發行的高級債券但拒絕透露具體數目而股價大跌的金錢銀行, 筆者收到風, 如果你信得過金錢銀行的管理層, 佢唔披露你反而唔使驚, 因為表示損失金額唔大, 金錢銀行內部有指引, 損失超過某個金額才需要對外披露詳情. 所以如果你係金錢銀行的股東, 你應該希望管理層話唔需要披露, 因為表示損失有限. 至於前一排股價因此而下跌, 其實只是藉口, 無華互債券投資呢件事, 市場都有好多理由推低股價.
至於筆者, 當然繼續持有永久組合, 做匯豐股東收番2萬6千幾蚊第3季度息(今次仍然會以股代息).
台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/
下一站，牛津
2 年前
希望佢keep住呢個低價換多D股.
回覆刪除其實只要加大個派息比率,keep 著舊年個額一D都唔難.
先生, 請問是否11月18日前買#5都有股息? Thanks !
回覆刪除回應ngkf : 我都希望能夠在100蚊以下換股, 起碼換到266股, 唔錯.
回覆刪除回應無名士: 11月18日前買#5, 然後持有至到除息日11月19日, 就有股息收.
Let's say 18號買, 20號放, 就有股息? 有冇咁筍呀？係咪通常20號或之後股價都跌幾個%拉番條數?
回覆刪除對交行招行好擔心,第一個浪佢地未必頂得住
回覆刪除先生..:
回覆刪除而家用hsbc 買賣牛熊證免佣呀.. thx
http://pghk.blogspot.com/2008/11/hsbc.html
匯豐管理層應該都知道.穩定的派息對其股價的支持作用。因為好多退休投資者或基金係鍾意佢的派息高又穩陣。匯豐現時仲有錢買印尼銀行.早前傳聞賣總行11億英鎊又以3億回購, 當中不費一兵一卒己賺八億鎊(真係佩服)。匯豐一直有保守而又穩健的管理層.我睇唔到佢現階段要減派息囉。
回覆刪除另外2888最近受累新興市場下跌,跌時間內急跌一半以上。想請教市場先生, 你點樣比較5同2888。本人同樣持有兩股. 亦想長線持有, 但2888波動性較大. 亦無5派息咁多。不過2888至今出的數據仍好好, 無奈大行最近成日唱淡, 股價相對落後。順帶一提, 大行的報告越黎越無良. 一直唱好某股. 然後等出晒貨先大減目標價, 有時仲一減就減到得返三分一。2888.11都係咁。之後又無實質理據下將目標調高, 如3968。大佬呀, 咁你早前的報告好明顯有問題吧?
唉~ 儲錢儲極都唔夠買一手匯豐...睇黎註定一世挨窮....Orz
回覆刪除Mr Market,
回覆刪除Do you have concern about how hsbc and banks in Hong Kong maintain their profit in the near future? Their profit form selling derivatives and insurance will drop substantially. Interest spread from lending is narrow. How can they continue with their high dividend policy under such circumstance?
dawn