平安銀行

平安銀行於07年度期未資產淨值62.68億人民幣, 佔整個平保集團的資產淨值大約5.505%, 提供盈利15.37億元, 佔整個集團總業績 8%. 平安銀行07年度的盈利比去年同期增加2064.8%, 不過有幾點要注意.

第一, 盈利同比大增係因為06年基數太低. 2007年6月16日, 中國銀監會批准平安銀行和深圳商業銀行合併, 同年6月27日合併正式完成. 平安銀行06年的盈利只包括原深圳商業銀行15天的盈利貢獻, 此外, 合併之前的平安銀行盈利規模好細. 而07年的盈利才是合併後平安銀行的全部盈利貢獻, 所以2064.8%的同比增長率相信難以持續.

第二, 平安銀行於07年的15.37億盈利當中, 包括非經營性的項目, 分別係出售不良資產所得收益2.67億元, 以及撥回訴訟準備金1.51億元, 呢d一次性的盈利有4.18億人民幣, 08年相信唔會再有.

第三, 平安銀行於07年的不良貸款比率由06年6.3%大幅下降至0.8%, 其中一個主要原因係靠07年出售左23.54億不良貸款, 以後就要靠自己的信用與風險管理去控制不良貸款比率的水平.

第四, 平安銀行於07年期未的存款組合, 企業存款佔左85.748%, 個人存款只係佔9%, 而且07年個人存款仲下跌左10.2%至101.84億元. 由此睇來, 我有2點憂慮, 分別係 個人存款的流失, 以及企業存款和個人存款佔存款組合的失衡, 同業招行的個人存款佔大約36.16%%, 交行的個人存款佔34.55%.

07年平安銀行的淨息差2.7%, 同業招行的淨息差2.96%, 交行的淨息差2.79%. 07年成本對收入比率36.5%, 同業招行係34.94%, 交行係40.29%. 以平安銀行咁細的規模, 07年的經營成績各方面算是可以.

由於07年算係平安銀行同原深圳商業銀行合併後正式經營的第一年, 發展的濳力固然有, 經營成績則需要睇多幾年業績才能定優劣.

回應skm , 溟天凱和無名士: 多謝你地的支持, 我原本都唔知本新書已經在商務書店有售.

回應先生粉絲 : 我暫時無意改變現時的股票組合.

回應ngkf 和巴林: 今次匯豐以股代息的換股價比我原本預期的高, 但我仍然會繼續取股票.


台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

匯豐07年度第4次以股代息換股價

匯豐已經公佈左07年度第4次以股代息換股價, 係每股16.4022 美元, 今次我起碼可以換到430股, 5月6日派發, 到時我對 匯豐的持股將會增加至18,541股.

回應r 仔: 人民幣升值對持有很多人仔資產既國內金融股係利好的. 新書應該在4月份可以發行上市.

回應New comer: 我覺得繼續持有2628中國人壽無問題, 我自己都有貨, 如果股價下跌, 我會加碼買入.

回應阿慧: 月供3968係很好的做法, 我自己都有月供3968, 希望你可以長期堅持下去. 至於2328 及1398, 我唔喜歡純產險公司, 所以我唔會投資2328, 至於1398, 佢係長線投資的選擇, 現價都可以, 我無1398因為我更喜歡3328和3968, 資金有限就要取捨.

回應dawn: 我唔知匯豐股價今年內會唔會再跌穿120蚊, 不過跌穿120蚊與否對我唔重要.

回應great: 匯豐持有62.14%恆生, 所以組合同時持有匯豐和恆生係有重疊, 不過以前恆生實在便宜, 我的買入價只係80蚊左右, 但今年恆生股價已經升到合理的水平, 即係無被低估, 所以我將恆生換馬至匯豐.

回應無名士:

平保年報:
http://www.sse.com.cn/cs/zhs/scfw/gg/ssgs/2008-03-20/601318_2007_n.pdf

中國人壽年報:
http://www.sse.com.cn/cs/zhs/scfw/gg/ssgs/2008-03-26/601628_2007_n.pdf

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

兩份業績報告都在手

今日從上海證券交易所網頁印左中國平安07年的業績報告, 足足有242頁. 現時2318和2628兩份保險股的業績報告都在手, 有排睇, 但好值得睇, 因為睇完你一定會對中國保險業以及平保國壽的唔同之處有個基本的了解, 你會發覺平保國壽各有特色和強弱的方面, 我唔認為平保和國壽係 "radio button", 而應該係 "check list". 不過, 真係好花時間. 睇完我會精選一些重點update.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

你一直在路上

最近睇緊呢套電視劇《陳賡大將》, 好喜歡呢首片尾曲"你一直在路上".

股票組合最新情況(20080328)

有網友問筆者股票組合的最新情況, 趁今晚呢個機會update一下. 檢討現時的組合, 我最希望增加3328和3968的持股數量, 不過現時已經無資金可以加碼. 匯豐ELI 4月份到期, 如果到時股價高過128.7, 我可以取回本金, 咁我就有資金等機會加碼買3328和3968.

回應chan: 雖然2628國壽07年的業績未能令我滿意, 但我仍然睇好佢未來的盈利前景, 做生意, 有時做得好d, 有時做得差d, 有時甚至犯錯, 無乜大不了, 國內人壽保險業務仍然係一盤好的生意, 所以我會繼續持有, 如果股價下跌而我手上有錢, 甚至會加碼買入.

回應fireboy : 老實講, 我認為2318比2628出色, 不過2隻我都會繼續持有, 邊隻股價跌得多我就加碼買邊隻. 因為, 2間公司的盈利前景都係好的.

回應DAN: 從公佈的數字睇來, 2628於08年頭2個月的保費收入增長唔錯.

回應ngkf: 同意2628國壽最近入股VISA 的確係做得好.


(註: 以下組合並不包括匯豐07年度第4次股息, 匯豐ELI和月供股票組合).




台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

修正2628中國人壽的數據表

多謝網友Eric Ng的指正, 昨晚post中國人壽的數據表其中04年和05年的每股內含價值和每股一年新業務價值係正確數字的一半. 原因係我用Excel 整理945宏利的數據表先, 因為宏利06年一股拆二股, 所以計算04年和05年的每股數字時, 我要將原本的數字除2, 用Excel 的方便之處係 copy and paste 之後將宏利的數據改為中國人壽的數據就搞掂. 不過, 我忘記改番04年和05年計算中國人壽每股內含價值和每股一年新業務價值的formula, 所以計出來的數字除多左2. 現在重新登出修正2628中國人壽的數據表. 可以睇到06年中國人壽的經營表現非常好, 一年新業務價值增長32.52%, 另類ROE有6.93%, 其實唔錯, 因為中國人壽於06年12月在國內A股上市, 所以06年期未的內含價值被一次性的股東資產淨值的增加而提升左唔少. 如果撇除呢d非經營壽險業務的內含價值增長, 其實另類ROE應該係改善左.

不過, 07年一年新業務價值的增長的確唔理想. 點解一年新業務價值的增長率咁重要? 首先要明白什麼是內含價值. 內含價值即係間保險公司現有業務的價值, 換句話說, 假設間保險公司唔再賣新保單, 只係將現有的業務run到完為止, 就係值內含價值咁多錢. 點解市場人士肯俾超過內含價值的價錢買一間保險公司的股票? 因為間保險公司會繼續賣新保單, 繼續發展業務, 所以我咁睇重一年新業務價值的增長率, 我會用最新內含價值 + 一年新業務價值乘一個倍數去計保險公司的價值. 如果一年新業務價值的增長率只有15%, 你認為出幾多倍new business value 才合理? 這是一個需要理性思考的問題, 我唔會因為自己持有中國人壽的股票而失去客觀的判斷.

另外, 今日從海證券交易所網頁印左中國人壽07年的業績報告, 詳盡好多, 足足有197頁, 睇完有新發現再update.

回應番薯仔 : 我仲未收到945的07年業績報告, 收到後我會整理好數據表再post出來.

回應Dong guan: 我會繼續持有手上13000股2628, 無意減持.




台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

為何中國人壽07年業績未能令我滿意

昨晚初步睇完中國人壽07年業績之後, 我在NEWSGROUP表達的第一個意見係"初步睇, 其實表現麻麻地".

分析中國人壽的業績, 我會睇幾個方面:

1. 保費收入以及增長率
2. 投資收益率, 包括淨投資收益率和總投資收益率
3. 保單繼續率
4. 內含價值以及內含價值增長率
5. 扣除償付能力額度成本後的一年新業務價值以及增長率


衡量一間銀行的經營效率和值幾多倍P/B, 其中一個有用的工具就係ROE, 高d ROE的銀行值高d P/B, 道理就好似2隻評級一樣的債券, 邊隻票面息率(coupon)高d, 就值高d價錢.

以前都提過, 衡量人壽保險的經營效率和值幾多倍P/EV, 可以運用另類ROE, 計法係用以下的方程式:

另類ROE = NB / 平均EV

平均EV = (EV1 + EV2) / 2

NB = 一年新業務價值(每股)
EV1 = 當年內含價值 (每股)
EV2 = 之前一年內含價值(每股)

初步整理好中國人壽的業績數據, 由於中國人壽上市只有幾年, 手上只有4年的數據.




可以睇到, 07年的另類ROE係倒退左. 此外, 一年新業務價值增長率只有14.94%, 以今日2628收市價27.4計, 扣除每股內含價值9.9287港元, 未來新業務的市場價值係每股17.4713, 相對每股一年新業務價值0.473578463港元, 相等於36.9倍New Business Value, 平與貴, 大家自己去判斷.

另外, 中國人壽提高左計算內含價值的假設投資回報率, 合唔合理, 見仁見智.

總括來講, 身為中國人壽的股東, 我對07年的業績唔係好滿意, 如果有股東認為滿意, 可否提出理據? 歡迎討論.

利益申報: 筆者仍然持有13,000股#2628 中國人壽

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

加碼買入#2318平保

目前, 只要我手上有多餘的資金, 我會毫不猶疑地加碼買入永久組合的成員, 包括5, 945, 2318, 2628, 3328, 3968. 所以今日我運用近日收到的一小筆意外之財, 以50.65買入500股#2318平保, 現時持股增加至9,000股.

今晚2628中國人壽出07年度業績, 不過手上的整份業績報告只有28頁, 其實睇唔到深入的野.

1. 07年股東應佔純利388.79億人民幣, 增長94.82%
2. 每股盈利1.38人民幣, 增長84%
3. 派末期息 0.42人民幣
4. 總保費收入及保單管理費收入為1,118.86億人民幣, 按年增長12.5%
5. 淨投資收益率5.76%,較2006年提高了1.49%
6. 總投資收益率10.24%，較2006年提高了2.27%
7. 總資產達人民幣9,337.04 億元，較2006年同期增長22.1%
8. 內含價值為人民幣2,525.68億元，較2006年同期增長38.8%
9. 每股內含價值8.9358人民幣或大約9.9287港元, 以今日收市價27.45計, P/EV大約係2.765倍
10. 扣除償付能力額度成本之後的一年新業務價值為人民幣120.47 億元，較2006 年增長14.9%

初步睇, 其實我覺得業績唔算出色, 有時間我列個表再解釋. 不過, 我仍然會繼續持有手上的13,000股#2628.


台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

回應老朋友CORY

對於2318平保, 我仍然樂觀, 我唔會理會短期股價的下跌, 我對平保未來盈利的前景仍然沒有失去信心. 記得今年1月22日, 匯豐股價當日最低跌到104蚊, 而當時我持有18111股匯豐, 佔我股票組合超過55%, 當時里昂發表研究報告，維持匯豐「沽售」評級，目標價由110元下調至80元, 唔止係里昂一間大行, 當時市場上大部分的言論都係睇淡匯豐, 匯豐簡直係票房毒藥, 當時持有匯豐幾乎係傻仔的代名詞(可能講得誇張左d). 不過, 我仍然好安心地持有18111股匯豐直到現在. 最近, 匯豐股價唔知點解忽然好強勢, 大市升佢就升, 大市跌佢就微跌甚至仲有微升.

唔好理會短期股價的下跌, 因為市場人士的情緒好難捉摸, 所以,唔好因為短期股價的下跌而灰心或者失去起初的信心, 安心和耐心地持有優秀企業的股票吧.

當日的網誌: http://mrmarketofhk.blogspot.com/2008/01/blog-post_25.html

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

中國人壽投資海外旗開得勝

根據報導, #2628中國人壽趁VISA公司在紐約証券交易所上市時,認購了近3億美元的股票,這是中國人壽除H股投資外,首次進軍國際資本市場,這也是國內保險公司繼#2318平保投資富通股票之後的第二筆較大規模的海外投資。 VISA以每股44美元發行4.06億股,籌資178.64億美元,是美國歷史上最大的IPO。VISA上市首日股價逆市大漲近30%,次日股價繼續上升, 報收64.35美元,上市兩天後累計升幅為46.3%. 目前,中國人壽在該筆投資上已賺取高達50%的浮盈(Unrealized profit).

到目前為止, 投資海外的成績(計Unrealized P&L), 中國人壽暫時比平保優勝.

另外中國人壽公佈了2008年1月1日至2008年2月29日期間未經審計累計原保險保費收入，約為人民幣597億元。其中2月份單月原保險保費收入290億元，同比增長44.9％. (1月份同比增長33.3％，2007年2月份同比增長13.3％, 07年全年同比增長6.9％), 睇來中國人壽今年勢頭唔錯.

另外, 近日得到一筆意外之財, 不過唔係好多, 只夠買1000股中國人壽或者500股平保. 明天可能會動用買其中一隻.

最後想提一隻冷門的台灣概念股, 相信比較少人會提到, 就係#212南洋集團 , 點解212係台灣概念股, 去睇下年報南洋集團持有什麼資產, 和上網查下南洋集團大股東榮鴻慶的背景. (利益申報: 筆者並無持有#212)

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

平保收購富通投資管理公司的回報率

根據報導, 平保將以21.5億歐元收購富通集團旗下富通投資管理公司50%股權. 富通投資管理公司將於今年4月2日與荷蘭銀行資產管理公司合併。合併後的新公司中文名稱將改為「平安富通投資管理集團控股公司」，英文名稱將改為「Fortis PingAnInvestment ManagementGroupHoldings」。新公司將成為一家全球性的資產管理公司，擁有廣泛的業務網絡、顯著的市場份額和完整的產品和服務項目，業務遍佈世界近30個國家和地區，其中包括如歐美等成熟資本市場，同時也包括如中國、印度和俄羅斯等正高速發展的新興市場。而且管理資產類別豐富，包括股票、債券、可轉債以及房地產等.

根據資料, 原富通投資管理公司旗下管理資產1,330億歐元，是歐洲最大的基金管理公司之一, 2007年淨利潤大約1.02億歐元, 淨利潤率係大約0.077%。而荷銀資產管理2007年淨利潤率係大約0.1%. 合併後的平安富通投資管理集團控股公司管理的資產將高達2450億歐元, 係全球領先的資產管理公司之一.

以平保出資21.5億歐元取得平安富通投資50%的股權計算，即係整間平安富通投資估值為43億歐元. 預期原富通投資管理與荷銀資產管理的合併將產生巨大的規模協同效應, 估計合併後的平安富通投資淨利潤率有0.135%, 即係有3.3075億歐元, 回報率係7.69%.

另外, 想講資產管理業務有個好處, 就係規模效益, 舉例, 如果管理1000億資產需要X億元的投入資本和expenses(包括人工, 行政費, IT系統等等), 當管理資產增加一倍至2000億, 係唔需要相對增加一倍的投入資本和開支, 例如你唔需要增加一倍的基金經理人數, 所以最終的投入資本和開支可能只係1.X 億元就足夠, 於是, 利益率就可以提高.


台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

中大合唱團周年音樂會 - 聲音地圖

http://ihome.cuhk.edu.hk/~s066882/

聽音尋路　歌聲就是地圖
中大合唱團周年音樂會 - 聲音地圖

日期：二零零八年四月五日 （星期六）
時間：晚上八時
地點：香港大會堂音樂廳
票價：$50, 70, 90
三月五日起於城市電腦售票網公開發售
指揮：朱振威
鋼琴伴奏:李巧靈
敲擊樂團:激樂團


中大合唱團將於周年音樂會《聲音地圖》，以10種語言演唱14部合唱精品！在朱振威指揮與李巧靈伴奏下，合唱團從香港都會出發到芬蘭極地，來回西非海岸與多瑙河畔。音樂會曲目既展現亞洲最新合唱風貌，也在客席敲擊樂團「激樂團」的伴奏下，以4首動感舞曲唱出躍動翻騰的異國音符。另外，合唱團也會送上歐美古典大師名作、法國電影歌曲以及英倫三島的經典民歌。一夜歌聲，帶你遊走不同文化，拉闊音樂視野。

世界首演曲目:九肚山下 - 胡銘堯 (香港)
香港首演曲目:若言（言葉にすれば）- 安岡 優/松下 耕（日本）

註: 致網友文盲, 我今晚check email才知道你們有這個演出, 希望今晚才幫手宣傳唔會太遲, 祝你們演出順利成功!!!

平保間接收購中原証券40.6%股權

根據報導,平保旗下的平安信托投資有限責任公司以9.6億元人民幣的價格競得許繼電氣控股股東許繼集團的100%股權. 許繼集團總資產為46.05億元,總負債為39.80億元,凈資產為6.25億元, 即係話平保係以1.536倍資產淨值收購許繼集團.

許繼集團的主要業務為股權投資和高壓直流輸電換流閥研發與製造等,其中股權投資涉及輸變電裝備、證券及資產管理、環保工程、民用機電等產業的投資.許繼集團目前控股一家上市公司,擁有中原證券和一家資產管理公司的股權,下轄八家中外合資公司和兩家行業歸口研究所. 2007年，許繼集團實現銷售收入72億元。

目前,平安旗下已有一家證券公司, 平安證券, 市場估計平保收購許繼集團的其中一個目的係睇中佢間接擁有河南中原證券40.6%股權.


另外回應網友kelvin : 因為平保整體內含價值已經包括非壽險業務淨資產, 所以其他非壽險業務的估值用市盈率去計算, 並不會double counted.

另外回應港燦兄, 我用20倍乘一年新業務價值(指壽險業務)的估值是否太進取, 我同意如果係成熟市場的壽險公司, 例如945宏利, 估值一般係一年新業務乘15倍左右, 但中資壽險股, d大行通常乘30倍或以上.我用20倍唔算離譜, 事實上, 我認為乘幾多倍, 要睇一年新業務的增長率, 估計中資壽險股一年新業務價值的增長率超過20%. 所以用20倍我認為係合理.

有錯或者不同意見歡迎大家指教.



台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

回應網友哈哈有關平保的內含價值(EV)問題

首先要講, 內含價值(Embedded Value)的概念對壽險業務才有意義. 平保並非一間純人壽保險公司, 現時壽險業務的盈利貢獻佔整體盈利56.63%, 即係有超過40%的盈利來至係非壽險業務.

我認為平保的估值不適合用EV乘一個倍數的方法. 原因來至內含價值的計算方法. 簡單d講, 內含價值=調整資產淨值 + 扣除償付能力額度成本之後的有效業務價值(當然係指壽險業務).

調整資產淨值係指壽險公司的自由資本+要求支本, 自由資本即係可以被壽險公司任意處理和分配的資本. 因為平保的業務包括壽險和非壽險, 所以平保內含價值中的調整資產淨值係包括壽險資產和非壽險資產. 即係話, 平保整體的內含價值1503.11億元之中, 包括左一些非壽險業務的資產淨值, 所以用EV乘一個倍數的方法, 可能會扭曲左估值.

所以對平保的估值方法, 我用07年底平保整體內含價值 + 20倍扣除持有償付能力額度的成本後的一年新業務價值(壽險業務) + 其他業務以15倍市盈率計價值.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

為家人組合買#2318平保

昨日#2318平保股價最高51.25, 最低49.25. 星期三晚平保出業績之後, 我用左接近3小時睇佢份業績, 以07年的歷史數據, 我保守計算平保每股起碼值58.49 元人民幣(詳情睇星期三晚網誌, 我覺得真係幾保守, 如果進取計算, 可能值60幾,70蚊, 不過保守d好), 現時已經係08年3月份. 即係話, 我認為08年平保預期價值應該更高, 既然平保股價繼續下跌, 我當然好想買, 不過我自己手上已經無資金, 但又唔想失去機會, 所以幫家人組合買左1000股#2318平保, 買入價50.4, 再一次買唔到全日最低位, 比收市價仲高.

講番人壽保險公司的估值, 有人用EV 乘一個倍數, 例如, 有人認為中國人壽值3倍EV. 另一種計法係, 最新EV + 扣除持有償付能力額度成本後的一年新業務價值 乘一個倍數, 例如將中國人壽值07年底的EV + 07年一年新業務價值 乘 40倍. 一般來講, 呢兩種方法都ok, 但我認為目前對中國人壽唔適合用第一種方法, 因為中國人壽目前的EV, 有一部分的增長唔係靠業務經營, 而係來至以高於資產淨值發A股而來的, 呢種增長係特殊性質, 所以我認為目前為中國人壽估值, 應該用第2種方法, 等佢公佈07年度業績之後, 用07年底的EV 加上扣除持有償付能力額度成本後的一年新業務價值 乘一個倍數, 至於應該乘幾多倍, 就要睇一年新業務價值的增長率, 到時再討論.

最後想講, 現時非保險業務的盈利貢獻已經佔平保整體盈利32.6%, 相信未來平保會繼續向金融超市的方向前進, 所以唔好只用EV 去計平保值幾錢.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

從平保07年業績計每股價值

今晚好忙, 因為永久組合有3間公司公佈07年度全年業績要睇, 包括3968招行, 3328交行, 2318平保. 因為我投入平保的資金最多, 所以睇平保先.

平保07年實現淨利潤人民幣192.19億元, 較上年增長140.2％, 扣除少數股東權益之後, 股東應佔盈利186.88億元, 或每股盈利2.61人民幣. 2007年末期股息：人民幣0.50元

平保現時的業務包括壽險、產險、銀行、資產管理、企業年金、信託、證券. 分類業績(未扣除少數股東權益)如下:

人壽保險: 賺108.83億元, 比去年同期增加25.08%, 佔總業績56.63%
財產保險: 賺20.73億元, 比去年同期增加 97.81%, 佔總業績10.79%
銀行業務: 賺15.37億元, 比去年同期增加2064.8%, 佔總業績 8%
證券業務: 賺14.92億元, 比去年同期增加145%, 佔總業績7.76%
其他業務 (包括信託及資產管理等業務) : 賺32.34億元, 比去年同期增加469.4%,佔總業績16.83%

淨投資收益率 4.5%, 去年係4.3%
總投資收益率: 14.1%, 去年係7.7%

投資組合分配情況(不包括銀行業務)：

定期存款: 331.88億元, 佔投資組合7.0%, 而去年佔17.8%
債券投資: 1910.23億元, 佔投資組合40.2%, 而去年佔56.4%
其他固定到期日投資: 24.11億元, 佔投資組合0.5%
權益投資(包括證券投資基金、權益證券及於聯營公司的投資): 1172.79億元, 佔投資組合24.7%, 而去年佔 13.5%
投資物業: 38.12億元, 佔投資組合0.8%
現金及現金等價物的項目: 1271.74 億元, 佔投資組合26.8%, 而去年佔11.5%

可以見到平保07年增加現金和權益投資的比重, 而減少債券投資的比重.

07年人壽保險毛承保保費、保單費收入及保費存款有791.83億元, 增加16.1%

保單繼續率：

13個月 90.4%, 去年係89.0% (改善左)
25個月 81.2%, 去年係80.3% (改善左)

07年財產保險毛承保保費收入有204.93億元, 增加27.5%

綜合成本率: 98.6%, 去年係95.4% (差左)

淨投資收益: 152.57億元, 增加25.08%
已實現的投資收益: 339.87億元, 增加418.33%
未實現的投資收益: 25億元, 減少22.26%

最重要的內含價值: 1503.11 億元, 或每股21元人民幣
可喜的現象係, 1999年6月前承保的有效業務價值由去年-209.32億元,大幅改善至-90.58 億元, 希望好快變正數

扣除持有償付能力額度的成本後的一年新業務價值係71.87億元或每股1元人民幣.

可以開始為平保計每股價值:

07年底平保整體每股內含價值: 21元人民幣
壽險業務:扣除持有償付能力額度的成本後的一年新業務價值用保守的20倍計: 1x20=20元人民幣
財產保險以15倍PE計: 0.29 x 15 = 4.35元人民幣
銀行業務以15倍PE計: 0.215 x 15 = 3.225元人民幣
證券業務以15倍PE計: 0.209 x 15 = 3.135元人民幣
其他業務以15倍PE計: 0.452 x 15 = 6.78元人民幣

所以平保起碼每股值: 21 + 20 + 4.35 + 3.225 + 3.135 + 6.78 = 58.49 元人民幣

另外, 今晚已經見到945宏利的股息入左銀行戶口, 有2812.62.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

次按風暴接近尾聲的徵兆

BEAR STEARNS 貝爾斯登股價由52週高位159.36美元最低曾經下跌至2.84美元, 跌幅高達98.2%, 筆者相信貝爾斯登的壯烈犧牲, 係美國次按風暴接近尾聲的徵兆.

不過, 無論係唔係接近尾聲, 筆者仍然會繼續保持100%持股, 繼續月供股票計劃, 繼續以股代息增持匯豐.

另外, 匯豐明天除息, 今次可以收到大約55,093港元, 希望以股代息的換股價在125蚊以下. 明天也是945宏利派息的日子, 香港的股東每股將會收到0.24加元的75%, 即係0.18加元, 我可以收到大約2800蚊股息. 明天也是3328交行和2318平保公佈07年度全年業績的日子.

另外, 今日發生左件小事, 今日筆者去經紀行拿轉名的股票, 發覺招行張股票上的地址寫錯左樓數, 馬上填左張修改地址的表格寄去中央證券登記處. 此外, 今日順便將8000股新加碼的3328交行提貨轉名. 我記得中資股派息好慢, 應該趕得切完成轉名.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

回應網友alyeung2000的私人留言

網友alyeung2000對筆者有以下的留言:

"Many people sold 100% of their stocks when HSI was over 30,000.

AND, they still have 100% cash today. You? 0% cash today.

You think you are smart? Many are indeed smarter than you."

網友alyeung2000係以私人留言的方式, 相信係顧及筆者的面子, 首先多謝alyeung2000兄手下留情. 不過筆者想公開回應, 希望alyeung2000兄唔會介意我將你私人的留言公開出來.

首先, 筆者絕對唔會否認股票市場上有好多好多的人比筆者smart, 財經知識和見識比筆者更優勝. 不過, 筆者想講, 即使時光倒流至去年恆指在30,000點樓上, 筆者也唔會沽清手上的持股, 將現金水平增加至100%, 因為匯豐和宏利佔筆者的股票組合接近70%, 而筆者從來都唔覺得宏利, 尤其是匯豐的股價試過高得過份, 所以筆者沽到盡都係沽30%股票, 仍然會保留匯豐和宏利一股不沽.

今日港股幾乎全面下跌, 恆指以接近全日最低位收市，收市報２１０８４點，重挫１１５２點或５﹒１８％；國指也下瀉８５４點或７﹒１８％，收市報１１０３７ 點. 不過, 筆者仍然持有全部股票組合, 一股也無沽過. 當然, 筆者也沒有資金增持, 因為已經係100%持股 (唔計20萬匯豐ELI). 月尾出左糧另計.

另外想講, 雖然個人覺得I-Bank 唔係好的投資對象, 因為盈利太波動, 賺大錢就益管理層, 蝕大錢就累股東. 但如果JPMorgan Chase 可以用2.03蚊的賤價收購Bear Stearns , 又唔錯bor. Jamie Dimon 果然係福將.


最後回應Keith : 我無意借貸買股票, 因為自己就來成家立室, 要顧及未來老婆的感受, 唔想令佢太擔心.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

傳統智慧

睇番我於07年10月21日的網誌, 我發覺傳統智慧的確有參考價值. 當日係星期日, 而07年10月19日星期五恆生指數收市報29,465.05點. 其實, 呢d傳統智慧同巴菲特的名句有異曲同工之處, 投資致勝之道在於: 在別人恐懼的時候你要變得貪心; 在別人貪心的時候你要變得恐懼.

以下係當日網誌的內容 (註: 筆者現時又回復100%持股):

http://mrmarketofhk.blogspot.com/2007/10/3_21.html

今次牛市3期的徵兆(現象)

1. 城 市 論 壇 以股市為主題
http://www.rthk.org.hk/rthk/tv/city_forum/20071007.html

2. 新聞透視 (唔係財經透視)以全民皆股為主題

http://www.youtube.com/watch?v=rTkWyfxE4T0&feature=PlayList&p=8498214E155537FD&index=0

3. 少年股神出現在報紙頭版
http://www1.appledaily.atnext.com/template/apple/art_main.cfm?iss_id=20071019&sec_id=4104&subsec_id=11866&art_id=10311054

4. 股神沽857自嘲賣 得 太 快
http://www1.appledaily.atnext.com/template/apple/art_main.cfm?iss_id=20071020&sec_id=15307&subsec_id=15320&art_id=10314543

今次牛市3期可以持續幾耐, 1年, 2年, 我唔知, 不過見到以上的徵兆(現象), 我更加堅信現時增持現金至30%係正確的做法.

回應Bandy: 增持現金至30%係指07年10月21日當日的情況, 現時唔計投入20萬於匯豐ELI, 我已經回復100%持股. 筆者今日重溫當日的網誌的目的係想講, 根據傳統智慧, 股市到了出現以上呢D現象, 就算個市繼續升, 都應該驚, 都應該有一絲的恐懼之感. 相反, 到了今時今日, 個市即使大跌, 也無需要太恐慌.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

好股票要像心愛的古董一樣珍藏

星期五美國道指下跌194.65點, 匯豐於美國ADR股價下跌3.27%, 原因係繼凱雷資本無力償債後, 美國第5大投資銀行貝爾斯登宣布面對流動資金不足的問題, 股價一度跌超過50%,收市亦跌47.37%, 貝爾斯登過去52週股價最高係159.36美元, 昨晚最低跌到26.85美元, 跌幅係83.15%, 一間美國第5大投資銀行的股價可以跌到咁, 驚唔驚.

雖然, 貝爾斯登係美國第5大投資銀行, 但其實佢只係2線的投資銀行, 佢現時的市值只有35.4273億美元, 相等於276.33億港元, 本地銀行東亞市值係657.58億港元, 係貝爾斯登的2.38倍. 現時美國以市值計最大的投資銀行係Goldman Sachs, 市值619.7711億美元, 第2大係Morgan Stanley, 市值436.8859億美元, 第3大係Merrill Lynch, 市值421.6149億美元, 第4大係Lehman Brothers, 市值216.9947億美元. 以前仲有一間出名的投資銀行Salomon Brothers, 係美國債券市場的翹楚, 於1997年被Travelers收購, 與旗下的Smith Barney合併為Salomon Smith Barney. 1998年Travelers與Citicorp 合併成為今日的Citigroup.

講番現時的股市, 從報紙或電視或收音機, 可以見到或聽到財經專家的口吻已經同去年年尾唔同晒, 現時的股民的心態也唔同左, 對後市不再寄予厚望, 甚至有輸少當贏的心態. 事實上, 目前仍然持有股票的人, 唔少人帳面上同之前的高峰比較, 唔見左相當一大部分, 筆者也唔例外. 不過, 筆者認為唔好灰心和失望, 優秀企業的股票應該像心愛的古董一樣珍藏, 繼續持有, 不斷收集. 最重要係檢視手上的持股, 是否盈利前景美好的企業, 否則, 就要趁市況低迷時期, 優化股票組合, 換馬至優質股. 只要手上持股全部係能夠不斷為股東賺取盈利, 就唔使擔心, 做一個輕鬆和安心的股票收藏家和股東. 現時筆者差不多係100%持股, 無意減低持股比例, 對匯豐更加係由始至今, 一片丹心, 不過,我從來無懷疑過自己係天真及傻, 我真係從未失去起初的信心和信念.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

加碼買入#3328交行

今日用埋僅有的資金買左4000股#3328交行, 持股增加至13,000股. 現時仲有20萬資金被綁在匯豐ELI, 要睇4月份匯豐股價會否高過128.7, 否則就要視乎匯豐股價來決定有無得收取年息15%, 高過122.8就有息收.

另外, 綜合網上報導, 平安保險正向國家外匯管理局申請40億歐元的外匯額度，市場傳聞平保將以20億歐元的作價收購富通集團旗下從事資產管理業務的子公司富通基金（Fortis Investments). 根據富通2006年報，旗下富通基金在2006年管理資產達到1210億歐元, 有分析員估計現時總管理資產 可能高達2400億歐元, 估計一年收益率大約有0.072%至到0.113%, 即係每年賺1.728至2.712億歐元, 以20億歐元的收購價的投資回報率有8.64%至13.56%. 目前富通基金在國內經營合資的海富通基金管理公司, 令到平保可以藉著收購涉足國內基金市場.


台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

市場先生私人強積金(13-Mar-08)

今日收到銀行月供股票的交易通知單, 由今個月開始, 月供銀碼增加至15,000蚊, 所以每隻股票買到的股數都多左. 由於近期股市下跌唔少, 所以個私人強積金組合以今日收市價計, 有10.16%的帳面虧損, 不過, 月供股票係長期的計劃, 股價下跌其實係好事, 唔信? 幾年後, 甚至十幾年後就可以見到功效.

另外, 雖然今日股市大跌, 恆生指數全日收市跌1,121.12點, 但唔會影響和改變我繼續保持接近100%持股的狀況, 也唔會改變繼續月供15,000蚊股票的做法.

另外, 最近有關2628中國人壽的新聞包括:

1. 中國人壽將率先採用與美林公司共同編制的美林BookMark持有到期債券指數作為債券投資業績考核的基準。原因係中國人壽債券投資的主要目標之一是匹配未來公司資產負債現金流，而不是像基金公司等其他機構投資者那樣，以頻繁地進行二級市場操作賺取差價為目的。

2. 中國人壽未來的投資重點將會係債券、基礎設施、銀行股權等, 今年在港口、電力、公路等基礎設施方面會有幾個投資計劃逐步落實.

3. 中國人壽投資中國農業銀行、國開行、徽商銀行的工作在進行中。

4. 盡管08年A股市場將可能保持劇烈震盪的格局, 中國人壽沒有大量減持A股。

5. 中國人壽一直關注對外投資事宜。次貸危機確實使很多海外並購的機會乍現, 但目前還不能對次貸的風險做出明確的判斷，在這種情況下不能輕易出手. 不過, 第二季度之後可能係中國人壽進行海外收購的好時機，國壽的海外並購目標包括美國、歐洲的銀行、保險公司、基金管理公司或者信托投資公司。

從緊的貨幣政策對中資銀行的影響

總理溫家寶在第十一屆全國人大一次會議上提到今年要實行從緊的貨幣政策。 到底從緊的貨幣政策對中資銀行有什麼影響呢? 目前中國商業銀行80％左右的收入是來自于信貸利息收入, 呢種收入結構唔健康, 從緊的貨幣政策提供機遇俾國內銀行去調整收入結構, 即係迫國內銀行想辦法去增加非利息收入. 另外, 銀行靠信貸的高速增長來維持利潤的增加係幾危險的, 美國次按風暴就係前車可鑑, 從緊的貨幣政策有利銀行強化信貸風險管理.

不過從緊的貨幣政策對銀行也有沖擊. 銀行的流動性無可避免會被收緊, 需知道唔少企業係靠新借貸去還舊債, 或者靠A銀行的貸款去還B銀行的債. 從緊的貨幣政策會令到一些企業出現流動資金不足或者未能及時得到供給, 咁會增加銀行的信用風險 (credit risk), 撥備也會相應增加.

另外, 從緊的貨幣政策通常意味銀行要購買央行票據, 結果係銀行低收益的資產比例增加, 對銀行的盈利有負面影響.

不過, 我仍然認為金融股, 包括中資金融股係長線投資的好對象, 我的股票組合, 95%係金融股.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

買入2000股中國人壽

最近股市下跌, 尤其是中資金融股股價表現疲弱, 不過我自己目前就幾乎係100%持股, 無資金加碼, 昨天問細妹儲夠錢未, 佢地話都儲左一些, 我俾永久組合(5, 945, 2318, 3328, 2628, 3968)佢地選一隻, 結果選左2628中國人壽. 所以, 今日我幫佢地以27.75買左2000股.

如果你問我, 中資金融股包括中國人壽股價會唔會再下跌, 如果下跌, 會跌到幾多, 老實講, 我唔知, 股價短期的走勢我唔識估. 匯豐公佈業績之前, 幾乎間間大行都睇淡, 里昂的目標價甚至低到得80蚊, 現在次按的影響已經無晒嗎? 當然唔係, 連巴菲特都話美國經濟可能已經進入衰退, 但最近匯豐股價好強勢, 股市短期的走勢點樣去估?

所以, 我認為有閑錢, 股市下跌, 就買些優質股, 然後放埋一邊, 唔使理會佢, 幾年後, 甚至十幾廿年後, 相信有可觀的回報.

另外, 中銀月供股票應該今朝買貨, 希望今次買到好價錢.

今晚睇一個電視新聞講到現時美國的豪宅因為價錢下跌唔少之後, 對外國人的吸引力大增, 新聞當中有對歐洲夫婦話佢地買左間豪宅, 因為樓價由之前的三百幾萬美元平左足足一百萬美元, 另外歐元對美元又升值左唔少, 佢地覺得現時美國的豪宅好抵買, 現在唔買將來實後悔. 我唔知呢種情況現時有幾普遍.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

中國債市與通脹逆勢而行

一般來講, 如果市場預期利率上升, 會提高債券的殖息率的要求, 債券的價格就要下跌, 因為票面利率(coupon)是固定的. 不過,利率並非唯一影響債券價格的因素, 如果資金因為某些原因而湧入債券市場, 即使預期未來利率會上升, 債券的價格一樣會上升(即係殖息率會下跌).

根據報導, 踏入08年, 在中國通貨膨脹率大幅上升以及預期今年人行仍會加息的同時，中國國債卻出現了價格上升、收益率下降的情況, 中國財政部發行的基準7年期債券的收益率從2007年底的4.37%跌到了4.01%。原因之一係人行採取措施減緩貸款增長, 國內銀行資金缺乏投資渠道而大量買進國內債券。

06年底, 2628國壽債券資產佔總投資資產52.1%, 其中大部分係歸類為持有至到期日和可供出售, 即係債券價格升跌唔影響盈利(損益表). 但人壽保險公司每期收到的新保費要投資, 或者係現有債券到期再投資, 就會受到目前債券殖息率高低的影響. 換句話說, 銀行同保險公司爭相購買債券, 而影響債券殖息率下跌, 對保險公司的淨投資收益率有負面影響.

另外, 最近多左人講現時係熊市, 投資應該保守d, 減持一些股票. 現時我幾乎回復100%持股, 對我來講, 通常係股價越跌我越有興趣買股票, 股市越低迷我越安心持有股票.


台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

筆者的第2本書

承蒙出版商的支持, 筆者的第2本書將會於短期內發行上市. 無論係出書也好, 寫BLOG也好, 都係一種渠道去分享筆者的經歷和見聞, 無論做對買賣還是做錯買賣, 無論賺左錢, 還是蝕左錢, 都可以分享, 投資需要不斷學習和改善, 最重要係最終能夠到達財務自由的目的地, 而且唔影響到生活和健康, 歡迎大家指教.




台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

人壽保險股的估值方法

見到網友無名士有以下的留言:

"請注意, 新加坡的投資公司, 即淡馬錫, 功能是為公幣搵投資出路, 為公幣進行資產增值.
至於金管局, 角色類似中央銀行, 負責監管金融機構及貨幣發行, 在新加坡, 具相同角色的機構為新加坡金融管理局.
即使98年香港政府入市買股票, 以及去年買港交所股份, 都是以政府的名義, 同金管局無關.
所以兩者不可以相提並論. 這是金融常識"

首先, 我多謝該網友的指教. 照我所知, 新加坡政府設立新加坡金融管理局、新加坡貨幣發行局和新加坡政府投資公司來執行金融監管、貨幣發行和管理外匯儲備的職能. 而從香港金管局的網頁睇到金管局有以下主要的職能:

1. 維持港元匯價穩定
2. 透過穩健投資策略，管理外匯基金（即香港的官方儲備）
3. 促進香港銀行體系穩健
4. 發展香港金融市場基礎設施，使貨幣暢順流通

換句話說, 香港金管局係做埋管理和投資外匯基金的工作, 其實, 一直以來, 都有學者提出, 香港應該成立類似新加坡政府投資公司的機構代替金管局去管理外匯基金.

以上只係筆者有限的金融知識, 有錯歡迎指正.


另外, 回應網友Kelvin K 有關評估中資金融股的合理價格. 首先講人壽保險股, 我會用以下的方程式去計人壽保險股的估值:

最新每股內含價值 + 一年新業務價值(每股) x 一個倍數 = 每股合理股價

呢個倍數係幾多先合理, 我認為可以用類似PEG的概念, 設立一個叫做NBMG (New business multiplier to Growth ratio). 即係話, 一間人壽保險公司的一年新業務價值增長越勁, 值得更高的倍數.

至於2628國壽值幾多倍, 因為手上只有2004至2006年 3年的數據, 似乎唔足夠去定呢個倍數.

從歷史的數據去睇, 以945為例, 從我手上的資料, 呢個倍數大約係14至17倍. 而2628大約係四十幾至五十幾倍. 註: 係指歷史數據, 唔係指945或2628值唔值呢個倍數.

最後回應無名士: 同意3968現價並非好平, 所以分段買入或者月供係可行的做法.

另外, 以後大家留言最好唔用Anonymous 的身份, 起碼都改個名.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

如果

如果金管局好似新加坡政府投資公司咁注資受次按影響的美國金融集團, 今時今日一定被政客大肆批評. 睇網上報導有人計過新加坡國有投資機構淡馬錫前一排注資花旗集團68億美元和瑞士銀行97億美元，兩者股價已分別再挫跌17%與44%. 另外, 阿布達比投資局去年11月投入75億美元買下花旗集團4.9%股權，從那時至最近，花旗股價已經跌左28%。商品大王羅杰斯表示，美國銀行股可能會進一步下滑, 呢d國家主權基金回本的希望渺茫。

筆者係一個樂觀的投資者, 我相信4,5年後, 美國金融集團的股價比現時上升一倍的機會比繼續下跌大好多. 如果現時筆者手上仲有現金, 我會趁今日跌市買金融股, 例如3328和3968. 不過現時筆者已經無乜多餘現金, 所以, 現在可以做的, 就係繼續持有手上所有金融股, 繼續月供金融股, 繼續利用以股代息增持匯豐. 然後, 一切如常地工作和生活.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

平保融資的目的

從目前見到的蛛絲馬跡睇來, 平保今次巨額融資的目的之一係有收購目標, 而收購目標係在歐洲, 而其中最大可能係英國保誠集團. 平保的常務副總經理兼首席保險業務執行官梁家駒以前係保誠集團大中華區執行總裁, 對保誠可謂知己知彼. 事實上, 在國內, 平保面臨的競爭也越來越大. 目前有多家國內銀行遞交了參股保險公司的申請或者表達了參股保險公司的意願. 其中建行計劃以12億元收購幸福人壽保險51%的股權；交行也計劃收購中國人壽集團有意轉讓的中保康聯人壽50%股權，北京銀行則計劃收購中國太保集團手上的太平洋安泰人壽50%股權。而招商銀行也有意收購與其同屬「招商局系」的信諾人壽身50%股權。

另外, 在電視新聞睇到, 為舒緩國內通貨膨脹的壓力, 相信未來人民幣升值的空間會增加, 升值的步伐會加快. 現時台幣也升值唔少, 台股向10000點進發, 連商品大王羅傑斯也睇好台股. 最近外資保險資金紛紛投資台灣房地產市場. 而有些台資工廠商因為國內勞動法將工廠搬遷去越南.

另外, 筆者今日再將月供股票的金額進一步提高至15,000蚊, 包括2318, 2628, 3328, 3968, 945各3,000蚊. 以後每個月可以支配的零用錢又少左.

利益申報: 筆者仍然持有13,000股2628和8,500股2318, 以及一些月供股票累積的碎股.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

平保再融資方案投票結果

我有個表哥在美國經營物業貸款生意, 不過我從來無請教佢呢方面的知識, 到底美國人如何面對負資產物業, 會唔會斷供, 選擇破產, 讓銀行收回物業, 還是繼續供款, 始終美國人的文化同香港人唔同, 有機會我都會同美國藉的同事了解多d呢方面的情況.

我每年都會收到幾張美國寄來的美金支票, 每次我都會去某銀行入票, 通常佢地的做法係買左我張支票, 收我150蚊左右的手續費(呢d就成為銀行的非利息收入), 然後結算完之後轉回港元存入我戶口 (銀行又賺一筆外匯轉換差價), 另外, 銀行一方面會盡快去結算收錢, 另一方面會盡量拖遲入錢落我戶口, 假設銀行提早一日收錢, 拖延一日入錢落我戶口, 期間將呢d錢於同業市場拆放, 又賺一筆利息收入.

今晚在網上睇到報導, 直至18時22分，平保A股8,000名股東代表持56億股參與A股增發投票(包括現場投票結果和網上投票結果)，結果顯示：92%贊成，6.22%反對，其餘為棄權票；分離交易可轉債的投票比例93.1958%贊成，5.6191%反對，1.1851%棄權。根據分析，平保再融資方案估計最終會獲通過。


另外, 網上睇到有關2008年1月北京壽險保費收入排行榜. 1月份整個北京市壽險保費收入為65.89億人民幣, 較去年同期增加50.22%, 排名第一係2318平保, 保費收入有8.9638億人民幣, 2628國壽只係排第三位, 保費收入有6.0242億人民幣.


台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

負資產與銀主盤

舉例, 你以200萬買左一個物業, 付出60萬做首期, 問銀行借70%即係140萬做按揭. 假設之後樓價跌左50%, 得番100萬市值, 你係唔係一定會選擇斷供, 讓銀行收返個物業變做銀主盤, 問題就可以解決呢? 未必, 因為你仍然需要地方住, 問題只係租還是繼續供按揭貸款. 不過, 如果你又失業, 物業又成為負資產, 咁可能會選擇一了百了, 斷供由得銀行收番個物業. 所以一般來講, 業主會否斷供以致按揭物業成為銀主盤, 同業主是否仍然有工作收入的關係大過個物業是否成為負資產. 換句話說, 銀行的按揭斷供率同就業情況的關係大過樓價下跌. 所以, 未來美國的就業情況對銀行按揭貸款的斷供率和壞帳影響至大.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

歡呼喜樂吧, 固執的匯豐股東!

今晚見到匯豐出07年度全年業績:
1. 未扣除貸款減值及其他信貸風險準備之營業收益淨額為789.93 億美元，較2006 年增加136.27億美元，或21%。
2. 2007 年的貸款減值及其他信貸風險準備為172.42 億美元，較2006 年增加66.69 億美元。(筆者: 減值準備1,345.04億港元, 差不多可以買起2間#23東亞銀行)
3. 營業收益淨額上升13%，達到617.51 億美元
4. 股東應佔利潤上升21%，達到191.33 億美元
5. 每股盈利上升17.9%，達到1.65 美元, 或相等於12.87港元 (筆者: 今日收市價119.3計算, 市盈率9.27倍, 真係好平)
6. 2007 年第四次股息每股0.39 美元, 2007 年全年派發股息每股合共0.90 美元，比2006 年增加11.1%
(筆者: 連續15年，每年派息增長10%或以上)
7. 於2007 年12 月31 日的資產總值達23,540 億美元，比去年同期增加4,940 億美元，或27%。 (筆者: 一般來講, 銀行的盈利同資產總值成正比例的關係)
8. 平均股東權益總額回報率15.9%, 去年同期為15.7%
9. 每股資產淨值上升至83.59 港元 (筆者: 里昂早前俾匯豐的目標價係80蚊, 比每股資產淨值仲要低, 有本事就沽到80蚊吧)
10. 第一級資本比率維持強勁, 有9.3% (筆者: 管理層已經宣佈08年頭3季季度息係0.18美元, 比07年增加5.88%, 顯示管理層有信心累進式的派息政策可以持續下去)

11. 集團出售英國總部的收益，仍未計入２００７年業績內，(筆者: 絕對係想預留盈利空間予０８年度業績)

12. 在法國, 集團接獲一項現金收購建議, 目標是7間以非匯豐品牌經營的法國地區銀行, 作價31億美元. 整個過程希望於08年中完成.


如果你係好似筆者咁固執的匯豐股東, 就歡呼喜樂地等待收股息吧,筆者已經打算繼續以股代息, 預計可以收到超過420股, 換股價越低越好.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

平安保險傳奇

最近睇緊一本有關平安保險的書, 當中提到平保董事長馬明哲的出身係一名司機, 能夠從一名司機成為一間市值超過4500億的中國第2大保險集團的董事長, 馬明哲的確唔簡單. 於是在網上搜查馬明哲的資料, 得到以下的結果:

只有初中原始學歷的馬明哲首先是在廣東省湛江市八甲水電廠做工人，然後在當時的廣東湛江地委工交政治部擔任通訊員。馬明哲命運的轉機，發生在1983年他的一次平常的工作調動中。1983年夏，馬明哲被調動到深圳市蛇口工業區工作，就職于該地的勞動人事處。由于會開車，馬明哲就被選中擔任當時的蛇口工業區總經理袁庚的專職司機，並兼任蛇口工業區勞動人事處車隊的隊長。由于早年喪父，馬明哲一直是由守寡的許姓母親撫養長大的。單親家庭培養了他忍耐和少言寡語的性格。而作為一個領導的司機而言，這樣的性格恰恰是最合適的。不久，馬明哲就贏得了袁庚的賞識和信任。在袁庚身邊工作了兩年之後，由于精明能幹他被安排到蛇口工業區社會保險公司工作。1987年9月，時任蛇口社會保險公司副經理的馬明哲授命全面負責籌備平安保險公司，那時他的經驗也僅限于在蛇口工業區社會保險公司工作過幾年。1988年3月，由中國工商銀行和深圳蛇口工業區招商局分別出資51%和49%的平安保險在深圳正式成立。當年的馬明哲年僅32歲，作為招商局的股東代表出任平安保險董事總經理，後被任命為副董事長。

另外, 書中提到一個友邦的公關失敗的例子, 以至後來被平保搶去上海保險市場的領先地位.

1995年，一位老上海拿出解放前投保上海友邦的壽險保單，要求友邦給予賠付。然而，友邦基于法律原因不肯理賠，友邦認為，現在的友邦與解放前的友邦沒有法律上的繼承關系, 現在的友邦上海公司和1931年的友邦是不是同一個公司。不管法理如何，從情緒上，上海人認定友邦在賴賬。當時幾乎上海所有的媒體都投入到對這一事件的報道中了。1996年結束的時候，友邦的老大位置被平安上海一舉超過。在整個市場規模以百分之二、三十的速度增長時，友邦的保費收入卻跌到3.8億元，市場份額更是大跌至13％。1997年，其市場份額進一步下跌，僅佔8％。反觀平安保險，上海壽險的保費收入由1995年的2.7億元猛增到1996年9.5億元，市場佔有率達到了33％。

信用, 聲譽和形象對保險公司非常重要, 友邦當時的處理手法絕對係不明智, 未能將壞事變好事, 失去一次大好的宣傳機會, 結果因小失大.

另外想講下, 今日返完教會去食午飯, 電視直播緊沈殿霞的追思會, 鄧光榮在台上公開要求鄭少秋上台交代，當時我打個大突, 心想, 唔好0係呢d場合要人公開交代家事啦. 跟住鏡頭見到鄭少秋上台, 當時我心想, 欣宜應該陪住秋官上台, 估唔到欣宜真係識得陪住秋官上台, 仲講左非常得體的說話, 佢話今日的追思會是為紀念她的母親，不希望讓一些是非，影響到追思會. 我認為呢件事欣宜處理得非常非常之好, 非常得體和恰當.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

人身保險產品

以銷售渠道分類, 人身保險產品可被分為個人保險, 銀行保險, 團體保險.

以功能分類, 人身保險產品可被分為風險型, 儲蓄型, 投資型.

風險型包括健康險, 意外險, 定期壽險.

儲蓄型包括終身壽險, 兩全壽險, 分紅險, 萬能險. 兩全壽險即係死亡保险加生存保险, 如果投保人在保險期內身故, 受益人可以領取死亡賠償金, 如果投保人期滿仍健在, 也可領取生存保險金.

投資型主要包括投資連結險.

另外, 今日去西環剪頭髮, 然後乘坐電車慢慢由西環駛往銅鑼灣, 感覺好輕鬆柔閑. 途中見到uright的門市部, 大大隻字寫住"50蚊3件", 有d仲寫住"10蚊1件", 在車上睇唔清楚賣緊什麼衫褲, 難以想像在現時所謂負利率的通貨膨脹時期, d衫可以賣咁平. 另一方面, 我經過上環人民幣找換店見到, 現時100百港元只能換到90.7人民幣, 相信會越換越少, 所以你的資產組合應該持有多一些人民幣資產, 例如賺取人民幣盈利的國內銀行保險股.

另外, 想回應無名士: 多謝你的支持. 我寫網誌的目的係分享自己的經歷和所見所聞, 坦白講, 在十幾年的投資過程中, 我都難免犯過一些錯誤, 可以預見, 未來也會繼續有失誤, 但我會盡力去避免犯重複的錯誤和至命的錯誤. 我仍然在學習中和處於改善階段.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/