星期日, 10月 26, 2008

一葉知秋

筆者相信飲食業的狀況可以反映到當前的消費市道和經濟環境. 今晚筆者和未來太太去銅鑼灣某飲食集團旗下的一間酒樓食晚飯, 整個晚上, 計埋筆者在內, 只有3台客, 估計整個晚上的生意額唔夠一千大元, 而酒樓的伙計整晚都好遊閑, 無所事事.

另外, 坐MTR返家途中, 看某財經雜誌友好博客脫苦海兄的地產專欄, 當中脫兄提到相對其他投資工具, 物業價格下跌幅度較小, 以中原指數為例, 從高位73.24計, 下跌了9.52%至目前的66.27. 對呢個觀點筆者有些睇法. 筆者認為樓市跌得小只是幻覺. 同樓市的一些特性有關. 以股票為例, 股價下跌時, 只要有人出Ask 價沽貨, 即使無人肯買, 無成交, Ask 價也可以成為市價, 但樓價唔同, 如果上個月的成交價是300萬, 而現時樓市下跌, 業主願意以280萬放盤, 但如果買家覺得未夠低, 唔願意買, 無成交, 統計用的樓價仍然會以最後成交價300萬為準, 但明顯地, 市場願意或有機會成交的價錢其實係低過300萬. 筆者認為現時的樓市未大跌, 只是壯士未肯斷臂, 未來失業率大幅上升, 樓市才會見真章. 筆者預期, 未來每一個成交個案, 都有可能成為近期新低價.

最後附加講下大行報告的作用. 為何大行報告通常是壓死駱駝的最後一根稻草. 原因是當大家見到大行報告街知巷聞的時候, 其實大行之前一早已經叫d客仔沽晒貨, 但想像一下, 如果你叫d客仔沽左貨之後, 股價唔跌甚至不跌反升, 你會唔會俾客鬧死? 所以到套戲的尾聲, 就是出報告然後加上自己最後一腳, 到一般散戶見到報告出街而股價果然大跌, 自然信晒報告的觀點, 然後助大行一臂之力, 把股價再踩多幾腳, 套戲自然完滿結局, 客仔就滿意收貨. (聲明: 呢段純粹筆者幻想出來, 如有雷同, 實屬巧合).

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

18 則留言:

  1. 有個網站, 更話匯控會跌到40 蚊...哈
    另外, 中信d 投資人想聲討中信, 唔知係咪想要返錢, 我覺得香港好冇希望, 黨派攞油水攞到咁...........
    唉, 如果係咁, 不如將中信除牌, d 錢比返晒股東, 成個市場再冇股票算啦....

    回覆刪除
  2. 小弟呢個 weekend 亦走過出去旅行社、賣衫嘅鋪頭同埋搭埋的士,據的士司機所講,個市係差但係又唔係想像中咁差。各位小心下

    回覆刪除
  3. Re: analyst ratings

    Why else do people think the i-banks would so passionately distribute the free "advices"? ;)

    I can't remember the last time an analyst project a target price that is not an extrapolation of recent price trends.

    回覆刪除
  4. 人人都一蚊雞既時候就PK了

    回覆刪除
  5. 星期日去東海,都依然有好多客人呢?!
    個市係差但d人仲係好有錢。

    回覆刪除
  6. 我都覺得數字未反影到樓市下跌...根本咁低成交就唔足以反影樓市跌幅...買樓投資用咁多leverage...一出事...其他跌幅都可以好勁! 上年的確不少人用一成首期上車...當失業率上升...減工人出現...供唔起樓慢慢出現...就係樓市大插之時...五號仔跌到八十幾蚊...第一城跌到一百萬有咩咁怪? 最新成交有一個四百尺賣115萬...想入市買樓既我...只有靜待了...

    回覆刪除
  7. 我在國內討論區看到網友一段發言"

    "人寿的业绩其实是亏损的 - 2007年每股净资产6.02元,2008年中报每股净资产4.51元,明摆着半年就亏损1.50元. 如果中报盈利3角,净资产应增加为6.3元,扣掉分红的3角,每股净资产应是6元才对,净资产减值300亿元还说是盈利,还不够假?这是基本常识."

    請先生給予意見. Thanks.

    回覆刪除
  8. 从先生描述的饮食业状况看,香港影响比内地严重很多。在内地还未发现如此萧条的饮食业(起码我没发现),某些还很旺甚至每日要等位。

    回覆刪除
  9. 其實樓市己經出現恐慌性下挫,只是中原指數反應唔到.

    回覆刪除
  10. Mr Market,

    It is not imagination, it is very logical. I didn't think of that. Thank you for waking us up.

    The worst time has not yet come. Laying off of staff is still going on. When people lose their job, what will happen to their housing loans? ........property price.... Then credit card default payments........banks.....no eye see la.

    dawn

    dawn

    回覆刪除
  11. your comment on the property market is very good. We may need to wait two or three month to see the actual market price.

    回覆刪除
  12. 今天以77.5買了1手匯豐,入咗市個人會更留意市場走勢.

    回覆刪除
  13. 大行報告有時真係玩死人,所以都係只作參考 !

    回覆刪除
  14. 其實有冇朋友做fund manager?有的話問問佢地點決定入市同出市.

    Soros個fund 30幾年都賺錢.就係99年無入科網股benchmark唔倒其他人就要收工.

    而家performance差無人會話你屎.不過人人賺大錢的時候你賺少錢就係你屎.

    大行既報告真係參考,匯豐個P/B底過1係同美國銀行benchmark,其實係無得比的.

    回覆刪除
  15. 中信呢件事兩個阿頭真係要同股民交待.

    唔係炒兩個人就算.係企業governance問題.

    阿爺97年救過一次,今次阿爺再出手.睇怕佢唔坐得幾多年.

    回覆刪除
  16. 施永青先生話樓市第一下會跌15%,依家樓市只係跌左10%. 跌完第一次,會再跌,跌幾多就要視乎未來大市走勢而定.

    回覆刪除
  17. 再多口講句, 大行報告只係大行其中一種操控市場手法, 如果大行降低某某公司評級, 或者話某某公司既股息大減, 咁大家就要小心諗下呢d 說話既背後既意思喇. 最後有人沽貨, 就梗有人買貨架啦, 呢d 咪所謂既財富轉移囉!(聲明: 呢段純粹筆者幻想出來, 如有雷同, 實屬巧合:)

    回覆刪除
  18. 回應無名士: 香港政客的質素, 大家心中有數.

    回應市場維京人: 就業和消費無可避免會轉差.

    回應another value investor: 分析員只是順著市況, 提升或下調目標價.

    回應ngkf: 市道會越來越差, 不過仍然會比悲觀的人想像中好.

    回應艾芬鄧: 香港仍然有唔少有錢人, 但對前景的信心無可避免係差左.

    回應無名士2: 我期待明年買樓.

    回應無名士3: 有盈利唔等於資產淨值唔會減. 例如, 可供出售金融資產的浮虧會令到資產淨值減少, 但不影響損益表.

    回應gigi : 我遲d會上大陸觀察.

    回應散仔: 樓市必然下挫, 只是時間, 速度和幅度的問題.

    回應dawn: 經濟最壞的情況未見, 但股市最壞的情況就唔知.

    回應Big Ox: 明年我會買樓.

    回應巴林 , 無名士4: 大行報告都有值得睇的地方, 但所謂目標價就唔好信了.

    回應ngkf : 有時企業內部的事情未必可以講得清楚.

    回覆刪除