星期四, 10月 09, 2008

沽出人民幣, 買入永久組合

筆者仍然堅持現時是收集優質金融股的時候, 所以會想盡一切辦法去增持永久組合. 趁著今天放假的機會, 筆者沽出手上持有的人民幣, 然後分別以230.4買入100股945宏利, 持股增加至2,100股. 以及, 以5.76買入2,000股3328交行, 持股增加至26,000股. 另外, 今日分別收到匯豐以股代息的股票, 今次換到221股, 以及渣打以股代息的股票, 今次換到4股. 永久組合最新情況如下:



現時筆者最注重的是, 永久組合各成員的持股有多少, 看著股數越來越多, 就越開心和滿足. 筆者會安心等待風暴過去, 相信未來可以迎接豐盛的收穫.

台灣yahoo: http://tw.myblog.yahoo.com/mr-market/

新浪Sina: http://graham_choi2003.mysinablog.com/

香港yahoo: http://hk.myblog.yahoo.com/mr-market/


張貼者： 位於
標籤：

34 則留言:

  1. 匿名10/09/2008 11:12:00 下午

    我都考慮緊沽人仔債買入股票~ 隨著減息週期，我覺得人仔有下跌既趨勢

    先生點睇人仔?

    回覆刪除
  2. 匿名10/09/2008 11:24:00 下午

    你對2628同2318的估值怎樣去看?
    2628,2318的EV今年都會下跌了, 玩價睇落不是好貴嗎?

    回覆刪除
  3. skm10/09/2008 11:29:00 下午

    先生的減肥計劃又如何？

    回覆刪除
  4. Prince Edward Diary10/09/2008 11:38:00 下午

    市場先生:

    點解你仲咁睇好945，我有小許擔心佢既業務受到credit crunch 好大影響，係 US 既 Met Life都唔多掂，保險股家下好似日日比人追殺咁，唔知市場先生既average price係幾多呢?

    回覆刪除
  5. 匿名10/09/2008 11:40:00 下午

    先生大婚將近. 要留番D錢傍身呀.

    我和先生一樣,想盡辦法去增持.可惜巳經無銀用了.還好仍然有月供.

    今次美國真係80年一遇.真係想借D錢再增持.不過想深一點,有債在身就沒有現在平安的感覺.

    回覆刪除
  6. PGHK10/09/2008 11:56:00 下午

    買股票不如做定期...
    介紹呢排o的超高定期俾你地..
    中信嘉華: 活定期高息存款戶口
    http://pghk.blogspot.com/2008/10/blog-post_602.html
    最近高息定期一覽
    http://pghk.blogspot.com/2008/10/blog-post_09.html
    豐明Plus高息理財支票戶口
    http://pghk.blogspot.com/2008/10/plus.html

    回覆刪除
  7. 匿名10/10/2008 12:44:00 上午

    請問有咩方法可以一次過將d人仔換番晒hkd

    回覆刪除
  8. 市場先生10/10/2008 01:08:00 上午

    回應rachel : 我認為來緊人民幣升值的速度和幅度會放緩. 係時候趁現時股市低迷, 由人民幣換馬至優質股.

    回應Bao : 2628,2318的EV下跌只係今年的事, 相信最快明年可以回復上升.

    回應skm : 減肥計劃不太理想.

    回應Prince Edward Diary : 我對945的平均持貨成本低過100蚊. 暫時未有數據顯示945受到結構性的影響, 無需太擔心.

    回應ngkf : 不贊成借錢買股票, 短期股價的波動可以非常不理性, 而且你唔知低迷的市況會持續多久. 另外, 多謝你的提醒, 結婚的確需要留多一些現金.

    回應pghk : 多謝資料.

    回應無名士: 去找換店, 一次換幾萬蚊無問題.

    回覆刪除
  9. 匿名10/10/2008 06:01:00 上午

    不要奢望金融海嘯很快過去，曾司長話金融風暴重未打到黎香港，睇黎壞消息陸續有來...

    回覆刪除
  10. 熱愛生活的steve10/10/2008 07:09:00 上午

    大陸銀行如工行, 建行值唔值得買?

    回覆刪除
  11. 匿名10/10/2008 09:30:00 上午

    ...師兄真係好強! 要做到師兄咁真100%持股真係唔容易! 我50%係人仔...都諗過放晒佢增持股持...但可惜全部係大陸定存同人仔bonds...唔容易轉返做港幣...亦可能十分唔著數...>.<...希望定存下年到期..仲有低位畀我入市啦!!

    回覆刪除
  12. 匿名10/10/2008 11:56:00 上午

    Dear Mr Market,

    If you have time, pls visit my blog & give me some comments!!
    http://hk.myblog.yahoo.com/paper-wargame/

    回覆刪除
  13. 匿名10/10/2008 01:12:00 下午

    我都是採取愈跌愈買優質股的策略，長綫持有。
    今次的風暴確實厲害，我最近仍買入約15元的神華，打算再跌再買，下次的對象是渣打。
    以現金買貨而言，此策略風險實有限，但要基於以上假設︰
    1)股份不會破產
    2)金融風暴總會平息
    3)經濟及信貸會再度擴張

    大家同意嗎？

    回覆刪除
  14. 匿名10/10/2008 02:38:00 下午

    我都有此打算．．．

    回覆刪除
  15. 匿名10/10/2008 04:11:00 下午

    我都有繼續買入3328股票,hehe... 自從諗通左之後, 真係覺得跌市真係完全唔可怕, 最怕, 最可恨既只係冇錢入平貨~~
    我身邊既人全部都同我講"依家唔好入呀, 唔知跌到幾時", 呢個邏輯我真係唔明, 你永遠唔會知幾時係底, 再跌, 有錢咪再買lor~~~
    不過我知道, 跌市唔敢買既人, 升市佢地會一樣唔敢買, 佢地會等到升返一段日子先會醒覺, 而如果呢班人之前止左蝕, 往往會o係高過佢地既止蝕位買返股票....結果都唔知為乜...

    題外話, 我感覺蒙牛真係有心想攪返好個聲望, 登大大版報紙聲明~~我有少少明白先生欣賞蒙牛的地方, 當然, 市場幾時會接納返, 仲要睇好多因素, 呢樣大家都唔知~~~

    回覆刪除
  16. 匿名10/10/2008 04:26:00 下午

    Mr Market︰
    我很佩服你的 EQ。2628 已跌至 $21.X，2888 已跌至 $14X。你過去試過有同樣的經歷，即是帳面蝕很多，但安然渡過嗎？我現在帳面 蝕 3成，雖不至於絶望，但都有些抑鬱。
    請給大家一些信心，但願你的「都過去的」會成真。
    mak

    回覆刪除
  17. 匿名10/10/2008 05:53:00 下午

    仲有呀，結婚諗住要使幾多錢呀？多多指教！

    同埋邊度搵度市場先生既相片？其實市場先生幾多歲呢？

    回覆刪除
  18. 匿名10/10/2008 09:35:00 下午

    市場先生︰
    你好。我是你 Blog 的長期讀者，我都和 mak 有相同感受，佩股你的 EQ。看一看你的私人強積金，帳面應蝕了頗多。(#945 今天跌至 $20X)。雖然是帳面值，但換著我，我都會不開心 (我都在 2628 上輸了很多。)正如你買一部電腦，年頭買要 $5000，10 個月後只要 $2000 就可以。雖然中間會收息，但或多或少都心有不甘。
    請問先生如何克服這心理障礙呢？

    回覆刪除
  19. 匿名10/10/2008 10:39:00 下午

    先生 ,我是你的長期讀者 ,記得以前你的組合裡是沒有 3968 的 ,然後你說有一天你看了一本書, 便決定把招行加到你的永久組合. 請問是什麼原因呢?我很想聽聽你的見解,還有那本書的書名是... ?

    回覆刪除
  20. 市場先生10/10/2008 10:57:00 下午

    回應無名士: 現時買股票或者持有股票, 應該用做股東的心態, 作長期投資的準備. 我相信金融海嘯一定會過去的, 但什麼時候過去, 並不太重要.

    回應熱愛生活的steve : 工行和建行之間我會選工行, 值得長線投資.

    回應無名士2: 我都有一些人民幣存在大陸的工行, 做左定期.

    回應紙上談兵: 有時間會睇.

    回應投資王: 好同意你的假設. 愈跌愈買優質股, 以及長綫持有, 也是我的投資策略.

    回應小窮神 : 通常大跌唔敢買股票的人, 到了股市升到瘋狂的時候, 就會敢買了.

    回應mak, 無名士3: 其實股市風浪大同小義, 當升到某階段時, 就會有人認為"今次升市同以前唔同", 同樣地, 當股市跌到某
    階段時, 就會有人認為"今次跌市同以前唔同".

    回應X力臣: 私隱

    回應Calculator : 我一直都很喜歡3968招行. 不過, 自從招行以3倍P/B買永隆銀行, 我的確有d唔喜歡.

    回覆刪除
  21. Prince Edward Diary10/10/2008 11:22:00 下午

    市場先生：

    945 家下日日幾十蚊幾十蚊咁跌，其實好考EQ，不過如果有份工，我會逐小逐小買，不過Insurnace stock 比 AIG and MetLife攪到大家都唔多信insurance stock 今日日本既 insurance company go bankrupty. 我唸there is going to be more panic ahead. 我家下現金唔多，唔可以亂咁出擊，可能要150買再買一注了.. 你對長線保險既發展會點? 其實多d bankrupt 對945係好，都冇對手，仲唔好咩..

    回覆刪除
  22. Terence10/10/2008 11:23:00 下午

    我就相反,經此一役,更加認清左,catching the falling knife唔係個個岩用.
    要一D有又密又大既CASHINFLOW既人先執行到.

    我就算了.

    回覆刪除
  23. Cory10/11/2008 02:26:00 上午

    看見北美地區咁搞法, 加上人口結構問題, 我真係唔會買宏利.

    無對手未必一定係好事, 保險公司亦會擠提, 呢種連鎖反應對於保險公司好傷.

    除非宏利可以鞏固新增長點, 例如收購AIG 既亞洲地區業務

    回覆刪除
  24. 匿名10/11/2008 03:11:00 上午

    日日係咁跌, dj幾百幾百咁跌, hsi千幾千幾咁跌, 雖然9月開始月供2628, 但係仲有堆國企蟹貨, 大幅貶值, 得番3成 (心軟無止蝕, 唉!), 真係心淡, 佩服先生經常處之泰然.

    大跌市, 的確係出手的時候, 但都要慎防佢低空橫行幾耐, 始終一個小老散, 資金有限, 如果太早消耗晒彈藥, 但如果大吉利是講句, 到2011年先好番, 咁就大平賣都唔關自己事, 講講下, 又好似講到去"估底"添. 凡人如我, 點估到底.

    最擔心, 始終係經濟差, 公司要cut cost,被炒就大檸樂.

    回覆刪除
  25. 匿名10/11/2008 07:46:00 上午

    請問市場先生, 有無擔心歐美樓市咁落去, 連prime mortgage 都會受影響, 因經濟衰退似乎好難避免呢.

    回覆刪除
  26. 匿名10/11/2008 10:44:00 上午

    我比較認同 terence lam, 只能說市場先生係和我在不同的賽道

    雖然現在平貨處處,自己亦十分心動,不過我要提醒大家,要和市場先生一樣 100% 持股和愈跌愈買要有兩個前題

    1)你有份工
    2)你起碼有 6 個月現在月薪的 reserve (不能用來買股票,要 cash) 以備不時之需

    始終你份工係受人控制,你表現好,間公司玩完一樣死

    市場先生認為如何??

    回覆刪除
  27. 匿名10/11/2008 02:57:00 下午

    回應 cory:
    366 同945 比較邊隻好o的??

    回覆刪除
  28. 匿名10/11/2008 08:53:00 下午

    已於週五的跌事中全資持貨。先生會否於跌市中調整自己的投資組合，沽出弱勢股換入強勢股等等...？
    http://hk.myblog.yahoo.com/paper-wargame

    回覆刪除
  29. 匿名10/12/2008 06:15:00 下午

    will goodwill of 40,786 (US Million) been impaired in coming yrs ?

    http://www.hkexnews.hk/listedco/listconews/sehk/20080814/LTN20080814148_C.pdf
    ==> P.208

    thks !

    回覆刪除
  30. 市場先生10/12/2008 09:35:00 下午

    回應Prince Edward Diary : 今次的風暴源於美國金融業, 然後橫向發展到歐洲, 亞洲, 以及其他新興市場, 日本大和生命保險已經破產. 不過, 由於銀行業是百業之母, 所以金融風暴無可避免會向下游傳導, 其他行業都會受到影響, 近年大肆擴展業務以及高負債的公司影響最大. U-RIGHT倒閉, 顯示零售業之困難, 零售業的下游, 例如收租股也將會受害. 其實行業例如汽車製造和銷售也必受害. 所以金融業一定唔係唯一, 甚至可能唔係最傷的受害者, 因為各國政府首先要救一定係金融業先. 至於金融業內, 當然有強者和弱者, 有受影響較深和較淺者. 以目前披露的資料, 宏利仍然是強者. 至於保險業, 同銀行業一樣,我相信一定唔會在地球上消失.

    回應terence lam : 只要有工作, 每月仍然有現金流, 如果扣除生活所需仍然有資金剩餘, 繼續買入優質股票我認為無問題. 但無論如何, 不要借貸買股票搏反彈.

    回應Cory: 除非保險業消失, 除非無人需要再保險, 否則, 買保險的會更加注重投保公司的實力, quality player 例如宏利其實會係保險業的得益者.

    回應遊人甲, Bound : 做人要樂觀d, 只要無借錢買股票, 股價升跌只係影響帳面上財富的多少. 既來之則安之. 財富多些可以開心慶祝下, 財富少左也無傷大雅, 再儲過賺過. 毫無疑問, 現時對我來講, 仍然有份工做, 的確好重要.

    回應Tim : 房利美和房地美無涉足次按(sub-prime)以及Alt-A貸款, 因為法律對兩房的貸款要求有嚴格的規範. 兩房出事表示次按風暴已經影響到優質房貸.

    回應紙上談兵: 我無打算調整永久組合.

    回應無名士: 商譽的減值對現金流無影響, 對銀行的一級資本充足比率也無影響, 所以即使需要為商譽減值, 也無乜大不了.

    回覆刪除
  31. 匿名10/12/2008 11:23:00 下午

    市場先生你好~
    之前我分別用了13蚊同18蚊入左1800,請問而家好唔好放呢? 唉~都唔知佢有冇機會升返,定一直跌...
    另外什麼情況下需要止蝕呢?有時真係好難決定,止蝕係咪比止賺難?

    回覆刪除
  32. 匿名10/12/2008 11:48:00 下午

    Dear Mr Market,

    I am very concern about your permanent portfolio, what will be yr strategy if your job security being threatened?

    回覆刪除
  33. 匿名10/13/2008 02:40:00 下午

    先生

    閣下投資的Strategy基本上完全放棄考慮Timing這因素，我覺得不正確。恒指在32000drop下來，基本上一般人都可看出一個長期趨勢己發生改變。先生如在2萬多点發現趨勢己改變，並先行獲利，等待低位(好明顯現在仍未到長期低位)買回，相信成就更大。

    回覆刪除
  34. 市場先生10/16/2008 10:05:00 下午

    回應君: 我並無持有1800, 對1800也沒有研究. 目前, 我只會集中投資自己有信心的公司, 即係金融股.

    回應SARA: 目前, 我的工作仍然安全.

    回應無名士: 多謝意見, 經一事, 長一智.

    回覆刪除

訂閱： 張貼留言 (Atom)