星期一, 11月 12, 2007

糟糠之妻不可棄

"糟糠之妻"指的是我手上持有超過6年的匯豐, 今日匯豐股價下跌3.9, 收市報137.1, 同歷史高位比較, 下跌了16.4HKD, 或10.68%. 即使如此, 我仍然對匯豐不離不棄, 一股都無沽過, 甚至將2000股恆生換成2000股匯豐, 所以持股已經增加至17,930股. 以我手上持有的股數計, 相對最高位, 帳面財富蒸發了超過29萬, 等於我好多個月的工資, 不過我仍然以平靜的心情繼續持有, 仍然會用以股代息增持股數, 靠匯豐股息支持退休生活的計劃仍然無改變. 目前手上持有大約24%現金, 仍然有工作, 每個月仍然有收入, 一切如常, 無野需要憂慮.

P.S. 關太請留意: 匯豐07年度第4次股息會於08年3月3日公佈, 於08年3月19日除息, 於08年5月7日派發.

17 則留言:

  1. 我今日都無左1個多月人工~~'無有怕
    只怕無錢買貨

    回覆刪除
  2. 請問市場先生有冇再增持匯源果汁呀?

    回覆刪除
  3. 我的组合都蒸发了我好多个月的储蓄,但我仍昨天入市买941,我都不知道我是否发神经啦!

    回覆刪除
  4. 市場先生你好,

    我係一個多月前以 $18.18 買佐 2600,佢曾經昇到 $26 蚊但我冇賣到,放係度冇理佢之下,佢今日巳經跌到 $16,我好唔開心。我究竟應該賣佐佢定係等佢昇翻呢 (但係我驚佢會繼續跌)? 請比些意見啊, 謝謝!

    回覆刪除
  5. 先生, 你點解會咁睇好#1886匯源果汁呢? 你認為佢的增長會一年比一年好嗎?

    回覆刪除
  6. 市場先生:

    手上持有大約24%現金,相信有100萬了,如何抵擋一股不買入?


    hongkonguide上

    回覆刪除
  7. 回應Eric L: 我已經在9蚊入第2注, 現時持有8000股1886, 2000股2319. 每跌5%加碼一次, 1886下一次加碼價8.55. 蒙牛下一次加碼價29.6

    回覆刪除
  8. 回應hongkonguide: 現時手上現金超過100萬, 仍然忍得住手.

    回覆刪除
  9. 回應小興-kk : 我現時的投資方向係選擇同經濟週期關係不大的行業, 食品飲料係我的新好.

    回覆刪除
  10. 有乜野情形下會有平的股票?當然係間公司短暫唔掂的時候,例如現時的匯豐,次按撇得幾多年?但中國市場一定有佢份。

    2600一類的資源股,將會隨著商品價格上落而波動,同能源股不同,無論經濟盛衰都要用電、駕車、煮食。樓市不振的話,連鋁窗都少左人用。

    回覆刪除
  11. to 脫苦海: 好開心見到你在上此俾意見.

    回覆刪除
  12. 不用客氣,中國地產市場重演97樓市風暴的前夕,不單仍有人重視內房股,居然有人希望大炒建築股。

    人類呢種動物,仍只是不斷重複錯誤。

    回覆刪除
  13. 致市場先生:

    在 13 Nov, 2007 有以下問題,還記得嗎?

    __________________________________________

    hongkonguide said...

    市場先生:

    手上持有大約24%現金,相信有100萬了,如何抵擋一股不買入?


    回應hongkonguide: 現時手上現金超過100萬, 仍然忍得住手.
    __________________________________________

    讀過先生作品<只賺.不止蝕>現在成為你的讀者了。

    本人都是價值投資者,不過手持現金比例,佔總額只有1-2%,

    每每手持現金,會增持長線投資組合數量。看過其中一本書<漫步華爾街>A random walk down wall street, by:Burton G. Malkiel

    本人理論是分段買入長期增長股及抱著不放,與之共成長,年來有些少成積。回想1999年初加入市場,2000年跟消息抄股蝕了很多錢,於是2002-2003年收拾心情,跟尼師父,一步一步沽了手上二三線股,買入藍籌至今。手上現有四大支柱;分別是匯豐,宏利,中移動,中人壽,各佔20-25%。

    見到先生文章很高興,之前有著類似經歷,而現在又見豐盛成果。今次只是想分享睇法:

    手持現金比例少時,在升市有好處,組合增長增值較快;跌市就缺少入市資金,而且手上組合亦縮水快得多。

    手持現金比例多時,在升市時,組合增長增穩健;在跌市有好處,可以有更多資金入貨,慢慢買平貨,日後,組合增長更強大。

    如果我手上有現金超過100萬,就忍不住手了,可能在18000點前已全數全買貨了。

    閣下EQ之強,真佩服!!

    回覆刪除
  14. 匯豐07年度第4次股息會於08年3月3日公佈(即係個日公佈業績)????
    個日岩岩係hsbc 143歲生日喎
    真橋!!!

    回覆刪除
  15. To mr market

    本人現持有2098股五仔,平均價138.7,另有一手945係二百六十蚊買,一手渣打二百五十蚊買,三手交銀係八個三買,一手招銀係十七蚊買的,另外月供三千蚊, 3328, 3968, 2318, 2628。
    其實我個組合係咪有問題呢,會唔會應該減小一些匯控換入宏利會好d?

    因為我睇過你分析話保險公司風險會細過銀行
    而我組合又好似好唔平行,想聽聽你的專業意見

    回覆刪除
  16. 回應hongkonguide : 當恆生指數在8千幾點時, 我已經係好友, 已經係100%持股, 0%現金, 現時恆生指數接近3萬點, 我仍然係好友. 不過, 我認為當股市太熱的時候, 需要保持多一點謹慎. 我認為現時持有2成左右的現金係適當的.

    回覆刪除
  17. 回應邪小子: 你的組合全是我喜歡的公司, #5, #945, #2888, #2318, #3328, #2628 無論長線持有或月供, 都係至佳選擇, 通常邊隻平我就加碼邊隻, 平衡組合並非最重要.

    回覆刪除