星期五, 7月 17, 2009

股市帶動經濟

今早筆者看了幾份免費報紙, 頭版全部是"金隅"IPO的廣告, 報館樂於先賺一筆廣告費, 然後不少銀行以及證券行積極以低息搶margin客, 又可以賺一筆利息收入. 投入股市多年以來, 筆者都見到有財經專家認為經濟唔好, 唔會產生牛市, 經濟唔好, 股市無理由或者唔應該會升, 即使升, 也不會長久. 持有這種思維的人, 通常不會是成功的投資者. 其實股市上升帶來的財富效應是可以反過來刺激經濟的活動. 筆者的投資策略仍然是大部分時候(包括現在) Buy and Hold 優質股, 直到股市出現明顯的泡沫現象才會 Sell and Go.


近日美資銀行都能公佈優於市場預期的業績. 高盛和摩根大通都受惠於旗下投資銀行的表現. 講投資銀行, 不能不提"在險價值"(Value at Risk, VAR), 因為投行普遍實行在險價值的資產負債管理模式. 每間投行都有自己一套Risk System, 通常主分兩個範疇, 一邊是Equity Derivatives, 例如stock options, CB, CB options, Warrants, Equity index swaps 等等, 另一邊是Fixed Income Derivatives, 例如 Credit Default Swaps, Interest Rate Swaps等等. Risk System是Realtime運作.

另外, 見到報導, 太保將重新啟動H股發行計劃, 當初太保A股招股價是30元人民幣, 管理層曾經承諾H股發行價不會低於A股發行價, 唔知今次會如何定價. 連同早前民生銀行宣佈可能於今年底進行H股IPO, 中資金融股繼續會是今年的焦點.


後記: 筆者的永久組合於3月份時市值一度跌至只有160萬左右, 全靠在惡劣市況下, 不但堅持一股不沽, 而且還加碼投入大約22.5萬元(28*8046股)參與匯豐供股,至今經過短短4個月時間, 現市值已經回升超過1.3倍, 的確是17年投資生涯以來最難忘和寶貴的經歷.


台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

9 則留言:

  1. 市場先生,

    數日前曾經有報導太保已經決定不再堅持 H股定價高於或等同 A股發行價.

    回覆刪除
  2. 回應無名士: 根據報導, H股招股價不低於24元人民幣.

    回覆刪除
  3. 很想听听先生關於2366的看法.謝!

    回覆刪除
  4. 唉話冇遺憾就係假既...笨象供股時手上冇足夠彈藥盡供,更莫說進一步買入!

    (唔係馬後炮,市先生應記得小弟當時死鴨子咀非常硬!)

    回覆刪除
  5. 回應無名士: 我對2366無研究, 俾唔到意見你.

    回應若缺齋老人: 為了保持購買力, 下一次泡沫一定要沽貨套現.

    回覆刪除
  6. 市先生:但這有點難搞,小弟愚魯,難知何時價格過高,只能較笨地有入無出了!

    回覆刪除
  7. 若缺齋老人:

    根據本人廿多年的投資經驗, 審視目前的經濟環境及投資市場數據, 結合直觀感覺, 本人認為大陸及香港的股市已出現泡沫, 不過, 泡沫未臻巨型尺碼, 加上大陸的政治因素, 泡沫在現階段未有爆破之虞.

    回覆刪除
  8. 先生的高低位只是 1比2.3, 我是的在 27/0ct:今天是 1比50,如果去年 27/oct 斬了倉, 今天就要露宿街頭. 去年27/oct 只有牛3高位的3%, 現在組合是 hsi=60000的位置.但這大半年, 總是操作錯誤, 失却不少機會.

    回覆刪除
  9. 我對筆者O既後記好有感受,投資真係鍛練意志O既,對自己O既投資項目只要有十足投資O既認識同信心,就唔會俾短期O既波伏影響到。

    回覆刪除