星期五, 5月 23, 2008

身體健康好重要

身體健康真係好重要, 因為檢查身體的過程本身都要受一些苦, 如果驗出有毛病, 就更加有手尾跟. 筆者入院第一日, 主要做磁力共振(Magnetic Resonance Image), 目的係睇下一些主要器官包括肝臟,脾臟, 胰臟, 和腎臟有無毛病. 聽醫生講, 磁力共振準確度好高. 筆者最近經常覺得好疲倦, 最驚肝臟有問題, 所以醫生建議做磁力共振. 首先在右手背插一枝針連著一個類似水龍頭的東西, d血馬上湧出來, 有些痛,而且整個過程都要插住呢"舊"野, 唔係好舒服. 然後"訓"係一張床上, 左手文舉高放在頭上, 右手向前伸直, 個姑娘俾舊野我拿住, 話如果過程中有乜問題就按下去. 然後姑娘將一塊野蓋在心口上, 有d重, 感覺心口被壓住, 姑娘俾個耳筒我帶. 然後張床向前身移動, 進人一個類似圓形的管道裡. 然後耳筒傳來聲音叫我吸氣呼氣吸氣然後忍住氣, 然後聽到一連串好嘈的雜音, 然後重複又重複一段時間後, 姑娘開始注射一些藥水入右手背, 有d涼涼地, 然後又再吸氣呼氣忍氣和一連串嘈音, 接近一個小時才完畢. 發覺個耳仔短暫有d聾聾地.

第二日, 主要做胃鏡和腸鏡. 做腸鏡的前一晚, 要飲2支藥水, 咸咸地, 要溝好多杯水, 飲到個肚好漲, 藥水的味道令人有d想嘔, 然後成晚要去廁所好多次, 唔使點訓. 照胃鏡之前, 會嘖d藥水在口裡, 含住一段時間, 慢慢吞落去, 令到喉嚨麻痺. 然後醫生在右手背注射麻醉藥, 慢慢失去知覺, 到你清醒番, 已經做完胃鏡和腸鏡.

第三日, 做電腦掃瞄(Computerized tomographic scan) 檢查心臟. 做法同磁力共振幾相似, 又係在右手背插一枝針, 不過今次粗d, 所以痛d, 又係"訓"係一張床上, 又係要吸氣呼氣忍氣, 唔同的地方係今次比較安靜, 無d好嘈的雜音, 另外, 今次注射的藥水令到全身發熱, 尤其是忍氣的時候, 全身好熱, 有d窒息的感覺.

有網友問3天住院共花幾多錢, 大約4萬8千幾蚊.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

8 則留言:

  1. 市場先生:

    健康無價寶,祝您平平安安,快快樂樂!

    回覆刪除
  2. 對呀,盡可能唔好捱咁多夜及多d休息,希望你身體健康!

    回覆刪除
  3. 我個次照胃鏡係完全清醒. 一生難忘. 直頭係黑太陽731...
    不過無錢去私家.. 731 都要上

    照完之後見到胃有少少損同有幽門螺旋菌.如果當日不處理,今天可能變了胃癌了.

    先生而家係病向淺中醫,係好事. 祝先生身體健康.

    先生財政自由, 巳經比許多沒錢的人幸福了. 下次我再照胃鏡我都要麻醉

    回覆刪除
  4. 不過CT scan 傷身. 其實即係在唔同angle照好多張X-rays render 成3D image. 醫生唔叫照都唔好自己走去照.

    回覆刪除
  5. 回應Andrew 和無名士: 多謝關心.

    回應ngkf: 照胃鏡如果唔麻醉的確好難受. 醫生無提醒我CT scan 傷身, 下次見到佢埋怨下先 ^_^

    回覆刪除
  6. Breaking news:

    屎長先生患了肝癌,以后無得豪賭了!

    回覆刪除
  7. I had 照胃鏡 before, without sedation. Not that bad la.
    MRI cannot tell whether your liver function is good or bad. It can detect tumour but ultrasound is much cheaper (well margin less sensitive than MRI).

    回覆刪除
  8. 回應無名士: 所以需要驗血和MRI 一齊做, 互相引證.

    回覆刪除