昨日, 市值接近2萬3千億的941中國移動股價下跌8.2%, 一隻市場公認的優質股票, 一間巨無霸藍籌公司, 市值一日蒸發2,044億. 2,044億係什麼概念呢? 香港發鈔銀行之一的2388中銀香港市值2,062億, 即係一日幾乎蒸發左成間中銀香港的市值.
事源國家工業和信息化部、國家發改委和財政部在上周六（２４日）聯合發布《關於深化電信體制改革的通告》，明確定出將現有六大基礎電信營運商合併為三大集團, 分別係新移動、新聯通、新電信的重組方案。根據通告，中國鐵通併入中移動集團，中國聯通將與網通合併，鼓勵中國電信收購聯通ＣＤＭＡ網，中國衛通基礎電信業務併入中國電信。與此同時，重組將與發放３Ｇ牌照相結合，重組完成後發放３Ｇ牌照，支持三家擁有全國性網絡資源、實力規模接近的市場競爭主體。通告中提出，針對重組後新的市場架構，將「在一定時期內採取必要的非對稱管制措施」，促使行業格局向均衡發展，建立和完善與之相適應的監管體制, 鼓勵移動通信運營商相互開放網間漫遊業務，漫遊結算等價格由政府制定。 (最後呢項緊要la, 一直以來, 中移動比其他競爭對手優勝的地方就係佢的網絡, 將來要開放俾競爭對手共用, 而且收費由政府制定).
重組的目標之一就是打破中國移動獨大, 形成三雄鼎立的局面, 從而促進競爭, 最終達至收費下調, 用戶得益. 市場解讀為"鋤強扶弱"的政策.
有言論認為中華人民共和國自建國以來, 主要可以分為3個階段. 第一個階段係毛澤東時代, 係共貧社會, 越貧窮越吃苦越光榮. 第二個階段係鄧小平時代, 政策係令一小部分人先富起來. 現時係第三個階段, 胡溫時代, 國策係"共同富裕", 讓更多人富起來, 建立社會主義和諧社會. 對政府來講, 未來三間電訊公司都係親生仔, 邊個仔賺多d, 邊個仔賺少d, 唔係主要考慮的問題, 最重要係配合"以民為本"的國策.
有人會批評呢d行政干預企業運作的手段, 認為資本主義自由市場, 應該讓市場自己去調節. 不過, 現時唔少言論講及"企業公民責任", 認為企業賺錢之餘也要顧及社會的責任, 例如影響到民生的公共事業, 唔好將全部成本的上升轉嫁俾市民, 牺牲些少盈利, 呢d其實也是一種干預. 美國奉行的所謂"強美元政策"其實也是開宗明意的干擾市場手段. 另外, 有人提倡的"公平競爭法"也是一種干預手段. 通常同一個行業有唔少公司, 做得好的公司自然會脫穎而出, 越做越強大. 大企業自然會有競爭優勢, 以買野來做例子, 如果你買100萬件, 議價能力當然比買1萬件的高, 價錢優惠d係好正常. 銀行借錢俾企業, 收取的利率也唔會全部相同. 一般來講, 競爭力越強的企業賺錢能力也越高, 賺錢能力越高的企業, 還錢能力也越高, 還錢能力越高的企業信用評級也越高, 信用評級越高的企業, 銀行越願意借錢俾佢, 而且收取的利率更優惠, 於是越有能力負擔高利率的企業, 借貸成本卻越低. 相反, 越需要資金, 越無能力負擔高利率的企業越難借到錢, 而且要俾高d利息. 如何有真正的公平競爭? 所以筆者認為資本主義市場, 無公平競爭, 只有自由競爭.
越講越遠. 筆者本來想講的主題係風浪. 股市裡, 一個風浪打到來, 再強的企業, 股價也會大跌. 一個風浪打到來, 信心也可能會動搖. 目前, 筆者奉行的三不一沒有策略仍然有效, 筆者有信心可以安然渡過股海裡的任何風浪. 不過, 身體健康上要面對的風浪, 就係另一回事了.
台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/
下一站，牛津
2 年前
咁多年成日聽見你入醫院，希望你身體健康！我幾年前畀過一個中醫你，唔知你有無試，肝既毛病睇中醫比較好，如果你有需要，可電郵我。
回覆刪除---------------
我的Blog
http://hk.myblog.yahoo.com/sky-walk
先生, 你好堅強, 一定唔怕風浪 !
回覆刪除支持你 !
以下是941的潛在危機：
回覆刪除1.移動通信技術標準：
中移動的TD-SCDMA（時分同步碼分多址）為中國自主研發的3G標準，全球並未有商用案例，。如沒有技術上連接，手機客戶身處海外時並不能使用漫遊服務，不利於爭取高端客戶群。
新聯通的WCDMA的3G制式在全球都有組網，對中國經常出國的商務客戶，想進行全球漫遊，必須進入新聯通3G網，成為新聯通爭取高端客戶的重要資源。
中電信從CDMA升級到CDMA2000的成本低，網絡技術在韓國、日本及美國均有採用，未來發展前景也被看好。
2.非對等管制：
在競爭者由一變二及中央會採取必要措施來加強電訊市場競爭的情況下，中移動獨大的優勢會減弱。
3.鼓勵開放網間漫遊：
中央鼓勵移動通訊運營商相互開放網間漫遊業務，漫游結算等價格由政府制定。其他公司的客戶可以使用中移動耗多年時間來鋪設的龐大電訊網絡，而毋須轉投中移動。
這些風浪常見於新興市場的股票。記得以前我也說過，中移動會被政府干擾，可能優勢不再。結果也是如此。有興趣可看小弟的舊文留言：
回覆刪除http://etchai2002.blogspot.com/2007/11/blog-post_06.html
始終有社會主義特色的「自由市場」，並不歡迎有monopoly 出現。賺錢多亦要分享 (e.g. 收暴利稅)
還是覺得匯豐好。
Hi Mr Market, What do you think about 招商银行收购永隆银行? Is it too expensive. 永隆银行 only has 35 branches in hong kong. The price 3968 is paying is almost 25% of its own current market capital, seems a lot to me for such small operation in HK.
回覆刪除RC
Please take care of yourself. Try to sleep before 12 to let your liver recover. Having a job that's so stressful that affect your health is not a viable solution for the long term anyway.
回覆刪除RC
樓上那位老兄, 中國政府會干預電訊市場, 就如阿媽係女人, 係人都知. 即使自由市場如美國, 亦都唔希望有壟斷發生, 同社會主義毫無關係.
回覆刪除先生
回覆刪除對於健康上的風浪, 你更要為你一生人最珍貴的瑰寶--你愛及愛你的家人而堅持成功.
心光
市值接近2萬3千億的941中國移動
回覆刪除==> with protection is unfair first...now just return to normal
btw, take care !
為什麼還寫咁多，身體要緊！為了自己，也為了家人(當然包括未來的家人！)
回覆刪除自去年尾動了手術後，寫Blog的心態也轉變了，往往以健康及休息為上，到身體好轉時，若那時還有興趣，才繼續寫多些也未遲！
祝早日康復！
紅猴
大家交換連結, 好嗎? 我的blog的連結是http://ultimatediligenceblog.blogspot.com/
回覆刪除不能盡同意...
回覆刪除中移動的TD-SCDMA 為中國自主研發的3G標準，問問點解要自己研發先?就係唔想受外國阻撓.同CVD,CVDHD 一樣.不過移動通信係open platform 唔會好似CVD 咁無software(即係片) support.中移動係最強公司d high risk R&D 一定係搵佢.如果開發成功真係不得了. 開發有問題就係中移動阿媽有問題. 阿仔仲要比心機搵錢.
手機客戶身處海外時並不能使用漫遊服務<= 係pure 3G,即係日本. 本人估計GSM 十年內都不會消失.在外國漫遊我主要係話音.上網我會用notebook wifi.
反而中移動阿媽收了個固網短期吃虧,長期係好事.D data 都要有個high volume carrier.
如果中移動跌過100以下我會直接買入. 月供不變.
中國政府會干預市場係中國特色.8月1日以後唔比monopolize single market 50%, 不過以後大家target 係要整大個餅. 今次最慘應該係買CDMA 個位.
回應死佬米高: 我而家食緊西藥, 睇下食完效果如何. 多謝你先.
回覆刪除回應RC: 如果招行真係以3倍P/B買永隆, 我會幾失望, 因為出價太高, 唔值. 另外, 同意你所講要早d訓, 也多謝你的好意.
回應心光: 多謝.
回應紅猴: 同意, 應該以健康為先為重.
回應ee: 多謝你長期的支持, 無言感激.
回覆刪除先生, 你認得我??
回覆刪除我好感動呀~~
我只係一個咩都唔識既女人仔, 在你身上學到好多野, 投資啦,對家人好啦,對生命有要求(唔係講享受果d),..., 我感激無限!
我就連講一兩句支持你既說話都唔識,只係好直接咁講:
我就是支持你!
市場先生加油呀 !