星期四, 7月 31, 2008

中國銀行企業2008年中期業績關注點(摘自瑞銀報告)

中國銀行企業即將發佈2008年中期業績報告,其業績預計將有強勁表現。雖然多數銀行已在業績預告中給出了盈利大致區間,但最終公佈的數據可能更為強勁。

不過除盈利數據外,各銀行中期報告中還有以下幾個方面值得重點關注,其中包括:利潤率;資產品質;與某些行業相關的特定揭露(specific disclosure)等。

投資者應關注的重點領域包括:

(1)淨息差:淨息差趨勢,定期存款與活期存款群組成結構;

(2)資產品質:不良貸款、特別關注類貸款及逾期貸款餘額

(3)貸款結構:企業貸款與零售貸款增長率;企業貸款中國銀行業分類變化;

(4)特定揭露:製造業、房地產開發商及中小企業貸款。

(5)外匯:按美元計價資產群組合

個別內銀股關注點:

(一) 工商銀行H股(1398.HK, 買入評級, 目標價6.78港元)

1.瑞銀估測

瑞銀對工商銀行所做估測如下:2008年淨利潤為1,200億元人民幣,同比上升47%。上半年為620億元人民幣,同比增長51%。

2.業績預告:同比增長50%以上

中國工商銀行在其業績預告中稱上半年盈利同比增長50%以上,按此計算,上半年盈利至少為615億元人民幣。這一數字與瑞銀估測十分接近(瑞銀保守估測中國工商銀行二季度盈利環比下降12%)。

3.重點關注領域

各大銀行中中國工商銀行率先發佈中報。

作為中國最大的商業銀行,投資者預計將重點關注該行的淨利差變化、特別關注類貸款及逾期貸款比率變化和製造業及房地產業不良貸款狀況。

中國工商銀行在手續費收入方面同樣處於領先地位,因此投資者會關心以下兩個問題:該行在手續費收入上所表現出的強勁增長趨勢能否延續;在A股市場下跌的情況下,其手續費收入結構會發生何種改變?

此外,投資者還將關注中國工商銀行的信貸成本;通過中國工商銀行,他們可以了解中國大型銀行能否將不良貸款覆蓋率維持在100%以上水準。

最後要關注的是南非標準銀行的經營狀況;中國工商銀行曾於2007年購入前者百分之二十的股權, 成為該行第一大股東。


(二) 建設銀行H股(939.HK, 買入評級, 目標價7.82港元)

1.瑞銀估測

瑞銀對建設銀行所做估測如下:2008年淨利潤為1,050億元人民幣,同比增長52%。上半年淨利潤為570億元人民幣,同比增長66%。

2.業績預告

建設銀行在其業績預告中稱上半年盈利同比增長50%以上,低於瑞銀估測。不過該行實際中期業績不太可能低於瑞銀所估測的570億元人民幣(瑞銀預測該行二季度盈利環比下降23%)。

3.重點關注領域

投資者特別關心該行不良貸款變動趨勢,尤其是對房地產開發商的貸款品質。

此外,由於該行對部分不良貸款進行證券化處理,因此一季度該行曾發生66億元人民幣的貸款撥備費(loan provision charge)。二季度該費用預計遠高於一季度。

最後要指出的是,由於2007年該行活期存款比例非常高,投資者將關心以下問題:該行存款結構所發生的變化將如何改變其平均融資成本;該行淨息差又會受到何種影響?

(三) 中國銀行(3988.HK, 中性評級, 目標價3.74港元)

1.瑞銀估測:

瑞銀對中國銀行所做估測如下:2008年全年盈利為780億元人民幣,同比增長39%。上半年盈利為407億元人民幣。

2.業績預告

中國銀行未發佈上半年盈利預告。

3.重點關注領域

由於該行業務較為複雜,因此其業績報告一直較難解讀。不過投資者應關注以下要點:

(1)國內業務

鑑於該行外匯貸款業務比重較高,其淨息差變動趨勢是否與同行有所不同?

該行是否為其價值44億美元的次級MBS(抵押貸款支援債券,下同)資產和價值22億美元的Alt-A MBS額外計提撥備費?(44億和22億美元均一季度時帳面價值)

該行是否為餘下的美元計價債券額外計提撥備費?這類債券群組成結構如何?

(2)海外業務(主要為中銀香港)

在美國聯準會停止降息的情況下,其淨息差是否已經穩定?

鑑於股市波動較高,其手續費收入及交易收入能否保持穩定或取得進一步增長?

是否有併購計劃或戰略?


(四) 交通銀行(3328.HK, 買入評級, 目標價11.7港元)

1.瑞銀估測

瑞銀對交通銀行所做估測如下:2008年全年盈利為292億元人民幣,同比增長44%。上半年盈利為144億元人民幣,同比增長69%。

2.業績預告

交通銀行未發佈上半年業績預告。作為唯一一家支付中期股利的H股銀行,該行業績數據需接受全面審計。

3.重點關注領域

(1)二季度該行淨息差能否維持擴張態勢?如果是的話,其主要原因是什麼?

(2)在匯豐銀行這一戰略投資者的輔助說明下,該行資產品質變化趨勢是否與同行存在明顯不同?

(3)該行“成為中國領先的財富管理銀行”戰略進展如何?

(4)該行在綿陽市擁有相當大的市場占有率,不過綿陽市在此次四川地震中受災嚴重。因此這一自然災害將給該行造成一些一次性不良貸款。

(五) 招商銀行(3968.HK, 買入評級, 目標價39.7港元)

1.瑞銀估測

瑞銀對招商銀行所做估測如下:2008年全年盈利250億元人民幣,同比增長65%。2008年上半年盈利為123億元人民幣,同比增長101%。

2.業績預告

招商銀行在其業績預告中稱上半年盈利同比增長100%以上,與瑞銀估測相符。

3.重點關注領域

(1)該行總部地處珠江三角洲。由於該地區聚集了一批中小企業,因此投資者將關注該行對中小企業的貸款品質。

(2)該行抵押貸款發放物件中約有20%(約合260億元人民幣)處於深圳,不過自2007年四季度以來該市房價已出現大幅下滑。因此該行抵押貸款品質也將引起投資者關注。

(3)一季度該行淨息差非常高(約為3.6%)。未來這一高淨息差水準能否延續?

(4)與工商銀行相似的是,該行一季度手續費收入表現非常強勁。那麼二季度這一收入表現如何?

(5)該行信用卡業務表現強勁,該業務相關細節是否會有進一步揭露?


(六) 中信銀行(998.HK, 買入評級, 目標價7.07港元)

1.瑞銀估測

瑞銀對中信銀行所做估測如下:2008年全年盈利140億元人民幣,同比增長69%。2008年上半年盈利為73億元人民幣,同比增長125%。

2.業績預告

中信銀行在其業績預告中稱上半年盈利同比增長150%以上,按此計算,上半年利潤至少為80億元人民幣。

3.重點關注領域

(1)該行所獲存款是否足以支撐其快速增長的貸款業務並符合上調後的法定貸款準備金率?

(2)該行存款總額的平均籌資成本是多少?

(3)由於該行新形成的不良貸款很少,其一季度信貸成本非常低。那麼二季度這一成本將是多少?

(4)考慮到該行一級資本比率大於13%及其國內貸款增長受配額限制等因素,未來該行是否會採取併購行動?

台灣yahoo: http://tw.myblog.yahoo.com/mr-market/

新浪Sina: http://graham_choi2003.mysinablog.com/

香港yahoo: http://hk.myblog.yahoo.com/mr-market/

星期三, 7月 30, 2008

如何在Computershare開網上戶口

股份過戶登記處(簡稱「過戶登記處」或「過戶處」是專責處理上市公司與其眾多股東之間聯系的中介機構。
以下是過戶處的服務範圍詳情:

1. 新股上市的認購者資料登記、新股分配、新股股票及退款支票的印發等
2. 股份及認股權證的轉讓登記,及有關資料/文件的保存,更新股東名冊
3. 行使認股權證、供股權等附隨的認購權及員工供股權
4. 合併/拆細新股/認股權證證書
5. 行使可換股證券/債券
6. 現金股息/以股代息股份的股東身份確認及發放
7. 處理報失及重發股息單、股票/認股權證
8. 公開配售股份/認股權證
9. 遺囑認證及其他法律性文件的登記
10. 接受公眾查閱,有關上市公司的股東登記冊/認股權證持有人登記冊
11. 處理上市公司與股東之間的通訊(年報及通函等之寄發、股東查詢等)

現時香港規模最大的兩間股份過戶登記處包括中央證券登記有限公司(Computershare)以及香港卓佳集團(Tricor).

每間上市公司都會自行委任一間過戶處. 筆者永久組合的7間公司, 包括#5匯豐, #945宏利, #2888渣打, #2318平保, #2628國壽, #3328交行, #3968招行, 全部係委任中央證券登記有限公司, 所以筆者在Computershare的網頁登記註冊就可以查詢和管理整個永久組合.


登記註冊Computershare的步驟(以持有匯豐實貨為例子):

1. 進入Computershare的網頁:

https://www-uk.computershare.com/Investor/Security/Summary.asp

2. 選擇註冊:




3. 拿出匯豐股票, 輸入以下的資料:

Company Name: HSBC HOLDINGS PLC

Certificate Number: 匯豐股票上印有Cert.No., 例如USD12345678, 只需輸入數字12345678

Family Name: 輸入匯豐股票上印有股東的姓氏, 例如股東係Chan Dai Man 就輸入Chan.

Security Code: 將網頁顯示的數字輸入便可以了.




4. click "Submit" 按鈕.

5. 再根據指示輸入其餘個人資料, 註冊便完成了.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

美國4大銀行動起來 將協同發行新形態房貸債券

為挽救房市 美國4大銀行動起來 將協同發行新形態房貸債券. 根據《華爾街日報》報導,在布殊政府的催促下,全美4家最大銀行將開始發售一種特殊形式的債券,藉以幫助重振房屋市場. 包括Bank of America Corp., Citigroup Inc.,J.P. Morgan Chase & Co和Wells Fargo & Co周一表示,它們將發售所謂的covered bonds(房貸擔保債券), 一種歐洲風行已久的融資方法,藉此,美國銀行業將更容易取得抵押貸款所需之融資。

同時間,美國聯邦主管機關公佈了一系列自發性的產業指導方針,用意在使債券發行業者與投資人更瞭解這種形式的資產。

美國財長 Henry Paulson周一於記者會中表示:「如我們所知,負擔得起的抵押貸款融資是扭轉目前房市修正的必要條件,而房貸擔保債券擁有這種潛力。」

美國政府有意推動房貸擔保債券,主要係著眼於歐洲2.75兆美元規模擔保債券市場的成功所促使。這類債券是歐洲銀行承作抵押貸款的主要融資來源。若干分析師曾預估,美國地區若發展房貸擔保債券市場,規模有可能在近年內成長至 1兆美元。目前,美國尚未清償的房貸債務約11兆美元。

房貸擔保債券雖是以抵押貸款做為擔保,但卻比先前點燃房市榮景、而後又造成多家華爾街銀行身陷危機的貸款產品要更為安全。主因這類債券須列於銀行的資產負債表中,而且是以高品質的抵押貸款作為擔保。

再者,如果這些抵押貸款成為壞帳,銀行須介入確保債券持有人的應得利息,因此亦有更多保障。
美國各家銀行都可以發售此房貸擔保債券,但因法規結構仍有不明,目前只有兩家承作, Bank of America與Washington Mutual Inc.。
美國財政部宣佈的這項指導方針,由Federal Deposit Insurance Corp.(聯邦儲蓄保險公司)、Office of the Comptroller of the Currency(通貨監理局)以及Office of Thrift Supervision(儲蓄機構監理局)所共同支持, 其中概述了發行銀行所須具備的抵押品、及須向投資人揭露之事項。
此外,財政部提出指導原則的用意不僅是為了向投資人掛保證,同時也是為了鼓勵多數因虧損嚴重而不願意再承作新抵押貸款證券的金融機構。
經由提供新類型的融資方法,投資人將提供銀行發行房貸所需的資金,當有益於支撐房市,但效果如何仍有待觀察。而聯邦官員也曾經表示,並不預期房貸擔保債券可以解決房市問題。
Federal Deposit Insurance Corp.主席Sheila Bair 說:「可以解決房市危機的仙丹靈藥,並不存在。」
多數市場觀察人士也說,該項行動有助於提供部份流動性,不過仍不清楚能帶來多少幫助。

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

星期一, 7月 28, 2008

點解十個牛皮九個淡

唔知係俗語還是市場智慧, 大家應該有聽過"十個牛皮九個淡"的講法. 就住呢個話題筆者又講番幾句.

十個牛皮九個淡的現像唔單止出現在股市, 樓市也是一樣. 牛皮的意思指價格唔升唔跌, 停留在一個位置上一段時間, 好似定左鏡咁. 點解價格牛皮一段時間之後通常係下跌多過上升呢? 需知道無論股市也好, 樓市也好, 有唔少短線炒家搵食. 佢地買完股票或者物業之後, 就等待價格上升然後沽出穫利. 舉例, 如果有人以1000萬買了一個物業, 一個月後如果能夠以1100萬沽出, 就可以賺10%, 化為年回報率有120%, 如果半年後才以1100萬賣出, 同樣係賺10%, 但年回報率就只有20%, 如果一年後才賣得出, 咁年回報率就得番10%, 越長時間才賣到心中的價錢, 回報率的折扣就越大. 所以, 如果價格牛皮一段時間之後, 就會有人願意調低一些價錢, 以求快d出貨, 舉例, 如果減價5%, 即係1050萬, 可以於3個月內賣出, 年回報率係20%, 仍然比1年後才以1100萬賣出的年回報率高.

另外, 時間值的消耗也是一個因素. 如果你買樓的資金係向銀行借錢, 其實你係向銀行買一個使用呢筆貸款一段時間的權利, 你俾銀行的利息就係支付使用呢筆貸款一段時間的費用(可以稱為時間的premium). 就等於你向某酒店租了一個房間, 假設係1000蚊, 你其實係向酒店支付使用呢個房間一日的費用, 隨著時間的過去, 時間值會不斷消耗, 直至一日時間到了, 你就要離開酒店, 而1000蚊的房租也消耗了. 對借錢炒樓的人來講, 每過一日, 時間premium就會消耗一些. 所以價格越牛皮得耐, 對支付時間premium的炒家就越不利. 為了補貼時間值消耗的損失, 炒家可以選擇將物業的"使用權"出租, 收取該物業的使用時間premium(即係租金), 而自己仍然持有該物業的"擁有權". 所以地產市道淡靜牛皮一段時間之後, 通常價格會向下以及租盤數目上升.

今次呢篇只係筆者吹下水, 如有錯漏大家唔好大插.

另外, 今晚在Computershare網頁見到永久組合已經全部轉晒自己名.




台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

星期六, 7月 26, 2008

映完婚紗相了

本來上個月映婚紗相, 不過因為上次落大雨, 所以只係完成左室內布景的攝影, 戶外的攝影就安排在今日進行. 好在今日陽光普照, 所以好順利完成.

其實, 好彩上次落大雨要分兩次影, 因為上次影完室內布景已經接近晚上8點了, 如果室內室外一次過影晒, 可能要影到9點幾10點, 都幾疲倦. 分兩次影仲有一個好處就係有左第一次的經驗之後, 第2次會掌握得更加好, 所以今日的攝影進度比第1次流暢. 另外, 上次唔知道男仔係要自己搞頭髮, 所以出門時無特別處理, 而我的髮質係好柔軟個種, 唔gel頭唔得, 結果臨時先至自己gel頭, 結果唔係太滿意. 今次有左經驗, 在家裡搞好頭髮才出門, 結果影相的時候, 心情特別靚.

今次唯一一樣唔及上次的係個攝影助理. 上次個攝影助理同個攝影師非常合拍, 而且好鬼馬. 佢會將姿勢擺一次示範俾我地睇, 然後我地照住做, 佢擺女仔姿勢仲好過擺男仔姿勢, 真係好正, 令到我和女友輕鬆不少. 今次個攝影助理就比較行貨.

大熱天時影婚紗相都幾辛苦, 不過, 一生人得一次機會, 幾辛苦都值得. 當然, 也要讚下未來老婆仔著起婚紗, 配合個化妝, 特別漂亮. 影完婚紗相之後, 感到同未來老婆仔的關係又再進一步, 有種說不出的甜蜜與溫馨, 我地又多一個共同體驗的經歷了.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

星期五, 7月 25, 2008

細水變洪流

有網友留言, 今日林行止的專欄標題係"小數長計細水變洪流". 筆者節錄其中幾段精華以下:

相信大家都有以複利累 積財富的經驗,只是有人自覺有人不自覺罷了。這確是穩健致富的辦法。不過,要達此目的,你必須自律、堅持到底、有智慧和有耐性。人必須自我約束,才能儲蓄 金錢;而只有堅持到底,才能一直保持儲蓄的習慣。人需要有智力(事實上,有「智力」的人才能生財致富)理解自己的做法,領悟箇中竅妙,明白這樣做可為你帶 來相當可觀的收益,便能培養出耐性;耐性對積聚財富十分重要,因為以複利滾存累積財富,需要長時間才能發揮效能。必須緊記的是,以複利累積財富只能在擁有 充裕時間及閒錢(儲蓄)的條件下才行之有效。換句話說,這方法只宜有經常性收入且有「閒錢」者作長線投資。

以複利累積財富存有一個「陷阱」,此為過程沉悶,較為貼切的說法是,沉悶期一直持續直至複利開始發揮作用時便漸次消失,而這通常需時至少七至八年。自此之後,複利累積過程將變得非常吸引甚且有趣!


另外, 筆者的偶像東尼在最新一期的天下第一倉有以下的陳述:

我需要整理組合陣容,在十六隻股票當中,四間是金融股,匯豐及恆生所佔的比重最大,再加上宏利及中行,足佔整個組合的四成。以目前全球對銀行股的負面看法而言,似乎有點偏高。

但正因為大家看淡銀行股,代表其價格已被質低。我始終相信這些公司穩如泰山,只要警戒一除,股價便能反彈,甚至跑贏大市。大部分金融機構將在八月公佈中期業績,到時便可知道我的看法是否正確。

儘管有不少人認為金融業的世界末日快臨,但至今仍未嚇倒我,因為它們實際上並無金錢損失!國際情況就似我們組合一樣,只不過是賬面上的減值,時間可令它們恢復過來。股價必然有波動,會向下亦會向上,所以應該把股價當成是能帶來收入的資本,而非像物業一樣,樓價只是單純地用來買賣。


筆者的永久組合全部是金融股, 比東尼的股票組合有四成金融股比例仲高, 事實上, 相信好少人會好似筆者咁, 將大部分流動資產安置於由股票組成的退休組合, 而退休組合由100%金融股組成. 通常投資專家會建議將資產分散投資, 資產組合會包括股票, 債券, 商品, 甚至定期存款等等, 即使已經分散左的股票組合, 也要再分散投資於唔同的行業的公司. 不過, 筆者由2001年911恐怖事件之後開始建立永久組合, 至今就快7年了, 永久組合只包括金融股, 而且大部分時間都係只買不賣, 無論世界或經濟環境或股市7年來都發生左唔少事情, 經常都有大大小小的風浪, 不過, 筆者的永久組合仍然安然無恙, 仍然繼續緩慢地增值. 所以, 分散投資唔等於會無事, 唔分散投資也唔見得一定會有事. 最重要係自己知道自己做緊乜野.

記得2,3年前一次同網友聚會食飯, 網友"畢仔"稱呼筆者為"3百萬", 因為當時筆者的永久組合的市值大約係3百萬. 2,3年後的今日, 筆者的永久組合的市值已經超過4百萬, 單靠儲錢, 以筆者的收入, 絕對無可能在2,3年間儲到百幾萬. 但是, 靠儲錢加上投資股票, 就可以做到. 現時筆者的永久組合每年可以提供超過17萬的股息收入, 透過股息再投資, 組合市值就會越來越大, 又帶來更多的股息收入, 雪球效應越滾越大. 所以, 在現時疑似熊市的時代, 與其誠惶誠恐地買賣股票, 不如認真地計劃和建立一個永久的股票組合, 享受複利增長的威力.

筆者在建設永久組合的同時, 又建立私人強積金的月供股票計劃, 雙管齊下, 雙龍出海.

今晚在computershare見到, 幾乎全部永久組合的股票已經完成轉名手續歸入筆者名下, 現時只剩下2000股中國人壽未完成轉名. 每次望住呢個永久組合筆者都覺得好滿足. 好野當然會同另一半分享, 筆者將來會運用呢個永久組合同老婆仔嘆世界,享受人生.




台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

星期四, 7月 24, 2008

韓國外換銀行會否成為匯豐囊中物?

英國《泰晤士報》(The Times)報導﹐匯豐將把以30億英鎊(59.9億美元)收購韓國外換銀行(Korea Exchange Bank)的最終報價期限延長至7月份之後。此舉將為匯豐控股收購韓國外換銀行的交易贏得時間﹐以克服法律和行政方面的障礙。報導稱﹐由於自該交易於去年9月份提上日程以來﹐韓國經濟一直處在下滑當中﹐匯豐可能因此下調對該交易的報價。

筆者有話說:

2005年渣打集團爭贏匯豐, 以大約33億美元收購韓國第一銀行. 從07年渣打集團的財務報告睇到, 韓國第一銀行為渣打提供15.64億美元的經營收入, 稅前盈利3.24億美元.

1997年之前,韓國政府規定外資對韓國銀行的持股比例不得超過4%, 亞洲金融風暴之後,韓國制定《外國人投資促進法》,金融(銀行、證券、保險等)市場完全向外資開放,取消了外國人對金融企業投資所佔股份的比例限制。美歐資金於是趁機大舉湧入韓國收購“價廉物美”的企業資產, 尤其是金融資產.

亞洲金融風暴之後,韓國大幅放寬信貸政策,鼓勵消費者使用信用卡,希望以此推動經濟增長,但隨後引發信用卡危機,幾家最大銀行背上了巨額壞賬,韓國外換銀行當時便深陷信用卡壞賬危機,據稱當時資本充足率只有6.16%,低于巴塞爾協定要求的8%,瀕臨絕境。2003年10月,總部設立在美國得克薩斯州達拉斯的私人股本基金孤星集團(Lone Star Funds)以大約15億美元,收購韓國外換銀行(Korea Exchange Bank,KHB)50.5%股權.

韓國外換銀行成立於1967年, 1989年改制為私營銀行,按2007年6月30日總資產計算,是韓國第六大銀行,佔韓國銀行業務市場份額大約8.8%, 專門從事外匯和貿易金融業務, 擁有超過540萬存款客戶,分行數目超過350間, 在18個國家設有分支機構和法定公司, 是最早進入中國市場的韓資銀行, 在北京, 天津和大連設有分行. 於2007年6月30日, 總資產為782億美元, 股東資金67億美元, 07年半年純利為5.49億美元, 06年全年純利為10.7億美元, 05年全年純利則為20.85億美元.

穆迪投資服務公司給予韓國外換銀行“Aa3”的長期外幣債務評級, Aa1”的長期本幣存款評級和“A2”的長期外幣存款評級。

現時歐美大型銀行集團, 以匯豐資本最雄厚, 趁現時無乜競爭對手, 希望匯豐能夠盡快收購成功.


台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

星期二, 7月 22, 2008

蝙蝠俠:黑夜之神

蝙蝠俠係筆者最愛的電影角式, 幾乎每一套蝙蝠俠的電影筆者都會入戲院睇. 蝙蝠俠的造型真係好正, 給人一種神秘而充滿力量的感覺, 最喜歡看蝙蝠俠從高處一躍而下的動作, 非常超然和灑脫. 今次呢套黑夜之神無令筆者失望, 由頭到尾都咁緊張, 毫無冷場.










台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

星期一, 7月 21, 2008

市場傳聞中國投資公司擬入股匯豐控股

市場再次傳出中國投資公司擬入股匯豐控股的消息。據英國《每日電訊報》報道,葛霖近月多次會晤內地主權投資公司「中投公司」高層,會談內容相信涉及中投公司入股匯控的事宜。消息指出,由於匯控目前並無額外融資的需要,因此中投公司要入股匯控,便需要通過公開市場,直接吸納匯控股份;毋須效仿花旗、摩根士丹利、RBS等金融機構,發行新股籌集新資金。

對此,匯控發言人並無正面回應,只表示匯控一直銳意擴大股東基礎,包括來自不同地區的投資者,以及對匯控在地區策略發展有重要幫助的投資者。故此,匯控設定年度投資者關係安排,但不適宜就與個別投資者會面而作出評論。事實上,自去年開始,市場一直傳聞中投有意入股匯控,可是始終未有實質進展。

現時匯控股權架構非常分散,主要股東多屬於國際性金融機構,例如雷曼、巴克萊及皇家蘇格蘭銀行等,亦有中東富豪的身影,且通過股票市場進行增持,可是沒有股東持有匯控多於10%權益。市場一直認定,中投公司或早或遲,會策略性持有匯控這隻穩陣的重量級國際金融股。

中國投資公司(全稱中國投資有限責任公司)是依據《公司法》設立的國有獨資公司,公司註冊資本金兩千億美元,負責管理中國2000億美元的外匯儲備。原財政部副部長樓繼偉出任公司的董事長。中國投資公司當前所從事的外匯投資業務以境外金融組合產品為主。

==================================================================================
筆者有話說:

受到中國投資公司擬入股匯豐的傳聞刺激, 匯豐股價今日最高升到125.4, 收市報124.9, 上升4.9元或4.083%, 令到筆者永久組合單靠一隻匯豐市值一日增加超過9萬元, 至於整個永久組合市值今日總共增加超過18萬元. 不過, 經過咁多年在股市裡的磨練, 筆者已經習慣左股價的升升跌跌, 除了市況非常瘋狂的時期, 可以沽出一部分股票, 其餘時間, 包括現在, 維持100%持股, 一股不沽, 筆者認為完全無問題. 投資最重要係選擇好公司, 自然唔怕任何股市風浪.

講番匯豐呢段傳聞, 筆者認為匯豐作為香港最大的發鈔銀行, 也是全球舉足輕重的銀行集團之一, 相信中央好樂意見到多d匯豐股權持有在中國資金手中, 無論係中國投資公司直接入股, 或者開綠燈讓匯豐在國內上市, 都係利多於弊. 對匯豐來講, 由於歷史因素, 匯豐本來在國內的知名度已經唔低, 而無論中國投資公司入股, 或者在國內上市, 係一個賣廣告的好機會, 絕對稱得上係錦上添花. 對國內股民來講, 匯豐不失為一項穩健的投資對象, 相信保險資金以及其他基金應該有興趣將匯豐加入其股票組合內.



台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

星期六, 7月 19, 2008

中資壽險3強1至6月保費收入比較

近日中資保險公司紛紛公佈08年上半年原保費收入數據, 筆者花少少時間整理左呢d數字:



1. YTD (Year to date):

國壽08年1至6月的保費收入比去年同期增長50.09%, 表現比5月份YTD的48.07%好, 增加左2.02%;

平保08年1至6月的保費收入比去年同期增長27.78%, 表現比5月份YTD的28.85%輕微倒退1.07%;

太保08年1至6月的保費收入比去年同期增長58.55%, 表現比5月份YTD的61.79%倒退左3.24%;

2. 單月比較:

國壽08年6月的單月保費收入比去年同期增長60.97%, 表現比5月份單月增長率的82.32%放緩左;

平保08年6月的單月保費收入比去年同期增長23%, 表現比5月份單月增長率的34.1%放緩左;

太保08年6月的單月保費收入比去年同期增長43.03%, 表現比5月份單月增長率的42.91%輕微放緩左;

不過同比有個盲點, 如果去年保費收入特別少(可能經營表現特別差, 或者新開張的公司), 比較的基數就會特別低, 同比增長率可能顯得特別誇張. 所以睇埋市場佔有率, 就會清楚晒.

睇YTD (Year to date) 的市場佔有率, 就會睇到一個幾明顯的趨勢, 就係太保的市場佔有率漸漸下跌, 而且未有止跌跡象. 國壽的市場佔有率就站穩在40%左右, 而平保的市場佔有率也大致站穩在12%左右.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

星期五, 7月 18, 2008

古老的航空母艦

最近公司有唔少同事離職, 離開呢艘彷似下沉中的古老的航空母艦. 與此同時, 也有獵頭公司向筆者招手. 筆者係一個長情的人, 很少轉工, 其中一個原因, 當然係做生不如做熟, 唔熱衷於轉變, 所以心裡十五十六, 未下決定. 老實講, 現時的老細(上司)對自己真係唔錯, 而且大家合作好有默契, 筆者負責技術性的實質工作, 老細就負責吹水應付user. 咁就大家都可以在呢艘航空母艦裡生存. 相信去第2間公司未必可以遇到咁合拍的老細.

最近經常要over time, 有時返到家已經接近十點半, 一來太夜食飯, 二來又無時間做運動, 減肥計劃難度增加左唔少. 不過, 既然對未來老婆有承諾, 而且多d運動身材fit d對健康有幫助, 再加上就來影結婚相, 瘦d上鏡會好睇d, 一舉三得的好事筆者當然會盡力去做. 所以最近筆者堅持一個星期跑3次步. 間唔中又做下sit up, 而且仲參加左某個瘦身plan. 今晚做第3次. 做法係在身上塗一些油(聽講可以瘦身), 然後用保鮮紙包住手, 腳和上身, 躺在一張有電熱毯的床上, 再蓋上熱毛毯, 然後焗30幾分鐘. 焗到全身不停出汗.

現時筆者的體重已經由高峰的75KG, 下降至72.8KG.


台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

星期三, 7月 16, 2008

一些回應(婚姻篇之一)

最近多左唔少留言係關於婚姻以及兩性相處之道. 呢個範疇筆者仍然在學習階段, 不過都可以分享交流下. 所以來緊會選擇一些網友的留言逐一作回應.

不過, 回應之前想講下面對目前的市況, 筆者的一些睇法和應對的做法. 呢幾日市場的焦點之一, 係房利美(Fannie Mae) 以及 房地美 (Freddie Mac) 的"兩房"債券, 財經傳媒係度估計金融公司包括銀行和保險公司, 邊間持有兩房債券, 以及持有幾多金額. 筆者就認為唔需要咁恐慌, 畢竟"股權"與"債權"係有好大分別. 舉例, 如果一間金融機構, 例如銀行, 因為 要補充資本而發行多d股票, 咁現有股東的"股權"會被攤薄, 但該公司的債券持有人的債權係唔會被攤薄. 換句話說, 如果該公司發行一倍的股票, 咁現有股東的權益會被攤薄至一半, 但現有債券持有人的權益係無任何影響, 除非發生信用違約(credit default), 例如該公司唔再派債息, 甚至在債券到期日唔將債券贖回. 但相信兩房發生信用違約的機會極低, 實在無必要自己嚇自己.

面對現時的市況, 筆者重申, 會維持100%持股, 無論股市繼續下跌幾多千點都好, 筆者都會繼續持有永久組合, 一股都唔會沽, 因為, 應該恐懼係在股市瘋狂大升的時候, 而唔係現時低迷的時候. 另外, 筆者會繼續月供股票, 下個月開始, 更加會提高月供金額到20,000蚊, 月供股票係長期(指十年或以上)的計劃, 無必要因為短期的股市波動而中止. 最後, 想講, 熊市最重要係保住份工作, 除非你已經財務自由. 因為, 有工作, 才有收入, 有收入, 才有現金流繼續投資. 所以, 有工作, 就有希望. 財務自由, 係馬拉松而非短途賽.

以下係回應網友無名士的留言.

無名士留言:

我初頭都同意令另一半開心幸福就係幸福. 我除咗工作之外, 又會煮嘢俾佢食, 希望唔使佢做家務. 佢鍾意食我煮o既嘢的同時, 佢又嫌我好 family man. 佢叫我俾多啲時間在工作上. 自問我在工作方面都好努力, 我老細都放手俾我做好多嘢, 但並唔係即刻話可以升職加人工嗰隻. 有時對住女人, 又唔係咁易發佢脾氣, 但佢咁講自己又唔開心. 唉...


筆者回應:

其實, 另一半對自己有要求係好事. 想像一下, 如果有日, 另一半對你完全無寄望, 無要求, 你鍾意點都由得你, 你真係會開心d嗎? 正面d睇, 另一半對自己有要求, 代表佢仍然覺得你有希望, 仍然覺得你有能力. 再舉個例子, 如果有父母對年幼的子女講, 我地對你唔敢有乜要求, 只要你大個後無被人拉去坐監 我地已經好安慰了. 咁樣對小朋友來講, 也未必係好事.

此外, 筆者認為另一半係自己最親,最愛的人, 自己未來的日子, 尤其是晚年的日子, 就係同佢一齊渡過, 應該互相守望, 互相扶持. 所以, 即使佢有多d要求, 就當係逗佢開心, 滿足下佢, 自己多行幾步, 無所謂. 筆者最近有一種觀念越來越強烈, 就係, 一個家庭要快樂, 首先要令老婆快樂, 家庭和諧溶洽就水到渠成. 讓大家努力去保持起初對另一半的那一份愛, 永遠新鮮和歷久不衰吧.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

星期二, 7月 15, 2008

市場先生私人強積金最新情況(14-Jul-08)

今日收到中銀7月份月供股票的交易紀錄. 熊市係月供股票的好朋友, 筆者唔單止唔會停止月供股票計劃, 現時打算由下個月開始, 將月供金額增加至20,000蚊.

至於筆者的永久組合, 當然係, 繼續持有, 一股都唔會沽.



台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

星期六, 7月 12, 2008

婚前輔導

筆者和未來老婆參加了婚前輔導, 一共有4次與輔導員進行私人面談的機會, 今日係第一次. 有人問筆者點解要花幾千蚊去做婚前輔導, 有無實際作用架. 筆者認為, 其實, 婚前輔導最重要唔係學到什麼新的觀念, 甚至可以講, 事前筆者可以預計到, 婚前輔導期間所講的信息, 筆者大部分都已經認識和知道. 咁點解仍然要俾錢參加? 其中一個主要目的係同未來老婆, 在步向婚姻的道路上, 多一個共同的經歷, 於是將來, 大家就有一個共同的回憶. 當然, 另一個目的, 係向未來老婆表示筆者對婚姻的重視和認真.

共同的經歷對兩個人的相處非常重要. 筆者曾經問一個結婚無幾耐的同事, 點解佢會嫁俾現時的老公, 佢老公做左什麼事情令佢最感動, 以致願意嫁俾佢. 個同事答, 最令佢心動的事情, 就係佢老公願意親身去經歷和體驗佢喜歡的東西和事情. 例如, 如果有一樣食物佢好鍾意食, 佢老公就會去食, 因為佢老公想了解點解佢鍾意食呢樣野, 佢老公想擁有與佢相同, 對呢樣食物的喜悅和體驗. 另外, 如果有種運動佢很喜歡玩, 佢老公就會陪佢玩, 因為佢老公想了解點解佢鍾意呢種運動, 佢老公想感受到當佢玩呢種運動帶來的同一種感覺. 每一樣佢喜歡的野, 佢老公都會親身去體驗. 個同事話, 當你知道有一個人如此在乎你的感覺和感受時, 你就會好感動.

所以, 把握機會, 多d和身邊人一齊做一些事情, 多一些共同的經歷, 多一些共同的回憶, 相信, 彼此的感覺會更加甜蜜, 彼此的關係會更加親近.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

股票係自己名的好處之一

股票係自己名的好處之一, 就係可以第一時間收到股息, 而且唔需要支付手續費. 今晚在網上銀行睇到2628中國人壽的派息已經入左我的銀行戶口, 由於有13,000股已經轉左自己名, 所以今後次共收到6,135蚊 (每股派息0.42人民幣, 或大約0.4719669港元). 來緊8月份應該輪到2888渣打集團公佈08年中期業績, 到時又有股息收. 股市升升跌跌, 唔使太緊張, 最重要係持股公司有無現金盈利, 如果仍然賺錢, 仍然有股息派, 何不選擇做個輕鬆快樂的股東? 憂愁都係過日子, 樂觀也是過日子, 外在的情況唔會因為你的憂愁而變得好, 但內在的心情卻可以因為你的樂觀而變得平安愉快. 喜樂或愁煩在乎你自己的一念之差.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

星期三, 7月 09, 2008

匯豐08年第一次股息今日派發

今日大市回升, 永久組合昨日市值3.922mil, 今日市值上升至4.0722mil, 一日市值增加15萬, 明天又唔知會點, 所以我都無乜特別感覺. 只希望星期五月供股票可以買得平d.

晚上在Computershare網頁查到匯豐08年第一次以股代息的198股已經轉到我的戶口了, 持股正式增加至18,740股. 然後很快, 匯豐又會於8月4日公佈08年度中期業績兼宣佈派發08年第2次股息每股0.18美元. 睇網上新聞, 今次匯豐總共發行1519.15萬股普通股,給予選擇收取代息股份之股東,以代替今年7月9日支付的08年度第一次股息. 以前講過, 銀行的派息能力要睇一級資本充足比率. 筆者相信只要匯豐的一級資本充足比率維持在8%或以上, 漸增式派息政策將可以持續下去.

另外, 睇到今日的經濟日報報導, 最近租盤量急增, 業主減租爭客. 由於近期樓市交投轉靜, 個別短炒投資者未能及時出貨, 又唔肯蝕讓, 於是將單位放租, 以太古城為例, 現時大約有租盤400個, 比正常月份的300個租盤增加超過30%, 個別心急業主減價出租, 減幅約8%. 其他屋苑也面對近似的情況. 將軍澳中心現時有111個租盤, 同區新樓城中馬尺有租盤234個, 區內供應量大增.

相比買樓收租, 筆者傾向買優質股收息. 需知道買樓收租要承受唔少風險, 租霸係其中之一, 而最大的風險係租客在單位裡做出傻事, 雖然發生機會唔大, 但始終不能排除. 另外, 買樓收租係要申報以及繳交物業稅. 而香港股息卻是免稅的. 不過, 筆者並非指買樓收租不可取, 只要計掂條數, 按個人實際的情況考慮周詳, 買樓收租也是提供現金流的選擇之一. 不過, 筆者認為租金只能係甜品, 主菜始終係樓價的升值濳力.


台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

星期二, 7月 08, 2008

市淡, 心淡

個標題並非指筆者的心態, 而係指筆者所見所聞. 事實上, 筆者現時仍然100%持股, 無意沽出任何一股. 熟悉筆者的朋友會知道, 只有股價升到好離譜的貴, 筆者才會恐懼, 或者心淡. 相反, 股價越大跌筆者只會越精神, 越興奮地買, 現時的市況, 筆者當然唔會心淡, 心雄就會.

今日筆者放一日假, 昨天以為今日會繼續落雨, 所以無計劃特別做d乜. 結果, 中午無落雨, 又無太陽晒, 感覺幾好. 趁今日放假, 筆者當然要陪女友飲中午茶, 順便去證券行將前一排買入的2888渣打集團, 以及加碼買入的2628國壽和3328交行提貨轉名. 去到股票行, 嘩, 水靜河飛, 幾乎見唔到有乜散戶坐係度, 連電話聲都無乜聽到. 睇來大市每況愈下, 持續的疲弱表現, 已經令到散戶的熱情冷卻, 甚至心灰意冷. 現時個市況用"熊市"去形容唔夠貼切, 現時係"淡市", 心態冷淡, 筆者有些朋友現時已經對股票失去興趣, 對手上的持股不聞不問. 未敢去問(收市價), 不堪回首(3萬2). 所謂久病床前無孝子, 股市就像久病之人, 散戶就像床前的孝子, 股價急速的下跌, 未必會打擊到熱情與鬥志, 仍然可以高呼好公司有買貴, 無買錯, 長線投資. 不過, 如果股市一年, 兩年都久沉不起, 散戶就有可能會死心, 最後, 再來一段持續的大跌, 就好似年初二晚煙火匯演的最後5分鐘, 持續不斷向上發炮, 頭上的煙花前仆後繼的展開, 七彩繽紛, 爆炸聲震到耳仔差不多撞聾, 口裡卻不期然地發出陣陣嘩嘩聲. 咁散戶就會由"死心"變"嘔心", 想起股票都想作嘔, 發惡夢, 要不計價沽至一股不留, 才得到完全的解脫, 咁就差唔多係另一個牛市誕生的時候了.

之後見到余若微在天橋上派宣傳單張, 路人反應唔算積極, 伸手問佢拿宣傳單張的路人唔多. 記得幾年前筆者曾經在位於置地廣場43樓的香港銀行家會所食午餐, 當時係筆者首次見到余大狀, 佢俾我的感覺, 係好溫文優雅, 好有修養. 今次筆者走近余大狀接左佢的宣傳單張, 然後同佢講支持的說話, 余大狀好有禮貌, 面帶笑容地講多謝. 余若微係資深大律師(Senior Counsel), 競選名單排第1位的陳淑莊係大律師(Barrister), 競選名單排第3位係一位CPA. 在香港,律師分為事務律師(Solicitor), 和訟務律師或大律師(Barrister). 大律師一般必須以個人身份行業,承擔無限責任的風險,而不能隸屬於任何合伙律師事務所或者公司。根據维基百科的資料, 大律師在累積十年經驗後有機會被香港終審法院首席法官委任成為資深大律師(Senior Counsel),而所有在主權移交前已獲認許為御用大律師(Queen's Counsel)的香港大律師,在香港主權移交後全部自動獲得香港資深大律師的資格。截至2007年3月香港資深大律師共只有78人, (71男、7女)。

之後, 筆者繼續減肥大計, 去左某會所的健身室做跑步機. 跑左一個左右, 沖完涼, 就舒舒服服在會所睇一陣報紙和雜誌. 睇到壹周刊有篇講到資金乾塘,樓市向下. 筆者認為股市不振樓市也唔會好得去邊, 筆者唔認為股市和樓市可以decoupling. 所以如果有人睇淡股市, 卻走去買樓, 以為股市唔掂而樓市可以獨善其身, 筆者就不敢苟同. 有人話去酒店問, 知道今年多人結婚, 所以樓市會掂. 筆者就認為, 其實年年都有唔少人結婚, 樓市卻有升有跌. 多人結婚只可以話有住屋需要, 但住屋唔等於要買屋. 況且樓市如果靠用家, 唔慌升得起, 你去有新樓盤銷售的地方問下d買家, 買得最豪氣最多個d, 有幾多個係等緊個新單位要自住. 再講到租金上升可以帶動樓價上升, 筆者也唔認同. 筆者覺得租金係由樓價帶動而非前者帶動後者. 需知道持貨(指物業)係需要成本, 因為沒有資金係免費的. 即使full payment唔使供, 仍然有機會成本, 你唔買樓的錢拿去買無風險的國債都有幾厘息收. 如果要供接揭更加唔使講. 當樓市好景, 樓價上升, 業主預期3個月樓價可以升十幾二十percent, 當然對出租一年才得到4,5厘的租金回報無興趣, 甚至有業主等到租約期滿收樓放賣盤. 於是租盤買少見少, 自然隨樓價上升. 但一旦樓市逆轉, 牛皮一段時間, 甚至樓價下跌, 唔少業主就會放租幫補持貨成本. 所以樓價下跌, 租金一樣會被帶動下跌. 筆者認為d人願唔願意買樓, 主要唔係睇供求(市場上可以出售的單位永遠會多過需求), 唔係睇新樓動工量(市場上未賣的一手樓加上待賣的2手樓永遠會多過需求), 唔係睇租金(樓價跌, 租金一樣會跌, 所以租金唔會成為樓價的支持), 唔係睇利率(幾高的利率都有人願意買, 相反, 幾低的利率一樣可以無乜人願意買樓), 其實買唔買樓, 主要係一個信心的問題. 無信心, 有錢都唔敢唔願意買, 有信心, 借錢都仆倒去買.

總結一句, 租金係供求的問題, 樓價卻是信心的問題. 即係話, 供求決定租金, 信心主宰樓價.


台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

星期日, 7月 06, 2008

75公斤

未來老婆大人指令要我減肥, 我當然要遵命. 連續兩日去健身室做跑步機. 發覺自己的爆炸力已經無左9成9. 想當年我係短跑高手, 跑一百米我通常係第一個彈出, 然後領先60米. 完左跑步機之後出 量一量自己的體重, 嘩, 75公斤, 以前體重70公斤我已經覺得自己需要減肥, 估唔到日久失修之下竟然嚴重到如此地步. 我要發奮圖強, 從飲食和運動雙管齊下. 回復到以前26,27寸褲頭相信無可能, 不過, 減番10公斤應該可以做得到.

最近, 有一種感受越來越強烈, "你快樂就是我快樂", "你幸福就是我幸福". 聖經話, "你們要先求他的國和他的義,這些東西都要加給你們了。" (馬太福音6:33). 從經歷中的領悟, 我就覺得兩個人要相處得愉快和諧, 身為男朋友的, 或身為丈夫的, 要先求她的喜悅和滿足, 就自然家和萬事興.


台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

屋漏偏逢連夜雨

今年平保可謂不利新聞連續不斷. 繼年初1600億的鉅額再融資方案受內地股民千夫所指之後, 繼而有千萬年薪俱樂部的指摘, 事緣07年平保掌門人馬明哲的稅前薪酬達6616.1萬元,扣除捐贈與稅收,稅後實際報酬依然高達2579.4萬元,首席保險運營官梁家駒的稅後薪酬更高達2688.2萬元,在披露薪資的12名平安高管,共有5人的稅後薪資在千萬以上,最低的也達389.4萬元。以致有1055位車主聯名要求保監會向平保高管的千萬元年薪進行調查, 是否分攤了交強險的保費. 最近, 平保又要面對2大不利消息, 包括稅務檢查, 以及投資富通的巨額浮虧.

對於富通投資產生約100億元的浮虧問題, 平保發出公告, 明確指出平保持有的富通股票歸類為可供出售金融資產(AFS), 按照平保的長期投資策略和相關會計政策, 截至2008年6月30日的中期報告, 平保唔需要對富通的投資計提減值準備. 一般情況下, 可供出售金融資產只會影響公司的資產淨值, 而公司的損益表則唔受影響. 根據分析估計, 平保半年業績報告的資產淨值將會因為富通的浮虧下跌約7%. 根據資料, 美國的會計準則對資產減值有比較明確和客觀的標準, 當資產減值的狀況持續超過12個月, 或者資產減值的幅度超過20%, 就需要提取減值準備. 不過, 按照中國的新會計準則, 是否提取減值準備, 並無一個量化的標準, 而係取決於管理層的判斷, 如果管理層認為資產減值屬於永久性的, 就需要提取減值準備. (註: 07年11月平保首度斥資18.1億歐元, 以每股19.05歐元, 買入4.18%富通集團, 其後更增加到4.99%, 共投入資金21.1億歐元).

對於平保子公司平安產險涉及漏税的傳聞, 平保解釋說, 目前國家稅務部門正在對平保以及其子公司進行的稅務檢查, 是常規性的, 主要檢查從2004年到2006年期間公司納稅的情況. 目前檢查工作尚未完成, 公司沒有需要披露的信息, 不過, 平保表示, 市場的傳聞是不符合事實的. (註: 市場傳聞平保在稅務檢查中被發現漏税問題, 可能被罰款最多60億元).

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

星期五, 7月 04, 2008

一些回應 (大跌市有什麼得著)

小興-kk: 先生, 你講出左個重點 - 跌市時的心理質素. 其實現時也是磨練心理的一個好時機. 如果能夠克服難關, 比起在股市賺錢更有價值. 也是難能可貴的.

筆者回應: 投資EQ要靠大跌市, 甚至持續的跌市去磨練出來. 大升市賺的錢, 固然係好, 但一個風浪打到來, 可能失去大部分的盈利, 所謂避得一時, 避唔到一世. 俾你避到亞洲金融風暴, 可能避唔到911恐怖襲擊, 俾你連911都避到, 可能又避唔到沙士. 俾你咁叻仔避晒亞洲金融風暴, 911, 沙士, 次按等風暴, 邊個可以拍心口保證一定避到下一個股市風暴? 風暴永遠都有機會隨時以唔同的形式, 因著唔同的事件而出現, 如何避得晒?

但另一方面, 大跌市磨練出來的勇氣, 心理質素, 和投資EQ, 卻是沒有風暴可以打沉的. 風暴最多令到個股市大跌, 但如果你連持股股價大跌都唔驚, 風暴對你仲有什麼影響力和威力? 風暴只會令你的意志更堅定, 所謂百煉成鋼.

無名士: i'm now 95% holding stock and my stock price drop 10% above and loss in 120K la....it is really crazy and make mad for me....however, i feel more comfortable when you write this passage. thanks

筆者回應: 股價升升跌跌好平常, 你持有一間公司的股票, 就成為呢間公司的股東. 如果你持有一間公司1%的股權, 就可以分享和收取間公司1%的派息, 呢個權利唔會因為股價下跌而改變. 所以, 應該在意係間公司未來的盈利前景以及經營效益, 不過, 唔係只睇一兩年, 因為大圍經濟循環有起有落, 優秀企業在風浪過後仍然會重新啟動賺錢機器. 所以, 最重要係持有什麼公司的股票以及用什麼價錢進場.


r : 我同你差唔多,接近9成持股。手上持有的多是中資金融、匯豐銀行及思捷,對佢地既管理及業積都好有信心

筆者回應:如果手上持有的是自己有信心和能夠為股東賺取盈利的公司, 100%持股仍然可以安枕無憂, 睡得甜美.

A HSBC shareholder : Even though the blogmates still have money, it is advisable not to further invest at this moment. Some stocks (eg. 005) are cheap, but not un-reasonably cheap yet.


筆者回應: 無人可以準備預測股價的高低位和走勢, 但估計一間公司的價值或者衡量一間公司股價平或貴, 相對來講, 比較容易一點, 把握也大一點.


台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

心理質素的考驗

今晚睇NOW TV的臺灣東森電視台, 節目中訪問一個阿伯, 佢今日投入幾千萬台幣買股票, 鏡頭見到佢手上拿著一疊買貨單, 話唔驚跌市, 而家好抵買, 佢買到無晒錢.

今日港股繼續下跌, 恆生指數收市跌461.67點, 國企指數收市跌469點. 筆者永久組合的2318平保股價下跌4.6蚊, 跌幅有8.6%, 2628中國人壽股價下跌3.61%, 3328交行下跌3.71%, 新成員2888渣打集團股價下跌3.48%. 筆者現時已經係100%持股, 無多餘的資金買貨. 不過, 無論股市繼續下跌幾多都好, 筆者都唔會沽出任何一股永久組合. 只會繼續儲錢, 不斷收集優質股票. 筆者有信心將來可以財息兼收, 因為筆者相信永久組合的成員全部都有美好的盈利前景, 未來仍然會係股東的賺錢機器, 無需要因為短期股價下跌而放棄.

手上持股股價不斷下跌, 才可以考驗到你對持股公司真正的信心, 100%持股而面對持續下跌的股市, 才可以考驗到投資的心理質素.

筆者無意去論斷, 現時應該100%持股還是100%持有現金, 哪一種做法才對, 哪一個股票與現金比例才是對. 投資沒有對與錯, 投資只有滿唔滿意(指投資結果),舒唔舒服或者安唔安樂(指投資的過程), 和適唔適合(指投資方法). 投資係好個人的主觀經歷和體驗, 寒天飲冰水,點滴在心頭.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

星期三, 7月 02, 2008

繼續買入#2888渣打集團

今日以226蚊為自己的永久組合買多100股#2888渣打集團, 持股增加至500股. 一如既往, 是否加入永久組合作長線投資, 是在買股票之前已經決定好了, 信心唔會因為股價下跌而改變. 預期08年渣打每股派息6.85港元, 以筆者平均持貨成本238.9計算, 預期息率2.86%, 相當於07年底每股帳面值2.05倍, 以過去3年平均ROE 16.83%計算, 資金回報率大約8.2%.

講起渣打, 筆者記得自己第一個銀行戶口就是在渣打銀行開的. 當時筆者開的係兒童戶口, 仲有一份迎新禮物, 係唐老鴨公仔錢箱. 當時筆者好興奮, 因為第一次擁有自己的銀行戶口. 筆者的儲蓄習慣就由此開始形成. 初時將碎銀放入唐老鴨錢箱, 累積到一定數目, 就去銀行入簿仔, 定期又有利息. 多年之後的現在, 筆者成為渣打的小股東, 算是一種緣份.

增持完渣打之後, 今個月可以收工, 無錢再買, 要等下個月出糧. 當然, 每個月的月供股票仍然會繼續. 不過, 500股的渣打每年估計可以為筆者帶來超過3,400大元的股息現金流, 唔好睇小股息收入, 積少成多, 將來退休要靠佢維持生活.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/