星期日, 8月 03, 2008

跑步終於有些少成績

一個月前我連續跑5至10分鐘已經幾乎斷氣, 有個健身教練同我講, 跑步起碼要持續20分鐘身體才才去到某個狀況, 開始會燃燒到脂肪, 如果你跑十分鐘就停低, 休息一陣, 再跑十分鍾, 再停低休息, 然後再跑, 即使最終你將每個段節10分加埋晒有60分鐘, 減肥的效果都可能無持續不停跑30分鍾咁好, 所以無論幾辛苦, 跑唔夠20分鐘都唔好停低, 最多跑慢d. 初初我堅持跑21,22分鐘才停下, 然後步行多40分鐘. 漸漸地, 發覺氣和持久力係可以緞練返來, 現在我已經可以連續跑超過35分鐘, 短線的目標係持續不停跑到60分鐘. 另外, 個教練話, 當身體build up左結實的肌肉之後, 即使身體在靜止的狀況, 例如企係度, 或者坐低, 無做乜野特別野, 都可以消耗唔少能量, 減少剩餘的能量積聚變成脂肪. 所以我跑完步就繼續做situp, 暫時只能連續做到40下左右. 目標係要做到一百下.

睇完向世界出發林燕妮的真情剖白, 覺得兩種東西最重要, 超越所有野, 就係健康和快樂, 任何影響健康和快樂的東西都唔值得自己太執著, 有需要的時候就要放手, let go. 跑步的時候, 睇緊跑步機上面有部電視機, 播放緊一個外國的遊戲節目, 一班年輕男女在一個荒島接受挑戰, 第一個挑戰係潳汰一半的參賽者. 參賽者分成男女2組, 女仔組先, 在一條河上, 有很多條繩, 每個參賽者雙手握住一支短棍, 支短棍綁在條繩度, 然後個個參賽者雙手握住呢支短棍就向河的中間滑過去, 大概到了河的中間大家都停下來, 雙手緊緊握實支短棍, 整個人好似雙手被吊起咁, 邊個支持唔住, 就會放手跌落河, 被潳汰. 岸邊的人不斷叫佢地 don't let go, 唔好放手.

人生就係咁, 有d野需要堅強, 有毅力, 永不放棄, 才有幸福, 才有健康, 才有快樂; 但有d野需要放手, 需要用平常心去接受.

跑步的時候, 我想起月供股票, 一個好沉悶, 長期, 定期的計劃, 每個月做一次, 每個月才有些少進展, 可能要持續進行十年, 廿年, 才睇到成績, 如果, 到時的結果並非你所預期的, 並非令你滿意的, 你將點會點面對呢? 如果真有咁的一日, 筆者會安心面對, let go. 不過筆者相信那一日將會係令人鼓舞的, 十年, 廿年的堅持, 最終會得到美好的回報.


台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

14 則留言:

  1. Dear MrMarket
    Very inspiring. Thanks.

    Recently I heard a saying that nowadays banking industry is more difficult compared to understand (e.g. HSBC) only by reading the annual report (relative to past times )due to the complexity in the banking products. It would be greatly appreciated if you can share your thoughts. Many thanks

    Regards

    回覆刪除
  2. 根據之前信報既文章.呢件事情係大約要7年(pa 10%)見至開始見到成績.

    生活上好多事情唔係即食既,例如早餐食cereal 減血脂起碼要食幾個月先至開始有料到.

    所以先生既blog 係一個好既平台! We are not alone.

    回覆刪除
  3. Mr. Market, 可唔可以在你的永久組合下加入月供組合的投資變化?
    e.g. Stock code: Period(月供金額)
    Period(月供金額)
    Stock code: Period(月供金額)

    那在我們便可以清楚了解先生的月供改變...

    回覆刪除
  4. 以跑步比喻月供股票,係一個非常好的例子。我地只要持之以恆,終會修成正果的。

    回覆刪除
  5. 回應400blows : 無可否認, 現時的金融業比以前複雜, 結構性金融產品連行內人都中招, 但並非壞事. 正如考試, 如果試題好淺, 個個好容易拿滿分, 就分辨唔到真正有學問的人.

    回應ngkf: 多謝你.

    回應無名士: 我盡量吧.

    回應大口仔: 一齊努力!

    回覆刪除
  6. 市場先生,
    想請教你,點解yahoo財經版入面顯示既公司財務比率數字同該公司年報有d唔同既.例如我睇招行07年報成本收入比率係35.05%, 但係yahoo既資料係40.78%, 咁yahoo既其他資料準唔準呢?謝謝

    回覆刪除
  7. 回應alan9086 : 我會信公司財務報告多過yahoo既資料.

    回覆刪除
  8. 市場先生,很佩服你的毅力, 今天也試試跑了20分鐘, 很累呢, 希望可以減些吧! 不知先生有沒有些減肥心得?

    回覆刪除
  9. 你有否想过全职做股票分析?把兴趣和事业合在一起?用你的名气,知识,你可进投行试一试?或是成立自己的公司,你还年轻。不过,一般的香港人就是比较risk-averse. LL

    回覆刪除
  10. 開始要去堅持的時候的確很難,但當習慣後就可以再闖高峰 !

    回覆刪除
  11. Hello!
    剛好我亦是為準備結備,現時要控制體重,以下有些分享;
    1. 運動消耗體內的糖份到一定程度,但會開始分解體內的 fat 來供應能量,所以要持續一段時間,一般認為是 15-20 min。
    2. 是否一定要連續不段地跑,能否每段之間小休一會,這方面我無研究過,但我相信基於第一點,如小休不是太久,應該分別不大。
    3. 燃燒 fat 雖要大量 oxygen,所以不能跑得太快,以你的年齡..一般維持心跳於約 120...印象中公式是: (220-年齡)*0.6 至 0.8。
    4. 最好不是跑太斜的路,上落前要做鬆筋,否則易勞損及發炎。
    5. situp 對收緊腰的肌肉有幫助,但不能很有效地減肚的 fat,其實你只要持續做帶氧運動,腰步積聚的 fat 便會慢慢減退。 
    大家一同努力吧!

    回覆刪除
  12. 先生,提提你,跑得多,小心腳粗,雖然男人可能唔太MIND....

    回覆刪除
  13. 先生:
    1. 到了牛巿三期或瘋狂時候,先生會否減少月供股票的銀碼,還是會繼續每月$20000,又或將來會否加至$20000以上呢?
    2. 月供股票計劃所儲的股票,是否一直儲到10年或20年,而看收成呢?途中一股也不沽,用股息再投資月供股票計劃呢?
    請先生多多指教.

    Paulman

    回覆刪除
  14. 回應hkstudent, 巴林: 我的心得係不怕辛苦, 要堅持跑步.

    回應LL: 暫時未有咁既實力, 將來進修後想進軍妙分別員以及基金經理. 不過要老婆批准.

    回應無名士, R; 多謝意見.

    回應Paulman: 牛巿三期或瘋狂時候可以減少月供股票的銀碼, 但唔好停止, 也唔好沽左已累積的股數.月供股票計劃所儲的股票,會一直儲下去, 途中一股也不沽.

    回覆刪除