星期六, 7月 12, 2008

婚前輔導

筆者和未來老婆參加了婚前輔導, 一共有4次與輔導員進行私人面談的機會, 今日係第一次. 有人問筆者點解要花幾千蚊去做婚前輔導, 有無實際作用架. 筆者認為, 其實, 婚前輔導最重要唔係學到什麼新的觀念, 甚至可以講, 事前筆者可以預計到, 婚前輔導期間所講的信息, 筆者大部分都已經認識和知道. 咁點解仍然要俾錢參加? 其中一個主要目的係同未來老婆, 在步向婚姻的道路上, 多一個共同的經歷, 於是將來, 大家就有一個共同的回憶. 當然, 另一個目的, 係向未來老婆表示筆者對婚姻的重視和認真.

共同的經歷對兩個人的相處非常重要. 筆者曾經問一個結婚無幾耐的同事, 點解佢會嫁俾現時的老公, 佢老公做左什麼事情令佢最感動, 以致願意嫁俾佢. 個同事答, 最令佢心動的事情, 就係佢老公願意親身去經歷和體驗佢喜歡的東西和事情. 例如, 如果有一樣食物佢好鍾意食, 佢老公就會去食, 因為佢老公想了解點解佢鍾意食呢樣野, 佢老公想擁有與佢相同, 對呢樣食物的喜悅和體驗. 另外, 如果有種運動佢很喜歡玩, 佢老公就會陪佢玩, 因為佢老公想了解點解佢鍾意呢種運動, 佢老公想感受到當佢玩呢種運動帶來的同一種感覺. 每一樣佢喜歡的野, 佢老公都會親身去體驗. 個同事話, 當你知道有一個人如此在乎你的感覺和感受時, 你就會好感動.

所以, 把握機會, 多d和身邊人一齊做一些事情, 多一些共同的經歷, 多一些共同的回憶, 相信, 彼此的感覺會更加甜蜜, 彼此的關係會更加親近.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

20 則留言:

  1. 對於從未結過婚的人, 對婚姻有憧境, 可以明白。。。

    你又有冇問下那位結婚無幾耐的女同事? 會不會做些令老公感動的事? 去維繫這段婚姻, 一廂情願的事, 不長久…

    回覆刪除
  2. I am also going to get married soon. May I know which 婚前輔導 you two go?

    Jonathan

    回覆刪除
  3. 回應Lavigne : 做一些事情令老婆開心, 並非單單為了維繫婚姻, 愛一個人, 你都想佢快樂和幸福, 唔一定要講條件.

    回應Jonathan : 家計會有婚前輔導, 如果你係基督徒, 可以參加教會舉辦的婚前輔導.

    回覆刪除
  4. 同意.尤其是另一半是有得選擇的時候.
    剛剛知道有個老死離了婚.以前佢地兩個好match, 大家有共同嗜好,佢結婚當晚個part 舞我仲好記得.
    其中一個分開既原因,應該係女方就個男方太多.
    所以先生好正確.大家要共同經歷,投入同誠實.兩個家庭走在一起可以是1+1=3 亦都可以是1+1=1.5

    回覆刪除
  5. 市塲先生:

    你有沒有想想? 從今以後, 都是你單方面做一些事情令老婆開心, 漸漸你說的unconditional love, 唔講條件, 可否堅定不移?

    而家講緊一生一世的婚姻…將來還有小朋友呀!

    要維繫一段美滿婚姻, 好高學問.

    從來相愛容易, 相處難。。。

    回覆刪除
  6. Lavigne: I understand what you mean and I think your interpretation is quite true.. Support your idea..... Forget about it, man.. In this world, there are people of different "levels".

    Mr Market: Congratulations!

    回覆刪除
  7. 回應Lavigne: 我絕對認同美滿婚姻需要相方的委身和commitment, 不過, 如果太過著重睇對方為你做幾多, 自己才願意付出幾多, 而如果大家都係持有咁樣的想法, 結果就會越來越唔願意首先付出, 或就住就住咁付出, 惡性循環. 相反, 如果有一方願意主動唔計較地先付出, 就有機會有良性循環的效果.

    回覆刪除
  8. 十分認同先生講法。:)
    我都想搵到個好似你咁好的老公呀。(流口水中)

    回覆刪除
  9. 先生,芝芝年紀和你相近嗎?

    我這個老死同佢個Ex 差10年.

    回覆刪除
  10. hi,
    I don,t know how to leave comment. Thanks

    回覆刪除
  11. can i subscribe to ur blog? i can't find such a function here?

    回覆刪除
  12. 小弟十分佩服先生對未來太太的心思!!小弟從未對太太有如此心思,兩夫婦相處的確是一個很大的學問。

    回覆刪除
  13. 很同意你參加婚前輔導~
    這是大家較認識對方及自己的時間~
    有共同的活動都十分重要! ^^

    你地幾時結婚呀? ^^

    回覆刪除
  14. 非常同意市場先生所講, 我老公亦是首先對我無條件付出, 現在我對他或他的家人也是非常感激的. 可以結作夫妻不容易, 我地要珍惜機會努力讓對方幸福.

    祝市場先生幸福快樂!!

    回覆刪除
  15. Hi Mr. market,

    我也是基督徒,二人同心一起走是很快活的.這是我多年的经歷.
    有些問題請教:
    1.我有二個物業,一個己供完(升值潛力很低)出租,号一個供了兩年(升值潛力也不高)自住,現我想出售出租的物業,去換#2628,先生有何看法呢?
    2.#941可否视為永久組合呢?
    3.期望看到先生的逃出賭徒经歷.

    paulman

    回覆刪除
  16. 回應秋, 柏金遜: 在婚姻事上, 我仍然有好多野要學習.

    回應ngkf: 未來老婆的私隱, 唔講得.

    回應kinki_ngenius : sorry, 我都唔知點subscribe

    回應Skynakata : 今年之內.

    回應無名士: 多謝你的認同和祝福.

    回應paulman: 如果俾我自己選擇, 我唔會買樓收租 (自住就會), 投資我會選擇股票. 2628當然係好的選擇. 我唔會將941加入永久組合. 有機會會寫脫離賭徒的經歷.

    回覆刪除
  17. 當然唔係要在網上透露啦. 呢個係一個反思既問題.
    若果年記相差太遠. 女方心智成熟的時候男方停了下來問題就來了
    所以終生學習除了在學問方面,智慧養成都同樣重要.

    祝先生有個美滿婚姻

    回覆刪除
  18. 靠"無條件付出"和"感激"的婚姻很難維持得久.

    回覆刪除
  19. 回應ngkf: 非常認同美滿婚姻係終生學習的功課.

    回應無名士: 靠"無條件付出"和"感激"的婚姻很難維持得久 ==> 我唔可以話你錯, 不過有機會我可以再詳細d討論呢個topic.

    回覆刪除
  20. 唔係個個人都會欣賞你咁嘅諗法.
    你好好彩,個女朋友會咁樣欣賞你對佢嘅心意.

    回覆刪除