星期日, 4月 06, 2008

廣東發展銀行vs平安銀行

中國人壽和平安保險旗下各自擁有銀行業務. 平安保險持有 90.04%平安銀行的股權. 之前都有提過平安銀行於07年度期未資產淨值62.68億人民幣, 提供盈利15.37億元, 扣除非經營性的項目,包括出售不良資產所得收益2.67億元, 以及撥回訴訟準備金1.51億元之後, 盈利都有11.19億元, 算是唔錯.

中國人壽持有20%股權的廣東發展銀行07年業績如何呢? 我手上無廣東發展銀行07年業績的詳細資料. 不過從中國人壽的年報公佈的資料推斷, 廣東發展銀行07年期未資產淨值308.25億人民幣, 係平安銀行的4.92倍, 提供盈利27.2億元, 係平安銀行的2.43倍. 簡單的比較, 睇到同平安銀行的業績比廣東發展銀行好好多.

廣東發展銀行業績唔理想, 據聞係各股東之間意見和利益並不一致, 大家知道花旗集團持有20%廣東發展銀行的股權. 以前筆者曾經評論過方卓如一篇有關聯想收購IBM中外藉管理層面對的問題, 筆者當時對方卓如提及語言障礙問題不以為然, 中資外資合作面對的問題, 語言根本唔會係問題, 文化差異才是大問題. 如果你派個外籍人士, 即使你派個香港人, 但係講英文, 無論建議有幾好, 隨時會被大陸管理層ban左. 唔係佢地聽唔明英文, 而係俾佢地的感覺唔好.

因為工作關係, 筆者接觸過不同國家和地區的人士, 包括美國, 墨西哥, 英國, 法國, 德國, 澳洲, 日本, 新加坡, 韓國, 台灣, 菲律賓, 馬來西亞, 汶萊, 越南, 泰國, 印尼, 印度, 孟加拉等等, 當然也包括大陸. 唔同國籍的人士俾筆者的印象的確各有不同. 英國人尤其是英格蘭人的英文係最優雅, 而且能夠非常清晰地將意見表達出來. 美國人的presentation skill(演講能力)令筆者非常佩服. 佢地隨時都可以將一個簡單的話題用一個小時的時間演講出來, 當中可能有50分鐘的內容其實可以省略, 仍然無損最重要的信息, 所以有時同美國藉同事爭論一件事情的確好困難, 因為佢地講完一大段說話之後你可能找不到重點去反駁, 因為實在太外交式和空洞. 某些澳洲藉同事的email就好難睇, 整篇 email可以一個標點符號都無, 一堆過. 印度藉同事講野的速度非常快, 通常我都插唔到咀, 因為佢地可以一直講唔停, 另外, 我發覺印度藉同事讀唔到"t"音, 你聽到"d"音, 其實佢地讀緊"t". 大陸和台灣同事, 我發覺如果你同佢地講英文, 佢地會好公事公辦式, 佢地的英文水平絕對好, 不過, 如果你用國語同佢地溝通, 效果會係事半功倍, 筆者識講台語, 同台灣同事講台語, 佢地當正你係自己人.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

5 則留言:

  1. 文化差異 + 共同利益不同都幾惡搞 !

    回覆刪除
  2. 2318, 2628, 3328, 3968 現價好似好貴下咁,好似供又唔係好抵
    945都唔算平..唔通靜係供5仔先?
    我對中資金庸股d價唔係幾識計,但見好多都升到20P/E以上,其實幾多倒先叫合理?而家係咪5 叫最平??
    其他幾隻幾多算平??可以講解一下嗎,謝謝

    回覆刪除
  3. 我朋友說我才20歲,應該進取一點,只是月供是否太保守呢??如果供??供那隻會比較進取??

    回覆刪除
  4. 你就好啦,有噤既機會接觸到不同國籍的人,以前我都接觸過印度人,他們真係好聰明,想野好快,特別是寫Logic,講野又好快; 國內同胞, 真係工事工辦, 但真係要同他們熟一點,做起事來方便點; 新加坡人好自已為事, 自已為英文好好, 工作就一般.

    回覆刪除
  5. 真係大開眼界, 細個去旅行最唔鐘意見到美國人, 佢地可以完全唔理你既感受,唔尊重人.

    英國佬算係幾好.

    菲律賓人同印尼人都較為懶. 做一兩年有少少錢就唔做.

    印度人同台灣人就未deal過.

    我聽講新竹Bank D人麻麻.

    回覆刪除