市場先生私人強積金(15-Apr-08)

筆者由07年3月份開始月供股票計劃, 為自己和未來的家庭成立私人強積金, 到今個月為止, 剛好一年零一個月.

有人問筆者點解要月供股票, 呢d似乎係好平凡的買股計劃, 一d都唔刺激; 另外, 筆者的主力投資方法係buy and hold, 又係好平凡和簡單的方法, 甚至有人覺得buy and hold已經outdated.

筆者從事IT工作, 工作時間長而且唔穩定, 可能需要連續24小時的通霄工作, 工作壓力又大, 加上, 自問無本事做高度技巧的買賣操作, 所以, 主力只能靠平平凡凡, 簡簡單單的方法去投資. 不過, 筆者在投資方面並非一無是處, 筆者的優點係夠耐性, 夠定力, EQ都算高, 100%持股面對大跌市也唔會憂心忡忡, 仲有, 筆者能夠樂觀去面對整體股市以及個別持股公司的盈利前景. 無論如何, 筆者對目前擁有的股票組合, 以及月供股票組合, 仍然係充滿信心和樂觀的.

投資股票, 各施各法, 條條大路通羅馬, 筆者唔介意走得俾人慢, 不過, 筆者有信心終有一天同樣能夠到達目的地.



台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/