星期日, 5月 25, 2014

終於遇到猜猜我是誰

今日下午筆者正在家中寫下星期二篇稿, 突然電話響了, 來電顯示是長途電話但沒有號碼. 未接電話之前筆者以為是海外的親戚打來. 但一接電話筆者便肯定不認識對方. 對方的聲音像是一位50多歲的男子, 聲音都算洪亮. 筆者問了多次, "你揾邊個?". 但對方不直接回答, 只是重複問筆者"知唔知我係邊個?". 筆者不想遊戲咁快結束, 因此隨便說, "你係唔係6叔呀?". 一如所料, 對方馬上話, '係呀, 我就係6叔". 筆者差點想講, "6叔, 可唔可以俾個number我呀?". 不過, 最終筆者是問佢, "你而家係邊?". 對方回答, "我來左深圳". 然後對方再講, "你記低我的電話, 979586XX". 我問佢"咁短gei". 對方回答, "係呀, 呢個係香港的號碼, 你再記低我大陸的電話, 150179586XX". 然後, 對方問我, "你手提號碼係乜呀?". 我答佢, "我無手提電話". 對方話, "唔係ma, 手提電話都無?'. 我話, "係呀, 無野做, 無錢買手提電話". 對方問, "你來唔來深圳呀?". 我回答"無錢, 無心情, 唔來啦.". 對方馬上掛斷電話.........

7 則留言:

  1. 試過同事收到這類電話拿給我聽,最後玩到對方爆粗收線,哈哈。

    回覆刪除
  2. 上次嬲嬲哋,講咗"你諗清楚自己係邊個先啦",跟住收線,哈哈

    Victor

    回覆刪除
  3. 先生, 我一直有個疑惑, 希望請教下你意見, 現在將物業加按,息口約2厘多D, 套一舊錢出來買高息股, 例如中行, 實收息超過6厘. 按揭息係息隨本減, 股息就食的, 6厘一2厘左右, 淨食4厘袋袋平安.
    點解無乜人加按買高息股? 中行呢個價位,實收6厘幾息, 看似非常化算的投資?
    又或者賺少D, 買一D仲穏陣的公用股, 都有4厘息啊, 點計都有賺. 我吾明點解無乜人甘做?

    回覆刪除
  4. 哈哈!另類的知識分享,謝謝:-)

    回覆刪除
  5. 我都收過, 答 :
    不如你估下我係邊個先啦 ~~~

    回覆刪除
  6. 1. 止凡兄,Victor: 騙徒當然不是你們的對手.

    2. Ken, 我相信有人已經咁做, 不過, 加按要每個月還錢, 但股息不是個個月派, 要做好資金流動性管理.

    回覆刪除
  7. 我那次問你係咪邊個邊個, 對方一定話係, 咁我話你欠我那十萬幾時還, 佢即收線

    回覆刪除