星期一, 10月 29, 2007

匯源(1886)新聞一則

通常逢星期一我都會買經濟日報, 今日睇到一則新聞講我的目標心水股#1886匯源:

《神州民企》匯源(1886)拓新蔬果汁,保「一哥」地位

2007/10/29 08:58   

為鞏固在中濃度果汁市場領先優勢,匯源(1886)副主席兼首席財務官吳育強表示,今年透過推出新系列的蔬果汁,期望在中濃度果汁的市場佔有率仍可居首。

吳育強表示,果汁濃度為26%至99%的中濃度果汁,去年透過推出針對年輕女性的口味新蔬果汁帶動銷售額,市佔率大升,今年更成為內地最大的中濃度果汁生產商。他希望今年再推出一系列的50%濃度混合蔬果汁,以保持市佔率升勢。

吳育強預計,進口濃縮橙汁下半年的價格升幅將高於20%,不過其他原材料如白糖和果漿的價格卻表現穩定,故下半年應可保持上半年的總體毛利率。他還舉例,透過調整組合,如多賣原材料較便宜的桃汁,減低原材料上升的影響。《香港經濟日報》

睇匯源的業績報告, 匯源的產品主要分3個種類:
1) 100%果汁
2) 26-99%中濃度果蔬汁
3)25%以下果汁.

2007年上半年, 匯源係國內100%果汁的一哥, 以零售金融計算, 市場佔有率高達40.8%, 中濃度果蔬汁匯源都係國內的一哥, 市場佔有率36.6%, 不過同第2名競爭對手(36.4%)好接近. 至於25%以下果汁, 匯源的市場佔有率只有6.3%, 排第4.

我在珠海超市, 見到的果汁飲品通常係25%以下果汁, 都有7,8個品牌在競爭. 以前我經常會買康師傅的果汁, 果汁成分只有10%或以下, 現時我唔係太鍾意, 因為太甜, 如果想健康d, 應該飲100%果汁, 不過會酸d.

今日1886股價下跌, 對我來講係好事, 因為我等待緊機會買貨.

10 則留言:

  1. 長線應該不錯, 我都想入些, 你有沒有心入貨價呢?

    回覆刪除
  2. 有人提, 就好難有機會買平o野... 今日都 around... $9.9x. 不過 lee 隻都係好o野, 唔知先生唸住幾錢入呢?

    回覆刪除
  3. IPO 抽到三手 hold 到而家...
    最初期望佢係第二隻蒙牛,但係...

    回覆刪除
  4. 先生,想問下以財務角度睇何以 1886 會有好未來?有冇一 d 量化既分析?

    如果純粹睇市場佔有率,可能有以下問題睇唔出:

    1. 原料價格受通漲影響
    2. marketing 同 instore 既成本可能大。大陸 FMCG 掟錢賣廣告爭市場隨處可見
    3. 如果大陸經濟有問題,消費股 marginal return 可能被壓
    4. 大陸超市、大型商場而家仍然起步階段,要聽 supplier 話事,但日後成熟左 supplier 議價同 bargain 能力會受壓

    回覆刪除
  5. 先生
    你好,我係琴日留言o個個人,可能先生唔方便用email回答我.麻煩先生o係度回覆我啦.我一路都好想安枕冇憂地投資,所以最終月供左中移動,交通,中交建,中石化,中人壽,中石油.本人有資本10萬,大概每月月供6000,四個月以來都已經有不錯的升幅.但係仲有7萬蚊,(當我暫時未有工做),其實一早想等大跌o既時候就入哂,可惜等來等去都等唔到(而且唔知跌都幾多先叫合時).本人係基督徒,極不願意炒賣,但見到每日咁升法,真係好掙扎.有d心水股(中交建)係咁升(自己只有幾百股),請問先生,我係唔係只有邊等邊月供?定係買匯豐?定係加大月供金額?定係好似你咁投資d少人留意o既野?本人真係等得好辛苦,麻醉先生回答

    回覆刪除
  6. 回應MemDB, Ivan Wong: 07年有特殊盈利(巨額ipo利息收入)唔作準. 預期08年每股盈利0.3, 我願意以25倍08年市盈率買入第一注, 大約7.5.

    回覆刪除
  7. 回應kelvinyks: 我的要求係: 1. 銷售額有增長, 毛利率保持或者上升. 飲料其實隻隻牌子差不多, 分別係品牌和形象. 呢d要靠賣廣告去建立.

    回覆刪除
  8. 回應無名氏: 月供股票應該繼續進行. 投資要有耐性. 賺大錢的人通常係有耐性等股價大跌然後買入長期持有. 短炒上落最終可能係白忙一場.

    回覆刪除
  9. 先生,最近各中資銀行+保險股都出左成績,有冇邊間既成績令你好意外?

    我好懶+偏心,今期淨係留意交行(雖然都有其他銀行股),覺得佢日後既發展模式有點像平保,發展一個綜合式的金融平台,乜都搞,但比起平保,看來與匯豐既合作更緊密,個人十分睇好><。(其實我未睇招行既成績,可能佢更勁都未定......)

    另,今日係書店睇到先生既書,原來已經要出第2版,真係恭喜晒!!

    回覆刪除
  10. 回應r: 我仍然十分睇好中資金融股的盈利前景, 不過現價唔平.

    回覆刪除