星期六, 10月 06, 2007

取捨

網友monkey23話最近沽出的股票全部都再急升, 那種唔開心真係幾難頂, 雖然佢明白自己在做什麼, 只是那種早沽的感覺的確很難受呢! 問我點樣去面對這種心態.

我首先舉個例子, 買人壽保險係一種風險管理, 係一個風險轉移的做法. 但你唔能夠又要自己平安無事, 又要對保險公司賺左你的保費而唔開心. 所以你唔能夠又要100%持股賺到盡, 又要在股災來到的時候有大量現金買平貨. 人生的現實係要"取捨". 想想點解巴菲特要沽857, 有人話係因為巴菲特有投資項目等錢使, 唔好講伯克希爾手上仍然有多現金, 就當巴菲特真係等錢使, 點解唔沽可口可樂, 唔沽吉列公司, 唔沽美國運通, 唔沽富國銀行, 只係沽857? 有人話係因為政治理由, 如果真係因為政治理由, 咁就應該不計價全部沽出, 一股不留, 咁點解之前巴菲特要交俾股東大會去投票決定, 股東決定左唔沽之後先來沽? 巴菲特持有857的平均成本即使唔計收到的股息只有1.6至1.8左右, 難道巴菲特認為857的股價會跌穿佢的成本價? 現時人人都幾乎識講油價可能升到100蚊, 857又不時發現新油田, 857錢途一片光明, 點解股神仍然要沽貨?

無人知股市的頂部在哪裡, 可以升到幾多, 同樣, 也無人知股災幾時會來. 可行的做法係減持一部分股票, 保留多一些現金, 現時我自己股票與現金的比例大約係70%比30%, 如果股市繼續上升, 70%的持股仍然可以為我增值, 如果大市逆轉, 我有30%現金買平貨, 進可攻, 退可守. 無需因為賺少左而唔開心, 錢係賺不盡的.

最後, 補充一下, 仍然認為月供股票係長期的計劃, 無需改變. 我仍然月供8000蚊, 分別係3328, 3968各2500蚊, 2318, 2628, 945各1000蚊.

6 則留言:

  1. 市場先生你好:
    睇完你的書, 知道供股的重要,但閣下今日介紹分別係3328, 3968, 2318, 2628, 945, 而閣下的妹妹是月供 5.
    我是一名26歲的年青人了, 只可月供 $3000 to $5000, 可否提供點意見, 又銀行月供是否較好, 不好意思, 太多問題, 希望閣下及各位早日財務自由.

    回覆刪除
  2. 市場先生
    我於 19 買入 2318
    現升過 100
    我對此情況有點恐懼, 因升得實在套恐怖
    其實我對 計數睇報告係唔識
    但我睇到 果個所謂 盈利率 係 80 幾
    我諗我係咪可以沽部分貨獲利呢 ?

    回覆刪除
  3. 我想請教一下你對中人壽,平保,同中石油的意見, 因為我最近入了貨(32入中人壽,14入中石油, 106入平保), 如果想長揸或者揸中線邊樣好? thanks!

    回覆刪除
  4. 想問根據以往泡沫經驗,今次係咪會再升一倍或更多?

    回覆刪除
  5. monkey23 : 實在好多謝你的意見, 用保險來解釋我應有的態度去面對這賣出後的急升的情況實在很貼題! 明白哂! 我也正在努力地將持股對現金比例至70%比30%! 本想在你的YAHOO BLOG留言, 但那網站最近UPGRADE緊, 怪怪地, 不能留言咁, 莫怪我用ANONYMOUS留言比你, 我係真的monkey23!

    回覆刪除
  6. 回應whei: 5, 945, 2318, 3328, 3968, 2628都係月供股票的好選擇, 如果只選1隻, 我選#5.

    回覆刪除