星期日, 10月 21, 2007

珠海4天遊完畢

2星期的長假期差不多完結了. 今次在珠海留了4天, 下午在澳門碼頭排了很久才買到加航班的船票, 又排兩次後補位的隊才回到家, 估唔到咁多人去澳門.

每次去珠海我一定去萬佳百貨的文華書城, 因為佢夠大, 書夠多. 記得03年我去文華書城想買費雪的"common stocks and uncommon profits", 當時個售貨員很努力幫我找電腦資料都唔成功. 今次我大約數下書架上同投資有關的書籍, 起碼超過1000本, 你認識唔認識的投資大師的書都有, 可想而知現時A股有幾熱. 結果我用200大元買左7本書, 本來想買多d, 但實在太重了. 大陸書店有個好處, 你可以將行李寄存在書店裡, 然後出去食飯或者行街.

坐的士時同個相熟的司機傾股市, 佢話佢老婆06年尾買左部電腦在家上網炒股票, 每次可以賺2,3
千蚊, 佢話08年奧運之前仲有得炒, 奧運之後地產和股市就會下跌. 當的士司機都識得咁講, 有什麼啟示呢?

另外, 見到有言論提到現時A股大升因為炒供求, 而2005年的股改非流通股轉為流通股3年禁售期2008年就到期, 到時有幾多貨會流出市場係不可忽視的因素.

近年每次返大陸我會換一萬蚊人民幣, 用唔晒的就存定期. 上次在3月份存1年定期利率係2.52%, 今次1年定期已經有3.87%. 如果存2年有4.5%, 3年有5.22%, 5年有5.76%. 如果你當人民幣定期存款係無風險的回報, 5.76%相等於12.5年左右資本可以番一番, 相對現時超過60倍PE, 即係資金回報率小於1.67%的A股, 現時應該恐懼還是應該貪婪?

9 則留言:

  1. 先生請問你到那間銀行做人民幣定期,有甘高息? Minimum deposit 要多少

    回覆刪除
  2. 回應penny chan : 珠海的工商銀行, 大陸好似無限最低金額.

    回覆刪除
  3. 先生, 想問下你去完珠海渡假之後, 有冇諗過再度增加現金, 減少股票呢?

    回覆刪除
  4. 先生, 你去完珠海渡假回來之後, 你會否再度增加現金減少股票呢?

    小興-kk

    回覆刪除
  5. 大陆所有銀行都是一样息率的

    回覆刪除
  6. 先生我想做人民幣定期
    並有以下問題,煩請解答:

    1. 在珠海的工商銀行開戶要有什麼資格, 是否有HKID 就可以?
    2. 因本人很少往來中國, 是否一定親身在珠海分行開戶?
    3. 可否從香港匯人民幣到珠海分行,並用網上理財做定期? 匯人民幣會不會cost很大?

    Thanks

    回覆刪除
  7. 先生,去珠海回程時路經澳門有無去今期好hit的威尼斯人逛一逛

    回覆刪除
  8. 回應小興-kk : 現時仍然70%股票, 30%現金, 暫時無打算改變.

    回覆刪除
  9. 回應Ken: 我用回鄉証在珠海工商銀行開戶口, 然後存入人民幣.

    回覆刪除