星期日, 10月 28, 2007

一些回應(20071028)

小興-kk: 你認為在那些價錢可以考慮呢?
wind : 個市跌幾多,先生才會出手買貨?

市場先生: 以2319為例, 估計未來3年盈利有30%複式增長, 以08預期市盈率30倍計, 最高可接受的入場費27.87, 買些少打底先, 然後越跌越買.

小興-kk: 為什麼先生你會突然留意這些股份呢?

市場先生: 我每次去珠海渡假, 一定會去酒樓食飯, 有時趕時間就食大家樂, 行書店和超市, 和睇電影節目, 大陸的節目很多選擇, 水準都好高. 無論電視廣告, 去超市, 都提醒我匯源果汁, 蒙牛, 康師傅的飲料和即食面, 好多人買架, 包括我都有買. 所以引起我的興趣去研究食品飲料股.

10 則留言:

  1. 先生有冇睇上星期美聯特約財經透視??

    佢有詳細介紹蒙牛,仲實地參觀佢個廠房,間廠好有規模,佢仲同一間澳洲公司發展cheese 條line 。

    回覆刪除
  2. 你早前提及的牛市3期的現象,我留意到另外兩點:(一)無論去邊度,都聽到人在講股:在巴士上聽到人用電話講緊賺幾多。今朝食早餐時見到旁邊兩個男人在傾股票,佢地傾得好投契,後來言談之間才發現佢地原來只係同桌食野在搭訕。(二)教會傳道人在講台上連續多次提及不要沉迷炒股。
    不過留意到身邊不少朋友都開始增持現金,情況有點像二萬四千點時,似乎大市仍有得升。不知先生點睇?

    回覆刪除
  3. 本人過去兩年一直月供匯控,雖然經常俾人笑我傻,話匯控跑得慢、無增長。但我計過月供的成果,我現時平均的月供價是$137左右,計埋派息,我仍有總投資額約11%利潤。雖然在過去兩年大升市中,咁的回報並不吸引,但以月供又安心的情況下,我覺得都ok。我贊成先生輕鬆投資的做法,我會長線繼續持有匯控,並正考慮把匯控提現貨收藏以示長持的決心。不過想請教,如果想在銀行提取現貨,之後要在哪裏轉名?手續及收費又如何?

    另外想請教有關宏利及國壽的意見:本人去年初以$245買了宏利,見它一直穩步增長,好鍾意,本也打算永久持有。但於七八月時,由於次按問題可大可小,宏利又持有不少房產,我擔心的情況下於$290沽出了,一直後悔至今!現時宏利已再升了一成多,我想買回也不能。而據過往的歷史,宏利在股災時也最多只回跌兩成左右,我怕等大市真正調整時,宏利是由$400調至$320,仍比我沽出價高……請問先生有否我這種犯錯的經驗,有何意見?

    國壽我在年初以$23.5購了兩手,也是打算長持的,但早幾天見佢升得咁快,遂以$51沽了一手獲利。因為國壽上期的業績顯示,它的每股盈利可能只是$1.2左右,而壽險增長只約有16%,利潤急升主要因為投資回報而非壽險收入。如以30倍PE,我睇國壽只值約$36,$50其實是合理價三成以上,不知先生對國壽的意見?是否我投資EQ仍太低呢?

    回覆刪除
  4. 先生你好

    我在3年前開始月供股票,和你一樣是用來退休,看見它慢慢地增長, 心情總算平安, 但在恆指2800點開始,好像全世界都在搶入市,
    這幾個月心情有點不知所以,人在泡沫中,唉!
    唯有keep供,不想太多.

    sasa

    回覆刪除
  5. 回應hermanwest: 我對"統一"絕對有興趣, 福字面我細細就好鍾意食

    回覆刪除
  6. 回應r: 無睇呀, 不過都知2319係好野

    回覆刪除
  7. 回應示風: 大市會再升多幾多無人知, 現時保留一些現金係穩健的做法. 我自己手上的匯豐全部係自己名的. 你可以打電話2862 8555問中央證券登記處. 接近15年的投資/投機經歷, 當然有唔少犯錯的經驗, 從失敗中學習, 不要氣餒.

    回覆刪除
  8. 回應sasa: 月供股票不要停. 人在泡沫中, 以平常心對待吧.

    回覆刪除
  9. http://www.youtube.com/watch?v=4r85CytIT1Q

    回覆刪除