星期二, 9月 16, 2008

我的投資策略

是嘗試避開"泡沫市(即係因為市場過份樂觀, 熱情甚至瘋狂而引致資產價格泡沫化)", 但無意去避"非泡沫的大跌市(即係因為市場過份悲觀, 憂慮, 甚至心灰意冷而引致資產價格恐懼性下跌)", 因為"泡沫"才值得恐懼, "大跌"反而無需憂慮或不安. 所以面對目前看似非常惡劣的金融環境和壞消息, 包括全美第4大投資銀行雷曼兄弟申請破產保護, 全美第2大投資銀行美林被美國銀行(BOA)併購, 以及全美最大保險集團AIG正向美國聯儲局尋求400億美元過渡貸款, 筆者仍然會繼續持有全部的永久組合和繼續月供股票計劃.

不過, 其實對筆者來講, 股價升跌係其次, 股票組合帳面值的升跌也不會令筆者上心或憂心, 但金融呢個行業, 尤其是投資銀行, 竟然走到目前的地步, 才令筆者最傷感和心情沉重. 全美5大投資銀行幾乎無左3間, 剩下的2大包括goldman sac 和 Morgan Stanley 股價固然大趺, Morgan Stanley 的Credit default swap (CDS) spreads 上升177 basis points 至 452, 而Goldman sac 的 CDS spreads 則上升119 points 至 317, 即係市場擔心goldman sac 和 Morgan Stanley 發生credit default 信用違約的機會上升, 而相關CDS的PV或Market value也會上升.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

11 則留言:

  1. 好野! 又大跌啦!
    又可以用低價買貴貨啦!

    回覆刪除
  2. 我想問如果 AIG 真係出咗事﹐咁佢期下的保險和強積金會點?

    我諗香港唔少人都有買 AIA 的保險和強積金。

    回覆刪除
  3. 次按爆煲發展到哩個地步,真係傷亡慘重,但一年前點都諗唔到會好似今日咁同時間幾間投行一齊出事...

    回覆刪除
  4. 先生.
    你好 ! 看了貴網誌多年, 十分同意你的投資策略, 但係在這次跌市中, 小弟幸運地把80%既股票於恆指30000點時沽出, 吐現用來贖樓按, 剩下20%到現在, 雖然都虧損不少, 都算不幸中之大幸. 小弟同你一樣都是匯豐的擁躉, 由2001年月供到現在從未簡斷. 亦都用以股代息來進行複利的增長. 不過我看將來的半年會是非常時期. 小弟亦都忍痛先行把手上的40手匯豐全數沽出. 但不明白先生明知在跌市中可以用更平的價錢買回來, 為什麼不先行離場呢? 請多多指教

    回覆刪除
  5. 匯豐雖然唔係投資銀行, 但係見到其他咁大既金融機構都可以搞成咁, 其實駛唔駛擔心匯豐? 佢出事既機會大唔大?
    同埋如果宜加有閒錢, 應唔應該入貨?
    我既目標係中資保險股, 匯豐

    回覆刪除
  6. 您的永久组合里有几个股票我都持有,但同时,我还持有部分内房股,严重亏损,请问先生对内房股之看法?

    回覆刪除
  7. 招行(03968)A股公布,截至今日,該行持有雷曼兄弟發行的債券額度共計7,000萬(美元‧下同)(約5.46億港元),其中高級債券6,000萬元,次級債券1,000萬元。截至目前,該行尚未對上述債券提取減值準備,但將對上述債券的風險進行評估,並根據審慎原則提取相應的減值準備

    駛唔駛放哂佢 ?

    回覆刪除
  8. 今日歐洲個市繼續跌, 好得人驚. 今次係我第一次經歷股災, 有D世界末日FEEL.

    回覆刪除
  9. hello mr market,

    招商銀行是否走投資銀行路線? 如果係,需否換馬?

    回覆刪除
  10. 我覺得你的投資策略有點矛盾。你嘗試避開"泡沫市"是因為害怕股巿大跌,而"大跌市"也是股巿大跌,為何只避前者而不避後者呢?
    況且,避開"大跌市"不會令你將來的利潤增加嗎?

    回覆刪除
  11. 回應X力臣 : 今日已經加碼買交行.

    回應Michael Cheng : 保險和強積金應該無事.

    回應Bob : 今次的金融風暴的確難得一見.

    回應花無百日紅: "明知在跌市中可以用更平的價錢買回來, 為什麼不先行離場呢?" 根據我的經歷和見聞, 用呢種做法的人最終好可能係低賣高買.

    回應baggio : 匯豐唔使注資同減派息都可以保持tier one capital ratio 在8.8%, 同其他銀行的分別好明顯. 5, 2318, 2628我當然認為可以買入.

    回應無名士: 我本身無持有任何內房股, 我對金融股比較有信心. 不過, 我都覺得現時內房股跌得過份左, 我認為內房股要選擇市值大, 負債比率小, 資產折讓大.

    回應無名士: 我唔認為因此需要沽招行.

    回應初哥 : 一次生, 兩次熟. 經歷多幾次股災就無乜感覺.

    回應無名士: 我唔認為招行是在走投資銀行路線.

    回應Kelvin Wong: 可能我之前講得太簡短, 唔清楚. 已經補充左.

    回覆刪除