星期四, 12月 13, 2007

再講ELI

以下係引述博客隨笈的網誌, 希望隨笈兄唔介意. 講到林森池對ELI 的睇法.

"林 sir 對 ELI 的評價是負面的,因為滙控由 $145 升至 $152 的話,買ELI人士無法獲取股票,喪失資本增值既機會。假如滙控跌至 $133,買ELI的人就要被迫在 $140 買入滙控,雖然收取較高利息,但無法補償以 $140 買入滙控的資本損失。所以變相在大市跌時承擔風險,在升市時損失機會。"

我買ELI之前已經好清楚ELI的優點和缺點, 所以我唔會反對林 sir 的觀點.

但對我來講, 唔係買ELI好還是直接買股票好的考慮, 唔係買ELI回報高d還是直接買股票回報高d的問題. 因為買ELI呢筆錢我係唔會用來買股票, 呢筆錢係我今年下半年減持30%股票組合套回現金的一部分, 如果我唔買ELI, 也只會存於銀行, 即係話, 即使股市大升, 都同呢筆錢無關. 所以對呢筆錢來講, 要考慮的係買ELI好還是存定期於銀行好.

至於話, 如果匯豐股價未來2年都低過128.674, 資金會被綁2年, 如果未來2年股價都低過122.766, 咁回報只有2.55%. 凡事作最壞的打算和預備係好既, 但唔應該當最壞的事情一定會發生而去行事. 舉例, 如果你坐飛機去旅行, 預防萬一, 你會買保險, 咁做好正確, 但你唔會當正不幸的事一定會發生, 否則, 你就應該取消旅行, 甚至嚴重d講, 乜都唔使做.

今次我已經等一個好的定價才出手買匯豐ELI.

以下再引述博客隨笈的網誌, 佢講中我的想法.

"當然,相信市場先生清楚明白這些事情,他買入兩月一期的 ELI,是因為他估計滙控會在短期內牛皮,希望參予 ELI 合約可獲取較大利息回報,而他參予的 ELI 所設定的下跌買入價位是他認為可接受的水平。"

最後想講, 每個人都有自己獨特的背景, 情況, 目的, 理據, 唔好用一把尺度天下事, 當然, 呢個同樣係提醒自己, 要常常檢討, 向別人學習, 因為自己的盲點 可能自己唔覺. 互相分享和交流, 達至共羸.

9 則留言:

  1. 對一個長期持有 hsbc, 不定期不論價都會買 d 而且又不停有 cashflow inward o既人來講, 用上一部份錢係冇問題.

    如果係成副身家, 又冇咩cashflow inward, 又係短期投機就唔好啦

    回覆刪除
  2. I wonder where could an individual investors buy ELN? Through banks or brokers? Which way is cheapest (have the best ELN price offered)? Thanks!

    回覆刪除
  3. 先生,
    你好!!
    小女子對股票賣買是初哥,無意來到你blog留意好幾個月了,本一直在交學費,現才打個平手!謝謝!
    本人有個問題想請教先生你,希望你能指点一下!

    我想問當手頭上揸住五,六隻股時,當然有賺也有蝕的,到股市波動跌市時,應沽賺錢的先還是沽蝕的等佢唔好再蝕下去先呢?

    一直對這問題仍未諗得通?請指教!
    因本人身住外國,對於時差問題,往往要半夜起來!
    所以想清楚了解正確應走那種'貨'先呢?
    好等日久明白應如何選擇?謝謝!


    煩惱人mill

    回覆刪除
  4. have u applied uni-persident?
    i got a hand from ipo. keep for long term will have good return??

    回覆刪除
  5. 回應Edwin: 我幫銀行買, 你可以問相熟的銀行.

    回覆刪除
  6. 回應煩惱人: 沽貨要沽質素差的股票先, 尤其是在市況唔好的時候, 因為市況好, 有其他人同你鬥傻, 市況唔好就無人玩, 質素差的股票可能永不超生. 持有好股就唔同, 無人要自己都可以要.

    回覆刪除
  7. 回應 alex: 我無申請統一, 最近的IPO我只申請左中國中材(1893).

    回覆刪除
  8. 謝謝先生!
    請問你對3323点睇呢?
    趺得好犀利!
    我$30買入,現跌到$25.9,你應為揸住還是沽好?
    請指教!
    煩惱人mill

    回覆刪除