今日睇生果報財經版, 內容講到任總在北京透露, 有個別銀行因為持有次按有關的投資, 今年業績可能見紅. 印象中自我畢業出來工作, 很少本地銀行業績有虧損, 盈利倒退已經令投資者失望兼不滿. 即使97/98年亞洲金融風暴咁惡劣的形勢, 也只得1間本地銀行業績見紅, 就是華人銀行. 華人銀行於02年初被中信嘉華銀行收購左. 可能一不離二, 市場人士估計今次最有機會見紅的銀行就係中信嘉華銀行. 不過, 即使中信嘉華銀行業績真係有虧損, 唔等於母公司中信國金(#183)業績會有虧損, 因為中信國金仲有其他業務有盈利貢獻, 例如中信銀行(#998).
今日大市雖然下跌, 但也有逆市奇葩, 包括#321德永佳連續2日大升, 信星集團1170股價上升18.31%. 但如果睇返過去一年的股價, 今年整個上半年德永佳股價只是在大約5.2至5.6徘徊, 最近的股價也是每況愈下, 直至到公佈令人驚喜的業績, 股價才有突然的上升. 信星也是差不多, 整個下半年股價都是每況愈下, 當日信星無左個大客戶, 市場的反應好似永不返生咁, 結果管理層默默耕耘, 終於令到業績反彈. 所以有時手上持股股價表現偶有不濟, 唔使太憂心或者不安, 最重要係未來業績和盈利有無機會好番, 有盈利就有希望， 公司有錢途， 股東才有運行. 我的飲品組合2319蒙牛和1886匯源股價也是上上落落, 有時升, 有時跌, 我都無理佢, 一切按既定的策略辦事, 就係"越跌越買, 唔跌唔買, 只賺不止蝕".
最後想講, 現時都有一些以歷史數據計， 低pe, 幾好dividend yield 的工業股， 例如４２０， ５３９， １２２３等，其中４２０和５３９好快公佈業績，不過買呢ｄ股， 真係睇好唔好彩．
下一站，牛津
1 年前
先生點睇招行出年情況, 似乎唔太樂觀! 現在 PB 都 7-8X, 是相當貴的。
回覆刪除但係有人估會係匯控，因為之前要為SIV而要潑備350億美金，這個睇法正確嗎?
回覆刪除回應 Ivan: 現時我只會繼續月供3968, 用資金一筆過買的意欲不大.
回覆刪除回應無名士: 注資唔等於撥備. 匯控07年業績見紅的機會係0%, 因為鄭大班已經講左匯控今年業績有增長.
Hi anonymous,
回覆刪除匯豐係用350億美元去support 值450億美元既SIV. 而呢d SIV 本來係佢既子公司 Asscher Finance 同 Cullinan Finance. 本來根本唔洗上身. 匯豐出手可能係因為佢地d客唔係太差. 因為匯豐06年已經去處理CDO 無理由而家去入d差既SIV, 因為SIV 本來就係用來處理CDO.
我相信匯豐管理層既眼光．Good picking in poor market.
回應ngkf: 我對匯豐管理層好有信心.
回覆刪除