首先想講下統一食品的"紅燒牛肉面". 之前買了一些"紅燒牛肉面"放在公司, 開OT的時候就沖滾水來食. 以前我覺得統一的紅燒牛肉面唔夠味, 面的質地唔夠彈性. 今日中午起身之後, 唔想出街食飯, 我打算清左家中2碗統一的"紅燒牛肉面". 不過今次我唔係將滾水沖落碗面度, 而係好似煮公仔面咁, 將面, 湯包, 牛肉包, 倒晒落個煲度, 再加凍水,然後煮到佢滾, 再倒落隻碗來食. 發覺味道完全唔同晒, 好香好入味, d面又有彈性.
講番539冠華. 大圍行業面對的困難之前已經講過. 本身的問題係高借貸, 高存貨和高應收帳. 截至2007年9月30日止, 冠華有長期銀行貸款10.37億元, 短期(指1年內)銀行貸款9.05億元. 手上現金有2.1億元. 睇來管理層要積極減債. 冠華已經出售九龍長裕街10號利行工業大廈多個單位, 預期可以套回款項淨額約2.35億元, 將負債比率降至60%. 管理層預料08年資本開支約2-2.5億元, 營運資金算係足夠. 而冠華近年經營現金流有1億幾元, 分別係07年1.22億, 06年1.4億, 05年1.74億, 07年度融資成本有6,299.5萬 (比實際利息支出少, 因為有部分利息支出資本化左). 呢盤生意幾難做, 經營所得的現金扣除利息支出和課稅,再俾埋股東股息, 差不多無剩, 而相當部分的經營所得去左存貨和應收帳. 不過, 相信現價2.25的冠華仍然具有投機的價值.
下一站，牛津
1 年前
我睇左你個blog 都有一段時間
回覆刪除亦都買左你本書仔細閱讀
我自己都係一個初學既價值投資者
但我有少少野唔係好明 希望你可以指點指點:
我想問點樣計一隻股票既現時股值相對公司實質總值既比架? 換句話說即係隻股票值唔值呢個股價
條公式係唔係: 股價X發行股數/資產總值 ?
而 資產總值 其實係指緊咩架? 又 可以係邊到搵到呢個數? 洗唔洗一定要睇年報架?
u mean 統一 needs lots of improvemnet?
回覆刪除回應hermanwest: 康師傅的管理層比統一的管理層永遠行先一步, 早著先機.
回覆刪除回應 國際大炒魷: 你可以當市值係收購一間公司要付出的代價, 例如一間公司發行股數1億股, 市價每股10蚊, 你要付出10億就可以將間公司據為己有. 至於間公司值幾多錢, 就見仁見智.