星期六, 8月 25, 2007

收買佬的世界

首先講一樣最悶的野先, 匯豐出左07年第2次以股代息換股價,多謝網友"沙家"第一時間在newsgroup通知大家, 今次換股價係US$17.5483, 大約係136.88港元, 好抵換, 今次我起碼可以換到152股.

另外, 今日睇生果報財經版, 美國銀行出手救Countrywide, 以156億港元購入Countrywide的優先股, 息率7.25厘, 而且可以以每股18美元換Countrywide的普通股, 如果最終換股, 將持有16%至17%而成為Countrywide的最大股東. Countrywide今年股價已經從高位40蚊左右跌左50%至20蚊以下, 所以今次美銀其實係趁佢病, 買平貨. 也證明現時係收買佬的世界. 匯豐最近擬購入Lone Star所持有51%韓國外換銀行股權, 涉及資金估計達49 美元, 因訴訟未決或需等3年以上. 但相信匯豐仍然會繼續留意市場上的其他收購機會, 隨時可能有驚喜.

另外見到3988中行出完中期業績之後, 因為市場憂慮佢持有89.65美元的美國次級按揭債券, 和6.82億美元的CDO Collateralized Debt Obligation即係抵押債務債券. 今日股價下跌5.38%至3.87, 如果股價於3.5以下, 我有興趣買些少.

最近幾間銀行包括349和183公佈的業績都唔錯, 未來發展機會仍然有可憧憬之處, 183接近6蚊我會買些少. 可惜349已經升上19蚊以上, 等股價回到17蚊以下再考慮. 呢D都係風險唔大的投機選擇.

16 則留言:

  1. 唔知先生有冇留意下626 都有息率5厘, 我買入小小當短線投資(好過放銀行or 銀行定期)!

    回覆刪除
  2. Hi 市場先生你好!
    買咗你本書已經重複睇咗不下三次, 真的受惠不少, 以下係本人既投資組合, 可以給少少意見我嗎? 多謝

    no.5 ($126 * 668)
    no.517($2.76 * 8000)
    no.1919 ($10.8 * 500)
    no.941 ($68.9 * 500)
    no.2006 ($4.4 * 6000)
    no.3328 ($9.5 * 8000)
    no.855 ($5.7 * 1000)
    no.52 ($9.7 * 1500)
    no.233 ($1.3 * 20000)
    no.257 ($2.7 * 10000)

    回覆刪除
  3. 如果市場先生長線看好中國銀行(3988),為何不在$3.87附近就買入? 我覺得回落到$3.5的機會不大,別忘記於下星期三中國同胞就可來港買港股。昨天中國銀行(3988) 在大陸的股價為$6.16,香港股價為$3.87,試想想,如果你是3988的大陸富豪支持者,你會在下週有什麼動作?
    另外,本人想借這機會投訴今天(25/8/2007) 經濟日報A3版有關中國銀行(3988) 的標題和報導是有誤導性和欠全面,因記者劉丹沒有報導大摩和花旗較正面的報告,而只報導貝爾斯登及高盛等較差的報告,如果我是一個欠投資經驗的散戶,看了這報導後一定不會買中國銀行,甚至立即沽售中國銀行,懇請經濟日報和記者劉丹好好反省一下!

    回覆刪除
  4. 如果市場先生長線看好中國銀行(3988),為何不在$3.87附近就買入? 我覺得回落到$3.5的機會不大,別忘記於下星期三中國同胞就可來港買港股。昨天中國銀行(3988) 在大陸的股價為$6.16,香港股價為$3.87,試想想,如果你是3988的大陸富豪支持者,你會在下週有什麼動作?
    另外,本人想借這機會投訴今天(25/8/2007) 經濟日報A3版有關中國銀行(3988) 的標題和報導是有誤導性和欠全面,因記者劉丹沒有報導大摩和花旗較正面的報告,而只報導貝爾斯登及高盛等較差的報告,如果我是一個欠投資經驗的散戶,看了這報導後一定不會買中國銀行,甚至立即沽售中國銀行,懇請經濟日報和記者劉丹好好反省一下!

    回覆刪除
  5. 今次換股價係US$17.5483, 大約係136.88港元, 好抵換, 今次我起碼可以換到152股

    你好: 我睇左少少你本新書, 發覺令我好有興趣, 但有d野唔是好明如何計到152股, 請指教, 謝謝!!!

    回覆刪除
  6. 今次換股價係US$17.5483, 大約係136.88港元, 好抵換, 今次我起碼可以換到152股.

    你好: 睇左你本新書少少, 令我有興趣睇你個blog, 可是提到可以換152股, 就唔是好明點計, 請指教, 謝謝!!!

    回覆刪除
  7. 你認為中信行與中行比較, 那一隻值得買呢?

    回覆刪除
  8. 市場先生:

    請問你認為中行與中信行比較, 那一隻值得投資呢?

    回覆刪除
  9. To MIMI: 中行與中信行比較, 我會選中行. 如果一定要買中信行, 我會買183.

    回覆刪除
  10. To wh: 我有15777股自己名的匯豐, 15777 x 0.17 / 17.5483 = 152.

    回覆刪除
  11. To Anonymous 無名士: 下次最好用個名. 我並非特別睇好3988, 不過我認為市場對次按問題過份憂慮, 如果3988股價因此繼續下跌, 我有興趣人棄我取

    回覆刪除
  12. To wingly: 我認為金融股, 內地地產股, 941係值得睇好的.

    回覆刪除
  13. To learning path: 626 接近5蚊可以小注投機.

    回覆刪除
  14. 市場先生你好!
    想問下你對#2899紫金的意見, 因本人看好未來半年的金價(因看淡美元),另外預計#2899今年會發A股..多多指教.

    回覆刪除
  15. 畢菲特都出手增持銀行股....相信現在唔小好野可以執,3988 我都有增持!!

    回覆刪除
  16. To Kosanfootball : sorry, 我對金價和金股無研究.

    回覆刪除