今晚去紅磡體育館睇張學友演唱會. 初入場見到個舞台感覺好似細左d. 不過演唱會開始之後, 打左五顏六色的燈光之後, 配合埋煙花, 感覺即刻唔同晒, 正好多. 張學友非常落力演唱, 睇到佢好用心去表演, 而且係享受唱歌, 特別之處係無邀請嘉賓, 全晚學友表演晒, 而且唱到接近11點半才完場. 以學友的唱歌功力, 當然係一流水準, 佑唔到佢跳舞一樣咁放, 而且身手都唔錯, 條腿可以直線踢上頭頂. 相信學友經常有做運動, 我記得幾年前有1日我放假同朋友去馬會會所打羽毛球, 在更衣室, 見到學友和區丁玉, 佢地也是剛打完波.
學友今晚唱左首自己創作的歌俾佢大女和老婆, 相信佢大女和老婆會好lum,我最欣賞"錫"老婆和仔女的男人. 學友今晚講左段說話, 我覺得幾有意思, 唔單止可以應用在人生方面, 股市方面一樣0岩用. 佢話人的一生當中, 開心和唔開心的事都會有, 如果經歷緊唔開心的事情的朋友, 要堅持下去, 唔開心的事情總有1日會過去, 然後又輪到開心的事情來到, 人生總要有盼望而且可以成真, 不要放棄. 我認為呢個道理同樣可以應用在投資股票上. 股市有高潮有低潮, 股價有升的日子, 有跌的日子. 面對股市下跌, 不要憂心和惶恐, 要鎮定, 堅守手上優質股, 風暴總會過去, 等待調整完結大市見底回升, 又是另一番新的景象.
下一站，牛津
2 年前
Thank you for all your advice.
回覆刪除市場先生,多謝你的"人的一生當中, 開心和唔開心的事都會有, 如果經歷緊唔開心的事情的朋友, 要堅持下去, 唔開心的事情總有1日會過去, 然後又輪到開心的事情來到, 人生總要有盼望而且可以成真, 不要放棄".想問下為什麼#5從未派過特別股息?
回覆刪除先生, 我都有去, 同你一樣, 覺得佢作俾老婆同個女既歌好正, 好有心去作! 雖然佢d快歌, 我聽唔到佢唱d乜野, 哈哈, 但係佢都真係好落力去唱去跳, 後半部, 唱番佢d經典歌, 其實都真係幾正!! 由佢o個個音樂劇之後, 差不多就係全場都好high既位~
回覆刪除21/8 我都聽了學友的演唱會
回覆刪除感覺上整個演唱會都很用心去安排
有很多不同的部分
而學友則跟我們分享了他這五年的生活
整個演唱會的感覺都舒服
很期待他下一次的演唱
因為這一次的演唱會都未"夠喉"
很多的歌還未唱~~~
To Him: 通常匯豐會在第4次股息, 調節全年派息幾多.
回覆刪除先生你好,我每天都會上黎看看你的blog 有冇update....今次都係第一次留言....
回覆刪除想問你點睇投機組合裡的2356,記得你在blog裡說過可以越跌越買.....之後我有跟風買入...就算跌了千幾點也冇放手...
我睇過佢p/e,p/b 同埋派息都唔錯...
你睇好月尾出的業績嗎...?
會否長線持有嗎...?
想問下先生對2356的看法...
回覆刪除先生曾經講過2356 可以越趺越買,我亦看過2356 的p/e, p/b, 息率都不錯...
你對月底的業績看法如何...?
你會長線持有嗎...?
我係新手一名...在先生買入後,跟風買了...只想聽聽先生對2356的睇法..
thx~
不好意思...我不知要待版主公布...誤以為不能發貼....敬請見諒...
回覆刪除To kevin: 我認為長線持有2356無問題, 如果股價再下跌, 我會加碼買入.
回覆刪除市場先生你好:
回覆刪除我上次有問關於月供股票的事, 希望你能給予小弟一些意見.
我想月供#5 2000元及#3988 1000元, 請問這個組合如何.
還是按照你的月供計劃, 以#3968及#3328為基礎, 敬希賜覆, 謝謝.
Mr.Market nice to meet you
回覆刪除you are always a interested blogger.
I would like to ask you about the stock 1899興達國際
Is that a best value stock?
thank you
To Chow: 個人的意見, 如果月供, 我會選擇的對象包括5, 945, 2318, 2628, 3328, 3968.
回覆刪除To marcochau: 我認為現價2.82的1899, 係高風險高回報的投機選擇之一.
回覆刪除市場先生:
回覆刪除感謝你的意見, 待我回香港時一定會至書局購買你剛出版的書, 以希望能在其中學到一些投資的知悉, 謝謝.