星期四, 3月 27, 2014

收息停不了 - 買入3988中國銀行@3.33元

昨晚見到中國銀行業績和派發都唔錯, 因此今日一早便留意中國銀行的開市價, 見到只是微升3仙至3.33元, 因此便落盤買住10,000股中國銀行先, 如果股價跌至3.3元以下會考慮加注. 收市才發覺其後中國銀行股價曾經打回原形至3.3元. 不過以筆者的買入價3.33元計算, 市帳率只有0.8倍(註:每股資產淨值為3.31元人民幣或4.1375港元), 股息率有6.68% (註: 每股派息0.196元人民幣或0.245港元, 扣除10%股息稅後實收大約0.2205港元), 今次中國銀行將為筆者提供2.205K被動收入, 以補償中銀香港派少左的股息.

至於中銀香港今日股價因為派息減少18.42%而導致股價下跌6.197%至21.95元. 筆者估計短期中銀香港的股價跌至股息率5%, 即股價跌至20.2元應該有支持, 筆者會繼續持有收息.

12 則留言:

  1. 先生為何不直接沽出中銀香港換馬至中國銀行? (論現價息率,PB都係中國銀行比較抵買)

    回覆刪除
  2. 先生您不斷收取被動收入,財務自由指日可待。

    回覆刪除
  3. 請問現時沽出941換入内銀股會更好嗎???

    回覆刪除
  4. 無論用巿盈率、巿帳率、股息率、又或是多年來的ROE水平,中工建這幾隻內銀股都非常吸引,但股價硬是升不上去.

    就算巿場擔心日後經濟環境對內銀不利, 現時的股價都還是太低殘了,在下真的百思不得其解.

    未知先生有何高見?

    回覆刪除
  5. 6% 息...真係好誇張...暫時幾間內銀都咁好成績...好有信心股價應該會係不久既將來反映返出黎...

    回覆刪除
  6. 但股價下跌快過收息,收息都補唔番,應該買債券

    回覆刪除
  7. 我都好希望先生能探討一下內銀不升之迷.... 平到笑似乎too good to be true, 但係我渣住五六年了, 真金白銀派比你, 仲要年年加, 如果無錢係袋真係好難充甘多年闊佬喎...

    回覆刪除
  8. 我尋日都見低入咗中銀,長線,唔炒。

    回覆刪除
  9. 先生你好, 我而家手上既組合係2318 同939. 2318 業績好, 未到高位我都吾想放. 939 就真係一隻收息股. 來緊我想提高手上既現金. 請問呢兩年收水潮. 係吾係應該減少投資儲多D現金等大跌市出現呢?

    回覆刪除
  10. 內銀即管隨便跌,令一眾兄弟有極佳的入貨機會。

    回覆刪除
  11. 1. 中銀香港並非一無是處, 我會繼續持有. 不過, 認同中國銀行更抵買.

    2. 塘人: 內銀股息率很吸引.

    3. 財務自由瘋子: 被動收入真的很好.

    4. 煩腦人, 941的股息率都唔錯, 可以繼續持有.

    5. 內銀股包括4大國有銀行, 通通很吸引, 我不會擔心.

    6. 海綿理財主仼: 內銀股息率很吸引.

    7. 通常債券的息率是固定的, 而內銀的股息率有機會增加.

    8. 不需要浪費時間去研究內銀不升之迷, 股價平股息高便買入可也.

    9. Km Siu: 中銀香港仍然是好的長線收息選擇.

    10. 2318和939, 如果已經有貨可以繼續持有, 如果想沽股票增持現金應該等股市升至接近24,000點才考慮.

    11. 止凡兄, 多謝分析員不斷唱淡內銀股, 我們才有平貨買.

    回覆刪除