星期六, 11月 01, 2008

現時不受業主歡迎的行業

筆者的婚禮進入最後的階段, 好像賽跑進入最後直路要衝線一樣, 越來越緊湊. 其中住屋是一個重要的項目. 按筆者心目中的估計, 明年第4季應該是置業買樓的好時機. 所以筆者打算租樓住一年先. 今日去睇九龍某個屋園. 呢個屋園曾以豪它自居, 2房單位的樓價都要4,5百萬以上. 相信現時放租的業主是投資者居多. 今日睇左幾個單位, 其中一個業主, 聽經紀講, 對選擇租客非常嚴謹, 講明做金融業, 尤其是做投資銀行的就一律不租.

估不到做金融業, 尤其是一向自視為天之嬌子的I-banker都有成為業主避之則吉的一日. 不過, 其實業主唔需要對做金融業的人士咁無信心. 筆者認識從事I-bank的朋友, 仍然生活如常. 他們有兩類人. 其中屬主管級的, 包括 Director 或者Managing Director, 其實已經幾有錢, 即使被裁員, 雖然以現時的市況 要找到同級數的職位就困難少少, 但由於底子夠厚, 無工作都唔係大問題. 筆者認識的朋友, "失業"大半年, 聽講仍然未打算搵工. 第2類屬於那些當打的員工(即係技術型做實事的員工, 例如VP或AVP), 筆者認識的朋友多數屬於呢類. 其實都幾希望被裁員, 因為I-bank通常出手唔差, 尤其是大規模裁員的情況下, 賠償都幾大方. 拿完一大筆離職賠償之後, 通常很快又搵到第2份工, 人工唔單止唔使減, 隨時仲多過以前. I-bank有樣好, 一係唔請你, 請得你就唔會刻薄你. 至於比較慘的金融業從業員, 相信是做傳統商業銀行的員工, 人工無做I-bank咁高, 但金融風暴就一同受害, 而且銀行一向比較"刻薄", 相信離職賠償唔會有I-bank咁爽手.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

18 則留言:

  1. 先生,

    假如你不幸被裁員,你是否像你的朋友一樣不需為錢/生活而担憂?

    小興-kk

    回覆刪除
  2. 長期來說,2628的回報必定可觀。



    但中短期來說,2628的downside risk不少:



    1. 國內經濟風險升級,央行必定繼續減息,加上國內股市肯定未見底(大小非及經濟不景氣),2628的投資回報必然低於其計算EV時所用的假設回報。(從2628的未來投資回報、第三季度的股東權益(比上年度期末減少22.3%)以及RMB走勢來看,個人估計2628本年底EV只有HKD$8/股)



    2. 2628的主要保金收入來自分紅險(比2318的萬能險好),在分紅減少的情況下,保費收入增長必然會減慢。



    2. 雖然保險機構正尋求拓展投資渠道,但其進展頗慢。



    3. 不要忘記,2628剛上市時是連續數年虧蝕的。在2.5%的保單回報及央行不斷加息的情況下,2628才可以轉盈為虧。如果央行因經濟不景而狂減息,對2628新增保費的投資回報極為不妙。



    個人認為在最壞的情況下,2628可見$12-$16(1.5X至2X EV)



    聰聰
    http://sclastro_super.mysinablog.com

    回覆刪除
  3. 估唔到而家仲咁好景...租樓出去...都仲可以咁樣揀客..

    回覆刪除
  4. 我都係估呢度.有D對住公屋都3,4百個一個細單位.

    回覆刪除
  5. 商業銀行的員工未算最慘,反而相對穩定。最慘的是分行做理財銷售的員工,因為近一個月除了接投訴外,無其他野可做....

    回覆刪除
  6. 回應巴林 , ngkf : 你地對九龍都幾熟悉bor.

    回應小興-kk: 如果我被裁員, 相信唔難搵到份工. 但如果真係無工作收入, 以我目前的財富, 當然要為錢/生活而擔憂.

    回應聰聰: 目前國內進入減息週期, 對保險公司的利息收益有不利影響. 如果優化投資組合, 開拓投資渠道, 是一個大的挑戰.

    回應無名士: 業主小心選擇租客無可厚非.

    回應大口仔 : 同意.

    回覆刪除
  7. 可能業主中了ELN同謎債,所以對金融業有偏見.

    不過你睇個度比較貴,但係空氣以市區來說是幾好的.租一年睇o下鍾唔鍾意個社區是一件好事.

    回覆刪除
  8. 回應ngkf : 我都認為個區的空氣以市區來說是幾好的, 而且去中環幾方便.

    回覆刪除
  9. 請問您對單買永久組合 vs 買2828 有什麼意見?

    回覆刪除
  10. 先生唔係之前話買左樓既咩? 突然間可以變左租樓?

    回覆刪除
  11. 租一年都係好事,九龍站上蓋下年會更抵。

    回覆刪除
  12. 先生之前是否晚晚OT??
    因為渣打剛剛轉佐新ebanking..

    渣打e-banking有新look...
    http://pghk.blogspot.com/2008/11/ebanking-look.html

    回覆刪除
  13. 回應嘉理子: 我對自己選擇的永久組合更有信心.

    回應無名士: 結婚後, 現時的自置物業會留俾家人繼續住, 自己就搬出去同老婆住, 所以需要租樓先, 明年才買.

    回應祖祖: 我都認為明年樓價會繼續下跌.

    回覆刪除
  14. 回應pghk : 我呢排工作的確好忙, 經常要OT, 不過同渣打無關.

    回覆刪除
  15. 先生,

    我有兩個問題想請教呀。

    你時常講100%持股,如何還有首期下年買樓呢? 記得之前睇你的貼文,保守估計大概每月有二萬蚊 閒錢剩餘,即使唔再用來增持永久組合的成員,一年後都唔夠俾首期呀。要沽出股票嗎? 還是有更好的方法呢?

    我都係100%持股,但係忽然先記起要交稅呢。無錢閒交了,呢次頭痕了,可能要借稅貸了。 唉,以往咁多年都從未需要借稅貸,今年好學唔學,學人100%持股,現價計,梗係一手蟹貨啦,搞到現在交稅都成問題。 先生時常都話100%持股,是否每月都預留了一筆閒錢交稅,而呢筆閒錢又唔會用來買股票/其他東西,對嗎?

    回覆刪除
  16. 回應無名士: 如果明年買樓, 無可避免我需要沽股票才夠錢. 我通常用花紅來交稅, 不過, 今年恐怕會係工作以來第一次無花紅.

    回覆刪除
  17. 我是電訊盈科苦主,持有18手。據聞它可能會私有化和除牌,若報道中所說實現,這對我所持股票會有何影響。能取回多少錢?
    http://www.stnn.cc:82/chinafin/200811/t20081106_898115.html

    回覆刪除