星期三, 2月 13, 2008

匯豐ELI最新情況

筆者寫BLOG的目的係分享投資的經歷與過程, 所以, 無論成功與失敗, 無論賺錢與虧損, 無論決策英明或者愚蠢, 無論決定正確還是犯錯, 都唔介意同大家分享.

筆者於12月5日買左匯豐ELI, 當日匯豐的收市價係131.3, 因為2個月之後, 即係2月5日,匯豐的收市價低過131.3的98%, 即係低過128.674, 所以筆者收到2.55%利息, 即係5100蚊之後, 合約自動續多2個月, 期間, 如果匯豐股價低過122.7655, 那一日就無息收. 即係話, 由2月5日到今日為止, 都無息收. 匯豐今日收市價110.3, 比當日131.3下跌16%, 當日筆者估計匯豐會牛皮, 並無預期匯豐股價會趺咁多.

現時筆者覺得有d失落, 唔係因為匯豐股價大跌, 匯豐已經佔筆者的投資組合很大比例, 所以即使我當日無買匯豐ELI, 我都唔會買用那廿萬買匯豐的股票(當然, 筆者會繼續靠以股代息增持匯豐), 我失落係因為我無錢再增持中資金融股, 如果我當日無買匯豐ELI, 現時我會有多廿萬增持中資金融股. 2318平保於12月5日收市價係89.2, 今日收54.05, 下跌左39.4%, 2628中國人壽於12月5日收市價係44.2, 今日收28.4, 下跌左35.7%.

另外, 我雖然於股市較高位減持部分股票套現左30%現金, 算係做得正確, 以致我可以趁最近中資金融股股價大幅調整而有現金增持. 不過, 我同樣在高位買左2319和1886, 雖然只係用左小部分套現左的現金, 不過, 如果我專注於中資金融股, 效果會更好, 總結經驗, 我浪費左高位套現的其中55萬現金, 即係話, 如果我無買匯豐ELI, 無買2319和1886, 我現時有多55萬的子彈可以用來增持2318, 2628, 3328, 和3968. 我唔係話蒙牛唔好, 但同中資金融股比, 我對中資金融股更加喜歡.

今次的教訓, 以後要專注和集中資金投資於自己最有信心的公司和行業, 對於我來講, 就係金融業.

另外, 見到網上報導, 高盛調低內地保險股的評級, 其中將平安保險的評級從「買進」調低至「中性」,H股目標價從118港元降至60港元,而且還將該股從地區買進名單中刪除。高盛認為,中國平安近期發佈公告,計劃增發12億股A股以及多達412億元人民幣的A股債券,而且有31億股的非流通A股將於3月3日解禁上市流通,接近其目前流通A股的4倍。此外,中國平安較中國人壽和中國財險面臨更大的資本開支壓力,表現在平安的農村和城鎮擴張計劃、發展銀行業務以及正在進行的辦公集中化項目。(筆者唔明點解發展業務, 集中back office 會係負面的消息).

高盛同時調低中國人壽H股的目標價逾36%,由52降至33.20港元,維持中性評級。(咁當初又set到個目標價咁高?)

高盛又調低多家中資銀行股目標價21%至31%,主要因應目前經濟環境轉差,美國經濟或步向衰退,加上中國通貨膨脹較高,預期內地今年度國內生產總值(GDP)增長將有所放緩。高盛預期,不少內地銀行2008年度的中間收入增長或將放緩,且不良貸款比率或上升,故調低多間中資銀行股的目標價,其中包括中信銀行(0998)及招商銀行(3968)等,兩者目標價分別由原來6.81元降至5港元,及由39.3元降至31.15元。

 然而,在眾多在港上市中資銀行H股中,高盛仍然看好工商銀行(1398)、交通銀行(3328)及建設銀行(0939)等大型銀行,並料它們將受惠淨利息收入穩步上升,及上年度已作出較大額的不良貸款撥備,故持續給予相關股份「買入」評級,但將其目標價分別下調22%至6元、23%至11.2元及27%至6.85元。

大行的報告, 從來唔會影響到我的投資決定, 我的固執就有可能影響到自己的投資決定, 不過衰係自己手, 技不如人, 心咁情願. 我會繼續持有手上的永久組合, 全部係金融股, 包括5, 945, 2318, 2628, 3328, 3968, 股價越跌, 只會趁機會繼續增持, 一股都唔會沽出.

 
台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

17 則留言:

  1. 我想你買蒙牛的lesson是 "buy good company at wrong price".

    回覆刪除
  2. 我都犯左blog主既錯, 希望經一事長一智, 我並無為買早左既貨止蝕, 保留現金趁現價入(我個人覺得22500-23000水平己可以入注,唔洗理會熊市一說)

    大行每次出報告都有居心, 我都唔會太理會

    想請教一下先生你, 如果我有一筆錢, 大概夠買現價計2手匯豐, 咁我應該買匯豐好, 還是買中人壽好? 如果以往後既增長潛力計, 邊隻會較好? 我係打算作中長線投資, 風險高D都唔怕

    繼續做你既讀者

    回覆刪除
  3. 早前要借錢比屋企人應急,我依家都冇多餘現金了,只能夠早幾日以$28.75買1手國壽,大行報告同財演幾似,升就叫人買,跌就叫人放

    回覆刪除
  4. 小弟乃新手,
    請問大行出報告通常會咩有居心?
    Thanks.

    回覆刪除
  5. Joe: 大行報告同財演幾似,升就叫人買,跌就叫人放

    你說得真對

    回覆刪除
  6. 先生不用失望,當是買了一個教訓。小弟都因希望集中投資,所以沽了一些碎濕濕的股份,其後股份繼續升,也沒有辦法,集中投資才可以致富。
    以後繼續集中投資,我也相信中資銀行股有長遠投資價值。雖然小弟早前因股價不合理地高而沽了,但我肯定會買回。
    一起努力!

    回覆刪除
  7. 支持市場師兄(絕大部份投資心得)!!....基金大戶說的都不用聽!!小皇子最近買的第三本書是市場師兄的!(第一本巴菲特師傅的,第二本是火師兄的)........有空可以交流心得一下,因師弟作為生意人...有時看到觀察到的亦有參考價值(有往績支持)......望大家共勉之!!!...亙相交流交流!!!!^^
    http://hk.myblog.yahoo.com/tomodachi-888 http://www.uwants.com/viewthread.php?tid=5454665&extra=&page=1

    回覆刪除
  8. Mr Market,

    Could you share with us why you are so confident in Chinese banks/insurance companies? Could they really insulated from the economic slow down in US?

    Thanks

    回覆刪除
  9. Dear Mr Market,

    I have been reading your blog for 15 months every day. It has been very long that you didn't update you portfolio. could you please kindly share?

    Thanks a lot.

    Alex

    回覆刪除
  10. 回應閒人: 同意你的講法, 2319係公司好價錢唔好.
    回應des: 50%買匯豐, 50%買國壽
    回應無名士: 大行報告其中一個目的係為公司爭取生意
    回應ET仔 : 即使優質股, 當股價過高時可以沽出部分, 當股價跌回合理價之下時買回, 巴菲特沽中石油就是例子.
    回應足球小皇子: 多謝支持, 也歡迎交流

    回覆刪除
  11. 當我聼了林森池說有關"I kill you later"的事件後,我也有查看是否仍有銀行出售"I kill you later"。無意中也看了一下一些ELI的介紹。不知先生所買的eli在到期日會否只退回匯丰股票呢?
    我對2628或者2318仍停留在學習中,但若單從囯冊的傾斜和AIG,945的股價表現來看,低於3倍的内涵價值的股價是非常吸引的。我就是悔恨太早入市以至沒有錢在低位入貨!

    回覆刪除
  12. 我早前都在約6.9沽出匯源果汁,買入2628,如果金融股再大跌,先生會否考慮沽出2319/1886 換馬?

    回覆刪除
  13. 買ELI都唔夠買"I kill you later" 慘.

    而家我只怪money 太少.

    回覆刪除
  14. 大口仔仲係對衍生工具無乜好感,其實大部分都係被大戶本身持貨(例如投資銀行)作對沖之用。不買為妙....

    回覆刪除
  15. 回應r 仔 : 如果中資金融股繼續大跌, 我會沽出2319和1886換馬至中資金融股.

    回覆刪除
  16. 好高興分享先生的經驗, 我也領教過eli 的教訓, 幸好當時我只有約七八天收不到利息.
    但最大的損失係無錢買入5 仔...

    多謝先生, 再給我信心, 增持2628 !
    yeah !!!

    回覆刪除
  17. 回應ee: 2318和2628都值得不斷收集.

    回覆刪除