星期五, 2月 22, 2008

婚禮攝影

昨天請左一日假, 又搞掂多一樣野, 就係book左婚禮攝影.

今日睇生果報財經版金手指專欄, 內文提到"美證監最鍾意嘅手段係迫你妥協投降,跟住要你封嘴,佢就出一份鍾意寫乜就乜調查報告。最緊要繞過司法制度,達到「做咗嘢」嘅政治目的,用輿論行私刑。美證監用呢啲手段,已經好多年。花旗國家政女皇Martha Stewart當年因為唔肯妥協投降,雖然證監原本想砌佢「內幕交易」,點知就連起訴都唔夠證據。之後夾硬告佢「阻擾調查程序」,最後都要坐監做人辦。好多特區硬膠,例如余若薇、田北俊等等,都叫李國寶辭職、辭職、再辭職。而呢啲硬膠,全因中晒「殖民地自卑毒」,跟咗帶頭要處李國寶私刑嘅pied piper David Webb。而David Webb自己,就當美證監份調查報告係聖經。我講畀大家知,花旗國政府係一個可以為咗達到政治目的,乜嘢報告都可以寫出嚟。求其寫啲嘢,跟住要外國高官下台,你估係第一次咩?不如就去問吓有家歸不得,駐守伊拉克嘅美軍小士兵。David Webb作為港交所嘅董事,年年都會提供股票貼士。最驚係輸錢,有人入稟美國法院,要告佢。雖然冇牴觸香港或英國法例,最怕佢好似「NatWest 3」三位英國銀行家,Webb返祖家度假時,被引導去花旗國受審。到時就真係報應。恒隆主席陳啓宗可能以前因為同美證監交過手,知道群情洶湧時佢哋可以幾咁無賴。關於李國寶佢一矢中的咁話:「賠錢送賊」。完全冇錯。" 原文可以睇 金手指孫柏文的 BLOG http://phatdat.blogspot.com/

今次我就非常認同孫柏文的觀點. 孫柏文係在美國讀書回流的所謂"番書仔", 其實筆者都有唔少呢d同事, 而且同筆者最0岩傾最friend的通常係呢d中文麻麻地的"番書仔", 我喜歡佢地待人接物夠率直.

另外, 睇到網上報導, 2008年的A股市場將有13家銀行股的“大小非”解禁, 總市值將超過五千億元, 包括民生銀行、工商銀行、交通銀行、寧波銀行、南京銀行、興業銀行、北京銀行、中國銀行、中信銀行、深發展A、浦發銀行、華夏銀行和招商銀行. 解禁股份第一個高潮是在2月份, 包括興業銀行33億股、招行23.6億股,解禁市值大約2200億元。第二個高潮是在5月份,包括浦發銀行3.17億股和交通銀行132.43億股,二者市值約1800億元. 2月和5月總共佔全年解禁股份的62.6%。 銀行股的“大小非”解禁加上市場傳言浦發銀行正在籌劃融資融資400億元, 的確對中資銀行股的股價有壓力, 事實上, 國內銀行在政策允許混業經營, 的確需要更多的資金去發展業務和收購. (註: 現時筆者持有交通銀行, 招商銀行和中國銀行, 不過, 大小非解禁的新聞唔會影響我繼續持有中資銀行股的決定).

另外, 隨著中國平安、中國太保已披露今年1月份的壽險保費數據, 業內預期,中國人壽今年1月保費收入同比也有30%左右的增長,即保費收入在300億元左右。 熱切期待中國人壽的1月保費數據公佈.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

7 則留言:

  1. 由國務院hold 個d未必會出台.可能等期指出台時先至出,唔好比期指推死個市

    中國始終都係計畫經濟,仲要保護人民的財產.

    睇埋渣打同匯豐個業績就可以知道幾多錢先至入中國銀行

    剛剛看見先生的書,原來我地係同行

    回覆刪除
  2. David Webb佢係美國佬、又大美國主義、有好多時都唔用腦、人話李生係賊、佢好多時都只得把口仁義道德、叫人落台...
    David Webb咁醒、其實又唔見佢去開發下香港的期待市場、或者係去把那些叫根本騙人錢的垃圾股唔批佢集資、成日係度大隻講.....

    李國寶 同「鍾亦天」可謂係豬年最黑仔的人.....呵呵

    回覆刪除
  3. 我唔係番書仔, 但我都好率直。一句到底,
    市場生先你是否認為李生從沒有內幕交易?

    回覆刪除
  4. 回應ngkf: 難怪同你咁投契, 原來係同行^_^

    回應無名士: 李生有無罪我唔知, 但俾美證監調查以及同美證監和解賠錢, 唔等於有罪. 只係在大石下生存的一種妥協.

    回覆刪除
  5. 我地個行係磨滅心志既行業,只聞新人笑不理舊人哭,唔好好計劃將來真係要窮一生來追.

    我和先生接近期間畢業...

    有一問題,先生是否28日出bonus? ;)

    回覆刪除
  6. 回應ngkf: 很高興在網上認識你 ^_^

    回覆刪除
  7. 我地個行係磨滅心志既行業,只聞新人笑不理舊人哭,唔好好計劃將來真係要窮一生來追.




    外幣匯率

    回覆刪除