星期四, 1月 24, 2008

中國人壽

今日大市迅速大幅回升, 所以我暫停加碼買入金融股的行動, 當然, 也唔會沽. 今日的升勢都幾誇張. 市值1萬3千7百幾億的匯豐可以一日升11.3%, 941中國移動今日升10.47%, 2628中國人壽更加升15.76%, 939建設銀行仲勁升16.06%. 入市十幾年都好少見呢d場面.

講返主題, 2007年中國人壽的保費收入錄得1966億元, 比去年增長6.94%, 市場估計2007年全國壽險保費預期增長為21%, 即係話中國人壽大幅跑輸同業. 其中在5至8月甚至出現單月保費負增長.

目前中國的壽險市場主要有四大類產品:包括傳統壽險、分紅險、萬能險和投資連接保險。2007年投連險受股市推動而火紅, 截至去年11月, 主攻投連險的外資壽險公司保費比去年同期增長71.47%, 市場份額也從去年初的4.67%上升至7.97%。目前, 中國人壽的產品仍然集中在傳統險和分紅險上, 而傳統銀保產品的保費占中國人壽總保費收入大約三分之一左右。由於銀行保險產品和銀行定期存款比較相似, 07年以來經過幾次加息後令到銀保產品的吸引力大降.

不過,投連險的銷售隨著07年第四季度國內股市大幅波動而出現逆轉。相反, 中國人壽的保費增長速度止跌回升,07年11月單月同比增速已接近30%。

近年來中國人壽轉向高內涵價值的期繳型長期壽險業務, 而傳統壽險保單客戶的保證回報率只係2.5%, 現時存人民幣5年定期利率係5.76%, 保險公司仲可以免俾利息稅, 的確賺到笑.

台灣yahoo: http://tw.myblog.yahoo.com/mr-market/
香港yahoo: http://hk.myblog.yahoo.com/mr-market/

10 則留言:

  1. 先生覺得買中國人壽好還是宏利好? 我兩隻都未買.

    回覆刪除
  2. 現時個市真係好神奇,d大股升跌幅度可以比美細價股咁,好野!

    回覆刪除
  3. 今次係一個好例子,證明市場最終都會將炒過龍或跌過龍既股票調整返去合理既水平,同埋睇下股價波動得幾唔理性,就會明點解單睇股價買股票絕對係錯既做法

    回覆刪除
  4. mr.market,

    I want to buy HSBC for long term investment. What is your advice to me? Do you suggest to lend some cheap money from Bank and keep the stocks for one or two years or longer time.

    回覆刪除
  5. 昨天咁升法, 比我感覺只有一個, 香港股市經已失控, 少少野已經可以攪到好大件事~
    再有咩風吹草動, 呢批股民真係永不超生~~

    回覆刪除
  6. 先生..我有2手1886...雖然只係好小錢..但係我係打算長線...未知有否可能成為第二只蒙牛呢?前境又如何呢?原本都很有信心..但是近日股價大壓..的確有半點擔心

    回覆刪除
  7. 回應cande : 中國人壽同宏利我都鍾意, 2隻我都有貨.
    回應英雄 和小窮神: 現時真係難得一見的大時代.
    回應joe: 5年後回望, 可能現時發生的只係小風波.
    回應tang: 對於借錢買股票, 我認為要非常謹慎, 唔好相信借錢買股票有零風險呢回事.
    回應無名士: 我仍然持有2319和1886, 不過現時金融股同樣大跌, 我會優先考慮金融股.

    回覆刪除
  8. 回應cande : 中國人壽同宏利我都鍾意, 2隻我都有貨.
    回應英雄 和小窮神: 現時真係難得一見的大時代.
    回應joe: 5年後回望, 可能現時發生的只係小風波.
    回應tang: 對於借錢買股票, 我認為要非常謹慎, 唔好相信借錢買股票有零風險呢回事.
    回應無名士: 我仍然持有2319和1886, 不過現時金融股同樣大跌, 我會優先考慮金融股.

    回覆刪除
  9. 請問先生, 我其實一向都好認同先生越跌越買o既概念. 不過越跌越買只適用於優質股. 以現時形勢, 國內保險股有無以下風險呢?

    1. A股H股下調 引致影響增長前景
    2. 間接投資次按而虧蝕

    初級價值投資者TF

    回覆刪除
  10. 回應 初級價值投資者TF : 只有少數優質股值得越跌越買. 無論次按或者A股波動都係有限影響, 隨著時間的過去,影響會越來越細. 保險公司的盈利增長同資產增長有正面關係, 資產越多, 盈利就越多. 以平保為例, 估計2007年底的總資產可以達到7000億元。

    回覆刪除