星期二, 1月 22, 2008

繼續買金融股

今日恆生指數全日收市跌2,061.23或8.65%, 報21,757.63. 從最高位31,958點計,恆生指數跌左 31.9%, 唔少一線大藍籌由最高位計跌幅也超過30%, 匯豐和中國移動都跌左接近32%, 中國人壽跌左48.7%, 建設銀行跌左44.5%, 以跌幅計已經算災情嚴重了.

熟悉我的朋友會知道面對呢d大跌市我會點做. 今次仍然唔例外. 今日繼續運用手上的資金買金融股, 分別以28.8買入4手中國人壽, 不過收市價只有27.6, 即日已經唔見左4.2%, 證明我的確係凡人一個; 另外以25.3買入4手3968招商銀行. 現金水平下降至略低於13%. 未來會繼續加碼買入金融股, 名單包括: 945, 2318, 2628, 3328, 3968. 邊隻跌得多就加邊隻, 直至現金水平降至0%.


台灣yahoo: http://tw.myblog.yahoo.com/mr-market/
香港yahoo: http://hk.myblog.yahoo.com/mr-market/

18 則留言:

  1. 先生,

    我今日都入左人生第一手匯控 !

    回覆刪除
  2. 你好, 看了你的blog也有一段時子了。 並知道你係五號仔的fans,我也有五號,但係今日的大跌市中,我左想右想,也覺得就算反彈回升時,其他大藍籌的反彈會比五號為大。所以我也係今日入了貨,但係上午十一點買的,941 @ 112.2 *500 , 2628 @ 29.35*1000 ,3968 @ 25.00*1500,固未能入到最低價位,各人都是凡人呀 ...哈哈

    回覆刪除
  3. 先生:我比您更早入中人壽,計條數已輸了一手現價的中人手壽。所以我覺得先生已經是凡人中的高人。

    巴林兄:我今天都買了匯丰。

    現在我可以做的,就是熄機,專心等匯丰派息。

    回覆刪除
  4. 咁多位,我無買到您地d股份,相反我今日就加左d建行,跟大家坐同一條船。

    回覆刪除
  5. 先生, 你什麼時候改買了中國人壽? 你不是一直都看好平安保險的嗎??

    回覆刪除
  6. 回應巴林: 將佢提貨轉名放入保險箱.
    回應一個凡人too : 你的3968買得平過我^^
    回應肥魚爸爸: 我都耐心等待匯豐出業績
    回應英雄:大跌市各取所好
    回應無名士: 2318和2628我都鍾意, 邊隻跌得多就加碼買邊隻.

    回覆刪除
  7. 先生入得靚﹗(其他人都係)good job﹗
    今日我見好多人沽貨嚇到傻左,我就平常心視之,無錢買,得個睇字,嗚…
    今晚宣佈減息後,美歐股市隨即反彈,明天香港應跟隨…
    今日心急沽晒貨既人係咪有d心急和心理質素吾夠呢﹖

    回覆刪除
  8. 拜讀先生文章一段時間, 有些體會.
    我分別在$120及$111左右入了2手中移動, 因為我覺得金融股始終和經濟有關, 例如銀行可能會受次按或遲下可能有的美國其他經包裝的貸款有關. 而保險股亦可能會有投資於其他海外資產. 相反, 電訊股主要受國內經濟影響, 而3G 或 3.5G 都會實行, 故此我揀了中移動. 不過中移動的 P/E 始終是高了一點.

    另外較早前有些一手抽返來的內房股做了蟹, 心中有些戚戚然.

    回覆刪除
  9. 先生你好
    我本身不是太懂投資
    我想問點解不等他不再跌或開始升時才開始買呢?
    請多多指教

    回覆刪除
  10. 都係好似曹仁超咁講, 牛市中略下破250天線是入貨訊號唔係出貨訊號. 不過始終唔係有百份百信心去入.

    另外丁世民都好嘢, 昨天估聯儲局昨晚會提早減息, 不過都估唔到佢會減 3/4 厘咁多. 唔知月底仲會唔會減多半厘?

    回覆刪除
  11. 先生有沒研究過花旗業績,它盈利大跌原因為何?滙豐的業績會像花旗般大跌的機會有多大?

    回覆刪除
  12. 花旗管理層呢半年有冇買番花旗?
    花旗大股東呢半年有冇買番花旗?
    匯豐管理層呢半年有冇買番匯豐?
    匯豐大股東呢半年有冇買番匯豐?

    搵完答案就答了你起碼一半問題

    回覆刪除
  13. 答 ngkf ,匯豐大股東有 買 5 仔

    問先生, 我買左5仔, 但無提貨轉名, 請問,提貨轉名, 有什麼好處呢 ??
    唔該~ :)

    回覆刪除
  14. 回應ee: 無提貨轉自己名的好處: 1. 唔使俾倉租, 1. 收息收股自動寄去你屋企或者自動轉入你銀行戶口 3, 可以收到業績報告 4. 可以出席股東大會 5. 有張股票在手

    回覆刪除
  15. 先生, 你睇HSBC因為要填次按o既氹而降低派息比率 機會有幾高呢? 如果真係要降派息比率, 你會唔會改變對 HSBC o既睇法 同 轉變永久組合呢?

    初級價值投資者TF

    回覆刪除
  16. 請問先生, 你覺得 HSBC 因為次按虧損而降低派息比率o既機會有幾大? 如果 HSBC 真係降低派息比率, 先生會唔會調整HSBC o係永久組合o既比例??

    初級價值投資者TF

    回覆刪除
  17. 哇 !!! 咁我要諗吓,提貨啦~~ thx 先生 !
    :)

    回覆刪除
  18. 匯豐一向採取累進派息政策, 即係某一年盈利大升時, 派息也不會去到盡, 到第2年盈利增長有放緩時, 派息也不需要減.

    回覆刪除