星期一, 1月 21, 2008

買入中國人壽

今日以32.85買入4手中國人壽, 現金水平降至大約17%. 會繼續越跌越買, 對象仍然以金融股優先, 直到現金水平降至0%. 一向認為現金水平應該同股價成反比例. 當股價過份高時, 應該增加現金水平, 當股價大跌時, 就唔好恐懼增持.

今日匯豐股價繼續下跌, 相信有唔少以前對匯豐充滿信心的人開始, 或者已經動搖, 甚至崩塌. 記得(只憑記憶), 2000年時, 匯豐股價最高升至120蚊左右, 一年多以後,. 發生911事件, 匯豐股價最低跌到68.25, 之後回升到大約98蚊. 到了03年發生沙士之後, 匯豐股價跌穿80蚊, 之後股價升到07年10月的歷史高位153.5, 到了今日收市價係113.6.

無意再多講, 只講一句, 手上的匯豐仍然一股都無沽到, 一切盡在不言中.

另外想強調, 筆者只係一個普通小投資者, 也是凡人一個, 無可避免會犯錯, 能夠做的, 只係盡量將犯錯的影響, 控制在"唔會對未來財務自由的目標做成不能補救"的範圍之內. 當然, 我有自己的判斷和立場, 也有自己的堅持和固執. 畢竟, 人生和投資, 都係一個永久的學習, 和不斷自我完善的過程.

台灣yahoo: http://tw.myblog.yahoo.com/mr-market/
香港yahoo: http://hk.myblog.yahoo.com/mr-market/

23 則留言:

  1. 先生真係eq 高。

    想問下匯豐銀行和人壽,兩者邊個吸引d 呢?

    心目中覺得匯豐銀行好似平d ,但有很多不確定因素。

    回覆刪除
  2. 回應r: 我當然覺得匯豐平過國壽, 等佢地出晒業績再睇.

    回覆刪除
  3. 你會如何決定下一次入人壽的買入價?

    回覆刪除
  4. 回應閒人 : 通常我係分段買入, 越跌越買, 下一個加碼位30蚊. 當然, 如果到時有其他更吸引的金融股, 我可能買其他先.

    回覆刪除
  5. 先生你就比較好未結婚,我就要留錢過新年.

    不過先生年尾就成婚,都要留番D錢週轉..

    我就上星期37元入了兩手人壽.仲有工銀亞洲都到17個幾了. 先生有冇留意隻541? 行使價20元而家都仲有1.5... 私有好像是遲早既事. 不過都係個句. 中國人唔會念食. 私有化我估都係會出25元到.

    同埋工銀亞洲都借幾多錢比工銀.私有了就唔使還了. 先生會否買番一些呢?

    回覆刪除
  6. 你女朋友會唔會干涉你既投資?

    回覆刪除
  7. 入得好!!

    除此之外,都無咩好講!

    回覆刪除
  8. 小弟上星期己動用大部份現金買入兩手中移動(平均價$123.3)
    現金水平降至約8%

    餘下的現金只夠買一手2628
    應否用埋最後一發子彈?

    回覆刪除
  9. 回應Cory : 就來會買xx.
    回應ngkf: 同意, 要留番一d錢結婚之用, 所以未去到盡. 無留意過541, 349我都有興趣, 不過要再跌多d先.
    回應Ivan : 最近的跌市的確令到佢好擔心, 佢叫我沽晒d匯豐.
    回應隨笈: 股價升我就可能驚, 股價跌我唔驚, 金融保險股我會越跌越買.
    回應lok: 如果剩番最後一注, 可以等跌穿30蚊才買2628, 風險係唔知會唔會真係跌穿30蚊.

    回覆刪除
  10. 十年前我結婚時都係大跌市.當時有錢都唔敢入貨.無錢結婚真係唔得.

    今年係打大鱷十週年.不過真係"十年河西,十年河東"了

    我老婆反而猛入貨,不過佢落個價好aggressive...不過佢地通常入到超平貨

    回覆刪除
  11. 很多謝有您陪伴著,我已經差不多用盡所有資金了,最後在34.55買入中國人壽

    回覆刪除
  12. 先生, 你好我是你的忠實讀者, 由Yahoo至現在. 對匯豐我曾有一絲的動謠, 但你所說甚是, 我最終也參考先生的意見, 讓他變成我的退休基金. (不理但也不棄他)

    惟有另一事請教先生,我在18及14.5元分別買入1手中石油(857), 面對跌巿, 雖不算恐懼, 但對他的信心也確實動搖(最主要是我必需承認自己高位追入), 若現在換馬至中人壽(2628)是否不智之舉. 先生可否給我一些意見, 謝謝~

    回覆刪除
  13. 先生, 你好~ 我是你的忠實讀者, 跌巿至今我對匯豐也曾動搖, 但閱筆「買入中國人壽」所言. 讓我下定決心, 繼續該他成為我的退休基金.

    惟我手上亦有其他股票, 愚人曾於18及14.5分別買人1手中石油, 不得不承認投資屬高位追入. 面對現時巿況, 不知是否應換馬至中人壽, 或應繼續持有. 請先生給予一些意見. 謝謝~~

    回覆刪除
  14. 先生, 你好~ 我是你的忠實讀者, 跌巿至今我對匯豐也曾動搖, 但閱筆「買入中國人壽」所言. 讓我下定決心, 繼續該他成為我的退休基金.

    惟我手上亦有其他股票, 愚人曾於18及14.5分別買人1手中石油, 不得不承認投資屬高位追入. 面對現時巿況, 不知是否應換馬至中人壽, 或應繼續持有. 請先生給予一些意見. 謝謝~~

    回覆刪除
  15. 匯豐咪可能跌到153.5既一半,即係76左右?
    係就好了
    祝先生結婚擺酒一切順利:)

    回覆刪除
  16. 2628 is now $28..... Itlooks like everything is cheap now! :)

    Is Mr. Market interested in ETFs?
    I've just bought some 2813 today.

    回覆刪除
  17. 先生,閣下愚見,現在開始月供匯豐是最好時機。底位冇人知,但現在價錢就十分正。

    回覆刪除
  18. 今日深深体會, 價值投資既樂趣, 少少地,加左一手 941 .
    多謝先生一路以來既鼓勵, 令我覺得投資係好有前景既, :)

    回覆刪除
  19. ==== 節錄東尼日誌 22 Jan ===
    現在的市場沒有具備出現股災的條件,這些條件是畢菲特的師傅班哲文.格拉漢(Benjamin Graham)所列出的,概括了市場崩潰背後的三種力量:

    1. 過度樂觀,
    2. 過量借貸,及
    3. 操控股市。

    香港曾出現非常樂觀的情緒,但由於擔心股市的中資成份極高,樂觀情緒已然緩和。這種情況因而或可適用於中國,但無疑不適用於香港。

    過度的借貸傾向於伴隨樂觀情緒,而香港並非特別充斥著此現象,但在一定程度上已轉向買賣認股權證。然而,難以知道的是上海和中國其他城市的水平,但我會猜想普遍的情況是過度的。

    除了首次公開招股外,便沒有多少操控的空間,因為許多成交大的股票過於龐大,難以受到輕微的操控。但班哲文.格拉漢是在華爾街於1929年發生股災後不久寫下這些話的。

    回覆刪除
  20. 回應ngkf : 你老婆好利害, 夠膽跌市買貨. 我女友好細膽.
    回應Barrett Chan: 我相信5年後2628股價升1倍的機會大過跌一半.
    回應kaWing 小記 : 我對5和2628的盈利前景充滿信心, 但857我俾唔到意見你, 我自己都無持有.
    回應Joe : 我覺得匯豐跌30%已經好足夠.
    回應dkoo: 現時我對股票興趣大過etf
    回應ee: 一齊努力, 收集優質股

    回覆刪除
  21. 先生,如果有折LV 同1折Ange's B我估你女友都會入貨,女人係好清楚價值同價錢 ;)

    回覆刪除