星期日, 1月 20, 2008

搞掂酒席啦

聽已婚的朋友講, 結婚最重要的一個項目就係酒席, 酒席場地和日子一旦決定, 其餘細節都係向住呢個中心去進行. 對場地和日子, 未來老婆有要求, 我當然要完全滿足佢, 都花了唔少時間去選擇酒席場地, 每一個目標都親自視察過,終於今日一錘定音, 俾左3成定金, 拿下未來老婆滿意的場地, 日子係佢喜歡的好日. 下一步要想一些具創意的小玩意, 在婚宴上俾老婆仔一個驚喜, 心情越來越興奮和緊張. 不過未來工作方面, 可以預見幾困難, 兩個印度籍下屬好快會離職, 少左兩個得力助手, 以後自己要親力親為, 不過我公司的user好多都以為自己係行業精英或天之驕子, 好難服侍, 可以預見未來唔容易做. 面對印度籍同事好快會離開, 有d傷感, 因為佢地工作態度非常好, technical又掂, 同其他國家的印度籍同事, 又能同聲同氣, 順利好多. 以後呢d事就要我自己親自出馬.

台灣yahoo: http://tw.myblog.yahoo.com/mr-market/
香港yahoo: http://hk.myblog.yahoo.com/mr-market/

7 則留言:

  1. 恭喜恭喜!
    我的朋友近來經常安排新人進場時放花炮,然后新郎會突然在敬酒後新娘換完衣服時唱一首情歌給新娘聼。有的是改編有的是作,縂之就是新娘估不到的歌!

    回覆刪除
  2. 最重要真係酒席,攪好酒席其他就慢慢都未遲.

    最近幾次去飲都無人同新郎新娘玩.不過最難忘一次係新郎新娘跳Tango 比我地睇.仲有一次係新娘彈琴新郎唱歌.

    仲一次就係搵新娘既老死上去講新娘..

    回覆刪除
  3. 小弟都剛剛於1月初完成整個結婚"工程"。呢個工程真係相當龐大,好彩我有個好既PROJECT MANAGER(大口仔老婆)幫我,不過整個過程係一個好難忘既回憶。

    祝你既婚禮準備工夫一切順利呢!

    回覆刪除
  4. 市場先生在ibank做IT嗎?

    回覆刪除