星期五, 1月 04, 2008

鑽石的誘惑(女性理財篇)

之前買的求婚介子大左2個碼(係指個圈, 唔係指粒鑽石), 要拿去工場改細, 昨晚拿返, 所以現時隻介子在我手上. 望住隻介子, 我發覺原來鑽石真係幾靚, 難怪d女仔咁喜歡鑽石, 果然有佢的魅力, 所以前一排在報紙睇到城中富豪話, 想"tum"女仔開心好容易, 帶佢去自己的金鋪(指富豪的金鋪)俾佢選d鑽飾就搞掂. 最近, 越來越明白點解我個大妹以前咁難儲到錢, 市場上真係有好多吸引到女仔使錢的商品, 除左鑽飾之外, 仲有手袋, 高跟鞋, 皮靴, 化妝品, 護膚品, 衣服, 做facial等等, 一條披肩的價錢係超過一千蚊, 手袋就更加唔使講, 一出去商場, 就要面對好多好多的誘惑.

一直以來我都勸個大妹要儲蓄, 錢唔係唔好使, 但使錢的同時點都要儲番些少. 不過, 佢見到銀行戶口有錢, 使錢又會鬆手d, 曾經有推銷員上門sell化妝品, 講完一大輪之後, 佢就買左一大堆化妝品. 而且每年都要去日本shpooing和台灣食野. 最後我想到的辦法就係當佢儲夠幾萬蚊時就幫佢買股票, 然後提貨轉名, 放入保險箱, 昨日買的匯豐就係幫佢買的. 幾年來, 都逼到佢儲到一些股票. 以下就係佢的組合. 希望將來佢退休的時候, 個股票組合可以提供一些生活保障.

我兩個妹都有成為長線投資者的條件, 就係佢地完全唔理股價, 無論股價大升或大跌, 佢地都無反應, 每隔一段時間儲夠一些錢, 我話幫佢買股票, 佢地永遠無話唔同意, 信晒我. 唯一的限制係, 只可以幫佢買匯豐, 宏利, 或者交行, 唔可以買其他, 我當然唔會反對.

11 則留言:

  1. 先生妹妹已經有接近70萬投資...
    我25歲現在也只有20萬, 擔心日後成家立室, 更休提退休了...

    回覆刪除
  2. 我都有月供交行和匯豐銀行,交行仲佔左我組合裡面最大比重。佢係Q3報告裡面話會和匯豐銀行加強兩方既合作,唔知係咪暗示佢會幫匯豐銀行SELL 埋保險單野呢?
    先生知唔知交行係零售業務方面發展成點?

    另,你妹妹個組合真係合埋眼都可以唔洗理......

    回覆刪除
  3. 回應Roy Ng : 我25歲時5萬蚊都未必有, 不要灰心,堅持儲蓄+投資.
    回應 rr : 我最近已經很少理會交行的消息, 因為完全唔需要擔心佢的發展.
    回應hermanwest : 因為交行有增長濳力.

    回覆刪除
  4. 我現在已31歲,投資總值也只不過是70萬左右 ...
    市場先生, 我能在55歲前退休嗎 ?

    回覆刪除
  5. 回應Mr. Lam : 31歲仍然好年輕, 繼續努力吧.

    回覆刪除
  6. mr. lam

    我在31歲銀行得8K,你比我當時好得多了.如果相信value investment 和 compound interest. 一定無問題

    回覆刪除
  7. 我也於130.5 和129.5各入一手匯豐, 很高興可買到平貨

    先生, 請教知不知轉按哪兒最平? 渣打的MortgageOneR 增 值 按 揭 戶 口好嗎?

    回覆刪除
  8. 仲有要少心睇實MPF,我供了7年每月2千都有32萬.供到退休時可能有2M了(future value).唔好睇少compound interest的效果.

    MPF 最好供d風險高個d,我選所謂high risk high growth,係低風險category內既高風險都係低.你選了保本就慘啦.

    回覆刪除
  9. 你好,想請教一下:

    我的投資方向與你的妹妹類同,就係只買我信得過,值得長線持有的股票,例如手頭有宏利,中石油,交行等. 我每月最多逼到自己儲 $15k, 然後3-4個月後我會拿著幾萬元買以上的股票

    現在我打算在2009年和太太買樓置業,由於我平時儲的錢都用來買了上述股票,如果下年我需要首期的話,可能就要沽出這些可作退休組合的股票, 老實說,我覺得這違反了當初我打算老來用作生活保障(雖然我明白買樓也是一項投資)...假設你的妹妹將來 foresee 到短期內也會結婚/成家/置業,你會提議她賣出手頭的股票嗎? 還是 suggest 她在那段期間持 cash 或改買其他短線投資的"股仔"?

    謝謝!

    回覆刪除
  10. 回應fu_look_yao : sorry, 我未轉過按, 幫唔到你.
    回應st:月供股票係長期的計劃, 最好不要改變, 否則無左紀律. 當然, 真係需要錢都無辦法.

    回覆刪除