星期日, 9月 23, 2007

係時候休息了

最近很少update 個 BLOG, 主要係因為對現時的股市無乜興趣. 有人唔明點解我的BLOG有人睇, 的確, 以現時咁熱烈的市況, 於股市賺錢好像是輕而易舉的事, 唔睇我的BLOG都唔會係損失.

最初睇我BLOG的人相信係那些睇開 3Home Finance 和 Value-Investment newsgroup的朋友. 無論是一間企業也好, 一個投資者也好, 必須要經歷過風浪和時間的考驗, 才知道掂唔掂, 有無料到. newsgroup的朋友肯花時間睇我寫野, 因為大家一齊經歷過03年沙士期間股市那段低迷時期, 因為大家見證過我有勇氣於股災時大手買入股票, 而且面對股價大跌仍然處之泰然. 之後的成功之作, 是在市場未全面睇好中資金融的時候, 極力推薦2318和2628, 當時2318的股價只是12蚊左右, 2628的股價只是5蚊左右.

不過呢d已經係明日黃花的事情, 於目前通街股神的年代, 我已經無用武之地, 雖則個人財富仍然受惠於現時牛氣沖天, 資產漲價的市況.

現在係時候將時間和精神用在其他方面. 畢竟, 投資只是人生的一部份而已.

最後, 回答 yoyo的問題: 對於那些無聊人的惡作劇, 無必要去回應. 雖然有人對我作出恐嚇, 但我從來唔會懼怕惡人. 讓那些滿足於自我幻想的世界之中而樂此不疲的人自便吧. 我仍然會如常地生活, 仍然對靠投資達至財務自由充滿信心.

對於某些BLOGER最近的冷嘲熱諷, 我的回應係: 相煎何太急. 不過, 放冷箭之前, 可否同當事人了解清楚先? 斷章取意, 憑片面的認知就作出批評, 令人心寒.

人情冷暖, 算是見識過了, 市場先生自語暫時告一段落, 不是因為別人的言論, 主要是因為目前過份瘋狂的市況(再加上私事繁忙). 到了他日市況低迷, 一般人對股市失去興趣, 我又忙完私事, 會重出江湖.

22 則留言:

  1. 先生如此频繁UPDATE的确太费时费心.减少,但希望你不要放弃.太喜欢你的BLOG.

    回覆刪除
  2. 市場先生, 在下非常支持你...無謂人的攻擊, 實無需理會
    期望你休息過後, 可以繼續拜讀你的文章

    回覆刪除
  3. 先生,自己鍾意做的事請繼續做,但不要放棄,不需理會其他人,唔知點解呢個世界總會有些無聊人喜歡冷嘲熱諷,d人唔鍾意可以唔睇,但唔知點解呢d無聊人又會繼續睇先生的blog. 我睇先生的blog都是今年的事,我覺得你講d野都好有道理,我亦在幾個月前跟隨先生月供左股票.
    Support先生.

    回覆刪除
  4. 感謝你一路以來的分享,期待將來先生能再度分亨。

    回覆刪除
  5. 欣賞你的平常心!!!
    支持你!

    回覆刪除
  6. 市場先生,

    可惜!雖然你的回應還未使我清晰,但要說聲多謝!

    回覆刪除
  7. 你唔好話你唔得啦。市場先生,雖然我之前懷疑過你究竟可唔可以係股災來臨臨之前離場,不過,我現在明白了只買不賣既道理。

    我依家好簡單,揀好一兩間公司,來月供股票就行了。

    我是看到市場先生的私人強積金計劃後跟供 3968 的,至於 388,則是小弟自己揀的。

    無論如何,月供股票令我賺最多錢。

    多謝你。

    回覆刪除
  8. 期待先生重出江湖!

    回覆刪除
  9. 師兄

    希望你早日回來再同我地一起討論 :)

    少帥

    回覆刪除
  10. It's a sad news that you decided to suspend your blog. I am surprised that you faced so many pressure on writing this blog, just because different investment strategies.
    It's not bad thing, though, since Warren buffet has been scold on his investment strategies in last TNT bubble. Now he still be the 2nd riches people in the world.

    good luck!

    回覆刪除
  11. 永遠都支持你呀!!
    期待再看你的分析與分享

    回覆刪除
  12. 市場先生
    你好, 我一直有看你日誌, 因我和你一樣買入放埋一邊, 股市起落不在乎, 現在己有不錯回報, 可惜現在通街股神, 這個笨方法無人會聽, 但我起碼不會虧本, 保本己做到也很滿意了, 我不明白為什麼會有那些無聊人, 他們謾罵你有可居心, 你不再寫的話實在可惜, 但尊重你的意願, 希望你稍後再寫, 因我得難找到一個, 和我一樣買股票不放的人, 這是個成功的實驗, 祝生活愉快, 後會有期.
    最後謝謝分享.

    回覆刪除
  13. 市場先生,其實我是最近才看你的Blog. 你的文章對我有很大很正面的啓示. 也因為你獨特的見解,我亳不猶豫地買了你的書看. 真令我獲益良多!! 今天看到市場先生決定暫退隱江湖. 實在可惜!! 我很後悔沒有早點提起勁給市場先生留言,多點交流. 我還是會不時來先生的Blog探訪. 期待先生重出江湖的一天!
    All the best to Mr. Market!

    回覆刪除
  14. 市場先生

    支持你的blog!亦買了你的書!繼續努力呀!

    回覆刪除
  15. 市場先生
    你好, 我一向也是cdrom, 今次留言希望你別太傷心, 也別太介意其他BLOGGER的評價 ....

    回覆刪除
  16. Hi, Mr. Market

    It is really enjoyable and fruitful to read your blog. Thanks so much. Hope u will come back soon. I think a big correction in the stock market will be coming soon.
    BTW, I will buy your book as a token to support you.

    Cheers
    Kit

    回覆刪除
  17. 你好...我最近先睇開你個BLOG
    你個BLOG吸引既地方係因為你投資同我想法好相近...可以令我從你講既野當中學到我未曾有過既經驗

    我覺得了解你諗法既人..自然會理解你
    唔了解既...亦都冇謂在意

    最好希望你有時間會繼續分享你既經驗,亦都在此祝福大家最終可以盡早獲得財務解放...達成生活目標..ENJOY YOUR LIFE*

    回覆刪除
  18. 巿場先生,接觸您不久時間就要分別實在可惜,希望日後能有機會再向您好好學習(尤其是耐性)。難得的好 Blogger,真的期望您能再與大家分享。

    回覆刪除
  19. 一直睇開你個BLOG,
    從你講既野當中學到很多很多,
    也賺到很多很多。

    回覆刪除
  20. To cy701, Alvin, seesee1010, Andy, 無名士, Investor, chu, 少帥, torn, ty, Cecil, kit, beingpak, Lemonade, 台北張敬宗 : 多謝你地的支持.

    回覆刪除
  21. 等你出山,睇你的文章學到很多野,thanks
    手機佬

    回覆刪除
  22. 我剛剛才買了你出的書, 幾好睇. 你選既股, 部份我都有買... 另外, 我都認同現在應增加手上現金... 加油吧!

    回覆刪除