星期三, 9月 19, 2007

一些回應 (20070919)

To Investor: 我已經沽出部分有10%利潤或以上的投機組合, 將會沽埋其餘的投機組合, 然後只會保留核心投資組合和月供股票計劃. 每月儲蓄的新資金將唔會投入股市. 沙士期間, 恆生指數最低跌至8300點左右, 那時我係100%持有股票, 0%現金. 事實上, 由01年911事件之後到現在, 大部分時間我都係100%持股, 從newsgroup時代已經認識我的人會知道, 我是一個不喜歡持有現金的人. 不過, 現時我已經慢慢增加現金水平, 目前大約係22%現金, 78%股票. 對我來講, 投資與投機的分別, 在於心態多於對象. 一般來講, 投機係指一年內會沽出的買貨行動. 至於對象, 投資的對象可以投機, 但投機的對象就唔可以投資.

To 投G新人: 想於股市裡賺大錢, 耐性是非常重要的因素. 如果你將時光倒流, 回望過去5年, 會發覺有唔少可以一筆過大手買入作長線投資的好機會, 想想當時你對買股票抱有什麼態度, 要從歷史中學習, 一定有所得益.

To 下山人: 仍然認為接近6蚊或以下的#183, 投機無問題.

To Seventeenli17: 我本身無持有#2888, 佢的特色係專攻新興市場, 係一間非本土業務比重大過本土業務好多的英資銀行. 有機會的話(指股價大跌)我有興趣買入.

To WigginsL 月供股票應該係中銀最抵, 2萬蚊或以下, 幾多隻股票費用都係50蚊, 而且收股息唔使費用.

8 則留言:

  1. 你會列出你的組合嗎?

    可否討論一下平保嗎?6倍PB了.....

    回覆刪除
  2. 師兄

    請問還有沒有抽 ipo 呢
    如果而家抽中 ipo,應該如何對待
    即放,定係渣起碼一年呢
    即放 - 26000 點抽到的,平極有普
    渣一年 - 睇返之前既新股,好多都升左超過一倍

    謝謝
    少帥

    回覆刪除
  3. 先生,

    請教你 2318. 我已在 $90 放了三份一. 餘下三份二平均價大約 $35. 我其實有心 keep 住到退休, 但現價實在太不合理亦太吸引. 所以希望聽聽你的意見. 謝.

    回覆刪除
  4. 先生,請問你點解會改變左持多些現金?是否覺得股市已過高?謝.

    回覆刪除
  5. 請問市場先生為什麼要堅持月供股票呢?何不保留現金直至市況合適才買入?

    回覆刪除
  6. 為何你不再post 你的組合0既?
    如果你介意人知道平保的數量,大可只不提供平保的數量~

    回覆刪除
  7. 我今日經過APM書局,見到先生本書十大暢銷書第七位,恭喜.
    近期有很多新股,如恒鼎,遠洋,奧園等抽,請問先生這些股可以放一段時間嗎?還是即賣好一些? 另外,安踏現價可否買作短炒?謝.

    回覆刪除