Buy and Hold 的反思 (二) : Buy 即是Sell, Sell 即是Buy

Buy 即是 Sell: 要維持持續的購買力, 就要在某些特殊的情況下沽出股票.

Sell 即是Buy: 沽出股票的目的, 是為未來會出現的資產大賤賣作準備, 儲存彈藥.

所以, Buy and Hold的投資策略, 已經包括 sell 的 元素.

問題是, 什麼時候可以sell, 什麼時候應該sell, 但又不致於陷入去預測後市短期的走勢(time the market), 以及跟隨市場的拍子起舞(follow the trend or crowd),因為筆者始終於認為time the market以及follow the trend 將會是徒勞無功的.

筆者最尊崇的投資大師費雪(Philip A. Fisher，1907-2004)的投資哲學, 是集中買入少數具有增長潛力的股票, 然後長期持有. 費雪主張不要純粹因為經濟或股市的走向等外部因素而賣出持股, 理由是經濟或股市的變動太難預測, 也很難精確分析. 我們投資的是公司而不是GDP, 也不是CPI或者存款利率. 很多人信奉波段操作, 但費雪認為從未見過有一位靠波段操作成為投資大師的. 企圖靠波段操作去提高贏利或效率, 是烏托邦的思維, 實際上可望而不可及.

1929年, 費雪做了一個正確的預測: 退出股市, 嚴重的空頭市場就要來臨. 但他沒有遵照自己的建議, 反而買進一些便宜的股票, 因為他認為股市下跌時, 不見得每一隻股票都會跌 . 但事實證明他的想法錯了, 也因而賠錢. 雖然這次經驗可能說服費雪在空頭市場時減碼, 但從此之後60年, 不管股市是漲是跌, 他都全部投資於股市.

1929年以來, 費雪只有2次感受到大恐慌即將重演. 1987年, 他在"富比士"雜誌撰文提出空頭市場的警告, 雖然他本身繼續全部投資於股市. 到了1997年費雪又發表空頭預測.到了晚年, 費雪的投資組合中才有部分是現金, 他也建議客戶跟進. 不過剛開始時, 客戶並不接受費雪的建議, 因為以前費雪告訴他們, 防範空頭是愚蠢的. 不過, 之後費雪已經說服他們, 在一些特殊的情況下, 還是可以沽股票而持有多一些現金.

一直以來, 筆者也認同費雪的建議, 就是在市況極度瘋狂的時候, 可以減持股票, 增加現金水平, 這個做法, 也符合巴菲特的投資至勝之道, 就是"在別人恐懼的時候你要變得貪心; 在別人貪心的時候你要變得恐懼". 事實上, 07年中開始, 筆者也寫了幾篇相關的文章, 甚至減持30%股票. 不過筆者要承認, 07年尾未有更大規模以及更廣泛的減持股票, 另外, 於08年也太早將之前套現的現金重新投入股市, 是輕視了今次金融海嘯的破壞力, 也忽略了金融業以致經濟層面的系統性風險.

總結經驗和教訓, 要維持持續的購買力, 就要在股市極度瘋狂的時候, 大規模地撤出股票市場, 然後耐心等待股市出現極度恐慌的時候, 才再次進場.

http://hk.myblog.yahoo.com/graham_choi2003/article?mid=3191

Buy and Hold 本非死板的教條

網誌日期：2007-06-28 22:27

我一向主張投資股票至富的大方向係Buy and Hold 優秀企業的股票, 直到今日仍然無改變呢個睇法和做法. 不過, 我並不反對當股價升到唔合理的高水平時, 可以暫時沽出永久組合的股票, 但沽出股票的主要目的並非要穫利收割, 而係為了避開市場的風險, 因為股價過高, 尤其是市場的泡沫絕對是一種不可忽視的風險.

我認為糾纏於應該永遠只買不賣, 還是可以靈活變通, 這種意識形態的爭論對我個人毫無意義. 我認為更重要係如何判斷股價是否在不合理的高水平, 然而這似乎是一種藝術多於科學的行為. 另外, 我認為 沽出永久組合的股票之後, 一定要再買回來, 因為持有優秀企業的股票始終係終極的目標.

所以無論別人認不認同, 如果2318平保短期股價再升穿57蚊, 我仍然會再沽出. 甚至我最喜愛的匯豐, 如果股價升至3倍P/B, 我一樣會沽出. 人棄我取, 人取我棄, 仍然係硬道理.

http://mrmarketofhk.blogspot.com/2007/10/blog-post.html

目前股票與現金比例

網誌日期：10/02/2007 12:51:00 AM

有網友問我現時股票與現金比例, 現時股票佔我流動資產74.56%, 現金佔25.44%, 未來只會增加不會減少現金, 目標係增加現金至40%, 然後保留其餘的60%股票, 直至股市出現大家公認的股災, 我才會再次重新動用現金買貨. 至於月供股票, 就唔會停止, 會一路供下去. 現時我要買少d股票, 多d去見識外面的世界, 承認自己的不足, 多d向不同背景不同範疇不同行業不同投資風格的人士學習, 固步自封, 坐井觀天, 只會阻礙自己前進.

http://mrmarketofhk.blogspot.com/2007/10/blog-post_03.html

進一步增持現金

網誌日期： 10/03/2007 08:40:00 PM

今日早上進一步減持股票, 現金比例增加至29.56%, 股票佔總流動資產比例下降至70.44%. 另外, 雖然今日匯豐股價最高升至150.2, 我認為呢個價仍然令人好安心, 所以一股都無沽出.

http://mrmarketofhk.blogspot.com/2007/10/blog-post_06.html

取捨

網誌日期： 10/06/2007 08:48:00 PM

網友monkey23話最近沽出的股票全部都再急升, 那種唔開心真係幾難頂, 雖然佢明白自己在做什麼, 只是那種早沽的感覺的確很難受呢! 問我點樣去面對這種心態.我首先舉個例子, 買人壽保險係一種風險管理, 係一個風險轉移的做法. 但你唔能夠又要自己平安無事, 又要對保險公司賺左你的保費而唔開心. 所以你唔能夠又要100%持股賺到盡, 又要在股災來到的時候有大量現金買平貨. 人生的現實係要"取捨". 想想點解巴菲特要沽857, 有人話係因為巴菲特有投資項目等錢使, 唔好講伯克希爾手上仍然有多現金, 就當巴菲特真係等錢使, 點解唔沽可口可樂, 唔沽吉列公司, 唔沽美國運通, 唔沽富國銀行, 只係沽857? 有人話係因為政治理由, 如果真係因為政治理由, 咁就應該不計價全部沽出, 一股不留, 咁點解之前巴菲特要交俾股東大會去投票決定, 股東決定左唔沽之後先來沽? 巴菲特持有857的平均成本即使唔計收到的股息只有1.6至1.8左右, 難道巴菲特認為857的股價會跌穿佢的成本價? 現時人人都幾乎識講油價可能升到100蚊, 857又不時發現新油田, 857錢途一片光明, 點解股神仍然要沽貨?無人知股市的頂部在哪裡, 可以升到幾多, 同樣, 也無人知股災幾時會來. 可行的做法係減持一部分股票, 保留多一些現金, 現時我自己股票與現金的比例大約係70%比30%, 如果股市繼續上升, 70%的持股仍然可以為我增值, 如果大市逆轉, 我有30%現金買平貨, 進可攻, 退可守. 無需因為賺少左而唔開心, 錢係賺不盡的.

最後, 補充一下, 仍然認為月供股票係長期的計劃, 無需改變. 我仍然月供8000蚊, 分別係3328, 3968各2500蚊, 2318, 2628, 945各1000蚊.

http://mrmarketofhk.blogspot.com/2007/10/blog-post_07.html

放長假外遊

網誌日期： 10/07/2007 08:46:00 PM

今日睇到城市論壇的主題係講股市, 有乜啟示, 將來回望才知道. 97年有個現象, 就係街上你會見到地產代理多過銀行, 有乜啟示, 我買左樓之後才知. 97年1月, 我在等了很久, 期望樓價調整下跌, 但樓價點都唔下跌之後, 終於忍不住上左車. 之後樓價仍然繼續上升, 當時的我, 當然係好開心. 現在回想, 如果當初賣層樓俾我的那對老夫婦, 會因為賺少左而唔開心的話, 咁佢地會唔開心10個月至1年到啦. 之後就輪到我唔開心, 因為我的惡夢在興奮大約1年後開始, 即使到今日, 我個單位的市值, 仍然只及當日買價的70%, 更加唔使講呢10年來的利息和機會成本.

http://mrmarketofhk.blogspot.com/2007/10/blog-post_16.html

股市泡沫

網誌日期： 10/16/2007 11:37:00 PM

最近一眾財經專家對股市是否有泡沫發表唔同的睇法, 莫衷一是. 有智者如此說: 當你同別人爭論緊股市是否有泡沫的時候, 或者當你開始有興趣去找尋股市泡沫的定義的時候, 那麼, 很可能你已經置身於股市泡沫之中了. 現時國內A股的平均市盈率 是60倍左右, 有人話市盈率高唔係問題, 只要盈利增長夠高, 所以現時好興睇PEG. 今年上半年A股上市公司利潤增長大約係70%, 即係PEG細過1, 表面睇60倍市盈率唔算好過份, 不過, 如果睇營業額, 增長只有27%左右, 而經營業務利潤增長只有16%, 大部分的增長其實來至投資收益, 貢獻41%. 近年 國內A股股價飛升其中一個原因係流動資金過剩. 現時國內居民存款對A股總市值比例係0.77, 但如果只計流通市值, 比例馬上升到2.5倍, 太多的資金追逐有限的股票, 做成供求失衡. 資產價格的泡沫可以透過加息去剌破. 美國房地產的泡沫因著自2004年中開始的14次加息而破滅. 中國央行今年已經加左5次息, 而A股市場的反應係繼續上升. 大家應該聽過溫水煮田雞, 不可輕視加息的累積效應. 除左加息, 中央仲有很多招數可以出, 包括上調存款準備金率, 發行央行票據, 提高股票交易印花稅率, 推行資產增值稅, 減持國有股增加流通量, 容許國內投資者通過QDII或資金自由行將資金投資境外. 如果你問筆者國內A股有無泡沫, 筆者一定答有. 想像下, 如果你將一個小朋友困在房間裡, 什麼玩具都無, 只有一個氣球, 我相信個小朋友都會拿氣球來吹吹. 至於泡沫幾時會破滅, 筆者自問無能力去準確預測.

http://mrmarketofhk.blogspot.com/2007/10/3_21.html

今次牛市3期的徵兆(現象)

網誌日期：10/21/2007 10:53:00 PM

1. 城 市 論 壇 以股市為主題http://www.rthk.org.hk/rthk/tv/city_forum/20071007.html

2. 新聞透視 (唔係財經透視)以全民皆股為主題http://www.youtube.com/watch?v=rTkWyfxE4T0&feature=PlayList&p=8498214E155537FD&index=

03. 少年股神出現在報紙頭版http://www1.appledaily.atnext.com/template/apple/art_main.cfm?iss_id=20071019&sec_id=4104&subsec_id=11866&art_id=10311054

4. 股神沽857自嘲賣 得 太 快http://www1.appledaily.atnext.com/template/apple/art_main.cfm?iss_id=20071020&sec_id=15307&subsec_id=15320&art_id=10314543

今次牛市3期可以持續幾耐, 1年, 2年, 我唔知, 不過見到以上的徵兆(現象), 我更加堅信現時增持現金至30%係正確的做法.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/