台灣yahoo: http://tw.myblog.yahoo.com/mr-market/
香港yahoo: http://hk.myblog.yahoo.com/mr-market/
下一站，牛津
2 年前
星期六, 1月 26, 2008
匯豐會減少派息嗎?
匯豐會減少派息嗎? 這是最近多人關心和經常問的問題. 匯豐一直實行累進式以及穩定可持續性的派息政策. 舉例, 如果有一年盈利大升100%, 那一年的派息唔會因此增加100%, 可能只會增加20%派息, 相反, 如果有一年盈利下跌50%, 那一年的派息也唔會減少50%, 但派息增長率可能會減少, 例如係改為增加10%派息. 事實上, 從過去10年的派息記錄睇到, 即使發生亞洲金融風暴, 911, 沙士呢d重大事件, 匯豐的派息仍然平穩地增長. 而且每年的派息有接近40%又以"以股代息"的形式回流到公司的資本帳. 所以我睇唔到匯豐銀行有減少派息的需要. 不過, 我只係一個平凡的小股東, 並非先知, 也無內幕消息, 純粹自己估計, 最終會如何, 睇3月3日公佈的業績吧.
台灣yahoo: http://tw.myblog.yahoo.com/mr-market/
香港yahoo: http://hk.myblog.yahoo.com/mr-market/
台灣yahoo: http://tw.myblog.yahoo.com/mr-market/
香港yahoo: http://hk.myblog.yahoo.com/mr-market/
訂閱：
張貼留言 (Atom)
先生覺得亞洲金融風暴同次按比邊個嚴重?我覺得前者
回覆刪除joe,
回覆刪除身在亞洲者，會覺得亞洲金融風暴好嚴重。身在美國的話，同樣會覺得次按好大鑊。 ^^
市場先生,
用美元或港元計算，匯控的派息增長非常穩定，每年最少增加10%。 但如果用英鎊計算的話，由於匯率問題，派息的增長其實是非常飄忽的。 唔知係咪因為咁，歐洲的投資基金，對匯控特別多批評。[當然，大家都明白，匯控係用美元做年結的，近年歐元/英鎊對美元升值，自然會有這個情況。]
以下是匯控近9年的派息比較(以英鎊計算):
1998 £0.188000 +12.57%
1999 £0.211630 +12.57%
2000 £0.299706 +41.62%
2001 £0.327035 +9.12%
2002 £0.333977 +2.12%
2003 £0.345116 +3.34%
2004 £0.353609 +2.46%
2005 £0.403367 +14.07%
2006 £0.419382 +3.97%
呢20年試過3次
回覆刪除先生請問你將會在哪一個價位再入匯豐呢?
回覆刪除我唔覺今次會減少派息~~~~~~
回覆刪除你睇 03年o個一疫就知!
如果減少派息可能幫自己間好公司渡過難關. 我願意.
回覆刪除其實我個人唔想佢派多息,留番多D錢去做多D good deal.
先申報利益，我在108元時買了一手匯丰
回覆刪除我仍在學看公司報表。我只知匯丰手頭有水，估計是有能力應付0.17美元的季度派息。若各種因次按引發的危機已作出部署，2008年度每季仍排0.17美元的季度派息在我來看已算是最壞的安排。從各種公開資料看，匯丰是已作好部署的。但與其他國際大銀行比，她又有可能是最好！
網友番薯仔的觀點很值得思考，究竟港元與美元掛勾是好事還是坏事呢？
回應joe, 番薯仔 : 人往往傾向認為目前的困難最嚴重, 記得沙士期間有股民接受訪問時話, 當時市道比74年股災更差, 更無希望. 不過74年股災的跌幅係90%, 比沙士股災嚴重好多倍.
回覆刪除回應cande: 我會靠以股代息來增持匯豐. 手上的資金會用來增持其他金融股, 包括945, 2318, 2628, 3328, 3968, 2888.
回應voucher, ngkf: 匯豐每年都保留唔少盈利, 無乜需要減少派息, 當然, 我也贊成唔需要大幅增加派息, 平穩地每年增加5至10%都唔錯.
回應肥魚爸爸:港元與美元掛勾有好處與壞處, 同樣地脫勾也有好處與壞處. 好似係廢話, 不過事實係咁.
其實無論從資本比率、保留盈利或今年盈利預測去推算匯豐今年派息，結果都應該屬正面的。
回覆刪除前幾年匯豐賺大錢時有股東要求董事會提高派息，董事會仍堅持持續增長既派息政策，就係為面對今日類似次按既經營問題。
依家個市況咁"狠"，任何流言或者推論都有人相信。不過作為股東，大家都係等3月3日，由葛霖開估吧啦！
市場先生, 睇左你個blog 都一段時間,
回覆刪除好耐都唔見你post 個幾個組合出黎啦喎, 你個長線同食品組合情況如何? 好想知, 煩請share 下...
市場先生一直強力支持匯豐,小弟都有留意閣下既組合,有幾樣發現.
回覆刪除HSBC 對閣下係退休旨望, 就咁睇, HSBC 為先生賺取最高盈利,估計現價大約有640k , 最高$150 則為過百萬. 但小心睇, 就會發覺先生6年來己投入過百萬本金, 簡單計回報率即使係最高$150, 都只係翻左一翻. 假使HSBC 真的跌至$80, 先生則6年以來都只係平手.
其實為先生獲得較佳回報係, 宏利, 恒生, 中人壽, 平保.
反之, 長線組合中, 表現最差其實就係先生一直推薦既HSBC...小弟估計可見既將來,宏利同恒生先係先生既希望.
HSBC 表現如此, 仲係咪值得咁大力推介呢? 先生係升到$150之前到由$150跌到$10x 都一路推介, 一直對HSBC 深信不疑既投資者, 有幾多人中招呢?
先生平均價仲係低, 持有係正常表現. 但一味強捧HSBC, 就有點不同意
山芭佬系来自马来西亚.
回覆刪除小弟于个日香港大插2000点时,和大口兄他们趁火打劫了汇丰.
或者在马来西亚可以接触到的咨询比较小,所以反而可以比较平静的看汇丰.
至于他今年会不会减少派息,小弟觉得不是一个问题.因为我绝对不会因为他今年减小派息而做买卖.相反如果他今年真系因为减小派息而导致股价大跌.哈!可能我反而会再次打劫5仔.哈!
回應大口仔, 山芭佬 : 非常同意
回覆刪除回應 Frog: 目前持股主要包括金融股: 5, 11, 945, 2318, 2628, 3328, 3968; 飲食股: 2319, 1886. 金融股仍然穫利豐厚, 飲食股就嚴重虧損.
回應無名士: 多謝意見.