第一次飲匯源果汁

今日上深圳的南洋銀行搞提早還款(珠海物業)的事宜. 很多年無去深圳, 發覺過關很快, 我即時申請左用回鄉卡自動過關. 一出羅胡關就有地鐵非常方便.

辦完事之後去東門, 見到有百佳超市便落去行下. 睇下食品飲料專櫃. 見到好多蒙牛產品, 不過我本身唔飲牛奶類產品, 所以無買. 見到匯源果汁, 紙合家庭裝尚算可以, 膠樽500ml的包裝認真老套, 我買左1支果鮮美山楂30%果汁, 2.8蚊人仔, 味道還算可以.

之後去太陽廣場6樓的書店, 買左"蒙牛內幕", 然後去做腳板按摩. 一路做腳板按摩, 一路睇"蒙牛內幕", 感覺都幾正, 一大享受也. 睇左十分一, 覺得牛根生非常勁, 如果蒙牛無左牛根生, 未來會點呢? 仍然期望股價下跌可以買多d.

通常在大陸, 如果想食得豐富d, 我會去大酒樓, 如果想簡單d, 我會去大家樂, 今晚食左個咖哩雞飯, 連可樂, 23蚊人仔.回程仍然坐地鐵, 過關仍然很快.