巴菲特到了中國

晚上睇到網上報導, 巴菲特到了大連, 出席巴郡旗下ＩＭＣ的開幕. 股神表示，旗下投資旗艦巴郡正物色入股亞洲區大型企業的機會，但由於內地市場過熱，未必可找到適合的目標, 巴菲特指出，內地股市持續急升，小投資者應對大市持審慎態度.

巴郡現時持有大把現金, 本來應該係買多d貨, 股神卻作出沽清中石油的行動. 事實上, 股神對中石油的表現頗為欣賞，但股神表示中石油的股價表現已超越其他公司，所以基於估值上的考慮而 悉售中石油股份.

有人辭官歸故里，有人漏夜趕科場. 網上報導中石油A股發行價格區間為每股15至16.7元人民幣. 有估計中石油上市後的價格區間為28至32元, 上市首日有可能到達40元, 而有人更加估計中石油上市後的股價可以升到50元.

股神沽售中石油的平均價估計為12.x, 不計股息回報大約升值6倍幾, 如果A股可以升到50元, 咁H股可能升到25蚊, 即係接股神貨的人有100%的回報, 不過, 對股神來講, 番一番係升值13倍, 即係6.x倍 vs 13倍的分別, 呢d就係複式回報的威力. 問題係, 當你沽出持股之後, 複式回報就中斷左. 所以, 承受估值過高的風險和失去複式回報的風險係投資者在平衡和考慮沽貨還是繼續持股要面對的難題.

目前, 我仍然安分地持有30%現金, 讓70%持股繼續滾動.