筆者和未來老婆參加了婚前輔導, 一共有4次與輔導員進行私人面談的機會, 今日係第一次. 有人問筆者點解要花幾千蚊去做婚前輔導, 有無實際作用架. 筆者認為, 其實, 婚前輔導最重要唔係學到什麼新的觀念, 甚至可以講, 事前筆者可以預計到, 婚前輔導期間所講的信息, 筆者大部分都已經認識和知道. 咁點解仍然要俾錢參加? 其中一個主要目的係同未來老婆, 在步向婚姻的道路上, 多一個共同的經歷, 於是將來, 大家就有一個共同的回憶. 當然, 另一個目的, 係向未來老婆表示筆者對婚姻的重視和認真.
共同的經歷對兩個人的相處非常重要. 筆者曾經問一個結婚無幾耐的同事, 點解佢會嫁俾現時的老公, 佢老公做左什麼事情令佢最感動, 以致願意嫁俾佢. 個同事答, 最令佢心動的事情, 就係佢老公願意親身去經歷和體驗佢喜歡的東西和事情. 例如, 如果有一樣食物佢好鍾意食, 佢老公就會去食, 因為佢老公想了解點解佢鍾意食呢樣野, 佢老公想擁有與佢相同, 對呢樣食物的喜悅和體驗. 另外, 如果有種運動佢很喜歡玩, 佢老公就會陪佢玩, 因為佢老公想了解點解佢鍾意呢種運動, 佢老公想感受到當佢玩呢種運動帶來的同一種感覺. 每一樣佢喜歡的野, 佢老公都會親身去體驗. 個同事話, 當你知道有一個人如此在乎你的感覺和感受時, 你就會好感動.
所以, 把握機會, 多d和身邊人一齊做一些事情, 多一些共同的經歷, 多一些共同的回憶, 相信, 彼此的感覺會更加甜蜜, 彼此的關係會更加親近.
台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/
對於從未結過婚的人, 對婚姻有憧境, 可以明白。。。
回覆刪除你又有冇問下那位結婚無幾耐的女同事? 會不會做些令老公感動的事? 去維繫這段婚姻, 一廂情願的事, 不長久…
I am also going to get married soon. May I know which 婚前輔導 you two go?
回覆刪除Jonathan
回應Lavigne : 做一些事情令老婆開心, 並非單單為了維繫婚姻, 愛一個人, 你都想佢快樂和幸福, 唔一定要講條件.
回覆刪除回應Jonathan : 家計會有婚前輔導, 如果你係基督徒, 可以參加教會舉辦的婚前輔導.
同意.尤其是另一半是有得選擇的時候.
回覆刪除剛剛知道有個老死離了婚.以前佢地兩個好match, 大家有共同嗜好,佢結婚當晚個part 舞我仲好記得.
其中一個分開既原因,應該係女方就個男方太多.
所以先生好正確.大家要共同經歷,投入同誠實.兩個家庭走在一起可以是1+1=3 亦都可以是1+1=1.5
市塲先生:
回覆刪除你有沒有想想? 從今以後, 都是你單方面做一些事情令老婆開心, 漸漸你說的unconditional love, 唔講條件, 可否堅定不移?
而家講緊一生一世的婚姻…將來還有小朋友呀!
要維繫一段美滿婚姻, 好高學問.
從來相愛容易, 相處難。。。
Lavigne: I understand what you mean and I think your interpretation is quite true.. Support your idea..... Forget about it, man.. In this world, there are people of different "levels".
回覆刪除Mr Market: Congratulations!
回應Lavigne: 我絕對認同美滿婚姻需要相方的委身和commitment, 不過, 如果太過著重睇對方為你做幾多, 自己才願意付出幾多, 而如果大家都係持有咁樣的想法, 結果就會越來越唔願意首先付出, 或就住就住咁付出, 惡性循環. 相反, 如果有一方願意主動唔計較地先付出, 就有機會有良性循環的效果.
回覆刪除十分認同先生講法。:)
回覆刪除我都想搵到個好似你咁好的老公呀。(流口水中)
先生,芝芝年紀和你相近嗎?
回覆刪除我這個老死同佢個Ex 差10年.
hi,
回覆刪除I don,t know how to leave comment. Thanks
can i subscribe to ur blog? i can't find such a function here?
回覆刪除小弟十分佩服先生對未來太太的心思！！小弟從未對太太有如此心思，兩夫婦相處的確是一個很大的學問。
回覆刪除很同意你參加婚前輔導~
回覆刪除這是大家較認識對方及自己的時間~
有共同的活動都十分重要! ^^
你地幾時結婚呀? ^^
非常同意市場先生所講, 我老公亦是首先對我無條件付出, 現在我對他或他的家人也是非常感激的. 可以結作夫妻不容易, 我地要珍惜機會努力讓對方幸福.
回覆刪除祝市場先生幸福快樂!!
Hi Mr. market,
回覆刪除我也是基督徒,二人同心一起走是很快活的.這是我多年的经歷.
有些問題請教:
1.我有二個物業,一個己供完(升值潛力很低)出租,号一個供了兩年(升值潛力也不高)自住,現我想出售出租的物業,去換#2628,先生有何看法呢?
2.#941可否视為永久組合呢?
3.期望看到先生的逃出賭徒经歷.
paulman
回應秋, 柏金遜: 在婚姻事上, 我仍然有好多野要學習.
回覆刪除回應ngkf: 未來老婆的私隱, 唔講得.
回應kinki_ngenius : sorry, 我都唔知點subscribe
回應Skynakata : 今年之內.
回應無名士: 多謝你的認同和祝福.
回應paulman: 如果俾我自己選擇, 我唔會買樓收租 (自住就會), 投資我會選擇股票. 2628當然係好的選擇. 我唔會將941加入永久組合. 有機會會寫脫離賭徒的經歷.
當然唔係要在網上透露啦. 呢個係一個反思既問題.
回覆刪除若果年記相差太遠. 女方心智成熟的時候男方停了下來問題就來了
所以終生學習除了在學問方面,智慧養成都同樣重要.
祝先生有個美滿婚姻
靠"無條件付出"和"感激"的婚姻很難維持得久.
回覆刪除回應ngkf: 非常認同美滿婚姻係終生學習的功課.
回覆刪除回應無名士: 靠"無條件付出"和"感激"的婚姻很難維持得久 ==> 我唔可以話你錯, 不過有機會我可以再詳細d討論呢個topic.
唔係個個人都會欣賞你咁嘅諗法．
回覆刪除你好好彩，個女朋友會咁樣欣賞你對佢嘅心意．