筆者於07年12月5日買入20萬匯豐ELI, 由於4月7日(4月5日係星期六)匯豐的收市價高過贖回啟動價128.674, 所以贖回機制已經啟動左, 今日已經見到20萬資金轉入銀行戶口. 今次用左4個月時間, 一共賺左6942蚊利息, 相當於年利率10.41%.
當日(指07年12月5日)筆者唔用20萬來買股票, 因為當時恆生指數係29,345.45點, 市場公認優質的股票例如941中國移動股價係145蚊, 2628中國人壽股價係44.2蚊, 3968招商銀行股價係36.85蚊, 2318平安保險股價係89.2蚊, 這些優質股當時的股價並不吸引, 所以筆者當時的選擇係存錢於銀行, 還是買匯豐ELI, 結果筆者選擇後者.
現在20萬資金連本帶利已經回籠, 今日恆生指數收23,984.570點, 中資金融股股價也比當日回落左唔少, 現時筆者反而有興趣將回籠的資金買入中資金融股.
另外想講, 筆者投入股市至今都有十幾年, 期間難免有做錯的買賣, 愚蠢的買賣, 失敗的買賣, 筆者出書也好, 寫網誌也好, 只係分享自己多年來投資買賣的經歷和見聞, 筆者從不介意將犯錯或蝕錢的經驗公開, 筆者甚至可以肯定未來也會繼續有做錯決定的可能性. 不過, 筆者有信心, 這些錯誤, 無論係已經犯左, 或者將來會犯的, 並不會影響最終達至財務自由的結果. 當然, 筆者會繼續努力學習別人的優點, 學習更多的知識, 最重要係吸取過去失敗犯錯的教訓, 不斷自我完善.
台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/
筆者會繼續努力學習別人的優點, 學習更多的知識, 最重要係吸取過去失敗犯錯的教訓, 不斷自我完善
回覆刪除-->為自己剩餘的資金找增值的途徑，絕對同理! 先生此言反映出你是個謙虛和願意學習的人，是投資者的典範，繼續努力!! (拍掌)
請問近期 (Barclays) promote 的 4-in-1 及 商品 funds 可取嗎 ? 因早前常收到兩間銀行 (大新 & 豐明) promote 的高息外幣及金的單張, 如 apply 更要在短期之內. 其後該兩項卻即從高位回落, 有讓人接火棒之嫌.
回覆刪除另 閣下對 Jim Rogers 所預言的商品將續升有何看法 ? 如美元仍處弱勢, 則他所言屬實. 然而, 他有出自己的商品 funds, 有沒有存在私心的可能 ?
K66上
先生實太謙虛矣, 我輩要向你學習之處多的是.
回覆刪除人類當然偶有失敗之時, 最重要是汲取經驗從而作出適當的調整. 透過不斷自我增值, 你必定能做到至臻完美的境界.
K66上
就算先生真係做錯決定,比起通街既羊生羊太,只係小巫見大巫,先生對價值投資既耐性,正係我要學習既地方
回覆刪除失敗是成功之母,年青時跌一跤好易番身.最緊要跌完之後學習.
回覆刪除先生是成功的.
記得先生好像有幾篇文章是講匯豐ELI的, 但click此blog的標籤一功能, 只出了2篇而已, 請問是否還有其他文章的呢?
回覆刪除p.s.想再溫一下先生買ELI的心路歷程~
learn by mistakes... thank you for your sharing. support u. thanks..testingstocks
回覆刪除回應ET仔, ngkf: 多謝支持與鼓勵.
回覆刪除回應K66: 我對商品並無研究, 我傾向直接投資股票.
回應Jo: 我記得大約有3篇文章是講匯豐ELI
會反省檢討既人已經好少, 承認錯誤既人更少, 從錯誤中得到教訓而改過既人少之又少...所以成功既人,又有幾個呢??
回覆刪除唔單只學投資, 更學到做人既態度.
我都希望我係極少數中既一個 !
多謝!